جاكم ((البرد)) مثل ما جانا؟؟

[د.البقعاوي]

بدأت أمس موجة برد شديدة
في منطقة حائل وبالأخص بقعاء
سجلت حالات نفوق مواشي...
والله يستر على الجميع
درجة الحرارة
5 تحت الصفر!!
***
الرجاء تحديد المنطقة ودرج الحرارة من الاخوة
المشاركين.

[علي محسن]

اليوم بالرياض بعد صلاة العشاء درجه الحراره كانت ثمانيه..وقبل قليل وصلت الي خمسه ...الله يستر علي الجميييع ويحفظ الجمييع من كل شر..
والله يجيب الامطار ...الجمييع بحاجه اليها ....

[الأسود]

لا والله يادكتور حنا عندنا في عيون الجواء برد بس ماوصل تحت الصفر اقل شيء شفته اليوم +3


بس الفجر يمكن تحت الصفر عمال المزرعه يقولون برد زياده




بس شكل البرد جاينا بالطريق حنا على دربكم نسير


الله يعين على تجلل الفري :D

[بزبوز]

عندنا برد ومطر الله يرزق بلادنا بالمطر ولما اتكلم عن برد وانا من اهل نجد اتكلم عن 28 تحت الصفر

[د.البقعاوي]

حالة الطقس المتوقعة ليوم 23/12/2007
سماء صحو بوجه عام على معظم مناطق المملكة عدا ظهور بعض السحب المنخفضة والمتوسطة على أجزاء من مناطق جنوب ووسط المملكة كما تظهر بعض من السحب المنخفضة على مناطق جنوب غرب المملكة قد تتخللها سحب ركامية في فترة المساء على المرتفعات قد تهطل منها أمطار متفرقة .
الرياح السطحية شمالية غربية إلى شمالية شرقية على معظم المناطق تتحول إلى شرقية على أجزاء من شمال وجنوب المملكة وتكون جنوبية شرقية على الأجزاء الداخلية من المنطقة الجنوبية تنشط على شرق وجنوب المملكة مما يحد من مدى الرؤية الأفقية وتؤثر العوالق الترابية على الأجزاء الداخلية من جنوب المملكة وتستمر الرطوبة عالية على السواحل الشرقية والمرتفعات الجنوبية الغربية حيث يتوقع تكون الضباب في ساعات الصباح الباكر وتوالي درجات الحرارة انخفاضها التدريجي على شرق وجنوب المملكة .
هذا بلا ابوك ياعقاب!!!
شمالية
:cool:

[د.البقعاوي]

عندنا برد ومطر الله يرزق بلادنا بالمطر ولما اتكلم عن برد وانا من اهل نجد اتكلم عن 28 تحت الصفر

بالله... وين ؟؟

[د.البقعاوي]

لا والله يادكتور حنا عندنا في عيون الجواء برد بس ماوصل تحت الصفر اقل شيء شفته اليوم +3


بس الفجر يمكن تحت الصفر عمال المزرعه يقولون برد زياده




بس شكل البرد جاينا بالطريق حنا على دربكم نسير


الله يعين على تجلل الفري :D


اللي أعرفه إن موجة البرد توصل من تركيا لنا في حائل خلال 5أيام
ومن الأردن خلال 3 أيام..
أنتم يبي لكم ساعتين وثنعش دقي تسه (بالقصيمي)
:D

[د.البقعاوي]

اليوم بالرياض بعد صلاة العشاء درجه الحراره كانت ثمانيه..وقبل قليل وصلت الي خمسه ...الله يستر علي الجميييع ويحفظ الجمييع من كل شر..
والله يجيب الامطار ...الجمييع بحاجه اليها ....

مشكلة أهل الرياض إنهم آخر الناس اللي يغيرون لثياب الشتاء
ما يلبسون الثقيل الا غصب..
يبون ينخرعون من برد (الفجأة)
:)

[بزبوز]

بالله... وين ؟؟
في الصين يادكتور اربع ساعات شمال شنغهاي بس احسدهم على المطر يارب اشوفه في الرياض مع عيالي

[برق الحيا]

صور للثلوج التي تساقطت على محافظة طريف شمال المملكه بتاريخ 12/12 / 1428 :D :D

http://www.al-amakn.net/up2/uploads/9ef84e87d2.jpg (http://www.al-amakn.net/up2)



http://www.al-amakn.net/up2/uploads/2db4b23829.jpg (http://www.al-amakn.net/up2)

http://www.al-amakn.net/up2/uploads/0903b3e8ab.jpg (http://www.al-amakn.net/up2)

[برق الحيا]

درجة الحرارة الآن 4 درجات مئوية على القصيم:D

المدينه المنوره 11 درجه مؤيه:D

[د.البقعاوي]

في الصين يادكتور اربع ساعات شمال شنغهاي بس احسدهم على المطر يارب اشوفه في الرياض مع عيالي
عب مخابيك من المطر لجيت بالسلامة...

