الشقق طارت اسعارها

[الرونق]

السلام عليكم ورحمة الله وبركاتة

اخواني الموضوع يمكن يكون بعيد شوي عن السوق المالي لكن يدور في محور الأقتصاد وياليت نناقشه في هالعطلة الأسبوعية لأهميته

المهم رحت الخبر قلت أحجز لي شقة في ايام العيد لأن عندنا زواج قلت يارجال خل هالعيال يغيرون جو الكم يوم في الخبر بدل حبستهم في الجبيل وبعد الزواج نرجع

رحت دخلت أكثر من 15 شقة والكارثة في الأسعار ,, وإليكم هذه الملاحظات

- شقق والله العظيم يختنق الواحد من الريحة المعفنع فيها ويوقل العامل فيها الأيجار ايام العيد بــ 800 ريال في اليوم

- شقق تمشي حالها ونقدر نقول نظيفة ويقول الأيجار 1200 ريال في الليلة

- سئلت ليه طيب هالغلاء مع أن الشقق المفروشة كثير لدرجة أني موقف سيارتي عند عمارها وأدور الباقي على رجلي مجماعات كثير وخيالية من كثرها ويتصاعد عددها بدرجة مهولة

- لفت انتباهي عدم وجود حتى ولو موظف واحد سعودي ,, للأسف الجميع أجانب والناس ماكلينا.

- واحد من موظفي الشقق يقول لي طالما أهل الرياض موجودين فالأسعار ستبقى في أرتفاع لأنهم يحجزون وبأي سعر.

- الأسعار في البحرين والله أصرف وشقق ارخص واقلها الواحد غير وجيه متعود يشوفها وهنود يسدون النفس.

- وين دور وزارة التجارة ماتحد الأسعار

- مصر وهي المعروف تجارها بالجشع تجد المواطن المصري يؤجر بسعر معروف ولايمكن تجاوزة

- بالعربي ليه كسعودين الأجانب والتجار ماكلينا أكل.

- طيب ليه العيد هذا مانقاطع الشقق والفنادق وكل واحد يقضي العيد ببيته ولا يطلع البر بخيمه ونشوف وش يصير


وسلامتكم

[رايق!!]

تصدق بالله شقق تمليك في منطقه تعتبر متوسطه في الرياض بيعت 450000 للامانه اربع غرف وصاله وتكرم دوره مياه ثنتين0ومطبخ

[frhod]

ان شاء الله يحدها بالفين في الليله الناس حره في اموالها
بس لا تزعل وفكر بالعقل من اللي خلاهم يبطرون كذا
اترك الشقق لهم وعيد في بيتكم هذه السنه واللي وراها

[saleh]

حنا من سنة الإنهيار ما نروح الا البر
تصدق طلعلي عقرب بالبرد يوم شبيت الضو بس ربك ستر
ترى البر زحمة يبيلك تحجز لأن ضحايا السوق واجد
اجازة سعيدة

[Here I'm]

حلال الناس غالي عندهم :)

تخيل أخي الكريم عندك عماره وشقق مفروشه ..
وأسعار الشقق اللي حول عمارتك 800 ريال.

هل بتأجر الشقق اللي عندك ب200 ريال ؟؟
علشان ما تكون ظالم. وعلشان اللي جايين يتمشون وينبسطون يدعون لك بطول العمر.

