الشرقية الزراعية ... هي الوحيدة اللي " ما أرتفعت " ... ليه !؟

[abu_ali]

للمشاركة معنا في أمور هالشركة : " الشرقية الزراعية "
تم توزيع ارباح " 2.50 "
للمستحقين من: 21/05/2003م
وكان التوزيع في: 14/06/2003م
يعني ... خلص " الضغط عليها " ... وش بعـد ؟ << يا زين إدارة سوقنا ... زيناه !
وحالياً ...
سعرها بـ " 43 "
وأعلى سعر وصلت له " 51 " في تاريخ : 27/08/2002م
وأدنى سعر لها بـ " 28 " في تاريخ : 11/07/2002م
***
- وش سنع هالشركة !؟ و وش سالفتها !؟
- وش طاعونها ما أرتفعت مثل غيرها من الشركات ... حتى الان !؟
- نخم منها ونشتري ... عسى ولعل !؟

[الريم]

عشانك جامع فيها
ههههههههههههههههههه
لاتزعل بالعكس الله يوفقك ويرزقنا وياك وكل مسلم
;)

[سيف الخيال]

شوف أخوي ابو على بالنسبة الى الشرقية الزراعية متوقع لها ارتفاع ان شاء الله الى حدود 60 ريال تقريباً ، ولكن من عنده صبر .

السهم بصراحة اوضاعها المالية تحسنات تحسن كبير في عام 2002 ولو حدث تحسن ايضا هذه السنة لا تذكرنا سعرها الحالي والذي يعتبر من وجهة نظر شخصية انه رخيص بالمقارنة بما وزعت من عوائد ، وطبعا هي الان اصبحت من شركات العوائد ، وان شاء الله عقبال جميع شركاتنا توزع عوائد خلال السنوات القادمة ، خصوصا ونحن نشاهد تحسن جذري كبيرة ... حاصل في معظم الشركات في السوق ، وبالرغم من ارتفاع السوق الى مستويات مرتفعة ، فان الفرص لا زالت قائمة في كثير من الشركات سواء الى ارتفعت او الذي لم ترتفع ...

السهم ان شاء الله جاي دوره ...

وفق الله الجميع ...

[ابو مهند]

الرسالة الأصلية كتبت بواسطة سيف الخيال
شوف أخوي ابو على بالنسبة الى الشرقية الزراعية متوقع لها ارتفاع ان شاء الله الى حدود 60 ريال تقريباً ، ولكن من عنده صبر .

السهم بصراحة اوضاعها المالية تحسنات تحسن كبير في عام 2002 ولو حدث تحسن ايضا هذه السنة لا تذكرنا سعرها الحالي والذي يعتبر من وجهة نظر شخصية انه رخيص بالمقارنة بما وزعت من عوائد ، وطبعا هي الان اصبحت من شركات العوائد ، وان شاء الله عقبال جميع شركاتنا توزع عوائد خلال السنوات القادمة ، خصوصا ونحن نشاهد حسنات كبيرة حصلت في معظم الشركات في السوق .

السهم ان شاء الله جاي دوره ...

وفق الله الجميع ...


معليش أخي سيف الخيال متى دور هذه الشركة يحن أو يجيء دورها، هل خلال هذا الأسبوع أم الأسبوع القادم يبدأ تحريكها ..؟؟؟

:D ;)

[abu_ali]

الريم : بعنا اللي عندنا من زمان ، مجنون أحجز قروشي كل هالمدة!!
نبي السنع الحين ... عشان نشتري وبأقل من اسعار اول " سابقاً " .
***
سيف الخيال : اجل بنشتري ونحتري الدور ... لازم يجيها الدور ،
وأن ماجاها ... نطق لها الولد
;)

[حازم]

الشركه فيها خير ،، لا تستعجل عليها

فى الشهر الحالى.. إعلان أرباحها ،،

وضعها المالى يسمح لها صرف أرباح مجزيه نهاية العام

[ابو الوليد]

ابو علي الشركة بعد التخفيض وبداية التداول بقيمة 50 ما نزلت عن 39 على ما اذكر ويمكن ما جت ال 39 ... ال 28 هذي الظاهر اعلى سعر بعد قرار التخفيض ..

وللاخوة الكرام ... الشرقية لديها احتياط على ما اعتقد 15 مليون بعد التخفيض وزاد بعد ارباح 2002 .... ... مشكلة الشركة ان هناك خسارة ما في احد ارباع السنة .. اي واحد ما اذكر ... وعند الشركة مشكلة في مصروفات الطاقة .... حسب ما اعرف انهم يحاولون يحصلون ىعلى تمديد من شركة الكهربا لتخفيض الاستهلاك اللي هو رقم كبير نسبيا مقارنة بالدخل .... الحقيقة ما ادرس هالمشكلة ما زالت قائمة وللا حلوها ...

على كل مثل هالشركة ما يجعلها تستحق سعر اعلى حقيقى ماهو مضاربات هو نمو الارباح ... وهذا شيء مشكوك فيه ....

الزبدة اي سعر فوق ال 46 هو نوع من المغامرة في رايي وتحياتي للجميع ....

[abu_ali]

أخوي " حازم " ...
يازين كلامك وحسياتك ... توسع الصدر
مشكور على هالنصيحة ... والمعلومات الطيبة .
***
أخوي " ابوالوليد " ...
سعرها بالـ " 43 " الان ... وسبق وشريتها بـ " 46 " وبعناها بخسارة ،
والسبب يرجع للأعلان ... حيث تم ضغطها الى ان وصلت للـ " 38 " يبي أحد يبيعه !
وما باعه إلا أنا بالـ " 45 " ... يا حليلي عجل ... وفيني صحٍ زايد ؟
:D
مشكور على هالمعلومات المبعثرة " ابوالوليد " ... نسوي لها معالجة ونستفيد منها - ان شاء الله -
جزاك الله ألف خير
:cool: