جمع قواطي الله يصلحك!

[الفأل الحسن]

بعد انهيار فبراير 2006 انتشرت بين الناس قصة يهودي صعدة ( تاجر القواطي) وكل تلقاها بطريقته الخاصة وكانت اسقاطاتها متعددة وكان نشرها في ذلك الوقت اقناع من لم يقتنع بالفعل انه اشترى علب صدئة مملؤة بالتراب وبالفاعل كانت هي المعادل الموضوعي والسوط المناسب لجلد الذات وقد ارتد المتداول الى نفسه باللوم وتحمل مسؤولية ما حصل علما اننا ما سمعنا بها من قبل ولكنها كانت لزوم من لوازم المرحلة ( القصة موجودة في مشاركات العضو سهم اليوم وقد ختمت بذكر بعض القواطي ) انها السوط الذي يسلم اليك في لحظة الندم لتجلد ذاتك طائعا غير مكره.
اذكر بتلك القصة لانني ارى القواطي تملأ الشوارع شبه مجانية وانني اعتقد ان الاذكيا سوف يجمعونها ثم يقنعوننا ثم يسوقونها بطريقتهم الخاصة ثم يبعونها ثم يغيرون نشاطهم بعد ان يقنعوا اعقل العقلاء باهميتها لمرضى الخرف والشيخوخة وقدرتها على اعادة الحيوية والشباب والصحة واهمية اكل الكافيار...

[THE LEADER]

لمن لا يعرف قصة القواطي اليك القصة,,ادري اكثر الناس تعرفها لكن للي مايعرفها


مكعيل هذا رجل بسيط يماني من صعده .. بلغني انه من يهود اليمن ..


الناس هناك مسوين بسطات حول الجوامع ويبيعون فيها خردوات وحاجات وسلع متنوعة وبسيطة
السيد مكعيل صف معاهم وحط بسطه مافيها شي .. ما غير علبتين مليانه تراب "قواطي متربه" ..!
الناس تروح وتجي وتبيع وتشتيري وذا المهبول كل يوم قاعد قدام ذا العلب ..
لا هو راضي يغير النشاط ولا احد حاول يشتري منه شي ..
هاك اليوم جا احد المحسنين .. وعطف عليه ،
قال له : مكعيل .. وش تبيع ؟
قال : علب "قواطي" قديمة ..
قال المحسن : وش فيها ؟ قال مكعيل : تراب ..!!


الصدق منجاة .. عطاه اياه على بلاطه .. يقول : فيها تراب
يعني بالعقل .. العلب من الشارع والتراب بالشارع ..


اندهش المحسن ..!
قال : طيب اللي يشتريها وش يستفيد ؟
قال مكعيل : لو ما حد شراها منك انا اشتريها ..!
استغرب اكثر المحسن وقال : والله هالمسيكين "شكله منسم" وما عنده غير هالعلبتين ..
ابي اتقرب الى الله وافك عقدته واشتريها منه وخلصنا ..
والصدقة تجوز على ال.....
قال له : بكم هالعلبتين اللي لها سنه عندك ما حد شراها ؟
قال مكعيل : الوحده بريال ..
قال المحسن وهذي ريالين .. يالله هاتهم ..
اخذها وراح البيت ونطلها يمين الباب قبل لا يدخل بيته ..


وتوه ما قعد والا الباب يطق : طقطق طق .. طقطق طق .. كع كع كع .. دجدج دج ..
بغى ينكسر الباب .. قام الرجال مفزوع وفتح الباب بسرعة .. الا مكعيل واقف ومعه حصاة بغى يهبد بها الباب لو ما فتح ...


قال المحسن : شفيك .. شفيك .. خير .. عسى ما شر .. مالك يا مكعييييييل ؟؟؟! "بلهجتهم"
قال مكعيل : العلب اللي شريتها مني ... ، قال المحسن : شفيهم ؟
قال مكعيل : عندك ؟
ناظر المحسن يسار الباب .. شافها منطوله .. قال : ايه .. موجوده
قال مكعيل : تبيعها ؟


اندهش المحسن وفغر فاه .. قال : انا الحين مسوي فيك خير ومخلصك منها ..
تجي تشتري ثانية .! والله ما تلقى احد ياخذها منك بعدي ..


