دلوني على معقب نشيط يبترم كل صبح على مكاتب تقييم شركات سوقنا

[ستلايت]

اللي خابر لي مكتب تعقيب أو معقب متفرغ يدلني عليه
وترى له نسبه من الربح وراتب مقطوع وكروت بنزين وشحن سوا
يعني الشغله ربحها مضمون ..

بس بشرط
واللي اوله شرط آخره نور ولميس ;)

يعني شرطي من يوم يقفل السوق
وهو لابس شماغه
ومبترم على سيارته في شوارع الرياض
وطردي ورى هالمكاتب وتقاريرها ..

وماتجي الساعه 10 الصبح من بكره
إلا وهو حاط توصيات التقييم على طاولة المكتب ..

بصراحة السنه هذي موضة شركات التقييم
تقرير واحد يعطيك 10% زي السلام عليكم
يعني اجلس برا السوق وريح اعصابك
ومن يوم يجيك التقرير شراء
فسم بسم الله وطب
وإن جاك تقرير بيع وتخلص
فسم بسم الله وأنحش ..

انتهينا من موضة البالتوك ورسائل الجوال
وجتنا موضة مكاتب التقييم ..
وسلم لي على هيئة الرقابة والادعاء العام والصحة وتسكير المنتديات في :
هيئة سوق المال
ولاتكن وعاء للشائعات :mad:

[عبدالعزيز الدوسري]

موجودين وبكثرة

وببلاش :D

ومنذ زمن

ولكن الطريقة أختلفت شوي

أول قروبـــات فردية

الآن قروبات مؤسساتية.

[أبو جـود]

البالتوك = الجول = مكاتب مرخصة

أعرف أشخاص من عتقية البالتوك والجوال وهذي اليومين نزلو على المكاتب المرخصة , الله يكفينا الشر

[ستلايت]

جريدة الرياض : الاربعاء 28 جمادى الآخر 1429هـ -2 يوليو2008م - العدد 14618

شركة "الراجحي" للخدمات المالية توصي بشراء "اسمنت اليمامة" ويقدر سعرها العادل عند 100.25ريال
أوصى مصرف الراجحي بشراء أسمنت اليمامة بسبب ارتفاع طاقاتها الانتاجية ودخول توسعاتها مرحلة الانتاج التجاري وقدر سعرها العادل عند 100.25ريال.

:

الشركة ======== الأفتتاح >>>> الأعلى
اسمنت اليمامة === 71.50 >>>> 75.25

[علي محمدسليمان]

ابو ستلايت كل يوم لنا موضة بس يقولون الأول لاعب والتالي تاعب راحت عليك يا ابو الشباب جب موضة جديدة والعب على كيفك من البداية

[محمد سعيد]

ينفع واحد يتابع من بيتهم بالانترنت والاتصالات الهاتفية وتعوضه عن كروت البنزين وشحن سوا بمبلغ كاش وتدير له محفظته بالنسبة علشان يتفرغ للمتابعة مزبوط

[ستلايت]

الاخ : الدوسري
ما نبي شي ببلاش ثم نفلس منها كلها
دامنا مااستفدنا من القروبات الفرديه قلنا نلحق على المؤسساتيه .
:

الاخ : ابو جود
هذا الواقع
ولكن لبسوا اللباس النظامي لتحريك وتدبيل محافظهم بصورة مكشوفه ونظاميه