تعلّّقت !!!

[المجازف]

السلام عليكم ورحمة الله


بعد الأرتفاع الجنوني في أسعار المواد الغذائيه ووصول كيس الأرز إلى أسعار تاريخيه وخوفا من تسجيل هايات جديده قررت قبل فتره شراء عدد من الأكياس للأستعمال المنزلي وتخزينها لتوفر مكان التخزين وبالأمس نزلت الأسعار 25% .


فهل أعدل بهذه الأسعار؟


بصراحه التعليقه شينه !!!!


* هذا الموضوع مع نهاية الأسبوع بعيد عن الأسهم وأستبيحكم العذر.


المفروض أطبق سياستي في الأسهم بعدم الشراء في الهايات.


المجازف

[أستاذ]

لا تبيع
السوق سوف يرتد
وتكسب

[ابوعزوز]

لااتوقع انك تستفيد من التعديل لان السهم سيحافظ على مركزه وسيستمر طويل مثل الكهرب

[المستثمرالصغير]

هههههههههه

مثل الكهرب

ههههههههههه

[غـــــــــــداف]

طيب عدل في شي ثاني عندك السوق يجر بعضه شف اللي ماتجاوب مع السوق ادخل
خذلك شوي مكرونة وشوي قهوة وبتعين خير:)

[رشيد ع ر]

سوي لك منتدى خاص بالكبسه
وياالله تطبيل يمكن يرتفع سعره وصرف.
والا اجدى تصدق بالبعض وتدبل 10 مرات.

[هبار]

هذا جزاء من يتاجر فى اكل المساكين ان شاء الله يصل سعر الكيس ريال عشان تتوب انت وغيرك من المتاجره فى اكل الضعوف .

[المجازف]

هذا جزاء من يتاجر فى اكل المساكين ان شاء الله يصل سعر الكيس ريال عشان تتوب انت وغيرك من المتاجره فى اكل الضعوف .


شكرا

وكثّر الله خيرك

المجازف

[مدور النسبه]

المفروض أطبق سياستي في الأسهم بعدم الشراء في الهايات.



المجازف

هلا بالغالي .. هلا ببو مشاري
كان الموضوع ضبابي وراح بالنا للرز حتى اننا تصورنا المستودع وأكياس الرز المرصوصه فيه !! :)
لكن بعد هذه الإضافه اصبح الموضوع واضح وبعد كليييييييييييير !

[مدور النسبه]

هذا جزاء من يتاجر فى اكل المساكين ان شاء الله يصل سعر الكيس ريال عشان تتوب انت وغيرك من المتاجره فى اكل الضعوف .
المجازف في وادي وانت في وادي اخر !!

[المجازف]

المجازف في وادي وانت في وادي اخر !!



لا عليك

الله يسامحه وهذا مقدار فهمه

المجازف

[سهم النسبه]

أحسن شي يا أبو مشاري

إبعد عن الرز العوايد
( اللي يكبر الكرشة )
:) :D

وخلك في الرز الخفيف .. اللي عوايده رشاقه .. ;) ;)

__
-------

على الأقل يا أبو مشاري اللي متعلق في الرز يقدر ياكل منه .. ويتصدق منه .. ويوزع على الجيران والأحباب ..

بس اللي متعلق في الأسهم وين يبسط بها فيه .. !!؟؟

[abobander]

اخي العزيز المجازف وهل تعتقد ان 25% نزول بعد طلوعها الفاحش!!!
كثير من فقراء هذا البلد كانوا يعتمدوا على الرز كوجبة اساسية ورخيصة
حسبي الله على كل تاجر لايخاف الله
حسبي الله على كل مسئول ضيع الامانة
حسبي الله وكفى

[أستاذ]

يابو مشاري
إنت بعيد النظرة ومافيك شك
بس كالعادة 000 تلمح على أي سهم ؟؟؟؟

[الساحل الغربي]

تبي الرأي
اطبخ الكميه الزايده عن حاجتك واطعم بها الفقراء والمساكين ... وبهذا تحصل على
نسب % % % والله يضاعف لمن يشاء

[robinhod]

ليش ما تطلب تقسيم الاكياس الي عندك (كل كيس توزع عليه 4 اكياس) وخذ بيع

زي الحكير يوم يطرحونها للاكتتاب بعلاوة اصدار بي 110 وارتفعت قليلا وتوهت الهيئة بالفضيحة يوم ماوزعت ارباح (اخفت السعر بي توزيع منحة للمساهمين )

[abusaeed]

شكرا لك وصلت الرساله

[البراك]

استثمرررررررر وازرع اكياس الرز ثم احصد تجد انك ضاعفت المحفظة 10مرررات

[raaed]

الله يستر عليك دنيا واخرة
بع بالكيلو
او اقولك سيبه ومع الوقت بيسير رز معتق وطبعا قيمة فيه

[هبار]

السلام عليكم ورحمة الله




بعد الأرتفاع الجنوني في أسعار المواد الغذائيه ووصول كيس الأرز إلى أسعار تاريخيه وخوفا من تسجيل هايات جديده قررت قبل فتره شراء عدد من الأكياس للأستعمال المنزلي وتخزينها لتوفر مكان التخزين وبالأمس نزلت الأسعار 25% .


