المساعد الشخصي الرقمي

مشاهدة النسخة كاملة : التدبيل .....لمن يريد ان يدبل راس ماله


المخبر
05-04-2002, Fri 5:11 PM
مساكم الله بالخيروالعافية

قراءة موضوع لاخي وحبيبي ابو الليل يقول فيه
لمن يسأل عن القصيم الزراعية وسبب ارتفاعها نقول لهم مايأتي :
-1- الشركة ستعلن في الايام القادمة تخفيض راس المال والغاء القسط المتبقي من رأس المال والبالغ 50 ريال للسهم وستعلن عن تحقيق اول ارباح في تاريخها عن عام 2001م وهذ هو سبب ارتفاعها.........
مصادر المعلومات احد اعضاء مجلس الادارة


والعلم عند الله ان هذا الخبر اكيد لان مصاداقية ابوالليل كبيرة

فمن يأخذ غدا بـــ14 ريال ويصبر الى يوم السبت ويبيعه بــ28
سوف يدبل ........هذا والعلم عند الله

واشكر اخي ابوالليل وجزاه الله الف خيرررررررررررررررر


ارجو المشاركة من الجميع لتعم الفائد





تنوية:كل شخص يتحمل قراره بنفسة



مع كل
تحياتي واحترامي
swift
05-04-2002, Fri 10:01 PM
هلا المخبر

والله 28 صعبه على الأقل في الفترة الحالية لأن زي منت شايف النسبة ماتتجاوز 1.25 وراح تزيد شوي مع زيادة السعر لكن علشان توصل الـ 28 يبغالها على الأقل تقفل على النسبة 7 مرات متتالية

عموما الشئ الغريب انها افتتحت الخميس على 13.75 ونزلت 13.5 وأقفلت على 13.75 حسب موقع تداول والنسبة 10% وشلون صارت هذي؟

مع التحيه
المخبر
06-04-2002, Sat 12:26 AM
اخوي سويفت
اولا .....الف شكر لك والله انك جبرت بخاطري يوم انك رديت
وهذا اول موضوع اكتبه .....
ثانيا......الشرقية الزراعية من 14 الى 33.5يعني دبلت وفوقها 5ريال
وش ينقص القصيم والقصيم عندها تخفيض والغاء القسط وارباح
يعني ثلاث اخبار ممكن تاصل للــ40ريال (مجرد توقع ) والواحد
مايصير طماع


مرة اخرى الف شكر لك

وارجو من الباقين مايبخلون علينا لو بتوقع فقط
الحيران
06-04-2002, Sat 12:44 AM
مرحبتين بالأخ المخبر..

إنشاء الله ان ترى القصيم على مدى هذا الإسبوع وهي ترتفع 10% كل يوم مثل ما فعلت الشرقية الزراعية ..

أم ما قاله الأخ swift عن ان إفتتاحها يوم الخميس كان 13.75 وقفلت على هذا السعر فهو عبارة عن 10% من إقفال يوم الإربعاء .. وستفتتح غدا إنشاء الله على ..
15 لأنها هي الـ 10%
المخبر
06-04-2002, Sat 12:51 AM
يعطيك العافية اخوي الحيران ولاقصرت

هذا ماكنت اقوله بالضبط هي فيها مخاطرة ولكن الواحد يحاول يستفيد
وانا ماكتبت الموضوع الا للنقاش والاستفادة قبل مايرتفع السهم
لان مثل هذه الاسهم لا يتأثر بسوق ارتفع والانزل

تحياتي لك اخوي
المخبر
06-04-2002, Sat 7:24 PM
الى 15 بطلب 210000
والجاي اكثر.........


وين ابو عبد الحكيم والرااااااايق .........والباقين سين وغيره
الراااايق
06-04-2002, Sat 7:37 PM
الف الف الف مبروك اذا كان عندك فيها اسهم

بس انا اقف عن التعليق عليها لانها تخوف مره ولكن اعرف شيء مهم كل ما زاد الخطر كل ما زادت الارباح او الخساره

على العموم اذا انت ربحان فوق 30 % تره ربح معقول يعني تضاعف مالك ثلث القيمه انا في تصوري انه مبلغ معقول جدا

واعرف مثال يقول ان الطمع يذهب ما جمع

ولكن ليس في كل الاحوال ولنا في الشرقيه الزراعيه وفي التصنيع اكبر مثال اللي كان عنده اعصاب وقدر يصبر كسب كثير


اخي الغالي مخبر اسأل الله العظيم رب العرش الكريم ان يرزقنا وإياك وكل مسلم الرزق الحلال

انه جواد كريم وبالاجابه جدير

تحياتي لك
يا غالي

الراااايق
المخبر
06-04-2002, Sat 7:44 PM
اخوي الرااااايق الف شكر لك
على سرعة اجابتك
والحمد لله على كل حال


انا في انتظار الباقين.........
ابو الليل
06-04-2002, Sat 7:52 PM
ماعليكم لا تبيعون القصيم الزراعية الابعد ماتعلن الشركة مافي جعبتها يعني .... تأملوا خير ان شاء الله
المخبر
06-04-2002, Sat 7:58 PM
انشاء الله
الله يعطيك العافية اخوي ابو الليل
بس متى بتعلن؟؟؟؟؟؟
افدنا اخوي ابو الليل اذا كان عندك اي علم


