بعد اذن الإداره الكريمة " ممكن خدمه بخصوص القرض العقاري "....................

[الأسود]

اخواني الكرام


السلام عليكم ورحمة الله وبركاته


اخوكم اليوم راح الصندوق العقاري يبي يشوف متى ينتهي موعدي لأني ناوي ابني وبشوف لا يفوت الوقت وانا ما ادري


المهم اعطيت الموظف الرقم قال هذا ملغى من شهر 12 واخوكم يدربي رأسه ما حسب صح


قلت والحل قال قدم من جديد !!!!!!!!!!!!!!!!!
ضفيت رقمي وطلعت .


فيه واحد من زملائي يقول ممكن تقدم اعتراض او طلب ويرجع لك .


هل فيه احد عنده خلفيه عن هذا الوضع ؟
وهل فيه احد ممكن يساعدني في هذا الوضع ؟


شاكر للجميع مقدماً ؛؛؛؛

[aboragad]

اللي أنا أعرفه أن لك سنة كاملة .. واذا ما أخذت القرض تقدر تمدد سنة ثانية فقط

[البدراني]

لا تضيق صدري اسمي طلع من سنة ونصف حسب ماسمعت ان لك مهلة سنتين للتنفيذ والا يسقط عنك مالم تقم بمراجعة الصندوق وطلب تأجيل التنفيذ لسنة يمكن تمديدها قبلها نهايتها الى سنة أخرى.
حسبما سمعت هناك نسبة كبيرة من وصلهم الدور طلبوا تاجيل تنفيذ القرض والبركة في حيتان الاراضي السكنية
يرفع الموضوع لاهميته

[aboragad]

هذا تلفون صندوق التنمية العقاري كلمهم وبيفيدونك
4792222
وسنترالهم لك عليه يعني اذا ما شبك من اول اتصال وأعطاك المسج وإلا كرر الإتصال عليهم
علما بأن أخر رقم صدر في مدينة الرياض هو
130431

[الأسود]

الف شكر للجميع

لكن انا لي سنتين على كلامهم وما مريت عليهم ابد وما مددت

هذه مشكلتي
يقولون لك سنه ثالثه لو مريت قبل ينتهي ومددت نمدد لك سنه ثالثه

[الجوت الجوي]

الف شكر للجميع



لكن انا لي سنتين على كلامهم وما مريت عليهم ابد وما مددت


هذه مشكلتي

يقولون لك سنه ثالثه لو مريت قبل ينتهي ومددت نمدد لك سنه ثالثه

هلا وغلا قدم مرة ثانيه ويسولك معادله يطلع اسمك بعد سنه الى 3 سنوات

[الأسود]

هلا وغلا قدم مرة ثانيه ويسولك معادله يطلع اسمك بعد سنه الى 3 سنوات


هلا بك اخي الجوت الجوي

انا سألت الموظف قلت وش اسوي هالحين
قال قدم من جديد
قلت يعني طلب جديد
قال نعم

عموما فيه واحد من الشباب سألته قال انا صار لي مثلك قبل كم سنه وقال ثدم من جديد ويسوون لك وضع خاص ينزل اسمك بعد سنه او قريب منها يعني نفس كلامك

انا ان شاء الله بروح لهم بكره وبشوف وش بيكون ردهم

الف شكر لك على ردك الكريم

[mdzd]

ابو حمد عندك سبب مقنع انك لم تراجعهم
اذا عندك سبب قدم معروض على الامير سلمان
وحتى لو ما فيه سبب اخلق لك سبب وقدم
واعتقد الموضوع سهل

[الأسود]

كل الشكر للجميع على مشاركاتهم وتفاعلهم

وعلى العموم انا اليوم سويت اتصالات مع كم واحد وحصلت واحد يعمل في الصندوق العقاري وقال لي ما فيه اي مشاكل قدم اعتراض وان شاء الله بعد سنه ينزل اسمك من جديد

[صافولا]

الموضوع ما يحتاج كل هذا
لا معروض للاماره
ولا تضف رقمك وتمشي ما دامك في ادارة الصندوق نفسها
كان الامر في يدك وسهل ... الله يجعل كل امر فيه خير سهل

كان بمقدروك تسأل عن الحل في مثل هالامور
وهو ما حصل مع اكثر من شخص تربطني بهم علاقه
والحل هو بالتقديم من جديد وطلب احتساب المده السابقه
وجهز امورك والمخطط وكلها كم شهر ويطلع قرضك بدون مشاكل

[عادل الوافي]

اللي أعرفه من صديق مثل وضعك بالضبط بصندوق عقاري مدينة بريدة ، مر عليه 3 سنوات وأعادوا له الرقم بعد أن ينتظر سنة كاملة .......

[روشن]

اللي أعرفه من صديق مثل وضعك بالضبط بصندوق عقاري مدينة بريدة ، مر عليه 3 سنوات وأعادوا له الرقم بعد أن ينتظر سنة كاملة .......

شوفوا ياوجيه الخير أنا طلع رقمي أو دوري عام 2006 في الدمام ومنيب قايلكم وش صار وقت النظام القديم لكن بأختصر طبعا كل سته أشهر كنت أروح أتأكد أن الرقم لم يسقط حتى قبل سنه واحده قالوا لي يااخي النظام الجديد يحفظ لك رقمك ودورك بمجرد التقديم مره ثانيه سواء في الدمام (حسب حالتي) أو أي مدينه من مدن المملكه تروح هناك وتقدم ودورك محفوظ في السيستم ويجيك قرضك بعد سنه أو أقل وماعاد فيها نرسل من عندنا وهم يرسلون!!

[الأسود]

كل الشكر والتقدير للجميع على التفاعل مع الموضوع

وبصراحه انا قال لي واحد انك تطلب منهم ويرجعون لك الرقم بعد سنه تقريبا

وحقيقه اعجز عن الشكر للجميع

تحياتي

[روشن]

كل الشكر والتقدير للجميع على التفاعل مع الموضوع


وبصراحه انا قال لي واحد انك تطلب منهم ويرجعون لك الرقم بعد سنه تقريبا


وحقيقه اعجز عن الشكر للجميع



تحياتي


كلامك هو الواقع لأن وضعي نفس وضعك بل نازل الرقم من 2006 وأنا رجال أراجعهم حتى بذيتهم مره عند المدير ومره عند الخفير وانت ماشي وهم يقولون نفس الأسطوانه قدم من محلك أو أي محل في المملكه وينزلك الرقم في غضون سنه واحده.على كلا هم يشكرون على هاللفته لأن كل شي أرتفع الى مايعادل الضعف من عقار أرض وبناء.