............. أي سهم ادخله يلبد .. اطلع منه يطلع ..؟؟

[ابن بطوطة]

لي مدة بالسوق .. أي سهم ادخله يلبد .. اطلع منه يطلع ..؟؟ واخرها الدريس .. (الله يبارك لملاكه ) صبرت عليه وهو راكد أو لابد .. ولمن طلعت منه الاربعاء الماضي .. بسم الله تودي طلع 5% ..

[النفط مقابل الغذاء]

علمنا يابن بطوطه بالسهم اللي بتدخله علشان نهرب

[أبوأمجد]

ماعليك يابن العم هذي مرحله مرينا بها كلنا وراح ان شاءالله تتعداها ,,,اهم شى لا تيأس ووسع صدرك.

[ابن بطوطة]

النفط مقابل الغذاء .. إن شاء الله انزل موضوع لمن ادش سهم ..
ابو امجد .. ما خليت شئ .. قيادي هشاشي خدماتي .. كلياتون عم بيركنون .. والحمد لله .. ولكن الهشاشي عم بيخسروا كتير كتير ..

[هاي كلاس]

هلا بالغالي ابن بطوطة

لا تقنط من رحمة الله ورزقك بيجيك ومكتوب لك

واذا تسمح لي اوضح لك معنى اللبدة: هي الإنتظار ثم الإنتظار ثم الإنتظار وعدم رؤية الشاشة حتى يحقق السهم الهدف المحدد أو قريبا منه

[ابوعبدالاله]

ههههههههه

على كذا تكفي يا إبن بطوطة إطلع من السوق كله خل المؤشر يفز شوي

وما بتخاف كل أبونا بننطيك خرجيّة :)

[ابن بطوطة]

هاي كلاس .. مشكور يابعدي .. والحمد لله كلشن مكتوب وماتدري نفس ماذا تكسب غدا ..
وعلى طاري اللبدة .. سهمي لبد لين نزل السهم وارتفع قريب من سعر الشراء ثم لبد ولبد ..لين قلت اشغل الستوب لوز ..

[بحرالحياة]

واذا تسمح لي اوضح لك معنى اللبدة: هي الإنتظار ثم الإنتظار ثم الإنتظار وعدم رؤية الشاشة حتى يحقق السهم الهدف المحدد أو قريبا منه


كلام واحد راعي سوق ..
الله يوفقك ...

[ابن بطوطة]

ابو عبدالاله.. ابش يا بعد حيي .. بكون برى السوق لين الله يفرجها يا هني ..
بحر الحياة.. ما نقدر نبعد عن الشاشة .. ادمان ..

[هاي كلاس]

هاي كلاس .. مشكور يابعدي .. والحمد لله كلشن مكتوب وماتدري نفس ماذا تكسب غدا ..
وعلى طاري اللبدة .. سهمي لبد لين نزل السهم وارتفع قريب من سعر الشراء ثم لبد ولبد ..لين قلت اشغل الستوب لوز ..



الغالي ابن بطوطة

أهم شي باللبدة الدخول المناسب في السهم

الدخول الغير المناسب يسمووووووووونه تعليقة ياهني:D

[MARKET 99]

ابو عبدالاله.. ابش يا بعد حيي .. بكون برى السوق لين الله يفرجها يا هني ..
بحر الحياة.. ما نقدر نبعد عن الشاشة .. ادمان ..

