صديق الهوامير
01-10-2009, Thu 2:33 PM
ليالي العيد الخمسه .. ـ
طفى على السطح تياران آتيا بقوة الصاروخ.. تيار ليبرالي وتيار صحوي يضرب بعضهم بعضاً عبر بيانات وصحف وبرامج ومنتديات وهو صراع قديم متجدد ولكن مايلفت النظر هو ظهوره الواضح جداً هذه الأيام
" هذه القصه كتبتها ولا أقصد فيها اسقاط معين على أحد وإنما توضيح لرؤية كل تيار للآخر والاقصائيه الكبيره منهم للآخر ( وضيق الافق احياناً في المعنى والفهم ) من بعضهم مع احتفاظي برأيي اللذي لايقدم ولا يؤخر
وهم لايعنوني بشكل من الاشكال بصراعاتهم ولكن أأسف لضياع شباب قادم بين هذه الصراعات وماسينتج عنها :cool:
فنحن جميعاً مسلمون ومنهجنا كتاب الله وسنة رسوله الواضح
والصريح وكلنا مجتهدون ومقصرون والله يحسن خاتمتنا اجمعين ولكن همي أين سيتوقف هذا الصراع وماهي نتائجه وافرازاته ..!! وكيف سينظر ويتأثر فيه الشاب البسيط سواء المتوسط التعليم او المتوسط التفكير ..!! "
من قناعاتي وأقوالي حفظني الله
:D
يوم العيد ..
في أول ليالي العيد الممله في مدينة الرياض . اجتمع سعود بصديقه وقريبه حمود في استراحتهم الواقعه جنوب مدينة الرياض ..
سعود وحمود ابناء عم وصديقان منذ الطفوله ويحب كل منهما الآخر وهم شابان بسيطان ( سنه اولى جامعه ) يصلون فروضهم ويصومون شهرهم ويشاهدون التلفزيون ويلعبون سوني :D لايسافران كثيراً ولا يهتمون بشئ اكثر من اجتماع الاستراحه ولعب البلوت والمعسل مع بقية اصدقاءهم المحدودين .. وفي الصباح يذهبان للجامعه
حضرا في الوقت المعتاد كما اتفقا ليقضوا سهرة العيد معاً بعد ان انتهى عيدهم الصباح واستمتعوا به مع اقاربهم ووليمتهم الدسمه ..
كانت الاستراحه خاليه لإن معظم الاصدقاء مسافرون إما مع اهاليهم او مع بعضهم .. ولم يبقى الا شخص واحد كانوا يستثقلون دمه .. هو صديقهم ( سامي ) الذي سبقهم للإستراحه مع مجموعة الصحف اللتي يحضرها كل يوم ويجلس يتصفحها حرف حرف ..
سامي مثقف او متثيقف ويحب الفلسفه في الكلام ولو سألته شلون عيدكم .. بيعطيك إجابه فلسفيه عن العيد وليش يحتفلون الناس الصباح وياكلون رز وجريش وقرصان على الريق وليه يسلمون بالوجيه وهم شايفينك امس .. ومن هالكلام .. لحد مايوصل للإجابه " والله عيدنا ممل مثل كل سنه " ..
قام سعود وجهز الشاهي وشب الجمر ( للمعسل ) .. ومسك حمود الريموت وجلس يفرفر لعل وعسى يجد شئ يحسسه بالعيد .. وما اكثر القنوات التي تحسسك انك في ملهى ليلي وليس عيد فقط .. واعجبته قناة mbc وحفله راقصه لراشد الماجد ومطربه اخرى معه .. ورقص بنات وشباب .
جلس الثلاثه ينتظرون رابع ( يكملهم بلوت ) ولكن الجميع مسافر فلا احد منهم يريد " عيد الرياض " .. ولإن حمود وسعود شباب بسيط على قد حالهم " مامن فلوس " .. فضلوا الجلوس في الرياض ..
وبعد ان مر الوقت .. عرفوا ان لا احد سيأتي وقلبوها سوالف ( مرغمين ) مع صديقهم ثقيل الطينه سامي ..
