الصناديق الضخمه :: هل هي استثماريه او صناديق مضاربه يوميه >>> مصلحة التقاعد مثال

[ستلايت]

مالنا إلا يومين سامعين بالقرار ..
وقامت النسب تتغير ..؟

:

لأنو من خلال جدول النسب والتحديث اليومي للاخ رشيد
يتضح ان مصلحة التقاعد زادت استثماراتها في يوم واحد فقط في سهم :
التعاونية
فهل الصناديق الضخمه مهمتها استثمار وترقد سنين
او مضاربه يوميه
ومعهم معهم عليهم عليهم ..

يعني استفساري المتواضع :
هل نظام الصناديق يجيز لها المضاربه والعبث اليومي
او فكرتي عن الصناديق كانت خطأ
وأنا اللي قاعد اسولف في المجالس
ومسوي نفسي فاهم بأنظمة السوق
وانا ياغافل لك الله وطلعت مع جنبها ..

خصوصا ان سهم التعاونيه
( لست من ملاكه ولن اكون ان شاء الله )
ولكن السهم كمثال
من الاسهم اللي انجلدت جلد خلال شهر لين حب الأرض
فهل الصندوق القوي هو من جلده بعد نتائج الارباح
وخسر ملاكه الكثير

والان رجع يضارب فيه من جديد
وياخذه برخيص ؟

:

[المعمر]

يفترض انها استثمار ,, لان اسمها صنتديق استثمار

وتصنف على هذا الاساس

ولكن الي حاصل انها تضارب ,,

الغريب في الموضوع اني ما عمري لقيت شخص يشتغل في ادارة هالصناديق

ويكتب معانا في المنتديات :)

[علي محمدسليمان]

ابو الستلايت ليش المضاربة ما تعني استثمار انا اول مرة اعرف ان الاستثمار هو شراء ورجنه بعدها
على كذا ما صار استثمار انا معك لو هم شارينها بقيم اسمية

[masoud]

لا نستعجل
يمكن الشباب عندهم سيوله جديده وجالسين يشترون

انا اشوف كل ما ارتفعت نسبه المستثمرين الكبار كل ما زادت ثقتي في السوق

[ستلايت]

اخوي المعمر :هذا اللي نعرفع او بالاصح كنا نسمع به
لكن اليوم انتبهنا والمفروض ننتبه من الاسهم اللي تمتلك فيها
لانها سلاح ذو حدين
يمكن يحلقون بها ويمكن يدفنونها
لان بالهم وسيع

اما سالفه الكتاب اللي يديرون المحافظ
فهذا حنا بنكمل العام السادس وبنستمر في البحث عن واحد يجيب العلم
ولا للتوقف عن البحث

:

اخ علي بن محمد
اجل لو تدري اني كنت اتوقع ان الصناديق عليها رقابه صارمه
وماعندها صلاحية تبيع اكثر من نسبه معينه كل فتره ..

لكن طلعت الدعوه على كلامك مفتوحه على البحري
ويقدر ينثر كل مافي جعبته ويروح يتقهوى في المكتب الثاني
وحنا نندفن تحت سابع ارض

:

اخ مسعود >>> صح كذا الاسم او بعد خطأ :)
ابشر ولايهمك بننتظر وماحنا بمستعجلين
وبنشوف النسب بتقعد تزيد
او يوم كذا ويوم كذا

لكن وش قصة غيابك عن الاضواء كل هالمده
95 مشاركه في 6سنين

[Stochastic]

أتوقع أخوي ستلايت المراقبة مع نهاية الشهر الهجري أجدى

شف كم مليار يشفطونها من رواتبنا يالضعوف ووين بيصرفونها 00المشكلة لا نعرف من هو صاحب حقوق الإمتياز والنظرة الثاقبة التي توجه لشراء هذا السهم أو ذاك

السياري أم العساف أم من وما هي مصلحته

ما هي سياسة هذا الصندوق وكيف يدار 00!!