قال مكعيل : اخلص علي .. ابعطيك فيها ربح بس تكفى بعني اياها ..
قال المحسن : وبكم تشتريها ؟
قال مكعيل : بخمسة ريال ..!!!
جن جنون المحسن : وقال يعني دبل السعر وزيادة ..
قال : نعم واذا تبي زود عطيتك بس تكفى جبهم لي ..
قال : المحسن : لا لا كذا كفايه تفضل هاذي العلب لقطهم من عند رجليك وهات الخمسة ..
حط الخمسة بجيبة ومكعيل اخذ العلبتين وروح ..


يوم جا العصر والا هالرجال الطيب معلم جيرانه كلهم عن مكعيل وسوق مكعيل ..


قال لهم : مكعيل هذا يبيع قواطي ولو ما حد شراها منك يجي هو بنفسه ويشتريها منك بدبل السعر ..


اندهش الجميع وبدأ سوق مكعيل يثير فضول الجميع حتى التجار الشطار ..


جوا عنده اليوم الثاني والا هو صاف له 20 قوطي ومعبيهم تراب ...
الناس تطاقوا عنده .. كل واحد يبي يلحق له اكبر كمية قبل غيره ..
بكم يامكعيل ؟ قال : العلبة بخمسة ..!
ما كمل كلمته والا العالم ساحبين كل المعروض ..
اللي لحق علبتين واللي لحق علبه واللي ما لحق شي لانتهاء المعروض على البسطه ...
وما امداهم يدخلون بيوتهم والا مكعيل يطق عليهم الباب : طقطق طق .. دبدب دب .. دجدج دج
ويطلب منهم شراء القواطي بضعف قيمتها .. يعني العلبة بعشرة .. !!!!!
انتشر خبر مكعيل وسوقه ،
ويقوم مكعيل هاك الليلة ويدور بالديرة كلها ما خلى جرف ولا دحديره في قرية صعدة الا فتش فيها عن قواطي قديمة ..
ادخلها بسطته بدون علاوة اصدار حتى ..


وعباها تراب وبسط فيها اليوم الثاني


صار اليوم هذا يوم جمعه .. يوم كثرة الناس واجتماعهم وتسوقهم ،
وهاليوم تحديدا جو الناس وهم متزهلين بالكاش طمعا في سوق مكعيل .
اللي باع ماشيته والا باع بسطة القات اللي تدخل عليه ذهب واللي باع سراويله ..


المهم كلهم وعقب صلاة الظهر اجتمعوا على بسطة مكعيل دون غيره وخلو السوق خاوي على عروشه ، وياتلحق يا ما تلحق


وتكفى يا مكعيل ، وبكم يامكعيل ؟ : قال العلبة بـ 95ريال ...!!!!!!!!
ما كمل كلمتة والا البسطة باللي عليها ممسوحه مسح ..


حتى اللي مالحق باقي مسوي زحمة ومطلع دراهم يبي يذبها على الرجال ..
وهو يقول : خلاص .. خلاااااص مافيش .. مافيش .. تعالوا بكره .. و....ت الطلبات ولكن بدون عروض ..
وبعضهم زاود بعض في القواطي اللي عنده بعشرة وعشرين طمعا في تدبيلة مكعيل ..


عقب هالطقاق وراتفاع اسعار القواطي الفارغة او المليانة تراب الى ارقام فلكية وغير منطقية
جا اليوم الثاني والثالث والرابع ما جا مكعيل ..
طبعا كل يوم يتأخر عليهم .. تفقد من قيمتها شي واجد .. مدري كم تعادل بالنسبة ومن اللي يحط النسبة بس كانت ماشية بالبركه .


راحوا اصحاب القواطي عنده .. قالوا شفيك .. عسى ما شر ما عاد جيت البسطة ولا عاد شريت
ولا شريت .. ولا .. ولا شريت يعني ..!!!!!!!! عسى ما شر .


قال : صحيح .. صحيح .. والله انا غيرت النشاط ...!!!!!!!!!
ولا عاد لي بها البضاعة مصلحة لكن اكيد بتلقون من يشتري منكم ..!!!!!!!!


