█░◄ كم تسوى شهادات الاسهم القديمة ..؟؟► ░█

[ابن بطوطة]

السلام عليكم ..
فيه شيبان (الله يرحم من مات والله يحفظ من بقى) .. عندهم شهادات اسهم وبعضها اكتتاب ..يريدون بيعها ..
السؤال : كم تسوى.. وكيف الطريقة المناسبة لبيعها بأفضل سعر ..؟؟

ومشكورين مقدما على التجاوب ..

[الفال]

الي معه اسهم من اكتتابات مثلي
يوم رحت اشوف كم قيمتها لقيتها السهم مثل الرجنه
ههههههههههههههههههههههههههههه
وماقويت ابيع الرجنه وخليتها للعيال الله يحيك
بس دوشة انهم مالقلو لك اسم في الشرك سقط سهو والفلوس اكلوها ثم ادخل في مطالبه الين يرجعونها لكن الامر بسيط كلها كم شهرين ثم يعيدون لك
اعتقد رجنه ما رايح يفهمها غير اهلها
محبك الفال

[الغضا]

شهادات الاسهم لاتباع وانما يتقدم مالكها او الورثه للبنك الموجود حسابه فيه ويقوم البنك بمخاطبة شركة تسجيل الاسهم لفتح محفظه بالاسهم وادراج اسهم الشهادات فيها وذلك وفق التجزئه التى تمت للاسهم موخرا ومن ثم يمكن بيعها بالسوق وفق ما هو يجرى حاليا

[ابن بطوطة]

الفال .. الغضا ..
الف شكر لكم ..

[العنيد]

شوف حبيبي افيدك من واقع تجربه

بعض الشركات ينفع ترسلها للشركة لتسجلها بالرياض مثل سابك وصافولا وبعض الشركات لازم تروح الشهادات الاصل للشركه نفسها لتغييرها واضافه اسهم ان كان هناك منح لم تأخذ وخلافه مثل الكهرباء وتنقلها باسم الوكيل الشرعي لورثة الميت وانا كان صاحبها حي يعمل وكاله من المحكمه بنقلها باسم من يريد وفقك الله وأتمنى اكون افدتك
العنيد

[fullmoon]

انا توفى والدي الله يرحمه

واخذت توكيلات من ورثة والدي وراجعت جميع البنوك

واي محفظه القاها أصفيها وأسحب جميع الحسابات

بالاخير وبالصدفه ذكروا لي عمارة التعاونيه اللي بالرياض

قبل بناية الفيصليه وانت متجه شمال بطريق الخدمه وانت بطريق الملك فهد

وهناك فيه شركة تسجيل الاسهم السعوديه ( تداول ) بالطابق الارضي

راجعتهم واعطيتهم بطاقة احوال الوالد ورقم الحفيظه

وبعد ما تأكدوا من الوكالات اللي معي شيكوا بالرقمين :

بطاقة االاحوال : ولقوا شهادات قديمه

ورقم الحفيظه : ولقوا شهادات قديمه

طلبت تحويلها لمحفظتي ورفضوا لان التوكيلات تنص على بيعها وليس تحويلها

قالوا لي جيب اي محفظه لاحد اخوانك ونحولها لك

وبكذا انحلت


الغريب اني عطيتهم رقم بطاقتي ورقم الحفيظه ولقيت لي أسهم شهادات :d

بعدها كل ما لقيت احد من الشباب اعلمه واقول رح شيك

يمكن الشايب له شي والا مساهم لك


وفعلا كثير شباب لقوا لهم اسهم والمضحك ان كانت لهم أسهم ما أستلموا الفائض من الاكتتاب :d



وبس وسلامتك

[ابن بطوطة]

العنيد .. fullmoon..
الله يبارك لكم في مالكم ..