كان الحديث عن العادات والتقاليد في العيد .. وعن وسائل الترفيه للشباب خاصه في مدينة الرياض وعددوها ولكنها في الغالب لاتجذب الا القليل منهم .. وبحثوا الاسباب .. الخ حتى دار الحديث عن فتح مكان العوائل للشباب وهنا بدأ سامي يرمي فلسفته في الحديث عن الصراع الدائر بين تيار الليبراليه والتيار الصحوي ..
حينها انصتوا له ولما يقوله .. فهم لايعرفون شئاً عن هذا الصراع إلا ماسمعوا عن حلقات طاش ماطاش والنقاش الذي دار حولها .. وشرّق بهم وغرّب ودخلت السياسه والمجتمع والعادات والتقاليد والدين والاقتصاد في الموضوع ..
وبعد ان " طفى جمر المعسل " وانتهت حفلة راشد .. ونعس سامي
انفض المجلس وفي ذهن سعود وحمود الكثير عن ماتحدث به " سامي " .. عن هذا الصراع
واتفق الاثنان عند وصول كل منهم لبيته ان يكملوا السهره " ماسنجر " ..
وتقابلوا بالمسن وكان اول شئ فعله سعود ان بحث في قوقل عن " الليبراليه " وعن " الصحويه " .. واعطى حمود الرابط
وجلس الاثنان يتصفحان في المواقع ومن رابط لرابط وتبادل الروابط .. حتى أذن الظهر .. واستأذن حمود للنوم وكذلك فعل سعود .. بعد ان اتفقوا ان يتقابلوا كالمعتاد في الاستراحه هذه الليله ..
اليوم الثاني للعيد ..
وفي الليله الثانيه للعيد تقابلوا حسب الموعد .. ولكن هذه المره بدون سامي الذي سافر هو الآخر ..
وفتحوا موضوع البارحه " الليبراليه والصحويه " .. وابتدا الحوار :
حمود : وش فهمت من كلام سامي ومن الروابط اللي عطيتك ..!!
سعود : والله احسه كلام كبير مالنا دخل فيه ..
حمود : كبير ؟؟
سعود : ايه ياخي تحسهم ناس فاهمين مثقفين ويقولون كلام مدري منين يجيبونه ..
حمود : يلا على قولتك كلام كبير مالنا دخل فيه .. هات بس الريموت نقلّب ..
وقام سعود يسوي الشاهي ويشب الجمر .. كالعاده
وبعد ان " ملوا " وطفشوا .. اقترح سعود ان يذهب للنوم وقال له حمود : طيب منت داخل مسن ؟ فـ رد سعود : لا بنام .. وقال حمود : احسن بعد حتى انا بنام .. وذهب كل منهم لبيته
وكان تخطيط سعود ان يبحث اكثر ويقرأ اكثر عن هذا الصراع .. في الانترنت
وكذلك حمود ..
وكل منهم مسجل دخول في المسن ( الظهور دون اتصال ) حتى لايكشفه الآخر ..!!
اليوم الثالث للعيد
وجاء اليوم الثالث .. وتقابلوا في نفس الموعد ونفس المكان ..
وكان حمود يمارس هوايته بالفرفره بالريموت .. وتوقف فجأه عند افتتاح جامعة الملك عبدالله في ثول
ودار النقاش بين حمود وسعود :
حمود : تصدق شكل هذي الجامعه اللي يتطاقون عليها في الانترنت المطاوعه وحقين الليبراليه ...
سعود : اييييييييه حتى انا قريت هالشي ..
حمود : ياخي والله مافهمت منهم شي بس اللي اعرفه انهم يقولون انها اختلاط وبيني وبينك بدبر لي واسطه من الحين علشان لين تخرجت اكمل فيها .. اختلاط وفله خخخخخ ..