صعق الجميع .. وعادوا الى قواطيهم لعلهم يجدون بداخلها ما يمنحهم شيء من الصبر
او يتعوضون به عن ما لحقهم من خسائر ..
فتحوها واذا هي مملوءه بالترااااااااااااب ... !!!!!!!!!!!!
فصار بعضهم يعرضها على بعض بنصف المشترى ..
اللي جوا في الاخير قالوا : يالله هات ، ويوم نشبت في حلوقهم عرضوها بنصف مشتراهم
وصارت ذا العلب مثل الجمرة في يد احدهم ويحاول يرميها على الثاني بأي شكل ،


وكل من بلش فيها عطاها غيره بنصف التكلفة الين تلاشت قيمتها وصارت ببلاش .. وصارت خساره محظه ..


المشكلة ان كلهم يوم فكروا لقوا انهم بلا عقول .. فأخذوا يتلاومون : وين عقولنا ؟!
عاد هذولي من جد يبي لهم من يأمر لهم بعقول ..


معقولة نشتري علبة مصدية وما فيها غير تراب بما يعادل قيمة بقره حلوب ..؟!!!!!!!!

[ابو المحاميد]

بارك الله فيك أيها "الفأل الحسن" ...
تتوقع أن هالقواطي يصير لها سوق ويرجع لها الناس بسرعة ؟؟؟ :confused:
مع أن الهيئة حاطة كم واحد من مركزها ... ومعهم عصي الخيزران ... يتهددون ؟؟؟ :mad:

والأخ الزعيم-القائد ... ما هي علاقة الحوثيين في صعده بقصة مكعيل ؟؟؟ :D
وهل تأثر أهلها بالأفكار الحوثية "الرافضة" ... له علاقة بمقلب مكعيل معهم ؟؟؟ :eek:

الله يستر من مكعيل ... ومقالبه ... لكن لا شيئ مستبعد أو مستغرب ...

[lafee]

السعوديه تشتهر بهواية جمع القواطي

[lafee]

ولا ضاق صدري قمت أجمِّع طوابيق = و إلى توســـع قـــمت أجمِّع قــواطي

[لمّاح]

ولا ضاق صدري قمت أجمِّع طوابيق = و إلى توســـع قـــمت أجمِّع قــواطي




الله يباعد بيننا والمطافيق ,, والله يثبّت مشينا بالصراطِ

:);):)




..

[الفأل الحسن]

الله يباعد بيننا والمطافيق ,, والله يثبّت مشينا بالصراطِ


:);):)





..


مرزوق يدري وش يريده مريزيق === ساعي البريد اللي يحب الهياطي
يقول انا عندي علوم(ن) وتوثيق === ما يدري انه تبع راع الخراطي
يجمع علوم وياخذ اشوي ويويق === نذير قوم(ن) ذيرته الصواطي
على علومه يحسب انا مشافيق === والبحر مده ما تعدى الشواطي

[ماكر الجود]

كم تاجر(ن) ما لقى بالسوق ما يشتريه### اوكم السهارى تحلم النوم بضعونها
يسهر وتسهر له الذه وهـي تحتريـــــه### وتبرك ظهور الجمال للحمل بعيونهـا

[lafee]

لماح نجم المنتدى بلا زور وتلفيق ويتبت كلامه برهان مجوده بالوثاقي
شخص برز من جميع المخاليق والمركز الاول من جمبع النقاطي
يستاهل الحسنا بليا مساحيق عذراء جميله ماله من قطر للرباطي
حيثه كريم من رجال مطاليق يقدم الحيل ومدسم سفرته والصماطي
وابو خالد من طيور الشواهيق يختارالسمينه ويميز تينها من حماطي
الله كريم يبدل الهم والضيق ويرزق العبد لو كان راس ماله قواطي

[لمّاح]

آطي



صح لسانك يالافي




ماشاء الله عليك ياالشاعر المختفي



أشكرك على هالأبيات الحلوة والمشاعر الجميلة .






لكن البيت الثالث أثار حفيظة بعض الناس وسبب لي مشكلة في البيت :o






..

[Abu Haidar]

شكرا على القصة المكررة ياخوي

[الفأل الحسن]

كم تاجر(ن) ما لقى بالسوق ما يشتريه### اوكم السهارى تحلم النوم بضعونها
يسهر وتسهر له الذه وهـي تحتريـــــه### وتبرك ظهور الجمال للحمل بعيونهـا
الفاهي اللي بتوخذ سبحته من يديه == في ليلة مظلمة ما يختلف لونها
شاروا عليه المقرد واقتدى بالسفيه== تشابه الناس صاحيها ومجنونها

[الوسط]

القواطي اما تخليك صقر والا تخليك قطاه , وانتبه من الثانيه ;)

