استشاره عاجله بخصوص التسهيلات ا لبنكيه ؟

[الله كريم]

السلام عليكم ورحمه الله وبركاته :

مارايكم اخواني اتصلت اليوم بالبنك بخصوص التسهيلات قالوا نعطيك

المحفظه دبل :eek: في اسهم معينه ياليت احد من الاخوان يفيديني هل اتوكل

على الله واضعها في سابك ام انتظر لحيين هدوء القصف واتوكل على الله

ياليت تفيدونا الله يجزاكم خير .

[الطير]

تعوذ من الشيطان وتذكر عيالك

[طيب النية]

او على الاقل انتظر حتى يستقر السوق وسابك

التي قد تراها بنصف سعرها الحالي بحسب بعض المحللين

وحينها ستسيل محفظتك وتفقد الاول والتالي ان اخذتها بالسعر الحالي

[Waleed9]

نصيحه أو إعتبره رجاء إبتعد عن التسهيلات

[noras]

كم الحد الادنى؟ وكم الفائدة؟

[abu3omr]

راح تكون مغامرة ..

[moody]

اذا بغيت تسهيلات تذكر التسييلات :eek::eek::eek:

[مساهم غشيم]

الطمع شيييييييييييييييييييييييييين
واكثر الى فلسوا من هالتسهيلات
والسعيد من اتعض بغيره

[ليس إلا]

الله يوفقك حيثما نويت وقد يكون من الاجدى تأجيل اي قرار يتعلق بقرض
او تسهيلات او شراء سيارة ... الخ الى ما بعد الحج والله اعلم.

[kff]

توكل على ربك
وخذ التسهيلات لكن مرابحه اسلامية

خذ 50% فقط لا تتعدى

ولا تدخل الى بعد نتائج الربع الرابع

او اذا وصلت سابك 42

[الله كريم]

كم الحد الادنى؟ وكم الفائدة؟


ماخذت معهم بالتفاصيل البنك هو بنك الجزيره

السيوله خمسه مليون قالوا نعطيك وتصبح 11مليون ونص بس قلت بشاور

بعدين راح اخاذ التفاصيل كامله والله يعين

[الله كريم]

اشكر اخواني كلهم والله يبيض وجهيكم كلكم واللى دخل على الموضوع ولا رد

والله يكتب الخيره وجزاكم الله كل خير

[الشيخ سعد]

بلغني ان سابك في دوامة وورطة لو كانت في بلد متقدم لطرد طاقمها المعروف وتم ملاحقتهم ..

منتجاتها نزلت اسعارها 75% والاخطر انها قد لا تجد مشترين حتى بهذه الاسعار الرخيصة
و جنرال الكترك قد تلحق بسابك اول خسارة ربعية ويحتمل الربع الاول 2009

يعني لو وجدت سابك تحت 20 او حتى العشرة فما انت فاعل وما مصيرك مع التسهيلات ؟!!!

[تلقائي]

خمسه مليون وانا اخوك انت اولا بها من هالحراميه

وانت خسرت بتخسر جزء منها

اما تروح كلها بسبب التسهيلات حرام عليك

يا اخي ما تسمع قصص عن هالتسهيلات وخراب البيوت بسبتها

الله يوفقك

[yazeedxz]

اذا ملزم تاخذ تسهيلات خلها على 3مليون و2الباقية تداول فيها بمحفظة ثانية احتياط يمكن تحتاجها تفزع للمحفظة الاولى لاقدر الله، بالتوفيق

[مضارب الشاشة]

السلام عليكم ....والله انا مجرب التسهيلات في بنك الجزيرة و كانت ممتازه وبنك الجزيرة من احسن البنوك في التسهيلات وكانت نسبة الفائدة 3.5 ونسبة التغطية 168وانا انصحك تنتظر على الاقل اسبوع الين يهداء السوق وانا اتوقع السوق قاعه 4900 نقطة من نظري يعني نحن قريبون منها الان لكن لا انصحك ان تاخذ سابك فسابك انتهى امرها الان واشتر في اسهم ابو 10 احسن والصبر مفتاح الفرج والله الموفق..........راي الخاص فقط وشكرا جزيلا

[المراوغ]