سعود : والله ياحمود انت ميولك ليبراليه من شفتك تحف شنبك وتمعطه رقم نص وتفرفر بالريموت تدور البني يرقصن وانا شاك فيك
حمود : ايه يالمطوع ؟؟ تراك تعسل معي وتشوف التلفزيون معي لاتسوي نفسك مطوع علي عشانك صليت العيد هالسنه ؟
سعود : المطوع من طاع الله
حمود : يعني المعسل وشوفة البنات اللي يرقصن من اول من طاعة الله ؟
سعود : اقول شكلك انت منتب صاحي اليوم وهذا اخر يوم اعسل واناظر هالقنوات الخايسه .. يلا بس تمس على خير
وعاد كل منهم لبيته وفتح الانترنت .. وتصفح المزيد عن الصراع الليبرالي الصحوي ..!!
اليوم الرابع للعيد ..
اتفق سعود وحمود ان يكون النقاش هادئ وماهو مثل امس ..!
ودار الحديث عن فهم الآخر لما قرأ .. واستوعب
فكان هم سعود هو انه " مايطيح في نسيب ليبرالي "
وهم حمود ان لايضايقه " والد زوجته المطوّع "
سعود : طيب لين بغيت اخطب لازم اشوف ابوها اول هو حالق شنبه وكلش او مربي دقنه ومطوله ..!!
حمود : ايه اكيد .. لو حالق شنبه ولحيته تراه ليبرالي اول ماتدخل عليه قل مساء الخير .. هاو آر يو اونكل ..!!
لو مربي دقنه فهو مطوع اول ماتدخل قل السلاااااااااام عليكم ورحمة الله وبركاته شلونك الله يثيبك ياعم ..!!
سعود : طيب وان كان مربي شنبه وحالق لحيته ..!!
حمود : قل السلام عليكم ، مساء الخير .. هاو آر يو .. شلونك ياعم
سعود : هذي سهله بس البنت وش يدريني عنها هي ليبراليه او صحويه ..!!
حمود : ياخي علينا ياسعود ؟؟ ماقد كلمت بنات وعرفت انهن ضعيفات مساكين ان بغيتها كذا ولا كذا
سعود : لا ياخي هذي تفرق زوجه بتصير ..!! انا بشترط تكون متدينه وملتزمه وتلبس نقاب وقفازات سود ولا ابيها تشتغل لا مدرّسه ولا غيره .. تجلس في البيت وتربي عيالي .. بصراحه اللي قريته عن الليبراليه يخوّف مايجوز لي ..
حمود : يعني انت الحين صرت صحوي ؟؟؟ ترى هذا كلام الصحويه وانا شاك فيك من اول لين حطيت قناة خليجيه تفوم وتسوي نفسك تكلم بالجوال لين اغيرها ..!
سعود : والله صحوي ليبرالي شيوعي امبريالي ماعلي .. انا حر بحرمتي ياخي وانت حر بحرمتك بعد ..
حمود : ياخي عيب انت انسان متعلم وجامعي الحين وهذي آخرتها ..!! بتجلس حرمتك في البيت وتلبسها نقاب وقفازات وبتمنعها من الشغل ..!!
سعود : ياخي حرمتي ولا حرمتك .؟! انا حر ياخي اول مره اشوف ليبرالي ملقوف يهتم بحريم الثانين ويترك حرمته ..!!
حمود : من قالك بترك حرمتي ؟ انا حرمتي الزم ماعلي تملا عيني لاشفتها .. ابيها تلبس مثل اللي يلبسون في السوق ويغروني .. ابيها تطق اللثمه والعبايه المخصره واجاكر بها هالبنات ينقهرون لاشافوها معي .. وكان تبي تشتغل منيب صاير مثلك مطوع متخلف وظلامي واقول لا .. :mad:
سعود : حرمتك وانت حر .. بس مالك دخل بحرمتي ..! ياليبرالي يامنحل يافاسق :mad:
اليوم الخامس للعيد ..
تزاعلوا، سعود وحمود ..