[الفأل الحسن]

القواطي اما تخليك صقر والا تخليك قطاه , وانتبه من الثانيه ;)
---------------------------------------------------------------------------------

الفاهي اللي بتوخذ سبحته من يديه == في ليلة مظلمة ما يختلف لونها
شاروا عليه المقرد واقتدى بالسفيه== تشابه الناس صاحيها ومجنونها

http://www.thegulfbiz.com/vb/images/misc/progress.gif

[الوسط]

صح السانك
صايد (ن) بالليل سلعته ما تغنيه *** حتى وان كانت لون الذهب لونها
وياخوفي من ساري الليل وايديه *** وابياتك يازين وزنها والحونها

[لمّاح]

مرزوق يدري وش يريده مريزيق === ساعي البريد اللي يحب الهياطي

يقول انا عندي علوم(ن) وتوثيق === ما يدري انه تبع راع الخراطي
يجمع علوم وياخذ اشوي ويويق === نذير قوم(ن) ذيرته الصواطي

على علومه يحسب انا مشافيق === والبحر مده ما تعدى الشواطي




يالفال جاك العلم من عدّ ماحيق === الناس فيهم طيبين(ن) وواطي

يستاهل أولهم كبار الأباريق === والثاني ودك تمسحه في البلاطي



(( والمعذرة ,, ماأقدر أجاريك في الشعر ماشاء الله عليك ))


..

[الأخطبوط]

لكن بعض القواطي الان سعرها مرتفع وخاصة قواطي التأمين

أذكر أن قوطي سايكو ب14 ريال والان ب80 ريال

كذلك القوطي الأصلي والأهم وهو قوطي سابك كان ب32 ريال والان ب80 ريال

يعني لس ّ شوي ْ~ٍ

[الفأل الحسن]

يالفال جاك العلم من عدّ ماحيق === الناس فيهم طيبين(ن) وواطي

يستاهل أولهم كبار الأباريق === والثاني ودك تمسحه في البلاطي



(( والمعذرة ,, ماأقدر أجاريك في الشعر ماشاء الله عليك ))


..[/center]
ارجو المعذرة والسموحة وصفتني بالمطفوق وكان ردي قاسي ولا تستحقه ولا يليق بي لذلك اكرر اسفي واعتذاري.. اعتقد انك اقتصيت!

[لمّاح]

ارجو المعذرة والسموحة وصفتني بالمطفوق وكان ردي قاسي ولا تستحقه ولا يليق بي لذلك اكرر اسفي واعتذاري.. اعتقد انك اقتصيت!




ههههههههههههه

يعني أنت تحسب إني أقصدك يوم اقول المطافيق ؟؟ :eek:

وين ياعمي وين ؟؟

بيت شعر جاء على بالي عقب ماقريت بيت لافي ..

حتى أبياتك مادريت إنك تقصدني بها ..

عالعموم ..

صافي يالبن ,, ولا حصل إلا كل خير



..

[صـياد الأسهم]

لكن بعض القواطي الان سعرها مرتفع وخاصة قواطي التأمين

أذكر أن قوطي سايكو ب14 ريال والان ب80 ريال

كذلك القوطي الأصلي والأهم وهو قوطي سابك كان ب32 ريال والان ب80 ريال

يعني لس ّ شوي ْ~ٍ

لاتنسى قوطي الصقر للتأمين
أنا شايفه بعيني في سوق مكعيل يسام في حدود 9ريال تسعة أريلhttp://www.thegulfbiz.com/vb/images/icons/icon10.gif

وعقبها في خلال شهرين دبل ثمان مرات
يعني المليون صارت ثمانية ملايينhttp://www.thegulfbiz.com/vb/images/icons/icon10.gif

ومن يد نشيط لأنشط منه:cool:
ومافي القوطي الا التبن
تكرمون

[الفأل الحسن]

ههههههههههههه


يعني أنت تحسب إني أقصدك يوم اقول المطافيق ؟؟ :eek:


وين ياعمي وين ؟؟


بيت شعر جاء على بالي عقب ماقريت بيت لافي ..


حتى أبياتك مادريت إنك تقصدني بها ..


عالعموم ..


صافي يالبن ,, ولا حصل إلا كل خير





..

بذمتك عاد مادريت؟! طيب المداخلات كلها موجودة.. ولكن زي ما تفضلت صافي يا لبن