صار ارتفاع النفط دبورن في دبور

[الكاشف]

مفروض اسم ثلثين العرب عبدالصبور.... والثلث الاخر اسمهم في ضميري خلها
صــــــار ارتفاع النفط دبورن في دبور ... ما كنه الا شـــجرتن ما يظلك ظلهــــــــا

شاعر جرئ قالها في شاعر المليون الظاهر انه عتيبي قصيدة جريئة عكست وجهة نظر الشاعر مع تحفظي على ما جاء فيها يا ليت احدن يجيبها كاملة له مني الشكر

[الريمي]

من يومنا يا الكاشف بترولنا ما له أي دور . . . ثلثيننا ما تهنا بانخفاض البراميل وارتفاعهــا

هذا نصيبنــــا من الدنيا نشتكي ظلــم وجور . . . وثلثنا الباقي ما يعرف من المعناة غير اسمها

اسمح لي يا المبدع على ركاكة خواطري

[دعم ومقاومة]

مفروض اسم ثلثين العرب عبدالصبور.... والثلث الاخر اسمهم في ضميري خلها
صــــــار ارتفاع النفط دبورن في دبور ... ما كنه الا شـــجرتن ما يظلك ظلهــــــــا

شاعر جرئ قالها في شاعر المليون الظاهر انه عتيبي قصيدة جريئة عكست وجهة نظر الشاعر مع تحفظي على ما جاء فيها يا ليت احدن يجيبها كاملة له مني الشكر



الشاعر المبدع سعود مناور العصيمي العتيبي



doPoem(0)



يامسرح الراحه و جوك جو و شعورك شعـور

وانـا شعـوري فـل فيـك ونـاوي بافلـهـا

لي مدة ٍ عايش و وضعي من حبور في حبـور

مليت مـن حبـر القلـم و انـا علـي اهلهـا

ماجيت ادور مال جيت و مقصدي كرت العبور

وكان القصيده بنت طرقـا و الله انـي خلهـا

فحمت ادور مايليق و يرضي اذواق الحضـور

مافيـه شاعـر يرضـي اذواق الاوادم كلهـا

لو يتفق ذوق البشر كان اكثـر العالـم تبـور

يسطي خلف هـذال فـي الاذواق ثـم يحتلهـا

شاعر و متسلطن و له لونه و كلماتـه بيـور

ذوقي و عنه اعلنت في فاصـل قصيـر اقلهـا

الله يطول عمر من يرفع عنا سقـف الاجـور

مير البـلا سعـر الببضايـع للخضيـرا تلهـا

صار ارتفاع النفط للعالـم دبـور فـي دبـور

ماكنـه الا شجـرة عـيـا يظـلـل ظلـهـا

مفروض ثلثين العرب اسمائهـم عبدالصبـور

الثلث الاخر خل اساميهم فـي صـدري خلهـا

للعلم في صدري صدا وانا معي صوت جهـور

لكنـي اتبـع ظـل حيطـه ماقـدرت اصلهـا

الحيط سور و كل سور انشفت ماهو شرط سور

السور هيبه بس بقلـوب العـرب مـن زلهـا

السور من دونه ظلام ومن ورا السـور نـور

والامه اللـي يحتويهـا سـور واضـح ذلهـا

معاد يطربني كلام الناس يـا صمـت القبـور

الله مـن نفسـن ليـا ماتـت تمـوت بغلهـا

اقبلت ولا اقفيت يا حظي تـرا الدنيـا مـرور

وانا ليا حان الوعـد ثـم رحـت عنهـا قلهـا

يبكيك من رص الدراهم لين تاه مـن الغـرور

لو كان ما اعطتني لها عنـدي قـدر و اجلهـا

طردتهـا طردتهـا طـرد الذيابـه و النمـور

عيـت تجـي لعلهـا فيمـا يـجـي لعلـهـا

اختر النفسك منزله بين الحمايـم و الصقـور

الصقر له عاده علـى روس الحمـام يصلهـا

ان كنت منت امع الحرار اللي يفجـن النحـور

والله لتبطي الكبد منـك و مخلبـك مـا ملهـا