موتري انسرق!! وش السواة

[hwaimeer]

قبل 3 أيام غبراء وقفت عند بقاله ابشري بيبسي( الله لا يعيد ذاك الببسي):mad:
وبعد غياب دام حوالي دقيقه داخل البقاله طلعت ومعي البيبسي أدور موتري
مالقيت شي. تلفت يمين يسار مافيه ولا أثر:eek:.
بلغت العيون الساهره وسجلت محظر ووعدوني انه خلال يومين بالكثير والموتر
عندك. والى الحين وانا انتظر ..
وش السواة ياوجيه الخير !! دلوني
ياشين الغبن شيناه

[عذبه]

الحل تطلع تدور عليها بنفسك .. واذا لقيتها انتبه لاتبلغ انك لقيتها لأنهم بيدفعونك قيمة ( بلاغ كاذب)

[بريستيج]

شكلك تارك السيارة تشتغل

[محمد بن صالح]

سجل نوعها ورقمها وموديلها يمكن يلمحها احد الاعضااء

[مدحت]

يذكرون ان احد الناس انسرقت سيارته ولقاها خلال 24 ساعه تدري كيف ؟ شيئ غريب جدا
يعرف واحد يشتغل في شركة نظافة الرياض (القمايم ) عمم على العمليات وجابوها البنقال

[hwaimeer]

الحل تطلع تدور عليها بنفسك .. واذا لقيتها انتبه لاتبلغ انك لقيتها لأنهم بيدفعونك قيمة ( بلاغ كاذب)

لازم ابلغ ياعذبه
افرضي لقيت فيها مصيبه
ولا ممنوعات
همن انسجن وتصير موت وخراب ديار
ولا افرضي لقيتها همن مسكوني يحسبوني
انا الي سارقها:cool:

[ابو هلا الأول]

السؤال المهم جدا
انت مخلي الموتر شغال ومفتوح علشان البراد والا لا
علمني وبعدين اعلمك

[hwaimeer]

شكلك تارك السيارة تشتغل

اي والله يابرستيج
وهذي غلطتي واعترف فيها
بس بعدها توبه
اذا وقفت عند الاشاره انتظرها تلوع اخضر
بأطفي موتري:D

[وقاص]

اهم شي البيبسي شربته ولا رميته

تراه مضر بالصحه

والعيون الساهره
اذا بتنتظرهم بتبطي عظم

قم دور سيارتك وخاصة وقت الضحويه كلٍ نايم
واذا هي مناسبه للتفحيط
دور عند مجمعات العزوبيه

الله يعينك ويعوضنا وياك خير

نسال الله ان يعقل ضالتك لك

[علي محمدسليمان]

الله يعوض عليك

[hwaimeer]

سجل نوعها ورقمها وموديلها يمكن يلمحها احد الاعضااء

كابرس فضي 2004
لوحه ل س ن

[hwaimeer]

يذكرون ان احد الناس انسرقت سيارته وجابها خلال 24 ساعه تدري كيف ؟ شيئ غريب جدا
يعرف واحد يشتغل في شركة نظافة الرياض (القمايم ) عمم على العمليات وجابوها البنقال

والبنقال وشلون بيعرفون رقم اللوحه:rolleyes:

[(ابو وسن)]

دوور في النظيم او الدخل المحدود (العريجا)

يقولون والعهدة على الراوي: انك لو قلت ان له هيئة ارهابي يجيبونها في نص ساعة

الله يعينك

[hwaimeer]

السؤال المهم جدا
انت مخلي الموتر شغال ومفتوح علشان البراد والا لا
علمني وبعدين اعلمك

صح عليك:rolleyes:

[ابو هلا الأول]

اهم شيء بعد مفاتيح البيت لاتكون في السيارة
وان كانت في السيارة غير القفول
بعدين تراك مفرط يوم تترك السيارة شغالة ولو رحت للشرطة وعرفو انها شغالة مشكلة بعد
لكن عليك اولا بسؤال الله قبل سؤال الناس
قبل الىقامة اسأل الله ان يرد عليك سيارتك
اكثر من الاستغفار
وابحث عنها مع التوكل على الله
وبيعقل الله ان شاء الله سيارتك
وياالله تعقل على خوينا سيارته
يلقاها سليمة دون صدون او تخريب
قولو آآآآآآآآآآآآآميييييييييييييييين

[fastrocket]

دوور في النظيم او الدخل المحدود (العريجا)
يقولون والعهدة على الراوي: انك لو قلت ان له هيئة ارهابي يجيبونها في نص ساعة
الله يعينك

يمكن كلامك صحيح ...وراح ترجع له السيارة
لكن ياويله يا سواد ليله إذا اكتشفوا أنه يضحك عليهم :D

[خطاب]

كابرس فضي 2004
لوحه ل س ن
هامور وهذه سيارتك:)

عليك بالبحث عنها بالشواع اللي حول استاد الملك فهد

[hwaimeer]

اهم شي البيبسي شربته ولا رميته

تراه مضر بالصحه

والعيون الساهره
اذا بتنتظرهم بتبطي عظم

قم دور سيارتك وخاصة وقت الضحويه كلٍ نايم
واذا هي مناسبه للتفحيط
دور عند مجمعات العزوبيه

الله يعينك ويعوضنا وياك خ

نسال الله ان يعقل ضالتك لك

تصدق مع الربشه مدري وش سويت بالببسي:confused:
جزاك الله خير

[الساكتي]

الله يعوض عليك وتحصلها بأقرب وقت إن شاء الله ..

فيه منتديات للمفحطين حاول تحصل على مساعدتهم ..

واحد انسرقت سيارته وبلغ بأن السيارة أنسرقت وفيها طفل نائم في المرتبه الخلفية .. طبعاً (( العيون الساهره )) تفاعلت مع الموضوع وحصلوا السيارة خلال ثلاث ساعات تقريباً ولكن بدون طفل ..

وبعد أن بلغوا ابوه بأنهم حصلوا السيارة بدون طفل قال : معليش طلع الولد نايم في البيت وما دريت عنه ..

[hwaimeer]

دوور في النظيم او الدخل المحدود (العريجا)

يقولون والعهدة على الراوي: انك لو قلت ان له هيئة ارهابي يجيبونها في نص ساعة

الله يعينك

مزبووط وهذا الي سمعته بعد
أو لو قلت ولدي كان بالسياره
يعني بالعربي لو اشتهوا يقدرون يجيبونها!!

[hwaimeer]

اهم شيء بعد مفاتيح البيت لاتكون في السيارة
وان كانت في السيارة غير القفول
بعدين تراك مفرط يوم تترك السيارة شغالة ولو رحت للشرطة وعرفو انها شغالة مشكلة بعد
لكن عليك اولا بسؤال الله قبل سؤال الناس
قبل الىقامة اسأل الله ان يرد عليك سيارتك
اكثر من الاستغفار
وابحث عنها مع التوكل على الله
وبيعقل الله ان شاء الله سيارتك
وياالله تعقل على خوينا سيارته
يلقاها سليمة دون صدون او تخريب
قولو آآآآآآآآآآآآآميييييييييييييييين

كانت بالسياره
وغيرت القفول
الله يجزاك خير.. خففت عني كثير بدعوتك الزينه
يازين الالتجاء لرب العالمين
استغفر الله استغفر الله استغفر الله
انا لله وانا اليه راجعون

[hwaimeer]

هامور وهذه سيارتك:)

عليك بالبحث عنها بالشواع اللي حول استاد الملك فهد

هويمير ياخطاب مانيب هامور
بعدين بيني وبينك حرام تشري سياره
كشخه بهالبلد:)
افرض انها كانت بانوراما وشاريها تقسيط
وش أبسوي بعمري :eek:

[قبرص]

الله يردها لك عاجلاً غير آجل

ولا تنس تدعو : اللهم آجرني في مصيبتي واخلفلي خيرا منها

[hwaimeer]

الله يعوض عليك وتحصلها بأقرب وقت إن شاء الله ..

