المساعد الشخصي الرقمي

مشاهدة النسخة كاملة : مثال مشروع أشتغل معايا زي الحلآوة...أقراه امكن ينفع معاك..للفائدة


الماس
27-07-2009, Mon 9:18 PM
قبل 3 سنوات احد افراد العائلة مالك ارض وما يملك كاش...سوينا عقد وبنيت بيت فوق الارض ...كلنا سكنا المبنى واجرنا الباقي.

كلنا وفرنا تكاليف الاجار وبشروط العقد بنستفيد من ريع الاجارات لباقي المبنى للابد . على فكرة بدأت استلم الاجارات ولله الحمد.

الدرس: ما سلمت الكاش لقريبي ، اشرفت على البنا ، واي حساب ما يطلع الا من تحت يدي بعد تدقيق وتمحيص، كسبت القريب ، الجميع مبسوط.

سبحان الله وانا باعنكب لقيت مقال لو حوالي 3 ايام في القارديان يتكلم عن اللي سويتو بطريقة تانية.

http://www.guardian.co.uk/commentisfree/2009/jul/27/economic-reform-banking-markets
AlSalman
28-07-2009, Tue 2:33 AM
فكرتك يا عزيزي نوع من التكافل الاجتماعي عسى يثيبكم الله عليها جميع

يعادلها الجمعيات التعاونية والتي لم ترخص بعد في المملكة رسميا
عادل الوافي
28-07-2009, Tue 9:11 AM
ههههههههه رائعة سويتها قبل 3 سنوات ولكن الطمع خلانا نبيع وندخل سوق الأسهم ...!!! والباقي واااااااااضح ..........الله يعوض علينا وعلى المسلمين .
بريماكس
28-07-2009, Tue 9:36 AM
عندي صديق طلع قرضه من الصندوق وماعنده ارض !

وشلون افيده واستفيد ؟
Saads
28-07-2009, Tue 9:48 AM
الارض ب150,000 الف والبناء ب1,000,000

الكسبان صاحب الارض
بريماكس
28-07-2009, Tue 10:02 AM
Saads
وين الارض اللي ب 150 الف ؟
hamsat
28-07-2009, Tue 10:40 AM
مانته هين تنقلزمنورانا في القارديان
yalk
28-07-2009, Tue 10:49 AM
ذكرتنى بالى يقول عليكم الذبايح وعلينا السلطه :)

امزح معاك

الله يوفقنا وياك ويبارك لك فى اهلك ومالك.
azman
28-07-2009, Tue 11:50 AM
150الف ههههههههههه

سعد وين الارض فيه اذا لقيتها ابشتري لي واحده ووحده لك مجاناً سعي

شكلك ما مريت على المكاتب العقاريه بحياتك
الماس
28-07-2009, Tue 1:31 PM
أخويا السلمان: مشكور على ردك الكريم

أخويا عادل الوافي: آآآمين...ترى خسارتي في الاسهم لما طلعت من السوق منتصف عام 2007 كانت كبيرة ...لها قصة عجيبة امكن يوم اتكلم عنها في وقت مناسب ...غيرت حياتي كتير ...وصرت ما احب اتكلم عن الاسهم ...ورجوعي للاسهم عام 2009 خللآني اشوف مدى فداحة الجريمة اللي حصلت. مشكور على مرورك الكريم

بريماكس: هناك عوامل تساعد في نجاح شراكة زي هادي أهمها انو الطرفين يقولوا شروطهم بكل وضوح وبدون اي مجاملة وبعدين يتم توثيق الشروط وبعدين العقد بين الطرفين وتوثيق العقد.

في حالتك: اذا عندك ارض وفلوسك ماتكفي للبناء وتشوف انو فلوسوا لو جمعتها مع فلوسك حتبنوا وشخص تعرف تاريخوا ومتطمن سوي التالي:

1) قيم الارض ، قيم كم فلوسك ، قيم كم فلوسو وقيم اتعابك : بعد كدا تطلع عندك نسبة كل واحد فيكم في المشروع

2) سووا عقد ووثق العقد (لآتستحي ابدا ) ...شوف هو ممكن يطالب بانوا يكون شريك في الارض عشان يطلع صك جديد وترى طلبوا في محلو عشان هو يبغى يحافظ على حقوقوا.

نصيحة لآتبدأ المشروع اذا فلوسكم ماتكفي وزيادة. لآحظ هادا اجتهاد مني فقط عشان ارد على سؤالك الكريم.

اخويا سعد: في حالتي حطيت اكتر من مليون تعرف كم طالعة عليه الارض؟
اشتراها والده رحمة الله عليه قبل 30 سنة بحوالي 27 الف ريال. تدري فين سر النجاح ؟ المثابرة في الحفاظ على حقوق الطرفين وتوفيق الله عز وجل. مشكور على مرورك الكريم

اخويا همسات: زي ماشفت مقال القارديان يؤكد واحد شيئ مهم وهو الحفاظ على الحقوق وترى انا بريئ امام الله من الديون المحرمة والقروض . مشكور على مرورك الكريم.

الاخ يووك: آآآمين وشكرا على مرورك الكريم

اخويا عزمان: شكرا على مرورك الكريم

خلو الموضوع يدحدر يا أخوان وسامحوني هادا آخر رد عليه.
Saads
28-07-2009, Tue 1:51 PM
الارض ب 150 الف فى الضاحيه (الدمام) ولها مستقبل عظيم ان شاء الله