فهل أعدل بهذه الأسعار؟


بصراحه التعليقه شينه !!!!


* هذا الموضوع مع نهاية الأسبوع بعيد عن الأسهم وأستبيحكم العذر.


المفروض أطبق سياستي في الأسهم بعدم الشراء في الهايات.



المجازف



المجازف في وادي وانت في وادي اخر !!

هد السرعة اخوي مدور نسبه مو ذنبي اذا زاد كلمة للأستخدام المنزلى بعد ردي .

دمت بخير

[أبو السبع]

وفيه تجار يقولوا نطبق التسعيرة الجديدة بعد نفاذ الكمية ـ وطبعا ما تخلص كميتهم ـ رح بيع عليهم برأس مالك أو خسارة 10% :)

[المستثمرالصغير]

طيب عدل في شي ثاني عندك السوق يجر بعضه شف اللي ماتجاوب مع السوق ادخل
خذلك شوي مكرونة وشوي قهوة وبتعين خير:)

وشوية دهن عود :)

["ابوعلي"]

يابو مشاري
إنت بعيد النظرة ومافيك شك
بس كالعادة 000 تلمح على أي سهم ؟؟؟؟
يمكن قصده لا يفوتكم الاكتتاب - اذا جاء طبعاً -في سلسله مطاعم ريدان........:rolleyes:



واحد فاهم وش يقصد المجازف:p:D

[Waleed9]

هذا جزاء من يتاجر فى اكل المساكين ان شاء الله يصل سعر الكيس ريال عشان تتوب انت وغيرك من المتاجره فى اكل الضعوف .
وش اخبار الشرغيه قصدي الشرقيه

[هبار]

وش اخبار الشرغيه قصدي الشرقيه

دمار الله يكفيك شر الخسارة خسايرنا واجد .

دمت بخير

[رويشد]

اعط جزء منها للجمعيات الخيرية تفز عند الله بالجزاء العظيم ويكفي انك تجد عائلا فتغنيه

[علي محسن]

يخوي تصدق علي الضعووف..مايبي لها نشده هذا وانت تنصح النااس..
سبحان الله اعماااك الطمع حتي بالرز ....!!!

[المستثمرالصغير]

يخوي تصدق علي الضعووف..مايبي لها نشده هذا وانت تنصح النااس..
سبحان الله اعماااك الطمع حتي بالرز ....!!!


الله يهديك بس :)

شكلك فاهم غلط تبي تهاجم بس أي واحد :confused: قدامك :)


ههههههههههههههههههه:)

[suliman]

لا ...لا ...تعدل ..بالرز ..عليك بالدقيق:eek:

وبيع شوي من الرز وطب مضاربه يوميه بالبيض:confused:


والله يالمجازف ابتلشنا معاهم .. هواية التعليق والتمغيط شغاله على كل شئ

[المستثمرالصغير]

لا ...لا ...تعدل ..بالرز ..عليك بالدقيق:eek:

وبيع شوي من الرز وطب مضاربه يوميه بالبيض:confused:


والله يالمجازف ابتلشنا معاهم .. هواية التعليق والتمغيط شغاله على كل شئ


طيب ليش ما يعدل في في الزبيب :) يمكن مضاربه حبيب :) ويجيب النسبه :)بالسريع :)

[المجازف]

يخوي تصدق علي الضعووف..مايبي لها نشده هذا وانت تنصح النااس..
سبحان الله اعماااك الطمع حتي بالرز ....!!!

شكرا ابومحسن

مع تقديري الكامل لك مهوب أنت اللي تعلمني متى وكيف أتصدق .

على أي أساس حكمت عليّ بالطمع !!! مرّني أعطيك كيس رز

المجازف.