فيه منتديات للمفحطين حاول تحصل على مساعدتهم ..

واحد انسرقت سيارته وبلغ بأن السيارة أنسرقت وفيها طفل نائم في المرتبه الخلفية .. طبعاً (( العيون الساهره )) تفاعلت مع الموضوع وحصلوا السيارة خلال ثلاث ساعات تقريباً ولكن بدون طفل ..

وبعد أن بلغوا ابوه بأنهم حصلوا السيارة بدون طفل قال : معليش طلع الولد نايم في البيت وما دريت عنه ..

هالحين الي بهالمنتديات يسرقون السيارات عشان
يفحطون
وشلون بيساعدوني
يمكن يطلع المشرف بكبره هو الي لطش الموتر:(

[hwaimeer]

الله يردها لك عاجلاً غير آجل



ولا تنس تدعو : اللهم آجرني في مصيبتي واخلفلي خيرا منها


جزاك الله خيييير
والله ان تفاعلكم ودعائكم خفف عني الكثير
الله لايريكم مكروه
من جد ماتحس بمرارة المصيبه الا اذا صارت
لك.

[TOSHIBA]

المشكلة قاعد تضحك ماشاء الله عليك ..!
ولا كأن السيارة منسرقة ..!

نحنُ نعيش أسوأ مما مضى وإن كان ( الديْ زايْن) مليح !

[hwaimeer]

وش اسوي توشيبا
أحاول أخفف عن نفسي
بعدين الي صار قضاء وقدر وشي مكتوب
لافرار منه.
افرض كان فيها جوالي ولا محفظتي وبطاقاتي
ولا توني طالع من البنك وساحب كم ألف وحاطها بالدرج.
مايدريك يمكن سرقتها كان فيها دفعة بلا عني
الحمد لله على كل حال

[أبو عبد الكريم]

أحس بحجم المعاناة التي تعيشها الآن

أسال الله أن يعوضك خيرا ويرد لك سيارتك وأهم شيء صحتك يالغالي

[طارق الونيس]

وش اسوي توشيبا
أحاول أخفف عن نفسي
بعدين الي صار قضاء وقدر وشي مكتوب
لافرار منه.
افرض كان فيها جوالي ولا محفظتي وبطاقاتي
ولا توني طالع من البنك وساحب كم ألف وحاطها بالدرج.
مايدريك يمكن سرقتها كان فيها دفعة بلا عني
الحمد لله على كل حال



أجل بنسدح في وسط الشارع و أقعد اقول قضاء و قدر :D فعلاً تبرير منطقي و عقلاني :rolleyes:

[TOSHIBA]

وش اسوي توشيبا
أحاول أخفف عن نفسي
بعدين الي صار قضاء وقدر وشي مكتوب
لافرار منه.
افرض كان فيها جوالي ولا محفظتي وبطاقاتي
ولا توني طالع من البنك وساحب كم ألف وحاطها بالدرج.
مايدريك يمكن سرقتها كان فيها دفعة بلا عني
الحمد لله على كل حال


الله يعوض عليك عزيزي .. ويردها آمين .
دائماً أخي افعل الأسباب ولا تثق ولا تقل بأمن وأمان .. !
أكثر من 90% من حالة السرقات اتضخ أنها من ترك السيارة شغالة ..!

الحذر دائماً مطلوب ، ولا يغني حذر من قدر ولكن الحرص المتزن جيد ..!

الأمر الآخر لي ولك وللجميع :
أليس من الأفضل عندما يترك الإنسان سيارته ليلاً
ويدخل للبيت أو يسافر ويقفل أبواب البيت مثلاً - مع فعل الأسباب -

أقول أليس من الأفضل : الدعاء بما أثر :
أستودعكَِ الله الذي لا تضيعُ ودائعه .
ثم التوكل عليه حق التوكل ..!

والله وتالله .. لو توكلنا على الله حق توكله .. لرأينا الخير ..!

عموماً : أسأل الله أن يهدي السارق ويتصل عليك ويتوب ويعود لرشده ..!
والا المرور والشرطة ( باحلين بانفسهم ) ..!

الحين يشوفون الخطأ قدامهم .. ولا كأن شيء حصل ..!

آآآآآآه يا بلد الحرمين ..

[hwaimeer]

أحس بحجم المعاناة التي تعيشها الآن

أسال الله أن يعوضك خيرا ويرد لك سيارتك وأهم شيء صحتك يالغالي


الله يجزاك خير
الحمد لله ان الخسارة بالحديد
الله لايغير علينا

[TOSHIBA]

أعتقد إذا كانت اللوحات جديدة .. بإمكان المرور الآن تحديد مكانها !
( بس ) اجتهد وتابع موضوعك ..!

هناك حلقة معدنية ..!

[hwaimeer]

أجل بنسدح في وسط الشارع و أقعد اقول قضاء و قدر :D فعلاً تبرير منطقي و عقلاني :rolleyes:

ما انسدحت ياطارق وانا اخوك
بلغت ودورت وبأدور
وبلغت الشباب وقاعدين يهجولون بالشوارع:D
أنا قصدي من شاف مصيبة غيره هانت عليه مصيبته
اللهم لا نسألك رد القضاء ولكن نسألك اللطف فيه

[طوفان]

احمد ربك ان عيالك ماهم فيها

[hwaimeer]

الله يعوض عليك عزيزي .. ويردها آمين .
دائماً أخي افعل الأسباب ولا تثق ولا تقل بأمن وأمان .. !
أكثر من 90% من حالة السرقات اتضخ أنها من ترك السيارة شغالة ..!

الحذر دائماً مطلوب ، ولا يغني حذر من قدر ولكن الحرص المتزن جيد ..!

الأمر الآخر لي ولك وللجميع :
أليس من الأفضل عندما يترك الإنسان سيارته ليلاً
ويدخل للبيت أو يسافر ويقفل أبواب البيت مثلاً - مع فعل الأسباب -

أقول أليس من الأفضل : الدعاء بما أثر :
أستودعكَِ الله الذي لا تضيعُ ودائعه .
ثم التوكل عليه حق التوكل ..!

والله وتالله .. لو توكلنا على الله حق توكله .. لرأينا الخير ..!

عموماً : أسأل الله أن يهدي السارق ويتصل عليك ويتوب ويعود لرشده ..!
والا المرور والشرطة ( باحلين بانفسهم ) ..!

الحين يشوفون الخطأ قدامهم .. ولا كأن شيء حصل ..!

آآآآآآه يا بلد الحرمين ..