وإلا بتمشى ممشى السوق وشقتك بتاجرها بسعر السوق .. واللي ما معوش مايلزموش ؟

[خطاب]

اطلقوا حمله مقاطعه عليها مثل حملة مقاطعة الالبان اللي كان شعارها "دعوها تخيس"
بس المشكله وش نسمي حملة المقاطعه هذه
:)

[نجل الرياض]

تصدق بالله شقق تمليك في منطقه تعتبر متوسطه في الرياض بيعت 450000 للامانه اربع غرف وصاله وتكرم دوره مياه ثنتين0ومطبخ


الله يا الدنيا

قبل سبع سنوات او اقل كنا نشوف فلل الصعب دبلكس غاليه بـ 380 الف وفي حي غرناطه بعد

والان شقق بـ 450 الف ريال

اذا كان قرض صندوق التنميه العقاري بالكاد يعمر شقه في وقتنا الحاضر ، اتوقع بعد عشر سنوات تصل سعر الشقق الى مليون ريال في المناطق الراقيه والمتوسطه بـ 750 الف الى 650 الف وصولا الى 450 الف للشقق في المناطق الغير مرغوبه

[fahadam]

حبيبي من يقول لك ان الشقق في البحرين ارخص ؟!
تمزح انت ؟
الشقق في البحرين ايام العيد = سعر شقق الخبر × 2 هذا اذا لقيت حجز اساسا :d

[نجل الرياض]

حبيبي من يقول لك ان الشقق في البحرين ارخص ؟!
تمزح انت ؟
الشقق في البحرين ايام العيد = سعر شقق الخبر × 2 هذا اذا لقيت حجز اساسا :d


منطقة الجفير تلاقي فيها ان شالله وهي غير معروفه او مرغوبه عند غالبية الشباب لانها مجرد شقق لا تحتوي على اللي بالي بالك ..

[fahadam]

منطقة الجفير تلاقي فيها ان شالله وهي غير معروفه او مرغوبه عند غالبية الشباب لانها مجرد شقق لا تحتوي على اللي بالي بالك ..

الجفير 99% منها فنادق الي بالي بالك


شكلك من زمان ماجيت البحرين

[ليس إلا]

وين دور وزارة التجارة ماتحد الأسعار


لم يعد من اختصاصها فقد تم نقله لهيئة السياحة والاثار.



شقق تمشي حالها ونقدر نقول نظيفة ويقول الأيجار 1200 ريال في الليلة


يعني 300 دولار .. ودولار اليوم نازل ... لذا فالقوة الشرائية للريال
متدنية بل متدهورة ... اي ان هذه الشقة سعرها الحقيقي قد يكون 500 ريال :)

اضف الى ذلك بأن التضخم عالمي وسعر الغرفة بدبي قد وصل الى 1000
و 2000 و3000 ريال ... وبأوربا وصلت الى 300 يورو و400 يورو
وبشرم الشيخ سعر الغرفة التي كانت قبل سنتين بـ 100 دولار صارت
هذه السنة بـ 300 و 400 دولار.

ختاما ... من حق كل فندق وكل شقق مفروشة ان يربح في الموسم
على اعتبار أن من يقوم بالسياحة بالاصل لابد ان يكون مقتدر
واما غير المقتدر فيجب أن يضع الاولويات في نصابها
الصحيح.

[[M]]

لا جديد والا ليش العالم تطلع برى؟؟ طبيعه حلوة ومعاملة روعه واسعار فل كما انه معروف بوقت العطل اتدبل الشقق

[برقان]

اسعارها مرتفعه ومبالغ فيها

[Stochastic]

بأقول لكم سالفة واحد من أهل الطائف مخه يوزن بلد

إشترى له أتوبيس كبير مثل اللي ينقل الطالبات للمدارس

وشال كل الكراسي وقلب الأاتوبيس من الداخل لمنزل متحرك

غرف ودورات مياة الله يكرمكم ومطبخ

وركب له ماطور فوق الأتوبيس ولما يروح لجدة خميس وجمعة يرسله مع السواق لمكان معروف له في منطقة ابحر ويلحقه هو وعائلته

ويقضون الويكند بطريقة إقتصادية مريحة

[TOSHIBA]

اللي يبي دور أرضي بـ 450 ألف شمال شرق الرياض يراسلني
المساحة للأرض 312.50 مجلس رجال ومقلط وغرفتين نوم وصالة ماشاء الله
ودورتين مياه - تكرمون - ومطبخ + مدخل سيارة ( كراج أتوماتيكي)
الواجهة حجر ....