[@ابوصالح@]

كاتب الموضوع يلمح لشي

[DrMesh]

كاتب الموضوع يلمح لشي

يمكن قصده نزول سعر الرز بيضغط على أسعار العقار

[العـوض]

المجازف يبي لك دورة في التاريخ الاقتصادي(تراه من عندي هالاسم)

الزبدة استفد من حركة البرازيل مع طفرة البن ومعروف البرازيل من أكبر دول العالم المصدرة للبن ويوم انخفض سعره قامت البواخر وكبته في المحيط (عشان تفتعل ازمة اقتصادية) وبما انها تملك كميات كبيرة من البن قدرت تحول اسعار البن من الانخفاض الى الارتفاع(مبدأ أخسر شوي الحين عشان اكسب بعدين )

ولا أنسى سواة امريكا مع الدقيق قبل اشهر وهي من أكبر دول العالم المصدرة للحبوب(عيش لاحد يفهم غلط) قامت باستغلال الدقيق في انتاج الطاقة عشان تخوف الدول المصدرة للبترول كهدف اولي وترفع قيمة سلعتها اللي هي الدقيق لانه طبيعي بيكون فيه ازمة دقيق(وهذا اللي صار )


يعني الرز اللي عندك كب خمسين بالمية من الكميةة للدجاج والطيور على الاقل ارخص من الشعير ومنها تسوي ازمة رز ويرتف مرة ثانية وتستفيد من باقي الكمية (عاد بالله وش رايك) :d

[NOMERCY]

ممكن يقصد سهم الغذائية:D كيف بس ولد يفهمها وهيا طايرة:eek:

[bohisham]

هذا جزاء من يتاجر فى اكل المساكين ان شاء الله يصل سعر الكيس ريال عشان تتوب انت وغيرك من المتاجره فى اكل الضعوف .

بومشاري ارجو انك ما تزعل من رد الاخ هبار
هذا بسبب الديمقراطية ( اللي مايعرف طير الصقر يشوية )
ويمكن يكون جديد على المنتدى ولا يعرف من هو بومشاري بالضبط اللذي كسب الضعفاء والمساكين في سوق الاسهم ثروات من توصياتة اليومية

تحياتي لأداره المنتدى والأعضاء الكرام

[هبار]

بومشاري ارجو انك ما تزعل من رد الاخ هبار
هذا بسبب الديمقراطية ( اللي مايعرف طير الصقر يشوية )
ويمكن يكون جديد على المنتدى ولا يعرف من هو بومشاري بالضبط اللذي كسب الضعفاء والمساكين في سوق الاسهم ثروات من توصياتة اليومية

تحياتي لأداره المنتدى والأعضاء الكرام

طبعاَ بعد الله سبحانه وتعالى ...

بس اللى انا مستغرب منه لك سنه ماكتبت موضوع او رديت فى المنتدي يمكن انفتحت نفسك للكاتبة يوم شفت ابو مشاري كاتب موضوع :rolleyes: بس المشكله ان ابو مشاري دايم متواجد فى المنتدي :cool: ؟؟؟

[mordy]

تبي راي يجمد على الشارب !

افتح مطعم ،،،،، وكبسه مع زبادي ! فقط

تربح ان شاء الله

ترى ابشوف المطعم وآخذ لقمتين بدون حساب هههههههههه

وفقت خير

(((((( اشوف التميز ماهو موجود((( عضو )) وش صار ))))))))

[رسام الشرقية]

المجازف يبي لك دورة في التاريخ الاقتصادي(تراه من عندي هالاسم)

الزبدة استفد من حركة البرازيل مع طفرة البن ومعروف البرازيل من أكبر دول العالم المصدرة للبن ويوم انخفض سعره قامت البواخر وكبته في المحيط (عشان تفتعل ازمة اقتصادية) وبما انها تملك كميات كبيرة من البن قدرت تحول اسعار البن من الانخفاض الى الارتفاع(مبدأ أخسر شوي الحين عشان اكسب بعدين )

ولا أنسى سواة امريكا مع الدقيق قبل اشهر وهي من أكبر دول العالم المصدرة للحبوب(عيش لاحد يفهم غلط) قامت باستغلال الدقيق في انتاج الطاقة عشان تخوف الدول المصدرة للبترول كهدف اولي وترفع قيمة سلعتها اللي هي الدقيق لانه طبيعي بيكون فيه ازمة دقيق(وهذا اللي صار )


يعني الرز اللي عندك كب خمسين بالمية من الكميةة للدجاج والطيور على الاقل ارخص من الشعير ومنها تسوي ازمة رز ويرتف مرة ثانية وتستفيد من باقي الكمية (عاد بالله وش رايك) :d


أكثر تعليق عجبني

بارك الله فيك أخي العوض

وأقول لخوي المجازف
يازين تعليقتك الكل يتمناها دامها للاستخدام المنزلي ماهي خسارة إن شاء الله
:D


تحيتي وتقديري لشخصك الكريم
ومن المتابعين لك الله يبارك فيك
وطمنا عن أخوك وش اخبارة ماعاد له شوفه !
:cool:

[خطاب]

انت تلمح لشىء ما بالسوق!!!!!!