الله يجزاك خير
والله اني ماعتمدت لا على شرطه ولا مرور
ولا وزير ولا ملك
بل على ملك الملوك ودعائي له آخر الليل
ثم على دعائكم ودعاء اخواني وأحبابي
لذلك سأجدها بتوفيق منه وحده
آآآمين ياااارب.

[hwaimeer]

أعتقد إذا كانت اللوحات جديدة .. بإمكان المرور الآن تحديد مكانها !
( بس ) اجتهد وتابع موضوعك ..!

هناك حلقة معدنية ..!

لوحتي 3 حروف و 3 أرقام
مهب من الجدد أتوقع!
بعدين يوم بلغت المرور ماقالوا شي
عن الحلقه المعدنيه

[hwaimeer]

احمد ربك ان عيالك ماهم فيها

ماأتوقع ان لو كان فيها احد بتنسرق
لانها بتصير بعدين قضية سرقه واختطاف
يعني بيسحبون الي سرقوها مع علباتهم:D
لكن سرقة سيارة مواطن في وضح النهار
لن يهتم بها أحد!!

[طارق الونيس]

راح تلقى سيارتك بعد أسبوعين و راح تلقاها مظلله و فاكين لوحتها و مركبين لوحه قديمة .. و قول الونيس ما قال و عليها بلاغ مخدرات..
ولو مو بلاغ المخدرات ما راح تشوفها ألا بعد شهر ..

[مساهم قنوع]

هويمر ... تبيع بـــــــ7300 وانا وحظي حتى لو كانت عالجنوط قل تم :rolleyes:
هههههههههههههههههههههههههههههههههههههههههه
ان شاء الله بتجدها وهي سليمه الاهم تكون مغسله :)
اخوووك

[hwaimeer]

راح تلقى سيارتك بعد أسبوعين و راح تلقاها مظلله و فاكين لوحتها و مركبين لوحه قديمة .. و قول الونيس ما قال و عليها بلاغ مخدرات..
ولو مو بلاغ المخدرات ما راح تشوفها ألا بعد شهر ..

الله يستر يارب

[طارق الونيس]

لوحتي 3 حروف و 3 أرقام
مهب من الجدد أتوقع!
بعدين يوم بلغت المرور ماقالوا شي
عن الحلقه المعدنيه


أنت معنا بسوق الأسهم ؟:D


عز الله رحنا وطي أتوقع ;)

[hwaimeer]

هويمر ... تبيع بـــــــ7300 وانا وحظي حتى لو كانت عالجنوط قل تم :rolleyes:
هههههههههههههههههههههههههههههههههههههههههه
ان شاء الله بتجدها وهي سليمه الاهم تكون مغسله :)
اخوووك

بس قيمة الغسيل عليك
قل تم:D

[hwaimeer]

أنت معنا بسوق الأسهم ؟:D


عز الله رحنا وطي أتوقع ;)

قالولك أنا شريطي سيارات
أنا أشوف لوحات جديده طالعه من تالي
يمكن هي الي يقصدها

عموما الي بيلقاها له سهم هديه فيه 30%
ان شاء الله على الخاص

[خالد الحربي]

صار لي نفس الموقف قبل فتره .. كنت في العمل ( السياره مقوفه وطافيه) وطلعت ما حصلتها ...
المهم بلغت وبعد 5 ايام ذهبت اراجع وقبلما ادخل مركز الشرطه لمحت سيارتي مرميه في مواقفهم ورحت شيكت عليها وشغلتها وحبيت اخذها معي( ولا واحد من الشرطه سالني ايش تسوي) بس نصحني خوي ابلغ كف بحث ولوما سويت كذاكان يشيلونها من قدام بيتي ..

نصيحتي لك ازرقهم كل مره يمكن تحصلها واقفه وما دروا عنها ... واذا حصلتها لاوم تبلغهمعشان يعملون كف بحث

والله يعوض عليك

[for ever]

البيبسي المفروض ما تشربه تحتفظ فيه أغلى علبة بيبسي بقيمة سيارة

أكتب موضوعك مره ثانيه و سجل رقم اللوحه و نوع السياره في العنوان
و اكتبه في أكثر من منتدى .... نهاية الأسبوع و بيبقى الموضوع في الكثير من المنتديات
ما راح ينقلونه ...

[panther]

الله يعوضك خير


واحد انسرقت سيارته وبعد يومين رجعوله السيارة وهم مستحين منه وكتبو له رسالة انهم في ذلك الوقت كانو في حاجة سيارة وما لقو الا هالسيارة واحنا بنعتذر منك ولك هدية اقامة في افخم فنادق جدة الرجال ما قصر راح يقي الهدية في جدة رجعو الشباب سرقو بيته انتبه لا يسيرلك مثله

[فنون التوقع]

المشكله انك خارج السوق ( الاسهم ) يعني ما صادوك وخسروك قالو طيب ناخذ حقنه منه ونسرق السيارة يعني الخسارة فيك فيك( لو انك معلق في السوق ) .

اسأل الله ان يرد ضالتك
امين امين

[ابن مانع]

صار لي نفس الموقف قبل فتره .. كنت في العمل ( السياره مقوفه وطافيه) وطلعت ما حصلتها ...
المهم بلغت وبعد 5 ايام ذهبت اراجع وقبلما ادخل مركز الشرطه لمحت سيارتي مرميه في مواقفهم ورحت شيكت عليها وشغلتها وحبيت اخذها معي( ولا واحد من الشرطه سالني ايش تسوي) بس نصحني خوي ابلغ كف بحث ولوما سويت كذاكان يشيلونها من قدام بيتي ..

نصيحتي لك ازرقهم كل مره يمكن تحصلها واقفه وما دروا عنها ... واذا حصلتها لاوم تبلغهمعشان يعملون كف بحث

والله يعوض عليك


الينك ذيب وجبتها

الله يعينك وأن شاء الله ما تصبح والا من يقولك تعال استلم سيارتك وهي باحسن حال

[الامازون]

الله يعوض عليك

[hwaimeer]

صار لي نفس الموقف قبل فتره .. كنت في العمل ( السياره مقوفه وطافيه) وطلعت ما حصلتها ...
المهم بلغت وبعد 5 ايام ذهبت اراجع وقبلما ادخل مركز الشرطه لمحت سيارتي مرميه في مواقفهم ورحت شيكت عليها وشغلتها وحبيت اخذها معي( ولا واحد من الشرطه سالني ايش تسوي) بس نصحني خوي ابلغ كف بحث ولوما سويت كذاكان يشيلونها من قدام بيتي ..

نصيحتي لك ازرقهم كل مره يمكن تحصلها واقفه وما دروا عنها ... واذا حصلتها لاوم تبلغهمعشان يعملون كف بحث

والله يعوض عليك

ابشر ياخالد من بكرا وانا محضر عندهم
وبفتش الحوش قبل ماأدخل:D
الله يجزاك خير

[hwaimeer]

البيبسي المفروض ما تشربه تحتفظ فيه أغلى علبة بيبسي بقيمة سيارة

أكتب موضوعك مره ثانيه و سجل رقم اللوحه و نوع السياره في العنوان
و اكتبه في أكثر من منتدى .... نهاية الأسبوع و بيبقى الموضوع في الكثير من المنتديات
ما راح ينقلونه ...