وكل منهم سجل في منتدى يواكب افكاره وكل منهم حاول جذب طلاب من جامعته لتبني افكاره وآراءه .. واصبحا يهاجمان بعضهما ليلاً نهاراً
بسبب وبدون سبب .. وعلى ادنى سبب
طفى على السطح تياران آتيا بقوة الصاروخ.. تيار ليبرالي وتيار صحوي يضرب بعضهم بعضاً عبر بيانات وصحف وبرامج ومنتديات وهو صراع قديم متجدد ولكن مايلفت النظر هو ظهوره الواضح جداً هذه الأيام
" هذه القصه كتبتها ولا أقصد فيها اسقاط معين على أحد وإنما توضيح لرؤية كل تيار للآخر والاقصائيه الكبيره منهم للآخر ( وضيق الافق احياناً في المعنى والفهم ) من بعضهم مع احتفاظي برأيي اللذي لايقدم ولا يؤخر
وهم لايعنوني بشكل من الاشكال بصراعاتهم ولكن أأسف لضياع شباب قادم بين هذه الصراعات وماسينتج عنها :cool:
فنحن جميعاً مسلمون ومنهجنا كتاب الله وسنة رسوله الواضح
والصريح وكلنا مجتهدون ومقصرون والله يحسن خاتمتنا اجمعين ولكن همي أين سيتوقف هذا الصراع وماهي نتائجه وافرازاته ..!! وكيف سينظر ويتأثر فيه الشاب البسيط سواء المتوسط التعليم او المتوسط التفكير ..!! "
من قناعاتي وأقوالي حفظني الله
:D
يوم العيد ..
في أول ليالي العيد الممله في مدينة الرياض . اجتمع سعود بصديقه وقريبه حمود في استراحتهم الواقعه جنوب مدينة الرياض ..
سعود وحمود ابناء عم وصديقان منذ الطفوله ويحب كل منهما الآخر وهم شابان بسيطان ( سنه اولى جامعه ) يصلون فروضهم ويصومون شهرهم ويشاهدون التلفزيون ويلعبون سوني :D لايسافران كثيراً ولا يهتمون بشئ اكثر من اجتماع الاستراحه ولعب البلوت والمعسل مع بقية اصدقاءهم المحدودين .. وفي الصباح يذهبان للجامعه
حضرا في الوقت المعتاد كما اتفقا ليقضوا سهرة العيد معاً بعد ان انتهى عيدهم الصباح واستمتعوا به مع اقاربهم ووليمتهم الدسمه ..
كانت الاستراحه خاليه لإن معظم الاصدقاء مسافرون إما مع اهاليهم او مع بعضهم .. ولم يبقى الا شخص واحد كانوا يستثقلون دمه .. هو صديقهم ( سامي ) الذي سبقهم للإستراحه مع مجموعة الصحف اللتي يحضرها كل يوم ويجلس يتصفحها حرف حرف ..
سامي مثقف او متثيقف ويحب الفلسفه في الكلام ولو سألته شلون عيدكم .. بيعطيك إجابه فلسفيه عن العيد وليش يحتفلون الناس الصباح وياكلون رز وجريش وقرصان على الريق وليه يسلمون بالوجيه وهم شايفينك امس .. ومن هالكلام .. لحد مايوصل للإجابه " والله عيدنا ممل مثل كل سنه " ..
قام سعود وجهز الشاهي وشب الجمر ( للمعسل ) .. ومسك حمود الريموت وجلس يفرفر لعل وعسى يجد شئ يحسسه بالعيد .. وما اكثر القنوات التي تحسسك انك في ملهى ليلي وليس عيد فقط .. واعجبته قناة mbc وحفله راقصه لراشد الماجد ومطربه اخرى معه .. ورقص بنات وشباب .
جلس الثلاثه ينتظرون رابع ( يكملهم بلوت ) ولكن الجميع مسافر فلا احد منهم يريد " عيد الرياض " .. ولإن حمود وسعود شباب بسيط على قد حالهم " مامن فلوس " .. فضلوا الجلوس في الرياض ..
وبعد ان مر الوقت .. عرفوا ان لا احد سيأتي وقلبوها سوالف ( مرغمين ) مع صديقهم ثقيل الطينه سامي ..