[المجازف]

بومشاري ارجو انك ما تزعل من رد الاخ هبار
هذا بسبب الديمقراطية ( اللي مايعرف طير الصقر يشوية )
ويمكن يكون جديد على المنتدى ولا يعرف من هو بومشاري بالضبط اللذي كسب الضعفاء والمساكين في سوق الاسهم ثروات من توصياتة اليومية

تحياتي لأداره المنتدى والأعضاء الكرام


لاتخاف متعود على الإساءات والأخ هبار ليس جديد ، وللعلم وعندما كنت في الخارج وأثناء فترة النقاهه لبنتي بعد العمليه الجراحيه التي عُملت لها وعندما وصلتني معلومه عن شركه كتبها المذكور "الشرقيه الزراعيه" أرسلت له على الخاص عن تلك المعلومه التي تم أعلانها لاحقاً.
أرجو قراءة الرد رقم 7 ، 9 في الرابط أدناه:


http://www.thegulfbiz.com/vb/showthread.php?t=255252 (http://www.thegulfbiz.com/vb/showthread.php?t=255252)



المجازف

[فهد السالم]

السلام عليكم ورحمة الله



بعد الأرتفاع الجنوني في أسعار المواد الغذائيه ووصول كيس الأرز إلى أسعار تاريخيه وخوفا من تسجيل هايات جديده قررت قبل فتره شراء عدد من الأكياس للأستعمال المنزلي وتخزينها لتوفر مكان التخزين وبالأمس نزلت الأسعار 25% .


فهل أعدل بهذه الأسعار؟


بصراحه التعليقه شينه !!!!


* هذا الموضوع مع نهاية الأسبوع بعيد عن الأسهم وأستبيحكم العذر.


المفروض أطبق سياستي في الأسهم بعدم الشراء في الهايات.



المجازف

هذا المفيد في مقالك

[المجازف]

هد السرعة اخوي مدور نسبه مو ذنبي اذا زاد كلمة للأستخدام المنزلى بعد ردي .

دمت بخير


الاخ هبار


نعم حررت الموضوع وأضفت تلك العباره لأني لم أتوقع أن هناك عقليه في منتدانا تفهم بأنني أتاجر بالرز :( لأن الموضوع واضح ولا توجد به أشارات للمتاجره.


وصرنا بالهواء سواء فأنا تعلقت بالرز وأنت بالشرقيه الزراعيه ( الله يفك تعليقتك)


المجازف

[سهم الغد]

بصراحه نريد من يترجم لنا ما فهمنا شيء

[Mr.denger]

افتح فيهم شركة مساهمة بيرجع راس مالك وزود
:d:d:d

[ابوعبـــدالله]

على العموم السهم استثماري .. وكل ما يعتق يكون طعمه افضل واحسن ...


وزكاة الفطر من اطيب المال افضل ... يعني خلها لين الفطر

[منصح]

ابو مشاري .. تدري لوه أي واحد غيرك ؟!

كان أبانطلق عليه ، واقول له (( .... أدخل في الموضوع وخل عنك ...))

لكن أنت .. :) تمون يابو مشاري ، وخيرك وطيبك ومراجلك تشفع لك :)

تقبل تحاتي ، وأنا الحقيقة مافهمت ليتك يالطيب تقرّب الفكرة شوي .

[جلنار]

ابومشاري خلنا في سوق نعرفه
نتعلق ونعدل فيه
ولا تروح لسوق تجهله تجار الرز ابوهنود وربعم هز الراس

[منـــال]

بارك الله فيك يابو مشاري
واشاراتك دائم من يفهمها ويتبعها
يتجنب الخساره باذن الله

الله يوفقك وين مارحت ويبارك لك في مالك واولادك

[amalgulf]

رايتك بيضاء أبو مشاري
ماشفنا منك الا الخير ولا نزكي احدا على الله
دمت بود

[@@ بندر @@]

هههههههههه

الله يعوضك خيررررررررررر

[الفريد]

الغالي بومشاري حتى في مزحك فوائد:)

والفايدة الكبيرة معرفتك

والله يخليك لعين ترجيك

[عذبه]

عدل في الأسماك والرز اللي عندك سويه صياديه .

[bohisham]

طبعاَ بعد الله سبحانه وتعالى ...