يارجال انا القى السياره
ولك مني كرتون بيبسي
ماطلبت شي;)
بعدين اذا مالقيت سيارتي عن طريق هالمنتدى
ماراح ألقاها عن طريق غيره
الله يخليه لنا قول آآمين

[hwaimeer]

الله يعوضك خير


واحد انسرقت سيارته وبعد يومين رجعوله السيارة وهم مستحين منه وكتبو له رسالة انهم في ذلك الوقت كانو في حاجة سيارة وما لقو الا هالسيارة واحنا بنعتذر منك ولك هدية اقامة في افخم فنادق جدة الرجال ما قصر راح يقي الهدية في جدة رجعو الشباب سرقو بيته انتبه لا يسيرلك مثله

الله يديم علينا الأمن والأمان
من جد الأمور من جرف لدحديره
لكن وش تقول ..من أمن العقوبه أساء الأدب!!

[hwaimeer]

المشكله انك خارج السوق ( الاسهم ) يعني ما صادوك وخسروك قالو طيب ناخذ حقنه منه ونسرق السيارة يعني الخسارة فيك فيك( لو انك معلق في السوق ) .


اسأل الله ان يرد ضالتك
امين امين

يعني داخل السوق خسرانين
وبرا السوق خسرانين:eek:
على كذا يافنون نشوفلنا ديره نهاجرلها أصرف
وياروح مابعدك روح.

[hwaimeer]

الله يعوض عليك

جزاك الله خير
الله يعوض على الجميع

[مـرمـر زمـانـي]

اخي العزيز ، الله يردها لك عاجلاً
حاول تشيك مع الحجز في وادي لبن يمكن تكون هناك خلال اسبوع.

[طارق الونيس]

قالولك أنا شريطي سيارات
أنا أشوف لوحات جديده طالعه من تالي
يمكن هي الي يقصدها

عموما الي بيلقاها له سهم هديه فيه 30%
ان شاء الله على الخاص


في شركة أسمها ( أليانز أس أف ) تسمع عنها ؟:D

[ابو سلطان وسطام]

الدخل المحدود
شارع الوليد بن عبدالملك قرب المستوصف
اليله اخر اليل والاقرب تصلي الفجر هناك وبعده شوف وش تشوف
سيارتي انسرقت ولقيتهم يفحطون عليها هناك
مئات السيارات هناك تفحط ولا يوجد اي سياره للشرطه وانعدام كامل للدوريات والامن
الله يوفقك

[hwaimeer]

اخي العزيز ، الله يردها لك عاجلاً
حاول تشيك مع الحجز في وادي لبن يمكن تكون هناك خلال اسبوع.

ابشر من بكرا
وانا مو متصل الا محضر عندهم
بعد
شكرا لتواصلك:)

[المؤشررر]

المشكله فيه ناس كثيررررررررررر تلقاهم في كل مكان ينزل المحطه او البقاله او اي محل وزوجته في السياره افرض جاوا اثنين وشالوا السياره وزوجتك للاسف الى بكره بتشوفهم بكل مكان.....الله يعينك اخوي

[hwaimeer]

في شركة أسمها ( أليانز أس أف ) تسمع عنها ؟:D

أعرف ان فيها مكسب ياونيس
بس مش الي اقصدها

[hwaimeer]

في شركة أسمها ( أليانز أس أف ) تسمع عنها ؟:D

هي بأي سوق:D

[ابو سلطان وسطام]

مو بكره ليله الجمعه
ليله الخميس (اليوم ) الان يعني
الله يعينك

[R_stock]

اسمع رغم اني ما احبذ هالاسلوب لكن من له حيله فليحتال

شخص سرقوا سيارته توه شاريها جديده
3 ايام ما يرقد

الحل
بطاقة سواء مالها صاحب
واتصل
وبلغ عن سيارتين بينهم مطاره واطلاق نار باسلحه
وحدد الحي اللي يشك فيه
وعطاهم موصفات سيارته والسياره الثانيه بدون لوحه

وقفل الجوال ونطل الشريحه
وركب شريحته الاساسيه والمسجل جواله بالبلاغ

5 ساعات وهم متصلين عليه حضر

اسلوب خاطئ لكن اجبر عليه

[Saads]

الله يعوضك بخير

روح لحجز المرور وابحث عن سيارتك

اللى يحصل ان بعض الناس تسرق السياره للتفحيط او عمليه سطو من ثم يوقفوا السياره فى اى مكان ويذهبوا فى حال سبيلهم

احيانا سكان الحى يبلغوا عن سياره مشبوهه موقفه فى الحى لاسابيع واحيانا المرور يلاحظ سياره مغبره واقفه فى مكان ما لفتره زمنيه يراقبوها لاسبوع او اسبوعين من ثم يسحبوها

المشكله ان ماعندنا اليه متابعه بين تحريرالشرطه لمشهد سرقه وسحب السياره من قبل المرور او الشرطه

مشهد السرقه يعمم على نقاط التفتيش فى المملكه

المشكله لو تطابق السيارات اللى فى احواش المرور سوف تجد الكثير منها مسروووووق ولن للاسف مافى متابعه

اضرب لك مثال واحد راح مكه ياخذ عمره وقف السياره بين البيوت رجع مالقى السياره بلغ الامن وحرر محضر بعد اشهر واحد من الشباب قله درت احواش المرور قال لا قال روح دورها اخذ اجازه ورجع لمكه حصلها مغبره مسحوبه من اشهر عديده

المقصد من الكلام ابحث عن ضالتك فى احواش المرور

اتمنى لك التوفيق

[hwaimeer]

الدخل المحدود
شارع الوليد بن عبدالملك قرب المستوصف
اليله اخر اليل والاقرب تصلي الفجر هناك وبعده شوف وش تشوف
سيارتي انسرقت ولقيتهم يفحطون عليها هناك
مئات السيارات هناك تفحط ولا يوجد اي سياره للشرطه وانعدام كامل للدوريات والامن
الله يوفقك
وش يوديني هناك بهالوقت يابو سلطان وسطام
الله يخليهم لك
ان كانك حول المنطقه لا تبخل تكفى
الله يوفقك ويخلي لك عيالك
عندك مواصفات السياره

[أستاذ]

أنا انسرق لي موتر السواق في جده على ما أذكر قبل حوالي 8 سنين ولا كان شغال ولا مفتوح وبلغت وقعدت ثلاث أيام أتردد على المرور قالوا ولا سمعنا به
قالي واحد ابن حلال روح لشركة (aaa) هم متعهدين السحب ذيك الأيام مدري لا زالوا أو لأ
رحت لهم في مكتب لهم بشارع فلسطين لقيتهم مسجلين الموتر وساحبينه بمعرفة وتوجيهات المرور وقاطينهم بحوشهم على الطريق السريع شرق المطار
دفعت 300 ريال أجرة سحبهم له ونقلته على حسابي للتشليح وبعته بكلب سرق أهله لأنه كان مصدم والقزاز مكسر والشاصيه ملووح
وواحد صاحب مؤسسة في المدينة تخيل انسرق له (دينا) وقعد سنه كامله يتردد على المرور وماحولك أحد
قيل له روح حجز المرور يوم راح قالوله على البوابه أدخل دور على موترك ولقاه بوسط عشرات السيارات وشوف عاد حال الموتر عقب سنه
القصد موب تكسير مجاديفك على ما قال ولكن لتعزيتك ولتعرف أن ربعنا الله المستعان بس
أقول أسأل الله يرد عليك ضالتك سليمة وحسبنا الله ونعم الوكيل

[>>> عنفوان <<<]

فيه طريقة حلوة ولذيذة ...