خذ الفنادق اول السوق بكره وبتعين خير ان شاء الله

[برق الحيا]

إبن بطوطه الدريس لهم جــــــــيران كرماء هاليومين مر عليهم (العبداللطيف):D :D

[ابن بطوطة]

الغالي ابن بطوطة
أهم شي باللبدة الدخول المناسب في السهم
الدخول الغير المناسب يسمووووووووونه تعليقة ياهني:D
هاي كلاس .. هون تكمن المشكلة ..يا ماي فرند ..
برق الحب.. مو شين العبداللطيف وانت كلك على بعضك توصيه الله يبارك فيك ..
ماركت .. بيض الله وجهك بس اخاف من :
http://www5.0zz0.com/2007/12/27/18/80480452.jpg

[البدراني]

بطبيطو اثرك انت اللي مبنشر كفرات الوايت خخخخخخخخخ
راقب مكه اليوم تهور الى 45.50 وفيه من يضف معه قفل 47 ترقب اي سعر اقل من 46 شل وعطني رقم حسابك ان خسرت معه دامك راعي طويلة.
فيه ارجاف قوي في الزراعي ترقب لحائل ان تهور على 34 تشيل وتعلقهم فوق 36 بحول الله هذا ان تهور.
فيه سهم خشاشي عنده قاب 132 تخصص القاضي اليوم قفل 136 راقبه بكره ان جا حول القاب فيه شده الى حول 140

[ابن بطوطة]

البدراني ..تصدق هيك حالي .. ادش سهم يلبد .. اطلع منوه يرتفع ..!!
عالعموم الف شكر لا إلك يا هني عالتوصيه .. وربنا ما يحرمناش منك .. وحالي مثل الصورة هاي :
http://travel.maktoob.com/photo/data/500/GetAttachment21.jpg

[سهم صاعد]

الله يعوضك كل خير


لكن يمدحون ثلاث شركات صناعية لا تغفل عنها أستثمار متوسط

ام الدواء

وسبيكيم

ولا تفوتك المجموعة

والفخارية على وشك الانفجار

والخزف مابووووووو اسف

وفقنا الله واياك

[العـوض]

ابن بطوطة ماشاء الله عليك عطني ارتفاع معنوياتك وخذ ارتفاعات السوق كلها
الله يديم عليك الوناسة وسعة الصدر والرضا بالمقسوم

[وسم]

علمنا وش ناوي تشتري منشان ننحاش عن اسهمك

[ابن بطوطة]

المصدر الخطير.. يطلولي بعمرك عالطاعة ..وفعلا مع الخزف مابوه اسف ..
العوض.. الحمد لله احنا في نعم لا تصحى ولا تعد .. وشاكر لا إلك خيو ..
وسم .. حكيت للزلمة فوء عن هايدا الموضوع .. وراح اكتب اي سهم ادشوه مشان تهربون منوه ..

[الشبيبي]

الغالي ابن بطوطة : احيانا لاتوجد عندنا ادوات تساعد احدنا على توقيت الخروج من هذا السهم والدخول في غيره كالمعلومة والمؤشرات الدقيقة والمتابعه اللصيقة
وفي النهاية رزقك لن يأخذه غيرك
تحياتي

[ابن بطوطة]

الغالي ابن بطوطة : احيانا لاتوجد عندنا ادوات تساعد احدنا على توقيت الخروج من هذا السهم والدخول في غيره كالمعلومة والمؤشرات الدقيقة والمتابعه اللصيقة
وفي النهاية رزقك لن يأخذه غيرك
تحياتي
هيك الحكي السليم ربي يخلي لياك ..

[الملا نعيم]

ادخل اميانتيت
والبد
ولاتطلع ابد
:D

[الروح]

إذا طلعت دخيلك قل لي

[أبوحنين]

لا تنسى دعاء السوق

وتابع التحليل الفني بطبط

تحياتي

[الامير]

شكلك بالجبس لك مدة لابد. واللي يرحم والديك اطلع :d

[كاشك ياوطن]

لي مدة بالسوق .. أي سهم ادخله يلبد .. اطلع منه يطلع ..؟؟ واخرها الدريس .. (الله يبارك لملاكه ) صبرت عليه وهو راكد أو لابد .. ولمن طلعت منه الاربعاء الماضي .. بسم الله تودي طلع 5% ..


