اذا كان عند ك مليون ويش تسوي فيها ؟؟؟؟؟

[بن فهد]

السلام عليكم ورحمة الله وبركاته
الى كل المضاربين الاعزاء والاخوان الحلوين هنا بالمنتدى صبحكم الله بالخير
اذا كان عندك 1000000 ريال ويوم السبت ودك تشتري اسهم اي سهم تختار ؟؟ علما بانك ودك تكسب من المليون 100000 خلال شهر ؟؟؟ والا صعبهههههههههه اغير السؤال ؟ يالله رايكم ياحلوين ابتداء من الراااايق ولا تدخل معك براشيم يارايق ‍‍‍
اخوكم : حنون

[سين من الناس]

والله سؤال !بالنسبة للرااايق ما بعد قام البارح طول الليل يصحح..!!
ثانيا اذا عندك مليون ريال وتبي راينا انا والراايق اول شيء تواعدنا تسلفنا نعرس على المدرّسات اللي بيخطبهن لنا الراااايق وبعدين نعلمك:D :D

شف يالحبيب خذ لك شوي في الجماعي ب41-41,5 وشوي في السيارات ب32-32,5
وامخش لك شوي في الحسا (الأحساء) ب50,5 وكثّر من اسمنت السعودية..
الله يرزقنا واياك واخواننا المسلمين.
(هاه متى ترسل شيكات المهر ؟؟لاتستعجل على الصباحة خلّها بعدين!!)

اخوك سين

[بن فهد]

صبحك الله بالخير والمسرات
انتم بتاخذون الثانيه وانا بالربح باخذ الاولى
ومن العين هذي الى العين هذي حاضر تدلل شف الربح الاول لك والثاني للرااايق بس الرااايق يقول يبي اربع يعني اربع الشهور للرااايق والاتدري ان خلي الرااايق يخطب لنا المدرسات العانسات لك ثلاث وللرايق ثلاث وانا وحده بس قنوع واما بالنسبه للصباحيه اخاف ان الصباحيه لأمها وانت راح تكرهه في المستقبل فرايي انك ماتعطيه الصباحيه تتندم مثل بعض الناس .
واستغفرالله العظيم من كل ذنب عظيم
ومشكوووووووووووووووووور يا الغالي والله يعطيك العافيه
اخوكم :
حنون

[سين من الناس]

تسلم يا حنون رزقك الله الزوجة الصالحة.

[بن فهد]

تحيه طيبه لك سين من الناس والله يحميك من كل مكروه ياربي انه سميع مجيب الدعوات ان شاء الله يرزقنا يرزق اللي في المنتدى ورواد المنتدى بالخير والله ويفقنا لما يحبه الله ويرضاه
اخوكم :
حنون

[المؤشر]

اشتري 100000 سهم في المواشي




:D

[بن فهد]

يعني رايك كذا بس المواشي ما توقع لها مستقبل وانها نائمه من زمان والحين ما هو موسمها ايضاً والاختلاف في الراي لا يفسد للود قضيه ومشكوووووووور على الرد يا المؤشر والله يحميك من كل مكروه ويرزقك الرزق الحلال ويبارك لك فيه ويبارك لك في كل شيء تملكه انها سميع مجيب الدعوات
احوكم :
حنون

[سين من الناس]

السلام لله حبيبي المؤشر
ياهلا ومرحبا ومسهلا ووووووش بعد!!؟؟ مهما قلت ما يكفي للترحيب.
خطير والله خير الكلام ما قل ودل يا أخي تصدّق عاد انا هالشركة ما ادري هي في البنوك والاّ في الصناعيات:D :D
يا خي الله يحييك اولا ثانيا المواشي تخوّف وانت تحتاج زود ريال عشان يكسب الرجّال100000 ريال
وهذي شوي صعبة الاّ اذا فيه اخبار مشجّعة .بالنسبه لي انا جاهل فيها.


اخوك اللي نسيته سين;) ;)

[بن فهد]

ما ادري ليه علم اني معلومات اشوي في الاسهم ضئيله ولكن احساسي قولي لا الا اذا كان اخونا الله يطول لنا بعمره ويعطيه الصحه والعافيه انه جواد كريم عنده اخبار جديده عن هذه الشركه يفيدنا الله يفيده دنيا واخره لما يحبه الله ويرضاه
اخوكم :
حنون

[سين من الناس]

اكيد الرااايق قام من النوم اشوفه يتندّح في المنتدى;) ;)
وش رأيه باللى اتفقنا عليه؟؟؟؟؟؟

[الراااايق]

اخواني والله اني اسف على تاخري في الرد بس كنت والله في البنك ويوم طلعت من البنك مريت على سوق الكليجا قلت القطلي كم تنكه كليجا اوزعها على الحريم تعرفون زوجني سين من الناس اربع ما شاء الله

