المساعد الشخصي الرقمي

مشاهدة النسخة كاملة : (" الكوي ") .!


كحيلان
02-03-2009, Mon 3:00 PM
السوق منهك ومن نزول لنزول والمناعه ضعيفه ...

السيوله ضعيفه منذ فتره وفي رأيي أنها كالتالي :
سيوله معلقه بالعالي ... السيوله خايفه تدخل للسوق ... وسيوله إنعدمت لجهات مجهوله وجهات معروفه كالبنوك ...

إذاً وبعد كل الحلول الغير مجديه حتى الان واللي نتائجها حتى الان على الأقل غير مجديه .. الظاهر نبي نكويه وننتظر كوده يتعدل ...

والا وش رايكم وش الحل نقعد كذا نشوف الحلال يروح والا نرجع من جديد ..!
ببدا بنفسي وباخذ رايكم باللي بسويه بس بعد ماأسمع أرائكم ...
طويس
02-03-2009, Mon 3:02 PM
اخى كحيلان بعض كتاباتك النثرية اتخيل انها شعر موزونه وجميله
الأسود
02-03-2009, Mon 3:07 PM
السوق منهك ومن نزول لنزول والمناعه ضعيفه ...



السيوله ضعيفه منذ فتره وفي رأيي أنها كالتالي :
سيوله معلقه بالعالي ... السيوله خايفه تدخل للسوق ... وسيوله إنعدمت لجهات مجهوله وجهات معروفه كالبنوك ...


إذاً وبعد كل الحلول الغير مجديه حتى الان واللي نتائجها حتى الان على الأقل غير مجديه .. الظاهر نبي نكويه وننتظر كوده يتعدل ...


والا وش رايكم وش الحل نقعد كذا نشوف الحلال يروح والا نرجع من جديد ..!

ببدا بنفسي وباخذ رايكم باللي بسويه بس بعد ماأسمع أرائكم ...




كحيلان شكلك تحتاج رقم الصمعاني و ولده يكوونه مره وحده يمكن تجيب نتيجة
عبدالعزيز السلمي
02-03-2009, Mon 3:09 PM
اخي .. كحيلان

كنت أقول لبعض الزملاء يوم كانت القروبات على أشدها

سيذهب الربح و لن يبقى الا الذنب أو الالم
العطـوف
02-03-2009, Mon 3:09 PM
المشكله ان مانفع فيه الكوي يابو محمد
الله يسترمنهم ويكفينا شرهم
والله يطلعنا من السوق سالمين
سويعات الاصيل
02-03-2009, Mon 3:10 PM
التفكير بالعقل في هذه الحالات اجدى من التفكير بالعاطفه
طارق الونيس
02-03-2009, Mon 3:10 PM
هاتو الشيخ لكحيلان
اللافي
02-03-2009, Mon 3:26 PM
حنا يا ابو محمد
اللي يبي لي كوي
ولا وش يقعدنا في هالسوق الى هالحين
صقر أبو خالد
02-03-2009, Mon 3:29 PM
نصيحة لمن لا يستطيع متابعة السوق يتنقى له شركتين ثلاث و ينطل فلوسه فيها و لا عاد يقبل ( بشرط أن ما يجي بكره و يقول احتاجها بعد اسبوع او شهر ) ..


ابو محمد وين تبي الناس تروح ؟؟
العقار : الف و فوق في الخلاء بالبر :eek: كان فيك خير تعلق بالعقار :D
تجارة أو صناعة : مكتب العمل ووزارة التجارة و الصناعة و البلديات قاعدين لك على ركبه و نص :cool:


الناس منتكسه لا يروحون لانتكاسه جديدة هم(ن) ذيك الحزة تدور الكوي مزبوط :p ..
عبدالعزيز السلمي
02-03-2009, Mon 3:33 PM
حنا يا ابو محمد
اللي يبي لي كوي
ولا وش يقعدنا في هالسوق الى هالحين

هههههههههه

كنت أتعجب من حضور الكثير من المتداولين

أغلب المتداولين ينظرون الى الاسهم و السوق , مثل الي لابس نظرات بعدسات شديدة التقعر و لا يرفع رأسه

تقول له الدرب و الي قدامك الماصورة الجدار ... و لا كأن فيه شيء
كحيلان
02-03-2009, Mon 3:33 PM
طويس :
الله يسعدك مثل ماأسعدتني بهالكلمات الجميله " ومثل ماأسعدنا مضارب ثمار اليوم " ياصاحب الصوت الجميل وإطرائك محل تقدير ولو اني أرى لاأستحق كل هذا .. وفقك الله وبارك الله فيك ...

الأسود :
الصمعاني الأبو ميت عسى الله يرحمه والا لا ..! وولده ماسك مكانه عسى الله ينفع بهم ولايتكل عليهم ...

عبدالعزيز السلمي :
عز الله أنك صدقت يالحبيب الغالي .. لكن وش رايك اللي جاه الألم وحاس بالذنب ..! عسى ربي يعدلها من عنده ...

العطوف :
إن شاء الله بينفع وأنا أخوك لكن وين الضلوع اللي تتحمل ... والله يستر علينا منهم ...

سويعات الأصيل :
يعني أنا صح يابعد قلبي والا لا ..! أتوقع تقول لا لأني ممكن أتخذ قرار متأخر ..!

طارق الونيس :
نبيه وأنا أخوك لواحد يقاله تاسي , من هباله جاب للناس المآسي ونبيه يركد بالكوي عشان يشوف الأفق في الحياة ...
طيب النية
02-03-2009, Mon 3:35 PM
السوق منهك ومن نزول لنزول والمناعه ضعيفه ...