اولا المدينة التي أنت بها ... توقع أين يكثر فيها السرقات أو الحي اللي تتوقعه ..

ثانيا اذهب لهذا الحي وأختر خمس أو ست .. شركات ليموزين ..وقل لمديرها : سيارتي أنسرقت وياليت تعمم على السواقين بمواصفاتها هذي وتعطيهم النوع والموديل واللون ورقم اللوحة أنه من سيجدها له ألف أو ألفين ريال ... مكافأة ..

وبأذن الله سيتصلون بك .. والله يردها سالمة غانمة .

[مطفر بس كاش]

اللهم رب الضاله اعد ضالته

[hwaimeer]

المشكله فيه ناس كثيررررررررررر تلقاهم في كل مكان ينزل المحطه او البقاله او اي محل وزوجته في السياره افرض جاوا اثنين وشالوا السياره وزوجتك للاسف الى بكره بتشوفهم بكل مكان.....الله يعينك اخوي
كل شي جايز
بس على حسب علمي مايتصيدوا الا السيارات الي مافيها أحد
هذا اذا كان نيتهم السرقه بس طبعا.
بس اذا كان نيتهم شي ثاني وهم عارفين ان الدرعى ترعى ليش لا!!

[hwaimeer]

مو بكره ليله الجمعه
ليله الخميس (اليوم ) الان يعني
الله يعينك

والله بعيد بس
ماأتوقع بعد هالفتره بيفحطوا فيها عيني عينك!!

[hwaimeer]

اسمع رغم اني ما احبذ هالاسلوب لكن من له حيله فليحتال

شخص سرقوا سيارته توه شاريها جديده
3 ايام ما يرقد

الحل
بطاقة سواء مالها صاحب
واتصل
وبلغ عن سيارتين بينهم مطاره واطلاق نار باسلحه
وحدد الحي اللي يشك فيه
وعطاهم موصفات سيارته والسياره الثانيه بدون لوحه

وقفل الجوال ونطل الشريحه
وركب شريحته الاساسيه والمسجل جواله بالبلاغ

5 ساعات وهم متصلين عليه حضر

اسلوب خاطئ لكن اجبر عليه

والله شكلي بسويها ياولد
ومايفل الحديد الا الحديد:)
شكرا على الفكره الحلوه.

[hwaimeer]

الله يعوضك بخير

روح لحجز المرور وابحث عن سيارتك

اللى يحصل ان بعض الناس تسرق السياره للتفحيط او عمليه سطو من ثم يوقفوا السياره فى اى مكان ويذهبوا فى حال سبيلهم

احيانا سكان الحى يبلغوا عن سياره مشبوهه موقفه فى الحى لاسابيع واحيانا المرور يلاحظ سياره مغبره واقفه فى مكان ما لفتره زمنيه يراقبوها لاسبوع او اسبوعين من ثم يسحبوها

المشكله ان ماعندنا اليه متابعه بين تحريرالشرطه لمشهد سرقه وسحب السياره من قبل المرور او الشرطه

مشهد السرقه يعمم على نقاط التفتيش فى المملكه

المشكله لو تطابق السيارات اللى فى احواش المرور سوف تجد الكثير منها مسروووووق ولن للاسف مافى متابعه

اضرب لك مثال واحد راح مكه ياخذ عمره وقف السياره بين البيوت رجع مالقى السياره بلغ الامن وحرر محضر بعد اشهر واحد من الشباب قله درت احواش المرور قال لا قال روح دورها اخذ اجازه ورجع لمكه حصلها مغبره مسحوبه من اشهر عديده

المقصد من الكلام ابحث عن ضالتك فى احواش المرور

اتمنى لك التوفيق

شكرا لتواصلك
من بكرا وانا كعب داير على احواش المرور
أشوا أنه خميس:D

[hwaimeer]

أنا انسرق لي موتر السواق في جده على ما أذكر قبل حوالي 8 سنين ولا كان شغال ولا مفتوح وبلغت وقعدت ثلاث أيام أتردد على المرور قالوا ولا سمعنا به
قالي واحد ابن حلال روح لشركة (aaa) هم متعهدين السحب ذيك الأيام مدري لا زالوا أو لأ
رحت لهم في مكتب لهم بشارع فلسطين لقيتهم مسجلين الموتر وساحبينه بمعرفة وتوجيهات المرور وقاطينهم بحوشهم على الطريق السريع شرق المطار
دفعت 300 ريال أجرة سحبهم له ونقلته على حسابي للتشليح وبعته بكلب سرق أهله لأنه كان مصدم والقزاز مكسر والشاصيه ملووح
وواحد صاحب مؤسسة في المدينة تخيل انسرق له (دينا) وقعد سنه كامله يتردد على المرور وماحولك أحد
قيل له روح حجز المرور يوم راح قالوله على البوابه أدخل دور على موترك ولقاه بوسط عشرات السيارات وشوف عاد حال الموتر عقب سنه
القصد موب تكسير مجاديفك على ما قال ولكن لتعزيتك ولتعرف أن ربعنا الله المستعان بس
أقول أسأل الله يرد عليك ضالتك سليمة وحسبنا الله ونعم الوكيل


جزاك الله خير
بس أنا لسه متفائل يلقونه بكامل صحته وعافيته
قولوا آآآمين
الفكره وصلت
جزاك الله ألف خير

[hwaimeer]

فيه طريقة حلوة ولذيذة ...

اولا المدينة التي أنت بها ... توقع أين يكثر فيها السرقات أو الحي اللي تتوقعه ..

ثانيا اذهب لهذا الحي وأختر خمس أو ست .. شركات ليموزين ..وقل لمديرها : سيارتي أنسرقت وياليت تعمم على السواقين بمواصفاتها هذي وتعطيهم النوع والموديل واللون ورقم اللوحة أنه من سيجدها له ألف أو ألفين ريال ... مكافأة ..

وبأذن الله سيتصلون بك .. والله يردها سالمة غانمة .

برضه سمعت عنها
وحسويها
بس ان شاء الله يتعاونون معي
ياااااارب

[ابو عبداللطيف]

لازم ابلغ ياعذبه
افرضي لقيت فيها مصيبه
ولا ممنوعات
همن انسجن وتصير موت وخراب ديار
ولا افرضي لقيتها همن مسكوني يحسبوني
انا الي سارقها:cool:

صدفني انت ما تقراء خلف السطور!!!!!

[ابو عبداللطيف]

كابرس فضي 2004
لوحه ل س ن

والله حسبتة لكسز على ذا الغبينة

[ابو عبداللطيف]

شف اعلمك ولا تعلم احد
ارجع لقسم الشرطه الي بلغت فيه وقول لهم بشروا عساكم لقيتوا السيارة لأنني الصراحة على سيارتي ملصقات تخولني الدخول الى.... عاد سم اهم المناطق اهمية وقل يمكن سرقوها علشان يوصلون لهاذي الاماكن كلها مشتاقه لك... هه ههه هههه

[الخلوق جدا]

أحد قالك تسوق كامري و إلا ألتيما !؟

هذول عشقتهم !!