وثانيا ممتاز جدا ان جاء هذا الموضع في اخر الاسبوع كي نوسع صدورنا عليه في هالاجازه بعد اسبوع مرعب جدا
ولكنه الحمدلله انتها نهائه معقوله جدا كنه فلم هندي هههههههه

على العموم ندخل في السوال فعندي جوابين الاول


مع خبرتي في سوق الاسهم قد يساعدني في تصريف المليون

اولا بقوم اجمع با المليون كل الجاكسي اللي في السوق بسعر 2 ريال وبقوم واتفق مع المورد انه مايبيع لاحد غيري طبعا مليون موب شويء بيطمع فيني

واذا جمعت بحدود 250الف جالكسي بقوم واجمع اللي في البقالات كلها ب 2 ريال واذا سحبت اللي في السوق كله بقوم واصدر اشاعه ان الجالكسي بيرتفع سعره انه بيصير ب 5 ريال وقبل هذه الاشاعه بصدر اشاعه ثانيه قويه بقول فيها ان الجالكسي مفيد جدا جدا لامراض الرومتزيوم ههههههه
وبعدها ابد الصرف الكميه على البقلات ب 3.5 ريال واصرف 200 الف جالكسي

وبعد يومين اقوم اشد على الجالكسي وارفعه على النسبه وابيعه بي 4 ريال واصرف 300 الف الباقيه
واذا بقى معي 50 الف بس اقوم اصدر اشاعه ثانيه واقول ان الجالكسي يظر الحوامل وتعرفون ان الحريم اكثر من يحب الجالكسي على شان ابدأ اجمع مره ثانيه فيه واقوم واصرف ال 50 الف معي بي سعر 1.5 ريال فقط وبهطريقه اكون صرفته كل اللي عندي ونزلت سعر الجالكسي في السوق وابدأ اجمع فيه مره ثانيه بعد شهرين
ولكن خلال هذا الشهرين امسك الكت كات كت لمدة شهر ثاني واسوي فيه نفس الشيء وبعدها البوانتي

وخلال 3 شهور يكون المليون 4.5 مليون ريال

الف الف الف مبروك اخوي حنون هههههههههههه
-------------------------

طيب عاد جد وانا اخوك اسمع الرأي

كلام اخوي سين من الناس مرره مررره ممتاز والسبب
هو
انه اختار شركات في اي لحظه ممكن تصعد
وايضا هي شركات قويه ومتنوعه ولا ينخاف عليها باسعاره هذ الان
فتوكل على الله واشتر اللي قالك اخوك سين

وايضا لا تنسى تشتري شوي بالامواشيء لانها ايضا قد ترتفع الى 12 ريال ورياله حلو مره

تحياتي لك يا غالي

اخوووووووكم
الراااايق

[بن فهد]

مشكووووووووووووور حبيبي على الرد
وشرايك نروح للراااايق يقول عنده كليجا ناكل كليجا عنده ونشوف لنا سبع معلمات لك ثلاث وللراااايق ثلاث ولي وحده ونشتغل عندهم سواقين ههههههههههههههههههههههههههههههههههههههه
والا تدرون لو قلنا لكم نوزع اربع للرااايق اول وحده مصريه تاكل فول على الصبح ويجينا اخر الدوم يقول اشتروا الكهرباء تراه ربحانه وهي خسرانه مائه مائه والثانيه نعطيه لبنانيه ام الدلع والشنب محفوف الله يالرايق وكبه عشاء يدخلنا برومانسيه في الاسهم خيوووووووووووه اشتروا لي من سهم اللي بيتسكع في الشوارع والثالثه من السعوديه وعلى شرط ابوها عنده جيب 2002 وعنده حلال والصبح يشرب لنا حليب الخلفات ويسير بيالليل على زووجته الاربع
والاخيره بخليها لك سين من الناس
واستغفرالله العظيم
وارجو اني ما اسات لأحد
مشكووووووووور يارااايق والله يوفقك ان شاء الله لما يحبه الله ويرضاه ويطول لنا بعمرك ويهبك الذريه الصالحه اللي يعنونك على الدنيا ياربي ويعطيه الصحه والعافيه ويحميك من كل شر ومكروه انه سميع قريب مجيب الدعوات .
اخوكم :
حنون

[المؤشر]

اللي فاهمني الررررايق ....


يعني اشتر 100000 سهم في المواشي ، دفعة واحدة ،،،، وانشر إشاعة قبلها في الصالات والمنتديات ، أنها بتخفض رأس مالها وترجع ريالين مقابل كل سهم .....