[د.البقعاوي]

درجات الحرارة المتوقعة لمدينة حائل الأيام المقبلة
المعلنة رسمياً
لكن الواقع أبرد بكثير
(والله أعلم).


التاريخ الحرارة حالة الطقس
24 صغرى 01 / عظمى 13 صحو
25 صغرى 02 / عظمى 13 صحو
26 صغرى 02 / عظمى 13 صحو
27 صغرى 03 / عظمى 14صحو
28 صغرى 03 / عظمى 14صحو
درجات الحرارة المتوقعة بالدرجة المئوية.

[برق الحيا]

عندنا فى الظهران يادكتور موجة بــرد لم نشاهدها من فتره والمشكله جتنا مفاجأه بدون سابق إنذار
:D :D :D


وهالبيت هديــه إلك;)


نـــــــاس تبي عرش مثل عرش بلقيس
ونـــــــــاس تبي لو يوم فرقى التعاسه

[king]

اللي أعرفه إن موجة البرد توصل من تركيا لنا في حائل خلال 5أيام
ومن الأردن خلال 3 أيام..
أنتم يبي لكم ساعتين وثنعش دقي تسه
(بالقصيمي)
:D
وش بهم القصمان يابعد حيي:D ،، وش نوحك عليهم:p

أمززززززززززح ترى يادوكتور،، والله صرت أحس إن معك

شووزن وأنتم تتجاذبون أطراف الحديث ((بالإمس عن الصوره المنقوله))

أنا قلت شوي وبتشحن الشوووزن ،، وعاد أنا ماأخفيك قفلت جهازي

وصكيت بيبان البيت :D <<<<<<< واحد ذرووووووق:p

((كل عام وأنت بخير طال عمرك))،، وبالنسبه للبرد والله إن الإفلونزا

لاعبه بي من كم يوم والله يشفي الجميع

[د.البقعاوي]

صور للثلوج التي تساقطت على محافظة طريف شمال المملكه بتاريخ 12/12 / 1428
من يومين إلى 3 أيام ويذوق اهل الرياض طعم هالثلج...الله يعين الجميع!

[برق الحيا]

أحـــد الزملاء كلمني قبل قليل من النعيريه يقول عندنا مطر.:)

[د.البقعاوي]

وش بهم القصمان يابعد حيي:D ،، وش نوحك عليهم:p
لاعبه بي من كم يوم والله يشفي الجميع

ميزة الانترنت إنك تهاوش وأنت منسدح
:D

لابأس طهور إن شاء الله...
الخوف من شئ أكبر من الزكمة(الانفلونزا).

[د.البقعاوي]

أحـــد الزملاء كلمني قبل قليل من النعيريه يقول عندنا مطر.:)

أجل نولم الخياش للفقع؟

[د.البقعاوي]

عندنا فى الظهران يادكتور موجة بــرد لم نشاهدها من فتره والمشكله جتنا مفاجأه بدون سابق إنذار
:D :D :D


وهالبيت هديــه إلك;)


نـــــــاس تبي عرش مثل عرش بلقيس
ونـــــــــاس تبي لو يوم فرقى التعاسه




خوش بيت...يوم جبت درجة حرارة القصيم قلت أبوصيك على الكليجا...طلعت بالظهران!!
يابقيق ما يمدحك من جاك...
:D

[ستلايت]

من البارح جاينا في الرياض برد الله لايوريك
الظاهر درجة الحراره عندنا تحت صفر الصفر

مع اني كنت مجهز وضعي ومواعد رجال يخاويني للروحه يم حائل لحضور مناسبة
لكن قلت ياولد ابلع العافية وتعذر من راعي المناسبة
وارتح من المشاوير اللي مالها داعي في هالجو الصاقع
وعشّ خويك في الرياض كوده يرضى ومايركبك حقٍ دسم


واليوم اشوف الناس طلعو خلاقين الشتاء
وصار الواحد معاد يقدر يرفع يده ولا يلتفت من كثر الهدوم اللي ضاغطه عليه

