ودي اركب كاميرات مراقبه لمنزلي .. من باب الاخذ بالاسباب والحامي الله

[خالد الحربي]

السلام عليكم

ودي اركب كاميرات من النوع اللي تدخل عليها من النت .. احد خابر لي مكان كويس في الرياض؟ وهل منكم احد مجربها ؟ وكم اسعارها؟

ارجو المشاركه لتعم الفائده ..

[منبدري]

شف جريدة الوسيلة
والمبوبة
فيهم بعض الاعلانات
عندك محلات الذهب احسن من يعطيك اللي تدور عليه لانهم مركبيها في محلاتهم
المحلات اللي تبيعهن حرامية يبيعون ابو 1000 ريال بخمسة وفوق، اكثرهم شوام
سرقه في وضح النهار
اذا تبي الاصلي عندك GE و honywell
جبتهن انا من امريكا ماكلفتني 1300 دولار مع كل العده لكن اشتريتها بشكل شخصي وجبتها معي ،
تحصل صيني واصلي
الاصلي في ديرتنا اقل شئ 15 الف زي اللي حصلت انا ب اربعة الاف ريال

وما الومك
دخلو عندي الحرامية مرتين
شرطة واستخبارات كلهم كلمتهم واعرف ناس واصلين ، ولا عندك احد
هندي راعي ليموزين ينسرق تلاقيهم من بكرى بالجريده مسكنا واحد سطى على ليموزين وسلبه ماله
لكن مواطن ينهب كل حلاله ، عادي
يقول الضابط : اذا مافيه اعتداء على النساء في البيت احمد ربك ورح. تصور هذا منطقهم وزارة الداخلية الفاشلة بفشل العاملين فيها وانظمتها.
لازم تكون من اللي هم علشان يحمونك

[جهبل الداهية]

جاك العلم
ركب كمرات من محلات ابو ريالين تمويه فقط لانهم يسرقون السيارات و
يضحكون لك في الكمرة يعني ما همهم :mad:
الافضل ركب لمبه حساسة تولع للي يقترب من الباب ويحسبك انت مولعها وذي بعد يعرفونها المحترفين منهم :mad::mad:
الافضل والحارس ربك
ركب اجراس ولمبات خارج المنزل او ما يفتح الباب تطلع اصوات دورية تقوم عليها كل الجيران :D:D:D
دعواتكم
للمعلومية انا لحقته بالمشايات ( السور ) ورميت المسدس فوق وطاح وقمت وكسرت رجليه الثنتين بخشبه وشالوه في اسعاف رجليه كنها شرابات ولكن مسدسي خذته الشرطة ولا عد باقي عندي الا الكلاشنكوف :mad::D:D

[ابوعبـــدالله]

سمعت انها ممنوعه على المنازل الخاصة ... فهل هذا صحيح ؟؟؟

[خبره]

فيه محلات بالدائري الشرقي بين مخرج 13 و12 متخصصة بس غاليه شوي
فيه محل بشارع بالملز امتداد طريق الامير عبدالله ( قبل لايصير ملك ) الشارع فيه محلات كهرباء في نهايته من غرب مقابل البنك العربي فيه مؤسسة اسمها الشاهين اسعارهم معقوله
الكميرات اللي تطلبها تشتغل على النت وتدخل عليها من اي مكان عن طريق الاي بي ادرس
http://www.dealtime.com/-ip+camera
وومكن تسجل على رسيفر خاص الهادرديسك فيه 1 تيرا ويسجل لك اكثر من 80 يوم

النقطة الأخيرة تقدر تتحكم بكاميرات IP من خلال برنامج Active WebCam
البرنامج يعمل مع اي كاميرا وطريقة التوصيل فيما يختص بكاميرات ip يكون هناك سلك مربوط مع محطة طرفية و محطة استقبال تبث لاسلكي الى الكامير المثبته حيث يأتي انواع من كاميرات ip تكون من جزأين محطة استقبال ومحطة ارسال حيث تربط السلك من الكمبيوتر الى محطة الاستقبال اللي تبث لاسلكي الى الكاميرا اللي ممكن تحطها مثلا عند مدخل الباب او اي تبيه وهي تبثه لك على محطة الاستقبال

اذا توفرت عندي اي معلومات جديدة او مفيده راح ازودك فيها
وانا مهتم في هالموضوع وناوي في الرحلة الجاية للصين ابحث عن الاجود والاحدث واجيبها لانها اصبحت مطلوبة وضرورية
انصحك بالتسمية وذكر الله سبحانه في الدخول والخروج وفيه ادعية للحفظ والحامي الله سبحانة

[جلنار]

موضوع جدير بالمتابعه

[تاجر البندقية]

والله انا ماعرف بالامور هذي! لكن نصيحة تسال عن صاحب الشركة التي تدير نظام ساهر واكيد يبي يفيدك بكل الطرق!!!!!!!!!؟؟؟؟؟؟؟؟؟

[الخاص]

إذا خرجت من منزلك قل هذه العبارة ( اللهم إني أستودعتك أهلي وبيتي ومالي فأحفضهم يا رب )