إذا غير كذا

يمكن الرجال محتاج و يبغى يسافر و ينبسط !

فمكن يكون شلحها أو باعها على التشليح !!(بعضهم) ما يخافون الله!

و متواطئين مع الحرامية !!

و إذا جيت تشتري قزازة (زجاجة) لسيارتك إذا كان الحرامي

كسر القزازة (حتى المثلثة) الصغيرة يكون سعرها غالي جدا !!

و كأنهم عارفين إنك محتاجها ضروري !!

المفروض التشليح يكون عليهم رقابة مباحث !

و يحطون في إعتبارهم أشياء كثيرة (ممكن تدل على تواطئ صاحب التشليح) مع الحرامية!

1) وجود سيارات مشلحة غير مصدومة ! ولكن رقم الشاص(الهيكل) متلف تماما !

2) رفع أسعار قطع معينه مثل (الزجاجة المثلثة)!

3) عدم إكتراث أصحاب التشليح بمصدر القطع عند شرائها !

---------------------------

عليك بأخذ جوله على أماكن التفحيط و الكشتات !!

و الله يعوض عليك و يخلف عليك سيارتك

آميــــن

دائما بلغ !

لا تكون أستخدمة في القتل أيضا !

و الله أعلم

[mordy]

أعتقد إذا كانت اللوحات جديدة .. بإمكان المرور الآن تحديد مكانها !
( بس ) اجتهد وتابع موضوعك ..!

هناك حلقة معدنية ..!


يبدو ان الحلقه المعدنيه ضحكه ! على الجميع

اخي هويمير

اشوفك ماكتبت رقم اللوحه كامل عسى مانت ناسيه ،،،، يارب تعيد له سيارته

توفيق الله يرعاك

[ستلايت]

الحل
بطاقة سواء مالها صاحب
واتصل
وبلغ عن سيارتين بينهم مطاره واطلاق نار باسلحه
وحدد الحي اللي يشك فيه
وعطاهم موصفات سيارته والسياره الثانيه بدون لوحه

وقفل الجوال ونطل الشريحه
وركب شريحته الاساسيه والمسجل جواله بالبلاغ



انتبه ياالحبيب تسوي الحركه هذي
البلاغات الكاذبة لها حكم ثاني تتمنى بعده انهم سرقوا بيتك مو سيارتك

شركة الاتصالات لو جاها استفسار
تقدر تجيب خبرك
حتى لو تحط مليون شريحة في جوالك

اذا بتسوي الحركه هذي
فلا عاد تستخدم الشريحة ولا الجهاز :)

وبصراحة
ليتك نسيت جوالك فيها
عشان تقدر تعرف وينهم فيه
وأي موظف في شركة الاتصالات يقدر يجيب لك احداثياتها التقريبيه

بس يالله
قدر الله وماشاء فعل

والله يردها لك سالمه وغانمه
سالمه من اي حادث وغانمه بكم كيلو حشيش
تعوضك خساير اليوم :)

[moody]

ما حك جلدك مثل ظفرك قم دور عليها بنفسك في معارض السيارات والحراجات والله يعوضنا ويوضك خير وبلا عيون ساهرة بلا اخرطي 000

[دايم أخضر]

انتبه ياالحبيب تسوي الحركه هذي
البلاغات الكاذبة لها حكم ثاني تتمنى بعده انهم سرقوا بيتك مو سيارتك

شركة الاتصالات لو جاها استفسار
تقدر تجيب خبرك
حتى لو تحط مليون شريحة في جوالك

اذا بتسوي الحركه هذي
فلا عاد تستخدم الشريحة ولا الجهاز :)

وبصراحة
ليتك نسيت جوالك فيها
عشان تقدر تعرف وينهم فيه
وأي موظف في شركة الاتصالات يقدر يجيب لك احداثياتها التقريبيه

بس يالله
قدر الله وماشاء فعل

والله يردها لك سالمه وغانمه
سالمه من اي حادث وغانمه بكم كيلو حشيش
تعوضك خساير اليوم :)

كلام خبير الجرائم ستلايت صحيح :)
بس تراه في دعوته يقصد الشعير لكن التبس عليه الأمر:D
لو حطيت شريحه وكلمت فيها ثم رميتها ورجعت شريحتك الأولى في الجوال
كان بسهوله يجيبون رقمك الثاني الرئيسي اللي تستخدمه.
وهذي الخاصيه موجوده في أغلب شركات الإتصالات بالعالم بما فيها الإتصالات
السعوديه وموبايلي وحتى زين.

[سهم النسبه]

لا حول ولا قوة إلا بالله ..

أخي الحبيب

عليك بهذا الدعاء والإستغفار ..

(( اللهم يا جامع الناس في يوم لا ريب فيه إجمعني بضالتي
اللهم رد إلي ضالتي ))


عليك بالبحث عنها أخي الحبيب بنفسك وبمساعدة من أصدقائك وأقربائك ..

ونحن كذلك ..

[dehlosa]

طبق القول المأثور والدعاء المستجاب--- يا جامع الناس ليوم لا ريب فيه اجمع على ظالتى

اللهم رد ظالته عليه وعوضه عنها بخير ان اتلفت

[عمر القصيم]

يارجال احمد ربك انه انسرقت سيارتك انت احسن من غيرك تعال شف امام مسجد
بالعزيزيه في الرياض عامر فله وجالس يشطب اتصلو عليه ناس في المساء وعرضو
عليه انهم مختصين بالجبس وعندهم عروض والرجال على نياته حضر لهم عند الفله
ودخلو عشانيوضح لهم المطلوب واستلموه ضرب وشلحوه واخذوه الى اقرب صراف
تحت تهديد سلاح ابيض وصرف لهم خمسه الاف وبعد البلاغ تم القبض على احدهم
المشكله غير الطق والسرقه جاء له اتصال من احد افراد العصابه يمكن صديق
او قريب يهدده بأنه لن يسلم احد من افراد عائله اذا تعرض لهم في الشرطه او طالب
بحقوقه حيث انهم سوف يسعون لانهاء القضيه باسرع وقت ويجب عليه عدم التدخل
والرجال مسكين عايش في قلق يقول وين اروح ...............

[Globe]

يارجال تحمد ربك مانت داخل السيارة يوم انسرقت.

[hwaimeer]

شف اعلمك ولا تعلم احد
ارجع لقسم الشرطه الي بلغت فيه وقول لهم بشروا عساكم لقيتوا السيارة لأنني الصراحة على سيارتي ملصقات تخولني الدخول الى.... عاد سم اهم المناطق اهمية وقل يمكن سرقوها علشان يوصلون لهاذي الاماكن كلها مشتاقه لك... هه ههه هههه

البنتاغون مثلا!!

[hwaimeer]

أحد قالك تسوق كامري و إلا ألتيما !؟

هذول عشقتهم !!

إذا غير كذا

يمكن الرجال محتاج و يبغى يسافر و ينبسط !

فمكن يكون شلحها أو باعها على التشليح !!(بعضهم) ما يخافون الله!

و متواطئين مع الحرامية !!