كان الحديث عن العادات والتقاليد في العيد .. وعن وسائل الترفيه للشباب خاصه في مدينة الرياض وعددوها ولكنها في الغالب لاتجذب الا القليل منهم .. وبحثوا الاسباب .. الخ حتى دار الحديث عن فتح مكان العوائل للشباب وهنا بدأ سامي يرمي فلسفته في الحديث عن الصراع الدائر بين تيار الليبراليه والتيار الصحوي ..
حينها انصتوا له ولما يقوله .. فهم لايعرفون شئاً عن هذا الصراع إلا ماسمعوا عن حلقات طاش ماطاش والنقاش الذي دار حولها .. وشرّق بهم وغرّب ودخلت السياسه والمجتمع والعادات والتقاليد والدين والاقتصاد في الموضوع ..
وبعد ان " طفى جمر المعسل " وانتهت حفلة راشد .. ونعس سامي
انفض المجلس وفي ذهن سعود وحمود الكثير عن ماتحدث به " سامي " .. عن هذا الصراع
واتفق الاثنان عند وصول كل منهم لبيته ان يكملوا السهره " ماسنجر " ..
وتقابلوا بالمسن وكان اول شئ فعله سعود ان بحث في قوقل عن " الليبراليه " وعن " الصحويه " .. واعطى حمود الرابط
وجلس الاثنان يتصفحان في المواقع ومن رابط لرابط وتبادل الروابط .. حتى أذن الظهر .. واستأذن حمود للنوم وكذلك فعل سعود .. بعد ان اتفقوا ان يتقابلوا كالمعتاد في الاستراحه هذه الليله ..
اليوم الثاني للعيد ..
وفي الليله الثانيه للعيد تقابلوا حسب الموعد .. ولكن هذه المره بدون سامي الذي سافر هو الآخر ..
وفتحوا موضوع البارحه " الليبراليه والصحويه " .. وابتدا الحوار :
حمود : وش فهمت من كلام سامي ومن الروابط اللي عطيتك ..!!
سعود : والله احسه كلام كبير مالنا دخل فيه ..
حمود : كبير ؟؟
سعود : ايه ياخي تحسهم ناس فاهمين مثقفين ويقولون كلام مدري منين يجيبونه ..
حمود : يلا على قولتك كلام كبير مالنا دخل فيه .. هات بس الريموت نقلّب ..
وقام سعود يسوي الشاهي ويشب الجمر .. كالعاده
وبعد ان " ملوا " وطفشوا .. اقترح سعود ان يذهب للنوم وقال له حمود : طيب منت داخل مسن ؟ فـ رد سعود : لا بنام .. وقال حمود : احسن بعد حتى انا بنام .. وذهب كل منهم لبيته
وكان تخطيط سعود ان يبحث اكثر ويقرأ اكثر عن هذا الصراع .. في الانترنت
وكذلك حمود ..
وكل منهم مسجل دخول في المسن ( الظهور دون اتصال ) حتى لايكشفه الآخر ..!!
اليوم الثالث للعيد
وجاء اليوم الثالث .. وتقابلوا في نفس الموعد ونفس المكان ..
وكان حمود يمارس هوايته بالفرفره بالريموت .. وتوقف فجأه عند افتتاح جامعة الملك عبدالله في ثول
ودار النقاش بين حمود وسعود :
حمود : تصدق شكل هذي الجامعه اللي يتطاقون عليها في الانترنت المطاوعه وحقين الليبراليه ...
سعود : اييييييييه حتى انا قريت هالشي ..
حمود : ياخي والله مافهمت منهم شي بس اللي اعرفه انهم يقولون انها اختلاط وبيني وبينك بدبر لي واسطه من الحين علشان لين تخرجت اكمل فيها .. اختلاط وفله خخخخخ ..