والانفلونزا معاد تطلع من البيت إلا لين تسدح كل افراد العائله بالدور
لدرجة ان الواحد يحسب مليون حساب للترويشه ومعاد يتهور مهما حصل له من مغريات :)

[د.البقعاوي]

من البارح جاينا في الرياض برد الله لايوريك
الظاهر درجة الحراره عندنا تحت صفر الصفر

مع اني كنت مجهز وضعي ومواعد رجال يخاويني للروحه يم حائل لحضور مناسبة
لكن قلت ياولد ابلع العافية وتعذر من راعي المناسبة
وعش خويك في الرياض وارتح من الحق

واليوم طلعو الناس خلاقين الشتاء
وصار الواحد معاد يقدر يرفع يده ولا يلتفت من كثر الهدوم اللي ضاغطه عليه

والانفلونزا معاد تطلع من البيت إلا لين تسدح كل افراد العائله بالدور
لدرجة ان الواحد يحسب مليون حساب للترويشه ومعاد يتهور مهما حصل له من مغريات :)
:D
حلوووووووووووووووووووووووه
أنصح المتزوجين إياكم أحد ( يتهور)

[الـوامـق]

السلام عليكم ورحمة الله

عندنا في الاحساء جانا البرد فجأة اليوم الصباح بدري مع موجة غبار

والأن درجة الحرارة 9درجات

[فتى تاروت]

بدأت أمس موجة برد شديدة
في منطقة حائل وبالأخص بقعاء
سجلت حالات نفوق مواشي...
والله يستر على الجميع
درجة الحرارة
5 تحت الصفر!!
***
الرجاء تحديد المنطقة ودرج الحرارة من الاخوة
المشاركين.



ما شاء الله

5 تحت الصفر ..

والله حنا في الشرقية ... موجة برد قوية .. من اليوم السبت .. والعالم ترجف .. ( من البرد ما هو من السوق :D )

[د.البقعاوي]

السلام عليكم ورحمة الله

عندنا في الاحساء جانا البرد فجأة اليوم الصباح بدري مع موجة غبار

والأن درجة الحرارة 9درجات
9 درجات...أجل ماجاكم برد إلى الان...يمكن باكر...شدوا حيلكم بالثقيل!

[د.البقعاوي]

من اليوم السبت .. والعالم ترجف .. ( من البرد ما هو من السوق :D )
الظاهر كل الثنتين ...صح!

[فتى تاروت]

الظاهر كل الثنتين ...صح!

والله عند البعض ما زالت صح .. إلى أجل غير مسمى :D

[د.البقعاوي]

وين أهل تبوك...وأهل وادي الدواسر...وأهل الجنوب؟؟

[برق الحيا]

خوش بيت...يوم جبت درجة حرارة القصيم قلت أبوصيك على الكليجا...طلعت بالظهران!!
يابقيق ما يمدحك من جاك...
:D







قلت لك الظهران يادكتور;) جربنا ترى نجوز لك:D

[د.البقعاوي]

قلت لك الظهران يادكتور;) جربنا ترى نصلحلك:D
خل البرد يخف...وولم قهوتك..تستاهل والله من يقصدك.

[برق الحيا]

خل البرد يخف...وولم قهوتك..تستاهل والله من يقصدك.

حياك الله على العين والراس وإن مشالتك الشرقيه تشيلك عيوننا يادكتور
:o :o

[د.البقعاوي]

حياك الله على العين والراس وإن مشالتك الشرقيه تشيلك عيوننا يادكتور
:o :o

عيونك ماتمسها النار....آمين.

[برق الحيا]

لايفوت يادكتور كاريكاتير فى صحيفة اليوم معبر100%
:D :D

http://www.alyaum.com/images/12/12609/547224_1.jpg

[برق الحيا]