[سراب سهم]

عَنْ أُمِّ المُؤمِنِينَ أُمِّ سلَمَةَ رضي اللَّهُ عنها أن النبيَّ صَلّى اللهُ عَلَيْهِ وسَلَّم كانَ إذَا خَرجَ مِنْ بيْتِهِ قالَ : « بسم اللَّهِ، توكَّلْتُ عَلَى اللَّهِ، اللَّهُمَّ إِنِّي أعوذُ بِكَ أنْ أَضِلَّ أو أُضَلَّ ، أَوْ أَزِلَّ أوْ أُزلَّ ، أوْ أظلِمَ أوْ أُظلَم ، أوْ أَجْهَلَ أو يُجهَلَ عَلَيَّ » رواه أبو داود والتِّرمذيُّ.

[حبيب الملايين]

فيه مؤسسة قديمة في السوق اعرفها معرفة تامه وثقة جدآ وصاحبها سعودي واقف على شغله واسعاره رخيصه جدآ ويعلمك الزين وكذك المناسب لك. واذا احتجت شئ ترا امون عليه وبعطيك رقم جواله ورقم المؤسسة

اذا حبيت راسلني عالخاص وابشر . والله يوفقك

[الزنبرك]

حتى البنقال تطوروا قبل ما يسرق يلبس قناع :cool:

[خالد الحربي]

شف جريدة الوسيلة
والمبوبة
فيهم بعض الاعلانات
دخلو عندي الحرامية مرتين
شرطة واستخبارات كلهم كلمتهم واعرف ناس واصلين ، ولا عندك احد
هندي راعي ليموزين ينسرق تلاقيهم من بكرى بالجريده مسكنا واحد سطى على ليموزين وسلبه ماله
لكن مواطن ينهب كل حلاله ، عادي
يقول الضابط : اذا مافيه اعتداء على النساء في البيت احمد ربك ورح. تصور هذا منطقهم وزارة الداخلية الفاشلة بفشل العاملين فيها وانظمتها.
لازم تكون من اللي هم علشان يحمونك
متابعة الوسيله فكره حلوه .. اشكرك
وما شاء الله عليك متسلح بكلاش ...

[ابو زيد السروجي]

انا اتمنى اجد كميرا يتم ادخال شريحة جوال فيها وتكون موصوله بالكهربا وفيها بطاريه حتى تعمل الكميرا عند انقطاع الكهربا عنها

من طرق الاستفاده من الكميرا:- الاتصال على رقم شريحة الجوال والرد التلقائي لتتمكن من رؤية المكان في شاشة الجوال

[خالد الحربي]

فيه محلات بالدائري الشرقي بين مخرج 13 و12 متخصصة بس غاليه شوي
فيه محل بشارع بالملز امتداد طريق الامير عبدالله ( قبل لايصير ملك ) الشارع فيه محلات كهرباء في نهايته من غرب مقابل البنك العربي فيه مؤسسة اسمها الشاهين اسعارهم معقوله
الكميرات اللي تطلبها تشتغل على النت وتدخل عليها من اي مكان عن طريق الاي بي ادرس
http://www.dealtime.com/-ip+camera
وومكن تسجل على رسيفر خاص الهادرديسك فيه 1 تيرا ويسجل لك اكثر من 80 يوم

النقطة الأخيرة تقدر تتحكم بكاميرات IP من خلال برنامج Active WebCam
البرنامج يعمل مع اي كاميرا وطريقة التوصيل فيما يختص بكاميرات ip يكون هناك سلك مربوط مع محطة طرفية و محطة استقبال تبث لاسلكي الى الكامير المثبته حيث يأتي انواع من كاميرات ip تكون من جزأين محطة استقبال ومحطة ارسال حيث تربط السلك من الكمبيوتر الى محطة الاستقبال اللي تبث لاسلكي الى الكاميرا اللي ممكن تحطها مثلا عند مدخل الباب او اي تبيه وهي تبثه لك على محطة الاستقبال

اذا توفرت عندي اي معلومات جديدة او مفيده راح ازودك فيها
وانا مهتم في هالموضوع وناوي في الرحلة الجاية للصين ابحث عن الاجود والاحدث واجيبها لانها اصبحت مطلوبة وضرورية
انصحك بالتسمية وذكر الله سبحانه في الدخول والخروج وفيه ادعية للحفظ والحامي الله سبحانة
ما شاء الله عليك اسم على مسمى

[خالد الحربي]

اخوي الخاص ... سراب السهم .. ونعم الكلام

بس الاخذ بالاسباب ومن ضمنها الدعاء واجب ...

[خالد الحربي]

انا اتمنى اجد كميرا يتم ادخال شريحة جوال فيها وتكون موصوله بالكهربا وفيها بطاريه حتى تعمل الكميرا عند انقطاع الكهربا عنها

من طرق الاستفاده من الكميرا:- الاتصال على رقم شريحة الجوال والرد التلقائي لتتمكن من رؤية المكان في شاشة الجوال

يبيلك تعمل براءة اختراع .. ما شاء الله عليك

[خالد الحربي]

حتى البنقال تطوروا قبل ما يسرق يلبس قناع :cool:

البنغال اساس البلاء الا من رحم الله

[خالد الحربي]

والله انا ماعرف بالامور هذي! لكن نصيحة تسال عن صاحب الشركة التي تدير نظام ساهر واكيد يبي يفيدك بكل الطرق!!!!!!!!!؟؟؟؟؟؟؟؟؟

نظام ساهر مركبينه على ميكروباص ابيض ويصور على الملأ ويقولون سري !!