و إذا جيت تشتري قزازة (زجاجة) لسيارتك إذا كان الحرامي

كسر القزازة (حتى المثلثة) الصغيرة يكون سعرها غالي جدا !!

و كأنهم عارفين إنك محتاجها ضروري !!

المفروض التشليح يكون عليهم رقابة مباحث !

و يحطون في إعتبارهم أشياء كثيرة (ممكن تدل على تواطئ صاحب التشليح) مع الحرامية!

1) وجود سيارات مشلحة غير مصدومة ! ولكن رقم الشاص(الهيكل) متلف تماما !

2) رفع أسعار قطع معينه مثل (الزجاجة المثلثة)!

3) عدم إكتراث أصحاب التشليح بمصدر القطع عند شرائها !

---------------------------

عليك بأخذ جوله على أماكن التفحيط و الكشتات !!

و الله يعوض عليك و يخلف عليك سيارتك

آميــــن

دائما بلغ !

لا تكون أستخدمة في القتل أيضا !

و الله أعلم
جزاك الله خير

[hwaimeer]

يبدو ان الحلقه المعدنيه ضحكه ! على الجميع

اخي هويمير

اشوفك ماكتبت رقم اللوحه كامل عسى مانت ناسيه ،،،، يارب تعيد له سيارته

توفيق الله يرعاك

عشان ماتطلعون اسمي :D

[hwaimeer]

انتبه ياالحبيب تسوي الحركه هذي
البلاغات الكاذبة لها حكم ثاني تتمنى بعده انهم سرقوا بيتك مو سيارتك

شركة الاتصالات لو جاها استفسار
تقدر تجيب خبرك
حتى لو تحط مليون شريحة في جوالك

اذا بتسوي الحركه هذي
فلا عاد تستخدم الشريحة ولا الجهاز :)

وبصراحة
ليتك نسيت جوالك فيها
عشان تقدر تعرف وينهم فيه
وأي موظف في شركة الاتصالات يقدر يجيب لك احداثياتها التقريبيه

بس يالله
قدر الله وماشاء فعل

والله يردها لك سالمه وغانمه
سالمه من اي حادث وغانمه بكم كيلو حشيش
تعوضك خساير اليوم :)

واحنا ناقصين ياستلايت:mad:

[hwaimeer]

ما حك جلدك مثل ظفرك قم دور عليها بنفسك في معارض السيارات والحراجات والله يعوضنا ويوضك خير وبلا عيون ساهرة بلا اخرطي 000

على قولتك
يابلادي واصلي والله معاكي
السؤال تواصل فين:D
الله يرحم الحال

[hwaimeer]

لا حول ولا قوة إلا بالله ..



أخي الحبيب


عليك بهذا الدعاء والإستغفار ..


(( اللهم يا جامع الناس في يوم لا ريب فيه إجمعني بضالتي
اللهم رد إلي ضالتي ))



عليك بالبحث عنها أخي الحبيب بنفسك وبمساعدة من أصدقائك وأقربائك ..



ونحن كذلك ..


جزاك الله ألف خير
الله لايحرمني منكم

[hwaimeer]

طبق القول المأثور والدعاء المستجاب--- يا جامع الناس ليوم لا ريب فيه اجمع على ظالتى

اللهم رد ظالته عليه وعوضه عنها بخير ان اتلفت


جزااك الله خير
الله لايريك مكروه يارب

[hwaimeer]

يارجال احمد ربك انه انسرقت سيارتك انت احسن من غيرك تعال شف امام مسجد
بالعزيزيه في الرياض عامر فله وجالس يشطب اتصلو عليه ناس في المساء وعرضو
عليه انهم مختصين بالجبس وعندهم عروض والرجال على نياته حضر لهم عند الفله
ودخلو عشانيوضح لهم المطلوب واستلموه ضرب وشلحوه واخذوه الى اقرب صراف
تحت تهديد سلاح ابيض وصرف لهم خمسه الاف وبعد البلاغ تم القبض على احدهم
المشكله غير الطق والسرقه جاء له اتصال من احد افراد العصابه يمكن صديق
او قريب يهدده بأنه لن يسلم احد من افراد عائله اذا تعرض لهم في الشرطه او طالب
بحقوقه حيث انهم سوف يسعون لانهاء القضيه باسرع وقت ويجب عليه عدم التدخل
والرجال مسكين عايش في قلق يقول وين اروح ...............

لاحول ولا قوة الا بالله
انا لله وانا اليه راجعون
الحمد لله على كل حال

[hwaimeer]

يارجال تحمد ربك مانت داخل السيارة يوم انسرقت.

هقوتك أحد بيبلغ عني:D

[خطاب]

عطني رقم لوحتك بالكامل أرقام وحروف

[hwaimeer]

عطني رقم لوحتك بالكامل أرقام وحروف

عطني رقم جوالك على الخاص
وارسلك هي
ماأقدر أرسل رساله على الخاص:mad:

[نجل الرياض]

بيبسي بريال يفقدك سياره

الله يعينك وتجد سيارتك ان شالله وتنتبه لها في المستقبل

احد الشباب فقد سيارته من نوع لكزس بسبب علبة بيبسي وكان عشاه في السياره ( بروستد )

الحرامي تعشى وتمشى بالسياره وحصلوها الساعه 5 الفجر من يوم الخميس متروكه في برحه بعد ما فضى البنزين

[NEW MAIND]

الله يكون بعونك ويرد عليك موترك 00

ماودي والله أقضي على تفاؤلك بس أضحكتني بقوة كلمتك (( العيون الساهرة ))

إذا أنت من سكان الروابي بشرق الرياض أكيد تسمع بمطاعم الرومانسية إللي بتقاطع شارع عبدالله بن عباس مع الزبير بن العوام

فيه هناك سيارة لها ثلاث شهور أعتقد إنها (( سكادا )) زيتية اللون مرمية ومفتوحه درايشها وملعوب في حسبتها

قدام المطبخ حق الرومانسية ومحل ملابس رياضية (( يفتح شرق )) وكل ما جيت آخذ العشاء من المطبخ ألقى هالسيارة مالها ولي

سألت العمال قالوا هذي مرمية من زمان ومحد سأل عنها

وتقول العيون الساهرة 00 يا حليلك والله

[حبيب الملايين]

ان شاء الله خلال 24 ساعه القادمه يتصولن عليك الدوريات الامنيه . خل جوالك قريب . أطمن


المهم تنك بلغت عنها لحظة سرقتها ..

مره انسرقت سياره لنا . وبعد ثلاث ايام لقوها فيها كراث وترمس شاهي وزوليه . شكل حريم اللي سارقينها .

