اذا ارتفع السوق كلن رافع توصيته..واذا نزل..اجحر!!

[قناص بغداد]

هذا حال بعض الكتاب هداهم الله حتى يرفع لك موضوع توصية أو إشارة إلى سهم وبعدفترة قد تطول يرتفع السوق ومعه سهمه ويقول قايل لكم!!
اللي متعلق متعلق ولا يبيع ولا يشري لكن مافيه مضارب يمسك سهمه ايام إلا ماندر

فشل التوصية لاتعني فشل الكاتب ولكن متابعة التوصية في الطلوع وكذلك في النزول هي المطلب..وفقكم الله

همسة:وين اللي يرفعون مواضيعهم الأيام الفائته..والا ينتظر سهمه يطلع عشان يجيك يمشي الف رافع موضوعه؟؟

[هاي كلاس]

الأخ العزيز قناص بغداد

كلامك عين الصواب انا ما يقهرني الا اللي يوصي على توصية ويقول بعد نجاح توصيتنا على الرابط الفلاني أو مبروك للي دخلوا معنا والآن سهمنا هو ؟؟؟؟
وتلاقيه بالردود والسوق نازل يشوف اكثر شركة إرتفاع ويقول الحمد لله طلعت من السهم ؟؟؟؟ بربح >>>>>>>>>> ظنك وش الهدف لالالالا يا قناص لا تقول إدارة محافظ الناس أذكى من كذا بكثير

المهم خل عنك محارش خلق الله ياقناص:D

[sweetman]

والبعض يدعي انه من اهل المصادر المقربه

بأن هذه الشركه ستوزع ارباح مقدارها كذا اوخبر سينزل من الشركه الفلانيه

ودائما هذه المصادر موثوقه ومن احد اعضاء مجلس الأداره

[lafee]

اصول اللعبه لازم تحرج لترفع شركتك

[صـياد الأسهم]

صــــــــــدقت

[قناص بغداد]

والبعض يدعي انه من اهل المصادر المقربه

بأن هذه الشركه ستوزع ارباح مقدارها كذا اوخبر سينزل من الشركه الفلانيه

ودائما هذه المصادر موثوقه ومن احد اعضاء مجلس الأداره
المشكلة أن فيه واحد يقول مصدري صاحب التوصية الفاشلة يقول السوق نزول ويجيك واحد مطفي النور ويستفسر منه وش قال مصدرك!!
الحين هو يقول مصدري فاشل ويقولون وش قال من جديد مصدرك الفاشل!!
عقول!