تحياتي لك
سين من الناس
06-04-2002, Sat 8:02 PM
هلا والله ومرحبا اخي المخبر
وعذرا عن عدم الرد من قبل بس بيني وبينك الزراعيات كلها ماهيب من ضمن اهتمامتي
وتراني يا خوي انا مستثمر ومانيب مضارب وذي الشركات فيها خير لكن بعد فيها مخاطرة وانا من الجبناء في هالأمور لعدم تفرغي ولأني اؤمن بالشركات ذات العائد.
كلامك عن القصيم الزراعية جميل لكن لو مضاربها حب يجمدها والاّ ينزلها وش تسوي؟؟؟؟.هذي الأسهم وانا آخذ سهم ربحه 10% مضمون ولا سهم 40%مع مخاطرة عالية..يقولون ما فاز باللذات الاّ الجسور وبعد يقولون من خاف سلم وآخر مثل انا شفت سهم تبوك!!!!!!!!
عذرا على الإطالة لكنك عزيز وحبيت انبهك.

اخوك المحب سين
المخبر
06-04-2002, Sat 11:34 PM
هلا وسهلا بالحبيب سين

اخوي الف شكر لك انا معك انها مخاطرة وكبيرة بعد
بس الواحد يستفيد يعني شفنا الشرقية الزراعية طلعت 100%100
ولا استفدنا منها

الله يكتب الي فيه الخير للجميع........


تحياتي لك......
الحيران
07-04-2002, Sun 12:37 AM
وما زال للصعود بقية إنشاء الله :

الأحد = 16.5

الإثنين = 18

الثلاثاء = 19.75

الإربعاء= 21.75

يكفي وإلا نزيد .......وإلا وش رايكم..... التفاؤل حلو ....

اللهم زد وبارك .....
swift
07-04-2002, Sun 1:41 AM
المشكلة ان كمية التنفيذ فيها متدنية
أمس السبت مثلا تم تداول 115,834 سهم فقط يعني ولا شي

وموجود حاليا طلب واحد عليها 218,960 سهم ومطلوب بـ 15 يعني هذا الطلب بيضف عروض البيع بكره الا اذا ارتفعت!!

وتبي الصراحه انها تخوف لكن زي ما قالوا الأخوان .

بس اللي له قلب يتحمل ان فلوسه تندبل لازم يتحمل ان تطير نص فلوسه على الأقل برضه ،،، وهذا نظام السوق زيادة المخاطرة تعني زيادة (الربح/الخسارة)

الله يوفقكم ويرزقكم جميعا
المخبر
07-04-2002, Sun 10:13 PM
شكرا اخوي الحيران علىهذا التفائل بس عساك تملك اسهم فيها؟؟؟؟؟


اخويswift
تحليلك منطقي ومعقول والمخاطرة لابد منها .....وكلاها ريالين فوق ولا تحت

شكرا لمشاركتك اخوي
أبوعبدالحكيم
08-04-2002, Mon 4:03 AM
مبروك لكل ملاك القصيم الزراعية وتستاهلون كل خير أخي المخبر

وأتوقع وبشكل كبير أن يسير سهم المواشي بنفس مسار القصيم

مبروك ثانياً لملاك القصيم الزراعية والمواشي.
ابو فهد
16-04-2002, Tue 1:38 PM
مبروك لكل من يمتلك اسهم القصيم
المخبر
16-04-2002, Tue 3:17 PM
الله يبارك فيك اخوي عبد الحكيم وابو فهد
مع العلم اني بعتها بــ16.25

والحمد لله المكسب طيب والطمع شين

وانشاء الله انكم تلقون خير في المواشي
أبوعبدالحكيم
16-04-2002, Tue 4:00 PM
الله يبارك للجميع ، علماً أن المواشي تسير باتجاه 20ريال.
سين من الناس
16-04-2002, Tue 7:55 PM
مبروك لك اخي المخبر ولكل ملاّك القصيم
ولا تحسّف ياخوي ربي ارزقني وارزق مني والله يرزقك في غيرهاو يفتح علينا وعليك.


اخوك سين
المصرفي
16-04-2002, Tue 11:20 PM
شركة القصيم الزراعية (جاكو)
الثلاثاء، 16 إبريل، 2002
سعر السهم (ريال) 19
تراوح السعر 18.50 - 8.75
حجم التداول 731,387
الصفقات 291
القيمة 13,981,836.00
رسملة السوق (ألف ريال) 93,328
عدد الأسهم (ألف سهم) 4,912
بيتا 0.35
مضاعف السعر للعائد -
مضاعف السعر للدخل -
مضاعف السعر للقيمة الدفترية 0.7
مضاعف السعر للتدفق النقدي -
عائد الأرباح الموزعة (%) 0
المخبر
17-04-2002, Wed 12:20 AM
اخوي سين الله يبارك في عمرك اول ماقلت الحمد لله والشكر له
واردد معك اللهم ارزقني وارزق مني

اخوي المصرفي شكرا لردك