وين اقرب طريق يطلعك على نفود

[ستلايت]

ودي آخذ بساطي وقهوتي واطلع هالعصريه اشم هواء عليل
وأحط لي قوطي ببسي ابرد حرتي فيه ببندق شاريها قبل سنتين

وأي واحد له ولد عم او ولد خال او اخو في دوريات امن الطريق
رجاءً رجاءً يعلمه لايقرب حولي ثم اسدحه جنب القوطي :eek:

دلوني على اقرب طريق لو سمحتوا
لأني اخاف اطلع لي مع طريق والقاه كله شبوك
وتزيد ضيقتي ضيقه وارجع لبيتي مانزلت من سيارتي

حسبي الله على شيطانهم علقونا
ومع التعليقة لحسو الارباح اللي لقيناها في شهر

يعني جلستي الايام اللي راحت قدام الشاشه
طلعت كلها مضيعه وقت وفوقها خساره :mad:

انا قبل اعرف سوق الاسهم وادخله
اسمع ان الفرق بين الطلب والعرض يكون ربع ريال

لكن اليوم طلعت الفروقات بالريالات وعساها تكفيهم :(

[الهاوي]

الله يقلعهم كله كوم والمتطوره كوم قاعد في المتطورة من اسبوع واليوم ما صدقنا شم هوا الى 26 الا ويخفس بنا الى 24.50 الله يقلعه وجهه ياشيخ من ربحانين الى خسرانيين

[مدور رزق]

وش رايك نتقابل في مزرعة العاذرية :d

[استفهام]

ودي آخذ بساطي وقهوتي واطلع هالعصريه اشم هواء عليل
وأحط لي قوطي ببسي ابرد حرتي فيه ببندق شاريها قبل سنتين

دلوني على اقرب طريق
لأني اخاف اطلع لي مع طريق والقاه كله شبوك
وتزيد ضيقتي ضيقه واجع مانزلت من سيارتي

حسبي الله على شيطانهم علقونا
ومع التعليقة لحسو الارباح اللي لقيناها في شهر

يعني جلستي الايام اللي راحت قدام الشاشه
طلعت كلها مضيعه وقت وفوقها خساره
يمدحون ضلع القدّية ماهقيت يشبّك.!!!
بس البندق إن كانت أم صتمه فتأكد أن معك تصريح.!!!!
إن كانت أكبر بدلها بنباطة أصرف لا تتعلق بشيئ ثاني. :(

[م.أحمد]

أقرب طريق :cool: يطلعك على نفود هو طريق الحائر

[الأخطبوط]

كان تقسط نفود الثور أو الثويرات

البلد مليان

[تنفيذ]

اسلوب رائع وروح رياضية راقية
ماشاء الله عليك
رزقك الله روحا لاتشترى بمال

[المعادل]

أقرب طريق :cool: يطلعك على نفود هو طريق الحائر


وانت الصادق من عند عليشه:rolleyes:

[fergalator]

النفود وفي الحر شوف لك منطقة باردة فيها طيور وحيوانات اليفة.

[robinhod]

ههههههه

توك تعرف ان سوق الاسهم تقعد تجمع فيها شهر وبربع ساعة يطيرون كل قريشاتك !!!! الله يستر على راس المال اخوي

[ابو سنــــــــــد]

اطلع من سوق الحسرات

وخلك على الاكتتابات نراك رايح تعوض باذن الله بدون تعب خلال السنه فيه اكثر من عشر اكتتابات وفي مقوله اخرى اكثر من 140 شركه رايحه تطرح للاكتتاب العام لو كل شركه حصلت فيها 1000 ريال كان عوضت


ثانيا / النفوووووووووود هالوقت اذا بالنهار تموت عطش وحر واذا باللليل تخاف من الدواب السامه يعني فتره العصير فقط معك (العصير = تصغير العصر)


انصحك بالحماد بس يلزمك فروه من الطيبات ماهي صناعيه ترا الجو بارد

خاصه لاهه والهوه وام وعال

[سنعوسي]

ستلايت في النفود ؟؟؟ ماتجي

وش رايك في المريخ؟ أو سطح القمر؟

[الجوهرة*]

الله يعوض علينا جميعا

[ستلايت]

الغالي : الهاوي
ربنا يعوضك
ويرزئك باحسن من المتطوره واخواتها بسهم يعانـ ء النسب .

:

الغالي: مدور رزق
العاذرية ومعي بندق
شكلك ناوي تخليها تأبيده
او مشوار بسيط للصفاة
جهة المزاحمية وخبيب الريم وعسانا نسلم .

:

الغالي : استفهام
القديه عندها مركز التفتيش يسمعون دبيب النمل
كيف عاد صوت الرمي وتكفيخ القوطي .

:

الغالي : ميم دوت كوم احمد
يالله فال خير
ماعندك اي طريق ثاني غير هالطريق اللي يودي ومايرقعش.

:

الغالي : الاخطبوط
حتى النفود قاموا يقسطونه
نعبنوا هالتجار ماخلوا شي :)

:

الغالي : تنفيذ
شكرا لك على الكلام الحلو
بس ابن آدم طماع والزين مايكمل
يعني لو يجي معها ذاك بعد كان ازين وازين .
والله يرزقنا طاعته ومعها الصحه والعافيه .