موجات البرد ترفع اسعار الملابس ووسائل التدفئة في حائل

http://www.alriyadh.com/2007/12/23/img/242140.jpg

ماركات الدفايات شهدت حركة في الشراء

حائل - خالد العميم:
قفزت أسعار الملابس الشتوية ووسائل التدفئة الى أعلى مستوياتها بسبب موجات البرد الشديدة التي تتعرض لها منطقة حائل هذه الأيام، حيث انتعشت مبيعات الملابس الشتوية بمختلف أشكالها وأنواعها..وبدأ المواطنون بأخذ الاحتياطات اللازمة لمواجهة المواسم الشتوية الباردة من خلال الأسواق والمراكز التجارية للتبضع وشراء احتياجات ولوازم الشتاء.
وبدا واضحاً الاقبال الشديد على المدافئ بكافة أنواعها المختلفة من الماركات المنتجة، اضافة الى الملابس الصوفية الثقيلة.
أحد البائعين في محل تجاري أكد تزايد الطلب على شراء المتطلبات الضرورية.. كالدفايات الكهربائية التي شهدت إقبالا وتراوحت أسعارها بين 100- 500ريال .. كما شهدت الملابس المستوردة والوطنية المصنعة للرجال والنساء والأطفال ارتفاعاً في الطلب من قبل المواطنين بهدف مواجهة البرد. وطالب المواطنين بضبط ومراقبة الأسعار حيث إن هناك الكثير من التجار وأصحاب المحلات والمراكز يستغلون مثل هذه المواسم وكثرة الطلب على رفع الأسعار بصورة غير منطقية الأمر الذي يرهق كاهل المواطنين لا سيما ذوي الدخل الضعيف ..

[alrajel]

كل شئ له موسم , والبرد موسم اطباء الاطفال وكبار السن , لكن على هذى الموجه تعتبر طفره لهم

[mss]

يا زين البرد زيناه

[صـياد الأسهم]

مساك الله بالخير يادكتور

أنا الحين بألمانيا ودرجة الحراره الليله واصله فوق-10 تحت الصفر
والجو ضباب والثلوج في كل محل

[الجاهز]

اليوم البرد عندنا في جده مو معقول
درجة الحرارة 20
تبغون الصراحة والله برد مع ان درجة الحرارة 20
لايجي واحد يقول
ياواد بلا بهلله
انا اتكلم عن نفسي بردان ومع ذلك التهور مافيه مشكلة بس وين المغريات :p

[shgar]

الله يرحم حالنا يا دكتور البقعاوي
انتم تقولون من كم يوم جاكم البردمع العلم
أن برد الشمال شديد ولكن ويش تقول عن
البرد الي بادي عندنا من رمضان وكان خلال اليل فقط
ومن شهر10 وهو نهاراً وليلاً ويستمر معنا حتى شهر3\1429
تقريباً وكل شي بيد الله وما نعرف الصيف غير شهرين في السنه
المعذره لم أذكر المنطقة(( أبهــــــــــــــــــــــــــــا ))
وهناك مناطق مثل السودة مسجل تحت الصفر من زماااااااااااان
وابها ماهي بعيده عنها وحسب خبرتي ة في المنطقة
((البرد عندنا باقي في أوله وباقي الشديد لم يأتي بعد)))

[سنعوسي]

الله بالخير يا دكتور...

يازين حايل وبردها أنا خابر عام
1409 هـ وصلت الحرارة 13 تحت الصفر.

إلا على طاري درجة الحرارة... حليب النيدو ( عبوة 900 جرام )
شاريه أمس ب 34 ريال عقب ما كان ب 26 ريال يعني زيادة 30% ثلاث نسب
وهو أصلا مرتفع.:mad:

المشكلة أن أهلي ما فطموني عن الحليب إلى الحين:o

[abotlal]

الله يرحم حالنا يا دكتور البقعاوي
انتم تقولون من كم يوم جاكم البردمع العلم
أن برد الشمال شديد ولكن ويش تقول عن
البرد الي بادي عندنا من رمضان وكان خلال اليل فقط
ومن شهر10 وهو نهاراً وليلاً ويستمر معنا حتى شهر3\1429
تقريباً وكل شي بيد الله وما نعرف الصيف غير شهرين في السنه
المعذره لم أذكر المنطقة(( أبهــــــــــــــــــــــــــــا ))
وهناك مناطق مثل السودة مسجل تحت الصفر من زماااااااااااان
وابها ماهي بعيده عنها وحسب خبرتي ة في المنطقة
((البرد عندنا باقي في أوله وباقي الشديد لم يأتي بعد)))

حسبتك في شمال غرب كندا اوفي النرويج , برد ابها مقبول ويختلف
عن بردمنطقة نجد 0

[دايم أخضر]

درجة الحراره في الرياض 9 درجات وفي حي الريان تحديداً أتوقع 5 درجات :D
ما أدري ليه إذا رحت لأحياء ثانيه أحس بالدفا أكثر :p