سعود : والله ياحمود انت ميولك ليبراليه من شفتك تحف شنبك وتمعطه رقم نص وتفرفر بالريموت تدور البني يرقصن وانا شاك فيك
حمود : ايه يالمطوع ؟؟ تراك تعسل معي وتشوف التلفزيون معي لاتسوي نفسك مطوع علي عشانك صليت العيد هالسنه ؟
سعود : المطوع من طاع الله
حمود : يعني المعسل وشوفة البنات اللي يرقصن من اول من طاعة الله ؟
سعود : اقول شكلك انت منتب صاحي اليوم وهذا اخر يوم اعسل واناظر هالقنوات الخايسه .. يلا بس تمس على خير
وعاد كل منهم لبيته وفتح الانترنت .. وتصفح المزيد عن الصراع الليبرالي الصحوي ..!!
اليوم الرابع للعيد ..
اتفق سعود وحمود ان يكون النقاش هادئ وماهو مثل امس ..!
ودار الحديث عن فهم الآخر لما قرأ .. واستوعب
فكان هم سعود هو انه " مايطيح في نسيب ليبرالي "
وهم حمود ان لايضايقه " والد زوجته المطوّع "
سعود : طيب لين بغيت اخطب لازم اشوف ابوها اول هو حالق شنبه وكلش او مربي دقنه ومطوله ..!!
حمود : ايه اكيد .. لو حالق شنبه ولحيته تراه ليبرالي اول ماتدخل عليه قل مساء الخير .. هاو آر يو اونكل ..!!
لو مربي دقنه فهو مطوع اول ماتدخل قل السلاااااااااام عليكم ورحمة الله وبركاته شلونك الله يثيبك ياعم ..!!
سعود : طيب وان كان مربي شنبه وحالق لحيته ..!!
حمود : قل السلام عليكم ، مساء الخير .. هاو آر يو .. شلونك ياعم
سعود : هذي سهله بس البنت وش يدريني عنها هي ليبراليه او صحويه ..!!
حمود : ياخي علينا ياسعود ؟؟ ماقد كلمت بنات وعرفت انهن ضعيفات مساكين ان بغيتها كذا ولا كذا
سعود : لا ياخي هذي تفرق زوجه بتصير ..!! انا بشترط تكون متدينه وملتزمه وتلبس نقاب وقفازات سود ولا ابيها تشتغل لا مدرّسه ولا غيره .. تجلس في البيت وتربي عيالي .. بصراحه اللي قريته عن الليبراليه يخوّف مايجوز لي ..
حمود : يعني انت الحين صرت صحوي ؟؟؟ ترى هذا كلام الصحويه وانا شاك فيك من اول لين حطيت قناة خليجيه تفوم وتسوي نفسك تكلم بالجوال لين اغيرها ..!
سعود : والله صحوي ليبرالي شيوعي امبريالي ماعلي .. انا حر بحرمتي ياخي وانت حر بحرمتك بعد ..
حمود : ياخي عيب انت انسان متعلم وجامعي الحين وهذي آخرتها ..!! بتجلس حرمتك في البيت وتلبسها نقاب وقفازات وبتمنعها من الشغل ..!!
سعود : ياخي حرمتي ولا حرمتك .؟! انا حر ياخي اول مره اشوف ليبرالي ملقوف يهتم بحريم الثانين ويترك حرمته ..!!
حمود : من قالك بترك حرمتي ؟ انا حرمتي الزم ماعلي تملا عيني لاشفتها .. ابيها تلبس مثل اللي يلبسون في السوق ويغروني .. ابيها تطق اللثمه والعبايه المخصره واجاكر بها هالبنات ينقهرون لاشافوها معي .. وكان تبي تشتغل منيب صاير مثلك مطوع متخلف وظلامي واقول لا .. :mad:
سعود : حرمتك وانت حر .. بس مالك دخل بحرمتي ..! ياليبرالي يامنحل يافاسق :mad:
اليوم الخامس للعيد ..
تزاعلوا، سعود وحمود ..
وكل منهم سجل في منتدى يواكب افكاره وكل منهم حاول جذب طلاب من جامعته لتبني افكاره وآراءه .. واصبحا يهاجمان بعضهما ليلاً نهاراً
بسبب وبدون سبب .. وعلى ادنى سبب