التوصية الثالثة دائماً تكون خابور >>>> وش السبب ؟

[ستلايت]

تابعت عدة اسماء توصي توصيات ماتخرش منها ( الماء بس ماعرفت اكتبها بالمصري ) :)
وتصلني عدة توصيات من خارج المنتديات
ودائماً الاحظ ان التوصية الاولى ممتازة والثانية بين الممتازة والجيد جداً
أما الثالثة فهي المكنسة الكهربائية :eek:
اللي تكنس المحفظة كنس وتعلقك بأذانيك

فهل هي مقصودة او من باب الصدف ومعاندة الحظ

مع إن هؤلاء ليسوا هوامير ولا مضاربين
لكن يحبون الخير والفزعه

بس التوصية الثالثة معاد اثق فيها
ودائماً اشطب السهم من المفضلة اول ماتجيني من نفس الشخص .

فهل يحدث هذا معكم او بس الدعوة صايره عندي وناشبة لي ؟

[صـياد الأسهم]

الكلمه اللي تبيها هي :

((توصيه ماتخرش الميه)):D:D

على فكره طال عمرك

مهوب على كل حال
فيه ناس توصياتهم دوم في الثمنيات :cool:
ونادراً ماتخطي رميتهم

[أ. العربي]

هلا و غلا بروح المنتدى ..

يمكن لكونك طيب و حنون .. تتوقع انهم يحبون الخير و الفزعه ..

او انهم مخدوعون .. اعطيوا الاولى و الثانية من هامور يجمع .. ثم الثالثة بعد ان وثقوا ليصرّف ..

[الخبير الصغير]

عشان الثالثه ثابته

[ستلايت]

الكلمه اللي تبيها هي :
((توصيه ماتخرش الميه)):D:D
على فكره طال عمرك
مهوب على كل حال
فيه ناس توصياتهم دوم في الثمنيات :cool:
ونادراً ماتخطي رميتهم


بالضبط هذي اللي كنت ابغاها ( الميه )
اثاريك تعرف لغات :)
بس ترى هذي مافيها خساير
يعني مصري هندي سوري كلو محصل بعضو

اما توصيات الدراهم فهذي من خلال تجربة
الثالثة دايم تكون في الجبهه مو في الثمانيات

وليتك تراقب من جديد حقين الثمانيات
وتركز على الثالثة وتعطينا انطباعك
عشان نشوف الثالثة بس عندي
او انها منتشره بس محد مركز فيها



هلا و غلا بروح المنتدى ..
يمكن لكونك طيب و حنون .. تتوقع انهم يحبون الخير و الفزعه ..
او انهم مخدوعون .. اعطيوا الاولى و الثانية من هامور يجمع .. ثم الثالثة بعد ان وثقوا ليصرّف ..

هلا بك اكثر
وبصراحة طيب وحبوب هذي اشك فيها :)

لكن ظنك ان السيناريو المتوقع هو اللي كما تفضلت به
الاولى تكون بداية طعم والثانية انتشار ودخول اكبر عدد
والثالثه تصريف على اكبر عدد

افا ياذا العلم :mad:



عشان الثالثه ثابته

ثابته ازاي يا افندم
اشرح واعطنا من خبراتك المتواضعه ياخبيرنا

[Waleed9]

هلا بستلايت
راح اكلمك عن نفسي
وصيت على ينساب والناس قاعده تطبل لكيان
http://www.thegulfbiz.com/showthread.php?t=256179
وبعدها كيان ب13 لمحت لها
http://www.thegulfbiz.com/showthread.php?t=266374
اما عن اعمار
http://www.thegulfbiz.com/vb/showthread.php?t=279416
وصيت عليها ب22وحققت 28
وعلمت بعد ذلك انهم اضطرو ان يأجلو عمليات الرفع للسهم
ويشهد الله فوقي بيوم الجمعه المباركه انني لاأكت من اجل محفظتي او محافظ الهوامير
بل هو شي بداخلي حب للناس ان يستفيدو

------------------------------------
على فكره اخوي ستلايت
فيه واحد رد على موضوعك واقوله
كلن يناظر الناس بعين طبعه !!!!!

[fergalator]

بس المشكله وش يدريك انها الثالثة فلازم تكون تعرفه زين وفيه كثير من المطبلين في المنتدى لهم توصيات بشكل يومي الافضل ان تطور طريقتك الخاصه في متابعة الاسهم.

[ستلايت]

الاخ وليد 999
يعلم الله وشاهد علي اني كتبت الموضوع هذا ومافي خاطري شخص معين
اقول الكلام هذا حتى ماتتوقع ان الموضوع شخصي او تلميح لأحد معين

ومشكور والله يكثر من امثالك

:

اخوي ( فيرقالاتور)
>>>> حسبي الله على شيطانك مختار يوزرك وانت في البحرين

الثالثه طال عمرك تبدأ من عند اول لمبة حمراء ثم نصفر من جدد
يعني إذا صادنا الخابور اول مره
نبدأ نعد من عندها وعند الثالثة نوقف ( صارت طريقه عزل ماهي توصيات ) :)

[اسلوب]

يمكن لان الوصي ذنب لاحد الهوامير
الاولى 100% وكذلك الثانية
والثالثة ياخذون اللي عطوك اياه

[ستلايت]

يمكن لان الوصي ذنب لاحد الهوامير
الاولى 100% وكذلك الثانية
والثالثة ياخذون اللي عطوك اياه

الله يكفينا شر هؤلاء
والناس اللي اتابعهم إن شاء الله مو منهم
ولاتنطبق عليهم الاوصاف هذي
لكن يمكن مجرد صدف او زكاة اموال

واليوم ابتدينا بوحده جديدة
والى الان خضراء بس مانضمن استمرارها
وراح نتابع ونشوف
ان قلب لونها احمر اعتبرناها الثالثة
واللي بعدها بداية توصيات نسب خضر
واذا استمرت خضراء
فالثالثة ابعلمكم بها
عشان تنحاشون :)