$$$$$$$$$$ شيل من هنا يرتفع هنا وهكذا $$$$$$$$$$ [الأرشيف]

stocks master

23-09-2008, Tue 1:57 PM

طبعا كلنا نذكر كلكيت اول مرة انهيار فبراير نسميه ( سنة قروض التسهيلات ) وكيف تورطت البنوك في اعطاء قروض برسم رهونات اسهم اسعارها متضخمة ، والبنوك عارفة هالشيء ان اسعار الاسهم لا تساوي ربع قيمة مبلغ التسهيلات الممنوحة ..

الكلكيت الثاني القادم مو بسوق الاسهم ..

اجل وين ؟

بسوق العقار

شلون يعني بسوق العقار ؟

انا اقول :-

العقار هالايام متضخم وضاربه الاسعار فوووق بالعلالي يعني بالخضيرااااء ..

طيب وين المشكلة ؟

انا اقول وين النكبة مو المشكلة :-

الان يرتبون لاغراق العقاريين بالقروض برسم رهن العقار اللي جدتي عارفه ان اسعاره متضخمة ، لكن بعطون قروض عليها ويرهنون هالعقار المتضخم اللي ماراح يغطي الدخل بكرة قيمته وقيمة فوائد القروض ، ولكم ان تتخيلوا كيف بيعالجون المشكلة ، فمن البديهي ترتفع اسعار الايجارات وكذلك البيع ، واذا ارتفعت الاسعار الناس ماهم دلوخ راح يشرون او يستاجرون ، راح يعزفون عن اي تعاطي مع العقار وبالتالي راح تنفجر التفيخة ، والخسائر بالمليارات ان لم تكن ترليونات ( على مستوى الخليج انا اتكلم )

وفيه نقطة ودي اذكرها هنه بس للتذكير :-

انه لجنة تثمين العقارات بالبنوك مهي خالية من الجرم !! شلون يعني ؟

انا اقول :-

لجان تثمين العقارات راح يثمنون عقار بعض المحسوبين باسعار اعلا من سعرها الحقيقي بالسوق وقد يصل بهم الامر الى تثمين العقار باكثر من ضعف سعره الحالي بالسوق ..

وعشان تكون الصورة واضحة اكثر اضرب لكم مثال :-

لو كان لديك عقار سعره حاليا 1 مليون ريال راح يثمنونه لك بـ 2 مليون ريال ويرهنونه ويمنحونك قرض بـ 75 % من قيمته 1.5 مليون ، طبعا هم عطوك قرض يفوق سعر العقار بـ 50 % ويقوم راعي العقار يسفههم ولا يسددهم ريال واحد وبالتالي ما للبنزك غير انهم يصادرون منك عقارك اللي رهنوه عندهم وقد تستمر عمليات التسويات عشرات السنين لانهم لا يستطيعون ان يبيعون عقارك المرهون قبل نهاية مدة القرض ..

والنتيجة هروب العقاريين من سوق العقار والاتجاه الى سوق الاسهم وترك عقاراتهم مرهونه لدى البنوك او الجهات المانحة للقروض لتنعم بعقارات اسعارها متضخمة في وقت ينعدم فيه المشترون ..

وسلامتكم ..

(((((( منقوووووووووووول )))))

عمله صعبه

23-09-2008, Tue 2:06 PM

أوافقك الرأي تماما
وفعلا قضية الرهن مشكله لدينا كبيره يجب دراستها ووضع ضوابط لها
لأنها أسقطت وأفلست بشركات ومؤسسات ماليه لها أكثر من قرن

في نظري يجب تطبيقها على أضيق الحدود وعدم التوسع بها مهما بلغت أثارها على الأقتصاد حتى نتأكد تماما من إجراءاتنا وسياستنا النقديه المتهالكه والعقيمه .

وفي نظري فلسو بالمتداولين في سوق الأسهم
وباقي حقين العقار الصغار يفلسون بهم لكي تكتمل الطبيقة لدينا طبقة في العلالي وطبقة تحت خط الفقر والطبقة الوسطى كيف الحال .

اللهم أعزنا بالإسلام وأحفظ بلادنا من الحاقدين والحاسدين والخوارج .