المطافيق ،،، بيندفعون ويرفعونه ،، وبحركة التفافية سريعة ((( يعني دبل كيك)))) ،، شوت في الثمانيات ...... ولا أحلي

نقدر نسمي هذة الطريقة .... ((( طريقة الجلاكسي )))) :D :p

والزيادة عن 100000 ريال ، نتقاسمها .... ربع لك ، وربع لسين من الناس (ياطول أسمه ) ، وربع للرايق ، واخر ربع لي

[الراااايق]

بالظبط هذا ما اردة

تخياتي لك يا غالي


اخوي حنون

دوختني يوم قلت لابناينه وصحيت يوم قلت سعوديه ههههههههههه

[بن فهد]

صبحكم الله بالخير هلا فيك يا الغالي
وكلامك مائه مائه صح
بس اخاف مثل الرايق وابو عبدالحكيم ومنهم في شكلته يصدون الخبر ويعرفون من اين توكل الكتف بعدها ينزل 4 رايالات وانتم هنا خبراء كيف بروج القصه هذي ههههههههههههههههههههههههههههههههههههههههههههه
الله يخليك لنفسك واهلك ويطول لنا بعمرك
وهلا فيك وبصماتك على كتابتي افتخر فيها ولا تحرمنا
اخوكم :
حنون

[بن فهد]

هلا قيك لا بد الهناء يكمل يابعدييييييييي
لا بد السعوديه علامك
تصبح والله يالراااااااااايق ما عندنا بصل والا طماط والا الغاز خلاص وانت جاي جب جب جب جب لما راسك يدور وتنام لك ربع الساعه وتتاخر من العمل
بعد ما تجي من العمل دايخ مرررررررررره تقولك هلا الراااااااااايق والله بروح لأمي اليوم مريضه وما عندها احد وهي طول السنه مريضه
بعد صلاة العصر ودنا السوق قبل النوم لا تنسى بكره اللي قلت لك عليه وفكككككك
الله يعينك ياراااايق لكن الاسبوع القادم في الموضوع بنغير لك الله يعطيك العمر وجميع اللي في المنتدى
اخوكم :
حنون

[الراااايق]

صباح الفل والياسمين والجوري

اخي الغالي

لا والله ترا جد المواشيء مره ممتازه بسعر 10.5 ريال بالله عليك لا تفوتك يوم السبت ان شاء الله

واشترها وان شاء الله بتدعيلي ولا تبيعها الى فوق 11.5 واذا صبرت عليها اكثر وطلع فيها اخبار زينها ترا سعر 13 ريال يكون سعر عايدي مره

اخي الكريم انا ما عندي ولا سهم فيها وكنت بشتري امس ب 11.25 ريال ولكني فكرت فيها ولا في سابك واخيرا قررت على سابق

انا اقول يوم السبت ان شاء الله احتمال اشتري فيها ب 10.5 ريال ان الله احيانا والحقنا خير

اخوووووك
الراااايق

[بن فهد]

الله ينور دنيتك بالمسرات والحب والعطاء والخير الله ينور لك دربك اينما كنت ويحميك الله يخليك لنفسك واهلك ويخليهم لك ان شاء الله حبيبي وتكرم لي عينك على النصيحه
طيب اشتريها وانتظر 13 وابيع .
بس انا لي مده يعني اكثر من سنه وانا اتابع سهمها لم يرتفع
واذا فيه شيء جديد على الساحه جديد تعلمه عطنا كووووول ياحبيبي على الخاص
الله لا يحرمنا منك
هذا والله اعلم
اخوكم :
حنون

[الراااايق]

البريد الاكتروني كتب تحليل ممتاز جدا عن المواشيء ليتك تشوفه

تحياتي لك يا غالي

اخووووك
الراااايق

[بن فهد]

تحيه طيبه لك يالغالي مادري كيف اعبر لك عن شعوري اتجاهك ولكن لا اريد كي لاتنقص بالكلام انها اكبر من ان تقال
اخوك :
حنون

[سين من الناس]

الله يهديك يا حنون يعني تعطي الرااايق راعية الكبّة واللزي منّه وتخلّي لي راعية الطماط
والغاز اللي فضى واللي ما تزيّن الاّ للعروس‍‍!!؟؟
تدري ما دام مدرّسة انا والراايق ما نختلف...
وبالنسبة للمواشي فيه شيء ما شيّات علّموا اخوكم!!؟

[بن فهد]

نشوف لك وحده ام الكبه
ههههههههههههههههههه
الله يضحك سنك بالخير ان شاء الله يا سين من الناس بالنسبه لموضوع المواشي شف اشاعة حبيبنا الرااايق
ولك خالص احترامي
اخوكم :
حنون