ممكن نصيحة لختكم ملاك :بخصوص سهم التغليف الخايس

[ملاك الجنوب]

اختكم متعلقة في السهم فووق 50

هل البيع افضل يوم السبت خايفة من السووق

والسهم له 4 شهور ...سهم غثيث جدا ومضارب طماع

شاكرة لكم

[Absent mOOn]

انا زيك متعلق لي خمسة شهور بس حالف يمين ما ابيع الا بهد 3 نسب
نصوم نصون ونفطر على بصل

الحين جالس يمجمع بالسهم له خمسة شهور ويوم قربت الإنطلاقة تبيعين

انتبهي بس

[suliman]

وجهة نظري

ما ينباع بهالاسعار ابد ولو قالو لك السوق سئ .. السهم قريب قاعه

مافيه شك ان السهم طالع سئ مثل امه الابحاث ولكن بهالاسعار ماهو للبيع

ومادام السوق مو واضح الاتجاه لا احد يستطيع يقولك بيعيه وادخلي سهم ثاني

وللعلم انا حاطه تحت المراقبه لاني من هواة الاسهم عند قيعانها وناوي اشتريه

وامه الابحاث عندي ورغم ثقل دمه الا انه آمن وحققت منه ارباح عند صعوده الاخير ولله الحمد والشكر ورجعت شريته

اضافة اخيره ... قطاع الخدمات ... إن شاء الله له صولات وجولات اذا السوق خلص من هالحيره

[مي ad]

انا مثلك اختي ملاك بس الصبر زين لاني لاحظت كل ما بعت سهم راح فووووق
منها الراجحي الجزيره وغيرها

[ميم نون ال جيم]

معاكم متعلق فوق الخمسين
بس حرام عليه هالمضارب الخايس ما ياخذ مني سهم واحد إلا بمكسب
وايش رايكم لو نسوي رابطه لمتابعة السهم

[استشاري البورصة]

نصيحتي إلى أحباب وأعضاء منتدى الخليج ،،،من الأخطاء المتكررة الصبر على سهم غثيث فهو كوديعة في بنك بدون أرباح ،،،،،من الأفضل بيع السهم والمضاربة في أسهم نشيطة ثم العودة له في حال التحرك وبشرط أكثرمن يوم حتى لاتنخدع لأنه ربما رفع تصريف وليس تجميع ،، ومن تجربتي اشتريت في المتطورة وخسرت ثم خرجت منها في غيرها ولله الحمد استعد خسارتي واستطيع العودة فيها الآن بأقل من السعر الذي بعتها به

[كاردالرياض]

نصيحتي إلى أحباب وأعضاء منتدى الخليج ،،،من الأخطاء المتكررة الصبر على سهم غثيث فهو كوديعة في بنك بدون أرباح ،،،،،من الأفضل بيع السهم والمضاربة في أسهم نشيطة ثم العودة له في حال التحرك وبشرط أكثرمن يوم حتى لاتنخدع لأنه ربما رفع تصريف وليس تجميع ،، ومن تجربتي اشتريت في المتطورة وخسرت ثم خرجت منها في غيرها ولله الحمد استعد خسارتي واستطيع العودة فيها الآن بأقل من السعر الذي بعتها به
خسرانه 50% من راس مالها بالسهم وتقول بيعى وعوضى بسهم ثانى
وش ذا الغباء ياخوى
والله انك لاتفقه شىء بسوق الاسهم
السهم بقاعه ومن الاسهم الربحانه وتقول روحى سهم ثانى نشط
ياخى الاسهم النشطه اللى تقول عنها ارتفعت اكثر من دبلات وتبيها تخشها وتتعلق وانت تنفرد بالاسهم اللى بقاعه
حسبى الله على الاغبياء اللى مايفقهون شىء بالاسهم

[بوباسل]

وانا بعد معاكم

[فيصل الحربي]

من وجهة نظري الخاصه أن السهم لا يباع بهذه الأسعار ..وهو قريب من ادنى سعر له.

[يارزاق ياكريم]

المشكله لن يرجع اليه عندما يربح في غيره قد يتعلق في غيره لكن الخروج افضل بشرط الدخول في سهم عليه توصيه من شخص ثقه وليس توصيه لحظيه
لن التوصيه اليوميه دائما الهدف منها التصريف فقط
مثال المصافي توصيه يوم الاحد في الجوال وبعض المنتديات كان السهم الاغلاق 230 تم الافتتاح فجوه 238 ارتفع ثم وصل 249 ولكن الاغلاق 230.5
ثم نزل وبعد يومين كان السهم مستقر على 231 اي من شراء عند الافتتاح متعلق الي الان
لم اشتري ولكن تخيلت لو اني شريت

[تاجر ذهب]

الي يبيع بهذا الوقت يعتبر .... مغفل !!

ولن يفلح بعد هذه الارتفاعات

[الموسوعة]

بعد الاعلان الاخير في فتح الترشيح لثلاثة أعضاء جدد
السهم الان مطلوب وللشراء وراح يضغط على السهم
فالسهم راح يكون خفيف ومرشح للصعود بقوة وهو عند اقل سعر تقريبا

[Saudi Expert]

أختي الكريمة
السهم وكما ذكر الإخوان قريب جداً من أدنى سعر سنوي له (36.75)
السهم يعتب فرصة ذهبية ؛؛ بل هو الوحيد الذي لم يتحرك خلال موجة الصعود التي استمرت أكثر من ثلاثة أشهر
أملك في السهم كميات بسعر 41 وتم تعزيزها بكميات مساوية لها بسعر 38 ؛؛ بمتوسط إجمالي 39.5
النية بحول الله الاستثمار في الشركة والبيع بعد كسر الأعلى السنوي بحول الله
لك وللجميع تحياتي
مع تمنياتي للجميع بالربح الوفير

[sir]

من اهم اسباب خسائر المتداولين البيع في القاع والشراء في القمم

[البيزنطي]

حذاري وحذاري وكذلك حذاري ان تبيعيه الان ,سيغرد السم ويعزف احسن الالحان قريبا بل وقريبا جدا,انا خبير سهم ابحاث منذ نزل على الشاشه , والطباعه والتغليف ولد عم الابحاث,الصبر الصبر

[ملاك الجنوب]

شااااااااكرة للجميع يا اعضاء منتدى اعمال الخليج المميز
على النصيحة الثمينه
اختكم
ملاك

[دايركت]

السهم عليه توصيه قويه خلال هذ الاسبوع ومن مصدر انشاء الله ثقه

[LTZ]

ستشاهدون الابـــــــــــداع قــــــــــــــريباً ...


بإذن الله تعالى ...

[تاجر ذهب]

ملاك الجنوب

الشباب المميزين في اعمال الخليج كفوا و وفوا <---- :) اول مرة اكتبها صححو اذا كان فية غلط بالإملاء ×××