السيوله ضعيفه منذ فتره وفي رأيي أنها كالتالي :
سيوله معلقه بالعالي ... السيوله خايفه تدخل للسوق ... وسيوله إنعدمت لجهات مجهوله وجهات معروفه كالبنوك ...


إذاً وبعد كل الحلول الغير مجديه حتى الان واللي نتائجها حتى الان على الأقل غير مجديه .. الظاهر نبي نكويه وننتظر كوده يتعدل ...


والا وش رايكم وش الحل نقعد كذا نشوف الحلال يروح والا نرجع من جديد ..!


ببدا بنفسي وباخذ رايكم باللي بسويه بس بعد ماأسمع أرائكم ...



والله حنا يااللي ندخل هالسوق نستاهل الكوي
http://www.abunawaf.com/web/_uploads/AZIZ/ummousa6.jpg
ضيعنا حليلنا ومستقبل عيالنا
:eek:


ولا من يديروا السوق حرامية محترفين وطبيعي ان يتلاعبوا
:mad:
الأسود
02-03-2009, Mon 3:46 PM
الأسود :
الصمعاني الأبو ميت عسى الله يرحمه والا لا ..! وولده ماسك مكانه عسى الله ينفع بهم ولايتكل عليهم ...





كحيلان

الصمعاني الوالد والولد كلهم موجودين وبصحة وعافية

هذا الكلام قبل شهرين من الآن

إذا شيء جديد لم أسمع به

تبين ارسله لك مثل ما قال اللافي :D

تقبل تحياتي
ابو العز
02-03-2009, Mon 3:59 PM
كحيلان لا تتهور وتكويه ما تدري عن النتائج

حاول بالحجامه عساها تنفع قبل الكوي وانا اخوك
استفهام
02-03-2009, Mon 4:25 PM
هذولا اللي يحتاجون الكوي بعتله أو فاروع.:)

إعلان من هيئة السوق المالية بشأن طرح أسهم أربع شركات تأمين للاكتتاب العام
>>> عنفوان <<<
02-03-2009, Mon 4:27 PM
هلا أبو محمد .... حي الله الغالي

السوق السعودي .. بيخلينا كلنا ... آية الله تعليقة :D

أنحش وأنا أخوك نيتهم كسر القاع بقوة
كحيلان
02-03-2009, Mon 4:30 PM
اللافي :
هههههههه الله يوسع صدرك بالعافيه والله رد ضحكني من قلب ... والله أنك صادق لكن ودي تقرا رد الحبيب صقر أبو خالد وتشوف الواقع المر للأسف ... عسى الله لايحرمني هالمداخله الحلوه ..

صقر أبو خالد :
واللي يده تحكه ياأبو خالد على البيع والشراء وش يسوي ..! بعدين ياخي ليه تقلب المواجع أنا أبي أنسى أي شي برا السوق لأن كل شي سئ للأسف ... بتحداك تحدي إذا تقدر عليه " ياتقفل سابك نسبه والا تراجع مسشتفى حكومي " .! وأسمح لي ياحبيب القلب أستشهدت بكلامك بردي على الحبيب والغالي اللافي بتشخيصك للواقع ...

عبدالعزيز السلمي :
عسى هالضحكه دوم مو يوم يارب ...

طيب النيه :
ههههههههههه حلوه الصوره فعلاً أنت مبدع بالصور وأحسن من شفته يركب الصوره على الحدث ... الله يعطيك العافيه ويوسع صدرك بالعافيه ولايحرمنا هالأبداع حبيب القلب طيب النيه ...

الأسود :
ياحبيلك ياأبو حمد أجل معلوماتي غلط وعسى الله يمتعهم بالصحه والعافيه ويطول أعمارهم وينفع بهم ولا يتكل عليهم ... أرسله للفيصيله الدور 24 الله لايحرمك الأجر هناك من يبيله كوي ...

ابو العز :
هههههههههههههه أبشر طال عمرك وشكراً على النصيحه والحجامه كانت المرحله السابقه الحين حنا بآخر المراحل وهي الكي ... وشكراً لك من القلب ..
سويعات الاصيل
02-03-2009, Mon 4:58 PM
سويعات الأصيل :
يعني أنا صح يابعد قلبي والا لا ..! أتوقع تقول لا لأني ممكن أتخذ قرار متأخر ..!




هلا بك
انت تعلمنا موب تتعلم مننا
انا اقول اذا انك تشوف ان سعر شركتك مغري ادخل واتركك من نزول 10الى 20%
يعني عندك سابك قمتها بفبراير 242 والان 36وقيمتها الدفتريه34 هل هذا يعقل انك تتركها لمجرد الضغط
واتوقع انك تشوف الشراء الجامد وخاصه اليوم لولا انه تسرب خبر الاكتتابات كان والله ماتشوفها باقل من 38 اغلاق
ولو اشتريت فيها اتركها سنه بتلقى كل الخير باذن الله
وانت ابخص:)

تقبل تحيتي واحترامي
tornado
02-03-2009, Mon 5:45 PM
يقولون آخر العلاج الكوي
صديق الهوامير
02-03-2009, Mon 8:48 PM
والله اللي يشوف بعض الاسعار ويخاف هو اللي محتاج كوي
عندك انا ياخي اشوف اعمار بـ 7.80 واخاف اتعلق وعندك الانماء 10.8 واخاف اتعلق واسعار كثير مثل هذي ومخوفينا الجماعه ..
ومع ذلك لما تشتري تخسر .. والله ماعاد بقى الا اسم محفظه ولا الفلوس يخلف الله ..
حسبي الله ونعم الوكيل وكفى ..