بس اللى انا مستغرب منه لك سنه ماكتبت موضوع او رديت فى المنتدي يمكن انفتحت نفسك للكاتبة يوم شفت ابو مشاري كاتب موضوع :rolleyes: بس المشكله ان ابو مشاري دايم متواجد فى المنتدي :cool: ؟؟؟

ليس السر في كثرة المشاركات او قلتها ورب كلمة قالت لصاحبها دعني
عموما انا يوميا ادخل المنتدى واقرأ لأشخاص معينين ولا يهمني ما يكتب الاخرين
وللعمل ايضا انا لا اعرف اي أحد من أعضاء المنتدى معرفة شخصية
واذا الموضوع موضوع توصيات
تفضل هذي توصية مني (( اللجين )) اشتر واترك لك سيولة للتعديل وسوف ارسل لك وقت الخروج ولا تنظر للمؤشر
ومن جهة السوق بعد اعتماد المؤشر الجديد سوف يتحسن اداء كثير من الشركات بسبب وجود سيولة خارج السوق تنتظر 5 ابريل وتقرر الدخول

تحياتي

[على بركة الله]

بومشاري ارجو انك ما تزعل من رد الاخ هبار
هذا بسبب الديمقراطية ( اللي مايعرف طير الصقر يشوية )
ويمكن يكون جديد على المنتدى ولا يعرف من هو بومشاري بالضبط اللذي كسب الضعفاء والمساكين في سوق الاسهم ثروات من توصياتة اليومية

تحياتي لأداره المنتدى والأعضاء الكرام




صح لســــــــــــــــــــــــــــــــــــــــــــــــ ــــــــــــــــــــــــــــــــــانك
وما قصــــــــــــــــــــــــــــــــــــــــــــــــ ـــــــــــــــــــــــــــــــــــــرت

[ساري نجد]

ابو مشاري

راقب كيس الرز زين

اذا شفته كسر 188 بع وحط وقف خسارة

بس اذا اخترق 205 فإن شاء الله فالك الهاي السابق

والرز عنده نموذج ايجابي ( شوكة وملعقة )

هدفه والله اعلم 282


والله يفك تعليقتك وتعليقة كل مسلم عربي سعودي :)

وسلااااااااااااااااااااااام

[معلومه]

فيه مضاربين أمس مجتمعين بيهبرونه ويمكن تشووف النسبه الحمراء قريب

هم جالسين يتدربون على التجميع

وإن شفت هبره مرتبه أعرف أن هدفهم كشته للربع الخالى

بس المشكله أنك ماحددت وش نوع الرز

وأخيرا أمممن عليه عن طريق 8040 عشان يعوضونك كل خسارتك فى الرز

محبك

[المحامى]

مشكله عويصه

انا اشف تبقى مستثمر ستعاود الاسعار ارتفاعها .
.
اياك تطبخ منه .اشتر رز رخيص وخزن ياليل .

[المـ الأزرق ـوج]

اخوي المجازف اذا كان نوع الرز زين والكيلو طالع علي بـ 20 هل تنصح بالتعديل بأبو كاس او بالشعلان اذا كان مزه او المهيدب او باب الهند اذا كان بشاور و الا ابيعه الحين ومع بدأ تطبيق الدعم يمكن ينزل شوي وارجع واشتري عدد الأكياس نفسه .... لاعدمناك والله يرزقك الرزق الحلال وانا اخوك .

[tornado]

لن تطول التعليقة ,,,

الأخبار من الهند تقول إن هناك ارتداد

[مراحب]

الاسعار الي شريت فيها تصريفيه يعني حتى حقين الرز يصرفون عليك هههههههههههههههههههههه عندلك حل شف لك مطبخ وخله يبيعله لك مطبوخ يعوضك راس مالك

[المجازف]

بصراحه نريد من يترجم لنا ما فهمنا شيء


أخي الكريم


قلت موضوع ليس له علاقه بالأسهم وأعتذرت عن ذكره في حينه
ولكنه من باب الدعابه.



المجازف

[المجازف]

الاسعار الي شريت فيها تصريفيه يعني حتى حقين الرز يصرفون عليك هههههههههههههههههههههه عندلك حل شف لك مطبخ وخله يبيعله لك مطبوخ يعوضك راس مالك


يارجال هي تعليقه وصارت

وشغال هاليومين عزايم وحقوق ألين يخلصن "نبيع بخساره"

المجازف

[صالح]

لفته حلوة يا أبو مشاري ..

وإن شاء الله أسعار الرز ما ترجع لهاياتها السابقة لسبب الأزمة اللي صارت عند كثير من الناس وللأسف ..