عمومآ افضل طريقة للصوص هي الوقوف بجوار البقالات وخصوصآ الموجوده بالمحطات . وانتظار فرائسهم . يجب اخذ الحيطه

[hwaimeer]

بيبسي بريال يفقدك سياره

الله يعينك وتجد سيارتك ان شالله وتنتبه لها في المستقبل

احد الشباب فقد سيارته من نوع لكزس بسبب علبة بيبسي وكان عشاه في السياره ( بروستد )

الحرامي تعشى وتمشى بالسياره وحصلوها الساعه 5 الفجر من يوم الخميس متروكه في برحه بعد ما فضى البنزين

الله يهديه لو شرا الببسي
من مطعم البروستد وش كان حيضره يعني:D

[hwaimeer]

الله يكون بعونك ويرد عليك موترك 00

ماودي والله أقضي على تفاؤلك بس أضحكتني بقوة كلمتك (( العيون الساهرة ))

إذا أنت من سكان الروابي بشرق الرياض أكيد تسمع بمطاعم الرومانسية إللي بتقاطع شارع عبدالله بن عباس مع الزبير بن العوام

فيه هناك سيارة لها ثلاث شهور أعتقد إنها (( سكادا )) زيتية اللون مرمية ومفتوحه درايشها وملعوب في حسبتها

قدام المطبخ حق الرومانسية ومحل ملابس رياضية (( يفتح شرق )) وكل ما جيت آخذ العشاء من المطبخ ألقى هالسيارة مالها ولي

سألت العمال قالوا هذي مرمية من زمان ومحد سأل عنها

وتقول العيون الساهرة 00 يا حليلك والله


كنت أظنهم ساهره
طلعوا .... ولا بلاش أقول:cool:

[hwaimeer]

ان شاء الله خلال 24 ساعه القادمه يتصولن عليك الدوريات الامنيه . خل جوالك قريب . أطمن


المهم تنك بلغت عنها لحظة سرقتها ..

مره انسرقت سياره لنا . وبعد ثلاث ايام لقوها فيها كراث وترمس شاهي وزوليه . شكل حريم اللي سارقينها .

عمومآ افضل طريقة للصوص هي الوقوف بجوار البقالات وخصوصآ الموجوده بالمحطات . وانتظار فرائسهم . يجب اخذ الحيطه

ههههههههههههههههههه
ضحكتني وانا مالي خلق ياحبيب الملايين
وشهيتني بالكراااث:D

[سلطان الخير]

ماعليك يارجال
بس الي سرقها يمكن عنده اشغال يبغا يخلصها
هاليومين وبيرجعها لك
ولو انك ماخذ كاكولا كان ماسرقت السيارة

اسال الله رب العرش الكريم
ان يرجع سيارتك لك
سليمه ولافيها اي شيء
وتحصل فيها بعد كم سيدي حلوو
مع عطر رومنسي
وابطلب منك طلب بالله اذا حصلتها
عطنا خبر

[المحترم]

الله يجيرك في مصيبتك

ولد اختي تنسرق سيارته في السنه مرتين أول ما انسرقت كان يبلغ وبعد ما لقاها ذاق الامرين لين شالوا التعميم وقفوه اكثر من مرررره

في الاخير اذا انسرقت ما يبلغ يروووح يدورها في مجمعات التفحيط الي في الرياض

[الدرس الأول]

أعانك الله وهذا درس للجميع

وإذا وجدتها سو لها كف بحث يعني بلغ أنك وجدتها حتى يسقطون التحري عنها

[ABO ABDULAZIZ]

اهم شي البيبسي شربته ولا رميته

تراه مضر بالصحه

والعيون الساهره
اذا بتنتظرهم بتبطي عظم

قم دور سيارتك وخاصة وقت الضحويه كلٍ نايم
واذا هي مناسبه للتفحيط
دور عند مجمعات العزوبيه

الله يعينك ويعوضنا وياك خير

نسال الله ان يعقل ضالتك لك

الحمد لله انك منتب اخوي..ولا يا أنا يا أنت بهالدنيا :)

[مؤشر مالي]

الله يرجع سيارتك لك يالغالي ، ووسع صدرك على بعض الردود ، عاد انت نزلت الموضوع والسوق رايح فيها ، الله يعينك على نفسيات بعضهم للاسف ، مصيبه غيرهم فرصة لاستخفاف دمهم ، لكن الدنيا دواره لاتخاف

وربي يحفظ لك صحتك ومالك

[ستوكس]

هل يوجد في السياره جوال شغال او مقفل به شريحه

اذا كان يوجد به الجوال سوف تجده أن شاء الله

[المحامى]

الله يعينك
سياره جديده لاتشترى
خذ لك سياره نص عمر
عشان لاتوسوس مثلى .
سرقو سيارتى ويوم شريت لى واحده جديده اقوم بالليل اشوف هى واقفه مكانها والا لحقت الاولى . نسال الله ان يعقل ضالتك لك

[hwaimeer]

ماعليك يارجال
بس الي سرقها يمكن عنده اشغال يبغا يخلصها
هاليومين وبيرجعها لك
ولو انك ماخذ كاكولا كان ماسرقت السيارة

اسال الله رب العرش الكريم
ان يرجع سيارتك لك
سليمه ولافيها اي شيء
وتحصل فيها بعد كم سيدي حلوو
مع عطر رومنسي
وابطلب منك طلب بالله اذا حصلتها
عطنا خبر
اذا لقيتها بعطيكم خبر ان شاء الله
عشان تسوون كف بحث:D
جزالك الله خير

[hwaimeer]

الله يجيرك في مصيبتك



ولد اختي تنسرق سيارته في السنه مرتين أول ما انسرقت كان يبلغ وبعد ما لقاها ذاق الامرين لين شالوا التعميم وقفوه اكثر من مرررره



في الاخير اذا انسرقت ما يبلغ يروووح يدورها في مجمعات التفحيط الي في الرياض


ليه تعميم كف البحث
صعب لهالدرجه!!

[hwaimeer]

الله يرجع سيارتك لك يالغالي ، ووسع صدرك على بعض الردود ، عاد انت نزلت الموضوع والسوق رايح فيها ، الله يعينك على نفسيات بعضهم للاسف ، مصيبه غيرهم فرصة لاستخفاف دمهم ، لكن الدنيا دواره لاتخاف

وربي يحفظ لك صحتك ومالك

جزاك الله خير
ومايدريك يمكن مساعدة أخيك
تكون سبب لرزقك!
الله يسامح الجميع

[hwaimeer]

أعانك الله وهذا درس للجميع

وإذا وجدتها سو لها كف بحث يعني بلغ أنك وجدتها حتى يسقطون التحري عنها

جزاك الله خير
المعلومه وصلت

[hwaimeer]

هل يوجد في السياره جوال شغال او مقفل به شريحه

اذا كان يوجد به الجوال سوف تجده أن شاء الله

للأسف لا
جوالي ومحفظتي كانوا معي
من زود الحرص:D

[hwaimeer]

الله يعينك
سياره جديده لاتشترى
خذ لك سياره نص عمر
عشان لاتوسوس مثلى .
سرقو سيارتى ويوم شريت لى واحده جديده اقوم بالليل اشوف هى واقفه مكانها والا لحقت الاولى . نسال الله ان يعقل ضالتك لك

سياره جديده:eek:
مافيه أمل في هالبلد
دباب ويخب:D

[موهوب]

الله يرد لك سيارتك
غالبا الي يسرقون السيارات هدفهم التفحيط....وانسى انك تلقى سيارتك بنفس لوحاتها...رح يغيرون لوحاتها....ورح يظلولونها بتظليله كامله....غالبا رح يتركون السياره شغاله بعد ما ينتهوا منها ويحطون المكيف على الحار ويخلونها لين تطفى من حالها....دور في احياء جنوب الرياض خصوصا امكان التفحيط.

الله يرد لك سيارتك ولايوفق من سرقها وان شالله تغل في عنقه يوم الدين