المساعد الشخصي الرقمي

مشاهدة النسخة كاملة : نداء الي الحربي وشوتنك ستار والسبيعي



احمد
12-10-2001, Fri 1:00 PM
تراني يا شباب جالس امعط شعر راسي من القهر ما ادري وش اشتري يا الاشخاص الثلاثه انا مسلم نفسي لكم اي واحد منكم يشتري اي شركه يقولي وشي انا انتظره وكم stop lossوبكم شراها او بكم يقترح اشتريها تراني ما راح اشتري لين احد من النجوم الثلاثه يرد علي تعبيت من الخساير

.......انا في انتظاركم((((الله يطرح فيكم البركه))))

منذر
12-10-2001, Fri 1:25 PM
أخ أحمد أنا أشعر بالأسف على الخسائر التي منيت بها ولاكن بتروي وتعقل وبدون نرفزة ممكن تزودني بأسماء الشركات التي شاركت فيها وخسرت وتاريخ المشاركة من بيع وشراء من فضلك على أي حال ومن وجهة نظري وبشكل عام الوقت الآن هو للبيع وليس لشراء بشكل عام ولا أدري أتمنا على الأخوان الحربي السبيعي أو من ذوي الخبرة في منتدانا الميمون النظر في هذا الموضوع وشكراً .

احمد
12-10-2001, Fri 4:09 PM
يا منذر
mfnx1.90 قبل والله بتحديد ما ادري بس يمكن6 او 7شهور

inkt 7.21قبل 7 شهور تقريباًً

exds 0.55 من 3شهور تقريبا او اقل

cmgi2.08 قبل 4 شهور تقريبا

pcln7.50 قبل سنه وشوي
ترى الوقت والله ما ادري عنه انا اتوقع بس

بس انا اتسائل وش تبي تبي تتشمت هههههههه
بس والله املي في الشباب الشي الكثير والله يوفقني وياكم

منذر
12-10-2001, Fri 5:07 PM
ما عاذ الله مو لشماته بس أنا مستغرب الوقت هذا وقت جني أرباح ونت تتحدث عن الخساير على أي حال أي شركة شايفها في النازل في الوقت الحالي إلي جميع المؤشرات في الطالع إصرف نظر عنها ببساطه هذي وجهت نظري المتواضعة وما أدري أيش راي الأخوان الأكثر خبره في هذا المجال في هذا الكلام وطول بالك ياخوي يا أحمدي .

alharbi
12-10-2001, Fri 6:01 PM
اخواني احمد ومنذر
طولو بالكم

وتعوذو من شوشو
لايوقعكم في بعض
هههههههههه

اخوي احمد
منذر ترى صحيح كلامه يوم يقول اي شركه في الوقت الحالي نازله والمؤشرات في ارتفاع لاتدخل فيها

لكن انتبه للبيتا اذا كانت بالسالب فهذا طبيعي واذا كانت بالموجب والشركه نازله والمؤشر مرتفع
اهرب عنها ولا تقرب منها

اذا كنت مستثمر فانا ترى مافيدك ابدا لان الاستثمار يريد تحليل اساس
اما اذا كنت مضارب يعني مشكلجي تشاكل السهم هذا وتروح تشاكل السهم الثاني وطول اليوم على ذا الحال
ممكن افيد شوي ترى شوي يعني مو مره

سوف اوضح لك طريقة ممكن تفيدك متى تبيع ومتى تشترى وهي فعاله في الكثير من الاسهم ولكل قاعدة شواذ
اسمع
فيه مؤشر اسمه بولنغير باندس

هذا صورتحت
طيب من وين لك الاسهم الاسهم مصادرها كثيره والشباب الله يجزاهم خير ينزلون يوميا اسهم
وكثير من الشباب هنا عنده اسهم مو ماعنده
لكن يخشى انه ينزله لكي لا يدخل فيها احد الاخوه بالغلط
السهم عندما ينزل هنا لايعني انك على طول تروح تشتري
طبعا ارجع لنفسك وشوف السهم تنطبق عليه القاعده الي انت عاملها لنفسك والا لا
واحب اقوللك انه المضارب ليس له سهم واحد او لمده طويله
المضارب كل لحظه له سهم واحيانا يدخل في سهم ومايرجعله سنه والعكس ايضا احيانا يمسك في سهم ولا يتركه طالما انه صالح للمضاربه
واحيانا يدخل في السهم دقيقه واحيانا ساعه
طيب لو شريت سهم وقلتلك اشتر معي واشتريت انت
وبعد لحظه لاحظت ان السهم بيطيح او بينزل كيف اقوللك واين اجدك لاقوللك بيعه
احيانا عندما امسك سهم اعمل اكثر من عمليه في ساعه

انا بعطيك الطريقه الي تعرف السهم اذا كان عليها هواش او مضاربه
في الصوره تحت لاحظ الخطين الي حول اتجاه السعر في البولنغر هذه الخطين اذا شفتها اتسعت كما هو موضح في الشارت وبدت تبعد عن بعضها فهذا يدل ان السهم عليه هواش
متى تدخل ومتى تخرج اذا حبيت
الدخول عند بداية اتساع المسافه بين الخطين 1 و 2 في الدائره والخروج عند نهايتها
طيب متى تشتري ومتى تبيع
تشترى عندما يقارب السعر او يلامس الخط السفلي رقم 2
والبيع تقريبا عند ملامسة الخط العلوي رقم 1
وهكذا
وهذا يعتمد ايضا على مؤشرات اخرى تم ذكرها في التحليل الفني
لان السعر ممكن يكسر الخطوط ارتفاعا او هبوطا

وبالمراقبه لهذه الحالة اسبوع واحد ممكن تعرف هذا الشيء وبكل بساطه وسهوله
وهذه الصوره

احمد
12-10-2001, Fri 6:56 PM
تسلم ابو حربي ما تقصر بس ابطلبك طلب اذا ما عليك كلافه ابي توضحلي وين القى الخريطه الي تحت في اي موقع بوضوح تكفى لان مخي صعب شوي ابي موقع ادخل عليه وبعدينادخل رمز الشركه ويطلع على طول ما بي وجع راس معليش وشكرا يا قمر

alharbi
12-10-2001, Fri 7:49 PM
ههههههههه
وجع الراس في الاسهم لابد منه ياحمد

وهذا الشارت مايجي ريل تايم في موقع وانما في برامج مثل الميدفيد والكويكين
وفي قسم التحليل الفني وقسم الكمبيوتر فيه مواضيع كتبت عن هذان البرنامجين تستطيع البحث عنها

واي خدمه انا حاظر ياحمد