:

الغالي : المعادل
ماصارت طلعة بر
طلعت معاملة
خلاص هونا وترانا ماخسرنا
بس غيروا هالقناة اللي مافيها إلا ابو زعبل .

[صقر أبو خالد]

نفوووووووووذ :eek: ..
لا يجووون يضفوووونك مع الرمل :D ..

[AL_ZAMIL]

وشوله تخسرنفسك ريال زود على خسارتك اليوم وتشري ميرندا

دور اقرب طعس واتصل علي اباقف وتويقع علي بس عاد بشويش لا تكود الطلقه

عمى مااداني اغفل عنهم شوي اللى جاينك مديورين

ربح شهر راح !!! مفصخ وش تمسك وش تخلي

[ستلايت]

الغالي : fergalator
الضيقة مالها دواء إلا فجوج الخلا والسعه في راس طعس بمعاميلك
العصافير والربيع للي كاشت ومستانس من صبح
اما اللي متعكر مزاجه ماله إلا راس طعس يدفن همومه فيه .

:

الغالي : روبن هود
هو بقى فيها راس مال
راس المال قاشعينه طيور شلوى من سنة جدي
الحين ندور رجلين المال وعسانا نمسكها .

:

الغالي : ابو سند
معاد نقدر نطلع
يالله مستشفى الامل وعساه يقدر علينا
وخطه الاكتتابات ماشين عليها بس مافينا صبر على ارباحها .
وحزة العصير هذي يقول الشاعر فيها :
الضيقة اللي دايم تالي عصيـر *** وش حيلتي واردها لا تجيني


:

الغالي : سنعوسي
عاد تصدق جت
ولو تبي مقطع بلوتوث وريتك :)

:

الاخت : الجوهره نجمه
على الجميع ان شاء الله
وعقبال تنفك تعليقتك في اللي مايتسماشي .

:

الغالي : ستلايت
لا لا
هذا انا .

:

الغالي : صقر ابو خالد
معاد تفرق يابن الحلال
اخذوا الحال والمال .

:

الغالي : AL_ZAMIL
لا والله فكني منك ومن جيتك
تبي تجي تتقهوى معي
وتفيض عن خاطرك حياك الله
لكن تجي عشان احط في رقبتي دم مسلم
فلا والله لاتجي
لا وتتشرط مانكودها بعد .
خلني اضيق من خساره ولا اشيل ذنبك
والخساره الظاهر انها عامه على الشعب كله إلا من رحم ربي .

[عوض الكريم]

ودي آخذ بساطي وقهوتي واطلع هالعصريه اشم هواء عليل
وأحط لي قوطي ببسي ابرد حرتي فيه ببندق شاريها قبل سنتين

وأي واحد له ولد عم او ولد خال او اخو في دوريات امن الطريق
رجاءً رجاءً يعلمه لايقرب حولي ثم اسدحه جنب القوطي :eek:

دلوني على اقرب طريق لو سمحتوا
لأني اخاف اطلع لي مع طريق والقاه كله شبوك
وتزيد ضيقتي ضيقه وارجع لبيتي مانزلت من سيارتي

حسبي الله على شيطانهم علقونا
ومع التعليقة لحسو الارباح اللي لقيناها في شهر

يعني جلستي الايام اللي راحت قدام الشاشه
طلعت كلها مضيعه وقت وفوقها خساره :mad:

انا قبل اعرف سوق الاسهم وادخله
اسمع ان الفرق بين الطلب والعرض يكون ربع ريال

لكن اليوم طلعت الفروقات بالريالات وعساها تكفيهم :(
اخاف يمر احد الاخوان ولايشوف الجمله اللي بالاحمر
علشان كذا كبرتها
وش اسوي احبك وابي لك الخير:D
يمدحون القلابه عندهم والزياره ابشر ماراح نقصر
:)

[alrajel]

عندى لك مكان ماحولك احد والقواطى موجوده فيه, الجسر المعلق اطلع عنه شوى يمين
الى سفح الجبل بتلقى تحتك وادى فيه سيارات واجد ولاعندها احد بتشوفها كبر القواطى من بعدها عن ارتفاع
الجبال واصحابها مايقدرون يوصلون لك الا بطائرة هليكوبتر او ساعتين بالسياره واعتقد الساعتين كافيه لافراغ كامل الذخيره لكن اهم شئ عطنا خبر كان بتروح له علشان مانمر
مع الجسر لتفادى الطلقات العشوائيه

[الفال]

كثر الله الف خيرك والله مهموم واجليت عني الهم
عسى ربي يجلي عنك وعن الجميع الخساير
روح احلى من العسل ابشر خير
السوق هذه المره لن يطول بالرده
محبك الفال

[الخبير الصغير]

قوطي والا مهوب قوطي لاعاد تجيب طاري رمي ومارمي
خلاص ايام وراحت

مثل كذا لاتحلم
7
7

http://images.abunawaf.com/2006/07/7r-3.jpg

لكن بما انك كويس معي كواسه

اهديك هذي ارمي فيها لين تغفل ولا يجيك احد
7
7
http://img210.imageshack.us/img210/7272/imagexu4.jpg
خذ راحتك مرررررررره
بس ياليت تخفف الشنب شوي هههههههههههههه