[TOSHIBA]

بأقول لكم سالفة واحد من أهل الطائف مخه يوزن بلد



إشترى له أتوبيس كبير مثل اللي ينقل الطالبات للمدارس

وشال كل الكراسي وقلب الأاتوبيس من الداخل لمنزل متحرك

غرف ودورات مياة الله يكرمكم ومطبخ

وركب له ماطور فوق الأتوبيس ولما يروح لجدة خميس وجمعة يرسله مع السواق لمكان معروف له في منطقة ابحر ويلحقه هو وعائلته

ويقضون الويكند بطريقة إقتصادية مريحة





مواهب وأفكار :)

[الشيخ سعد]

لله يهديك ..
اصحاب الشقق ارحم من وزارة التجارة !!
اذا دخلت اي شقة مفروشة تلاقي على الباب من الخلف تسعيرة الشقة من التجارة ..
سوف تلاحظ انها اغلى من ايجارك بدون 70% المقررة من التجارة زيادة على السعر في المواسم !!!!

[Average]

خابر ان الاماره في الشرقيه مطالبة ملاك الشقق باستيفاء بعض الشروط و اخر مهله عقب العيد..

هل ستكون المطالبه حبر على ورق ام انها القاصمه..:eek:

[Brave Heart]

اتوقع الشرقية بزياده لان هامورها خاش مع الكل شراكة وطبيعي يعوضون ضرائبة ;)

[ام نايف]

اللي يبي دور أرضي بـ 450 ألف شمال شرق الرياض يراسلني
المساحة للأرض 312.50 مجلس رجال ومقلط وغرفتين نوم وصالة ماشاء الله
ودورتين مياه - تكرمون - ومطبخ + مدخل سيارة ( كراج أتوماتيكي)
الواجهة حجر ....

هذي شقق أو فلل ؟
إذا كانت فلل فأين موقعها ؟

[رادار الشاشة]

معليش بس صعبة نطلب نسكن في

1- مكان زين وشقة زينة

2- ووقت موسم

وبرخيص.... بعد...

طبيعي في اي مكان في العالم عندهم عيد او مناسبة او بشكل عام وقت موسم

[المؤشررر]

انا معك في كل ماقلت الا البحرين اسعار اغلى وكلهااااااا هنود اكثر من اللي عندك اللي بتنحاش منهم حتى العسكرررر

[الرونق]

يا اخوان معكم في ردودكم

وبالنسبة للسعر حالياً وقبل شهر رمضان سعر متوسط الشقق كان 250 ريال فلماذا هذه الزياده الكبيرة جداً


ثانياً والأهم : لماذا لايكون هناك موظفين سعودين في استقبل الشقق مثل الرياض وجده // هل الشرقية لها نظام آخر

واخيراً لماذا يستهدفون أهل الرياض لأن الشقق تكون محجوزة ومستخدمه منهم بنسبة 95%


اما بالنسبة للبحرين وعلى من رد وعلق عليها ,, فتأكد بأن الشقق هناك أفخم وأرخص من شققنا وفي الجفير اتصلت في شقق متعود أسكن فيها بــ 350 نظيفة جداً,, صار سعرها بالموسم 65 دينار يعني 650 ريال يعني دبل تقريباً لكن عندنا تدبيله اكثر من اربع مرات والقهر معظمها خايسة

[الخاص]

أخي الرونق
المواسم فرص للتجار ولكنك لست مضطر للسفر في المواسم
سافر ثاني أسبوع من الدراسة وخل العيال يغيبون يوم الإربعاء وأطلع يوم الثلاثاء ووسع صدرك بدون زحمة خلق الله والجو يكون تحسن عن هالحر

في الصيف سافر قبل لا يعطلون المرسين وبتعين خير وسعة صدر