هذي الحاله كانت فيني وبعد كبرت راحت بدون علاج

[صنوبر]

البد مثل السهم حتى تطفشه يقوم يصعد
وبلا مطامر يا ابن بطوطة
لكن والله بلاك ان لك من اسمك نصيب
فانت ابن بطوطة الاسهم
كل يوم في ديرة قصدي في سهم

[أبونوااف]

اطلع من تبوك الزراعية تكفى

[sir]

ليش ما تطاوع كلام (فنون التوقع ) :)
كل توصياته ممتازه وفي الصميم ماشاء الله عليه والله يرزقنا وياك

[omar's]

ياحليلك...
الله يسعدك دنيا وأخره...

[RED EYE]

دوووووووووووووس اتي

سعر الشراء = سعر اغلاق امس

فيه 6%
:o

[ملك الاسهم]

وجهك مو زين على السهم بارك الله فيك هههههههههه الله يستر بكره من موضوعك هذه

[علي محمدسليمان]

اخوي ابن بطوطه اقدار وراجع توقيعي كلام سيد البشر صلى الله عليه وسلم
بس رجاءا عند نيتك في دخول اي سهم نبهنا ولبغيت تطلع برضه علمنا علشان نعرف موعد طلوعه شكلي بديت اخربط بس تحملنا موفق يالغالي

[TOURKY]

شـــــــــــــــــــــــــــــــــــــــــــــــــ ـــــــــرحك ســـــــــــــــــــــــــــــرااااااااااااااااااا ااا

[al madi]

الحال من بعضووووووووووو

[صقار]

ابن بطوطة

حكاية مثل حكايتي

بس المشكلة فيني جتني توصية على الكابلات من شهر 8 ان السهم موعود بأرتفاعات قوية ودخلت السهم ولبدت وبعد رمضان طفح الكيل من الانتظار

وبعته بـ39 ولان شف مشاء الله 58

لكن هذه ارزاق مكتوبة والحمد الله

تحياتي لك

صقار

[_أبوفهد_]

خيي ابن بطوطة مشكلتك أنو انت تدخل بكل مصرياتك وما تأدر تعدل بعدين لما السهم بينزل عن سعر مشتراتك وهيدي مشكلتك يا ابن بطوطة بدك تشتري خيي بالتدريج من شان تأدر تعدل وما يعألوك الزلمات خيوه وبتحأأ ارباح بدل هيدا اللي بتأول عنها لبده لفترة طوووويلة جدا. ولك انت زلمة عنده صبر كتييير لازم تبرح بإذن الله.

[ابوسبعه]

شوري عليك تغير النك حقك ابن بطوطة وتبي تخلي المناقز ماتجي!

حطهههههه امههههه (ابن لبده)

[ابن بطوطة]

اشكر مشاركتكون حبايبي .. قريتها كلياتها ..
شوفوا الدريس شو عميل ..!!
رجع لشغلاتوه الماضية اللي يصبر ملاكه ..

[بليونير]

الاخ ابن يطوطه،

اقترح عليك تسوي شركة للتوصيات بالجوال واي سهم تدخله على طول ارسل للمشتركين (خرووووووووووج) .... وبعد مايرزقك الله من هالشركة تقلبها مساهمه وتدخل معك اعضاء مجلس اداره من اللي بالي بالك وباسبوع وشركتك نازله سوق الاسهم .... وفي النهاية تصير انت مضارب السهم

بس المصيبة وش السواة اذا نزل السهم وانت المضارب ..... اعتقد نعدمك احسن

[ابن بطوطة]

بليونير .. مشكور يا عسل .. على طاري توصيات الجوال .. هل هي من الداخل او من الخارج .. يعني هل هي مسموحة بالداخل وليس فيها عقوبات للكاذبين ..؟؟

[ابوخشرم]

دوووووووووووووس اتي

سعر الشراء = سعر اغلاق امس

فيه 6%


فتيحي بكره راح اطلع منه بسعر الافتتاح + 3%

دائم مثل اخوي ابن بطوطه
اذا طلعت من فتيحي يغرد السهم من هنا

وعلشانكم اعضاء اعمال

راح اطلع منه ولعيونكم%%%%%%

[سهم الغد]

لي مدة بالسوق .. أي سهم ادخله يلبد .. اطلع منه يطلع ..؟؟ واخرها الدريس .. (الله يبارك لملاكه ) صبرت عليه وهو راكد أو لابد .. ولمن طلعت منه الاربعاء الماضي .. بسم الله تودي طلع 5% ..