اقول لا تستعجل
والنصيحة لا تاخذ تسهيلات

خذ هذا الخبر الطازج من جريدة اليوم 17-11-2008

العثور على 30 سيارة محجوزة في كراج بنك بحفر الباطن
دغش السهلي – حفر الباطن
ضبطت دوريات الأمن أكثر من 30 سيارة بداخل فناء خاص بأحد البنوك بحي السليمانية بحفر الباطن بعد ورود عدة بلاغات من مواطنين عن سرقة سياراتهم من أمام منازلهم بمحافظة حفر الباطن. وقد اتضح فيما بعد أن أحد البنوك المحلية قام بسحبها من أصحابها بحجة عدم سداد الأقساط المترتبة عليها من غير علم أصحابها وإيقافها في الفناء التابع له، وعلى الفور تم استدعاء مندوب البنك والتحقيق معه في ذلك . من جانبه ذكر الناطق الإعلامي لشرطة المنطقة الشرقية العميد يوسف القحطاني لـ(اليوم) بأنه لا يحق للبنك سحب السيارات المتأخرة في السداد، وكان عليهم تقديم دعوى ضدهم لدى الجهات المختصة وإتباع القنوات الشرعية في ذلك


انتبه لا يشيلون سيارتك من على باب البيت

احذر من شي اسمه تسهيلات أو قروض من البنوك

[العاقل]

طيب ليه الطمع

يعني تدخل مغامرات ما تدري نهايتها

اذا كنت ذكي وتفكر استثمر فلوسك الموجوده

[التجوري]

اخي العزيز كلنا نحب نربح و نكره الخساره و ليست شجاعه ان تأخذ تسهيلات للدخول بالاسهم في وقت حرج جدا و حير العالم

يقول الأول :


اذا جاك باب طمع سده بـ باب يأس


رأسمالك فيه بركه اذا وفقك الله و شغلت جزء منه صح

انتبه كي لا تندم و الله اعلم

[وليد عبدالله]

انا رايي انك تاخذ من فلوسك 2.5 وتاخذ من البنك 2.5 وتخلي نص فلوسك برا
هذا انسب شي من وجهة نظري
ما تدري الايام الجايه وش يصير
بعدين لازم تعرف ان البنك يعطي نسب تغطيه
مختلفه يعني اذا جات موجة خشاش ما راح تستفيد

[مستثمر عقاري]

الحمدلله بس ما ادري متى الناس تتوب والله لو ان السوق متجه الى 7000 نقطه فأني استغرب ممن يأخذون تسهيلات الناس يا اخوي تدور الفكه وانت تدور الغثا.

[[M]]

فك عمرك نصيحة من اللي يتمنى لك الخير فر من التسهيلات فرارك من الاسد..!!

[مملوح نجد]

نصيحة لوجه الله
اترك التسهيلات واترك السوق كله عنك
وطق لك كم عمارة واجر
وبفلوس الإيجارات ادخل للسووق

[الله كريم]

جزاكم الله كل خير وشرفني مروركم جميعا وابشركم الغينا الفكره نهائيا

والفضل لله اولا ولكم ثانيا والله لايحرمنا منكم جميعا

[انامين]

جزاكم الله كل خير وشرفني مروركم جميعا وابشركم الغينا الفكره نهائيا

والفضل لله اولا ولكم ثانيا والله لايحرمنا منكم جميعا

افضل قرار الغاءك الفكرة

اسال مجرب صدقني حتى قراراتك لا تستطيع ضبطها بوجود المرابحة ( التسهيل )

اضافة الى القلق من كل نزول

وايضا بدون تمويل تستطيع ان تكسب اكثر لانك تكون مرتاح نفسيا وانت تقوم بالتداول

[MARKET 99]

طالبك طلبه انك حتى ماتفكرتأخذتسهيلات سيولتك فيهابركه

خذوهاقبلك الرجال وندمواشدالندم

السوق لايرحم

سابك قدتراهابأسعارلاتخطرعلى بالك

ابيك توعدني اناواخوانك وفي هذاالموضوع بأنك تصرف التفكير في هذاالموضوع تراهاطلبه تكفى واناخوك

بنتظارك