شركة المياه الوطنية..أنواع المخالفات..الحذر الحذر

[قناص بغداد]

بس يشمون ريحة تسرب يفقعون عدادك بقسيمة 200 ريال ثم الله يعينك ع السداد..المشكلة البيوت أنواع الغبار بشكل يومي وما ينفع لا كنس ولا مسح..والموية بالقطارة تصب.
سألت موضف اليوم وش فايدته قال مطلوب من المراقب 17 قسيمة يوميآ ولو ماجبتها ترحل لليوم اللي بعدة وآخر الشهر تصفية إما بونص أو إنذار ثم حسم(مدري هو صادق والا لا)!!
الشي الثاني 24 ساعة مراقبة مايمديك تتش موية الفجر.. في القوايل ..مسيان.. الا هو مسنتر!والمخالفة جاهزة!
الله يعين وبس!

[تنفيذ]

هل هذه الشركة مقرها على طريق الملك فهد تقاطع الثلاثين (سلطان)

[العطر]

وانا اؤيدهم وبقوه لان عندنا ناس ما تقدر المويه

جاري له ثلاث ايام والمويه تطلع من بيته ما ادري وش يسوي ليتهم يصكونه بعشر مخالفات الحاره غرقت بسببه الله يهديه

[Flawless]

الأولى ان يكون التنظيف بممسحه وسطل مويه,,, حوش البيت مساحه 900 يمسحه السواق يوميا وما يحتاج يغسله ابدا!

والله يجزاهم خير على الشده في النظام لأن للأسف فيه ناس ما تقدر النعمه.

[ابو نور]

احسن والله اهماااااااااال في الماء من الناس تقول عايشين في جوار نهر الدانوب وحنا في اصحر ارض في العالم

[سهمكو]

صدقني مو من الشركة هذا واحد من جيرانك شكله مغسله سيارته وانت الله يهديك حولت الشارع لمسبح طبعاً الرجال انقهر ان نظافة سيارتة اندمرت ، رفع الجوال واتصل عل الشركة وبلغ عنك .
تاكد من هو اللي من جيرانك كان مغسل سيارته يوم اخذت المخالفة من الشركة

[قناص بغداد]

صدقني مو من الشركة هذا واحد من جيرانك شكله مغسله سيارته وانت الله يهديك حولت الشارع لمسبح طبعاً الرجال انقهر ان نظافة سيارتة اندمرت ، رفع الجوال واتصل عل الشركة وبلغ عنك .


تاكد من هو اللي من جيرانك كان مغسل سيارته يوم اخذت المخالفة من الشركة

لا اعتراض على الخطأ إن وجد..الكلام على الإنتباه..:confused: 200 ريال تعشيك انت وعيالك اصرف من ان تروح لصندوق الشركة:)

[علاء]

انا امس اشيك الفاتورة فيها 400 ريال وبعد الاتصال على الرقم المجاني 8004411110 افادوا انه عليك مخالفتين في يوم واحد قلت لهم طيب ابغى اعترض قالي تروح الفرع اللي في المربع او حسب موقع الحي اللي انت ساكن فية بس العجيب كيف مخالفتين في يوم واحد قالي الموظف حق الهاتف المجاني اذا رحت تبغى تحصل المخالفات مع الصور

[abu salim]

أخوي القناص

والله بعض الناس يستاهلون الغرامة

أحد جيراني الماء يجري 24 ساعة ويمر من أمام بيتي
والسيارات تخوض فيه وترش على سيارتي .

والمارة واللي يروحون للمسجد لازم يرفعون ثيابهم

والله ودي ابلغ عنه ومستحي .

[قناص بغداد]

هدر الماء بلا شك أنه هدر للثروة الوطنية وقبل ذلك مخالفة للشريعة الإسلامية بالنهي عن الإسراف حتو ولو كنت على نهر جار
لكن المخالفة كبيرة لو 50 ريال مايخالف وموضوعي فقط تنبيه لاأكثر

[sMile]

بس يشمون ريحة تسرب يفقعون عدادك بقسيمة 200 ريال ثم الله يعينك ع السداد..المشكلة البيوت أنواع الغبار بشكل يومي وما ينفع لا كنس ولا مسح..والموية بالقطارة تصب.
سألت موضف اليوم وش فايدته قال مطلوب من المراقب 17 قسيمة يوميآ ولو ماجبتها ترحل لليوم اللي بعدة وآخر الشهر تصفية إما بونص أو إنذار ثم حسم(مدري هو صادق والا لا)!!
الشي الثاني 24 ساعة مراقبة مايمديك تتش موية الفجر.. في القوايل ..مسيان.. الا هو مسنتر!والمخالفة جاهزة!
الله يعين وبس!


الحل السريع والناجع، ركب صفايات عند الأبواب عشان الموية تروح تصريف وماتطلع للشارع. وساعتها ماراح احد يشوف قطرة ماء بالشارع.

لكن حط بإعتبارك قطرة الماء غالية. (إن الله لايحب المسرفين) (لاتسرف ولو كنت على نهر جار).

[مستثمر عقاري]

يجب ان تكون المخالفة لأجل الترشيد وليس الجباية لكن انا اشوف ان من ينظف بيت بالماء مباشرة فأنه يستحق الغرامة لأن من الأولى ان التنظيف يكون بممسحة مبلله بالماء وليس الماء فقط.

[الوسط]

يجب ان تكون المخالفة لأجل الترشيد وليس الجباية لكن انا اشوف ان من ينظف بيت بالماء مباشرة فأنه يستحق الغرامة لأن من الأولى ان التنظيف يكون بممسحة مبلله بالماء وليس الماء فقط.

مشكور ياقناص على التنبيه
لايوجد ادنى شك ان المخالفات بوضعها الحالي من اجل الجباية , والا ما المانع من الصاق رسالة تنبيه على عداد الماء للمخالفة الاولى , وان عاد للمخالفة الثانية تسجل مباشرة غرامة مالية.