الله يرزقنا واياك السبب لانه ليس لنا اقرباء هوامير ولا مصادر ولا مشتركين في قروبات

[ابن بطوطة]

الله يرزقنا واياك السبب لانه ليس لنا اقرباء هوامير ولا مصادر ولا مشتركين في قروبات
انا لي والحمد لله.. لكن مو معقولة كل شوي متصل عليهم وغاثهم ..
يخوي النفس لها كرامة وعزة ..
بعدين السوق يتحرك بسرعة واشياء غير متوقعة ..
يعني سوقنا حرب عصابات يا هني ..

[الولد البار]

شرحك سرا أخوى بن بطوطة والله انى خسران فوق 80 % لاكن الحمدلله على الصحه والعافيه وبالشكر تدوم النعم

[ابن بطوطة]

الولد البار ..مشكور عزيزي .. والحمد لله على قضاءة ..
المثل الصيني يقول :
أن تضئ شمعة خير من ان تلعن الظلام الف لعنه ..
لنفكر في قابل الايام .. واللي راح راح وحسبنا الله ونعم الوكيل ..

[بليونير]

بليونير .. مشكور يا عسل .. على طاري توصيات الجوال .. هل هي من الداخل او من الخارج .. يعني هل هي مسموحة بالداخل وليس فيها عقوبات للكاذبين ..؟؟

والله ياحبيبي ماعندي علم .... وبعدين مصطلح (عقوبات) من جبته، شكلك عايش برا .... الامور عندنا تساهيل وكل واحد ياخذ حقه الا المغلوب على امرهم

[ELASBANI]

لي مدة بالسوق .. أي سهم ادخله يلبد .. اطلع منه يطلع ..؟؟ واخرها الدريس .. (الله يبارك لملاكه ) صبرت عليه وهو راكد أو لابد .. ولمن طلعت منه الاربعاء الماضي .. بسم الله تودي طلع 5% ..

ياهني
ببساطة لأنك تدخل برجلك الشمال .

جرب تدخل باليمين وبلغني
وأحيانا عليك الدخول قفز................ مثل الكنغورو الاسترالي (سامحني).

ولكل هني يقرأ موضوع ال هني : فكر قبل الدخول ولو لحظات .
قود لك (حظ سعيد).
المهنه(مترجم) لونق تايم أقو.

[ابن بطوطة]

ياهني
ببساطة لأنك تدخل برجلك الشمال .

جرب تدخل باليمين وبلغني
وأحيانا عليك الدخول قفز................ مثل الكنغورو الاسترالي (سامحني).

ولكل هني يقرأ موضوع ال هني : فكر قبل الدخول ولو لحظات .
قود لك (حظ سعيد).
المهنه(مترجم) لونق تايم أقو.
يطولي بعمرك على الطاعة يا استاذي الكبير ..
والله لا يحرمنا من توجيهاتك ..

[وليد كدسه]

انا لي والحمد لله.. لكن مو معقولة كل شوي متصل عليهم وغاثهم ..
يخوي النفس لها كرامة وعزة ..
بعدين السوق يتحرك بسرعة واشياء غير متوقعة ..
يعني سوقنا حرب عصابات يا هني ..

اقول خل الكرامه تنفعك اجل قال ايش قال كرامه المال عديل الروح والي يبي الدح ما يقول اح