كل سهم نبيعه نلحقه بكره بسعر اعلى >>> فهل نلبد او نضارب ؟

[الانيس]

من شهرين تقريباً وكل سهم نفكه
نرجع بكره نطارده بسعر اعلى ..!!

والاحداث هذي تذكرني ببداية الطفره السابقة
ايام الصعود المتواصل ..!!

كنا نبيع ابو 50 ونلحقه بعد اسبوع ب 70
الى ان وصل ابو 50 الى 1000 ريال ..

وكان بين سعر الـ 50 و سعر الـ 1000
فجوات ( ربحية ) ضاعت علينا ..
وربما في تنقلاتنا السريعه
نسقط على سهم يجني ربحه
فنخسر اكثر مما نربح
وتفوت علينا فرص اكثر ..!!

وكان المضارب اليومي
هو الخاسر الوحيد في تلك الفترة ..
عمولاتهم ضخمه وارباحهم متذبذبة ..!!
واللي تكسبه اليوم
ياخذونه منك بكره طاق مطبوق ..

وبين التنقلات من سهم لسهم
وملاحقه هذا وتوديع ذاك ..

يكون غيرك اللي قاضب على أسهمه
يسير بخطى ثابته نحو الارباح والتدبيلات ..

فهل نحن الآن نعيش في تلك الفترة
والماضي عاد لنا بنسخه طبق الأصل ..!!
أو
هي فزة مؤقتة وماله داعي ننخدع فيها ..؟