[ابو المحاميد]

للمعلومية انا لحقته بالمشايات ( السور )
ورميت المسدس فوق وطاح
وقمت وكسرت رجليه الثنتين بخشبه
وشالوه في اسعاف رجليه كنها شرابات
ولكن مسدسي خذته الشرطة
ولا عد باقي عندي الا الكلاشنكوف

:mad::D:D





الله يحفظنا والجميع بحفظه يا الداهية ...
ضروري نعرف في أي حي أنت ساكن !!!

وبعدها نفكر !!!
إما نسكن بجوارك ... للأمان !!!
أو ما نقرب هذاك الحي ... فالإحتياط من المصادفات واجب !!!

أجل ما بقي إلا الكلاشنكوف !!!
:cool: :confused: :cool:

[متفائل الكسب]

وما الومك
دخلو عندي الحرامية مرتين
شرطة واستخبارات كلهم كلمتهم واعرف ناس واصلين ، ولا عندك احد
هندي راعي ليموزين ينسرق تلاقيهم من بكرى بالجريده مسكنا واحد سطى على ليموزين وسلبه ماله
لكن مواطن ينهب كل حلاله ، عادي
يقول الضابط : اذا مافيه اعتداء على النساء في البيت احمد ربك ورح. تصور هذا منطقهم وزارة الداخلية الفاشلة بفشل العاملين فيها وانظمتها.
لازم تكون من اللي هم علشان يحمونك

تصدق أن ولد خالي معطيهم رقم سيارة خوي السارق وحروفها بالانجليزي لأن الي شاف السرقة العمال حقينه في الشارع وقسما بالله يقول له ضابط في شرطة (...... ) شمال الرياض - وهو يعرف اسم الضابط رباعي - يقول له الضابط : عطنا الحروف بالعربي حتى نطلع لك اسم صاحب السيارة حتى نجيبه , يقول له : ماتعرفون وش المرادف لكل حرف بالنجليزي يقول : لا تختلف وماندري وش مرادفها ... وجلس يجادله 20 دقيقة ويصرف ولا يبي يسوي شيء أبداً ...

ضابط كذاب ولا وده يشتغل ويصرف الموضوع ويجيه الرجال بعد أسبوع ولا سوى شيء وهو يعرف نوع السيارة ولونها وحروفها وأرقامها والسيارة هي الي نزلت السارق الي باشر السرقة و السارق معروف 100% من شكله ووجهه ويقدر يتصل على بيته ويجيبه بسهولة والسيارة ملك لخوي السارق وغير مسروقة وأكبر دليل أنه لم يهرب من مسرح الجريمة وإنما صاحبه الذي باشر السرقة هو الذي هرب وتبرأ صاحب السيارة أمام العمال من السارق وأنكر أنه يعرفه مع أنه كان معه في السيارة ... والشرطة لم تحرك ساكن بسبب ضابط غبي متخلف خائن للأمانه ...

بعد أسبوعين رجع قريبي وأعطاه الأرقام والحروف بالعربي حتى يحجه في استهتاره , تدرون وش قاله : قال راجعني بكره ...

بالله هذا ضابط وإلا حرامي !!!!!!!!!!

طبعاً لو أنا مكانه كان عرفت أأدب الضابط هذا المتخلف والخائن للأمانة والله لأعلقه من كراعينة طبعاً مهوب بيدي بل بيد الأمير محمد بن نايف , يذب بدلته عليه وخل ال3 نجوم تنفعه ... ووالله لأخلي رئيس المركز هذا ينتفض من الخوف ... أجل بالله هذي أمانه , لكن ولد خالي حبيب وطيب ولا يبي شر وقلت له عطني الضوء الأخضر لأدب الضابط قالي لا خلنا نشوف نهايتها وش بيسوي ...

[ابونوف]

وردك اليومي هو الحافظ بعد الله

[الوادي المبارك]

شوف هذا الموضوع راح يفيدك .. جداً وهو المعمول به في غالب الشركات الأوروبية وغيرها .. شخصياً أعرف قريب لي ركب أكثر من 12 كاميرا مع المراقبة عن طريق برنامج DVR.. فكان يراقب المحل والمصنع الموجود في تركيا وهو في السعودية بكل وضوح ولم يكلفه كل هذا إلا قرابة 10 ألاف ريال ..

وتفضل هذا الرابط يفيدك إن شاء الله كثير

http://www.ok-iraq.com/vb/showthread.php?p=525846

[عروق الشمال]

الله يستر كل يوم نسمع عن سرقات وكأن الموضوع اصبح عادي
مع انتشار البطالة وكثره العمالة
يعطيك العافية على الموضوع