عموماً البرد زين يخلي الواحد يدور الدفا :) بس البلاء في البزارين ما غير ملاحق
وراهم لايهبهم براد وبعدين ما يخلونا ننوم زين :p

[ابومانع]

السلام عليكم ورحمه الله وبركاته

http://www.hamweather.net/local/sa/riyadh.html

تحياتى

[وائل محمد]

عدنا في الشرقية - الدمام
تقريبا 15- 17 حسب مقياس السيارة

[د.البقعاوي]

مساك الله بالخير يادكتور
أنا الحين بألمانيا ودرجة الحراره الليله واصله فوق-10 تحت الصفر
والجو ضباب والثلوج في كل محل
الله يردك سالم...في حفظ الرحمن!

[د.البقعاوي]

لايفوت يادكتور كاريكاتير فى صحيفة اليوم معبر100%
:D :D

http://www.alyaum.com/images/12/12609/547224_1.jpg

المفروض هالكاريكاتير نلزقة على قزاز السيارات(القزازة الخلفية) للتشنيع على التجار كمظاهرات عامة!

[د.البقعاوي]

يا زين البرد زيناه
شكلك من فئة الوزن الثقيل:)

[د.البقعاوي]

الله يرحم حالنا يا دكتور البقعاوي
انتم تقولون من كم يوم جاكم البردمع العلم
أن برد الشمال شديد ولكن ويش تقول عن
البرد الي بادي عندنا من رمضان وكان خلال اليل فقط
ومن شهر10 وهو نهاراً وليلاً ويستمر معنا حتى شهر3\1429
تقريباً وكل شي بيد الله وما نعرف الصيف غير شهرين في السنه
المعذره لم أذكر المنطقة(( أبهــــــــــــــــــــــــــــا ))
وهناك مناطق مثل السودة مسجل تحت الصفر من زماااااااااااان
وابها ماهي بعيده عنها وحسب خبرتي ة في المنطقة
((البرد عندنا باقي في أوله وباقي الشديد لم يأتي بعد)))
عندكم الدرب..ساعة وأنتم مشغلين المكيف على البارد...أو القحمة..أو جيزان!
لكن حنا وين نروح؟!
الحمدلله على كل حال...

[د.البقعاوي]

الله بالخير يا دكتور...

يازين حايل وبردها أنا خابر عام
1409 هـ وصلت الحرارة 13 تحت الصفر.

إلا على طاري درجة الحرارة... حليب النيدو ( عبوة 900 جرام )
شاريه أمس ب 34 ريال عقب ما كان ب 26 ريال يعني زيادة 30% ثلاث نسب
وهو أصلا مرتفع.:mad:

المشكلة أن أهلي ما فطموني عن الحليب إلى الحين:o

عسى الحليب ما يدبل بس!!

[د.البقعاوي]

السلام عليكم ورحمه الله وبركاته

http://www.hamweather.net/local/sa/riyadh.html

تحياتى
وعليكم السلام ورحمة الله..
ندور السوالف يالغالي...والا موقع الارصاد السعودية موجود...وفرصة الواحد يعبر عن مشاعره(الباردة):)

[د.البقعاوي]

درجة الحراره في الرياض 9 درجات وفي حي الريان تحديداً أتوقع 5 درجات :D
ما أدري ليه إذا رحت لأحياء ثانيه أحس بالدفا أكثر :p

عموماً البرد زين يخلي الواحد يدور الدفا :) بس البلاء في البزارين ما غير ملاحق
وراهم لايهبهم براد وبعدين ما يخلونا ننوم زين :p
أمممممممممممممممممممم
أجل وشلون لو كنت في (خشم) ما
:)

[مدور رزق]

من البارح جاينا في الرياض برد الله لايوريك
الظاهر درجة الحراره عندنا تحت صفر الصفر

مع اني كنت مجهز وضعي ومواعد رجال يخاويني للروحه يم حائل لحضور مناسبة
لكن قلت ياولد ابلع العافية وتعذر من راعي المناسبة
وارتح من المشاوير اللي مالها داعي في هالجو الصاقع
وعشّ خويك في الرياض كوده يرضى ومايركبك حقٍ دسم


واليوم اشوف الناس طلعو خلاقين الشتاء
وصار الواحد معاد يقدر يرفع يده ولا يلتفت من كثر الهدوم اللي ضاغطه عليه

والانفلونزا معاد تطلع من البيت إلا لين تسدح كل افراد العائله بالدور
لدرجة ان الواحد يحسب مليون حساب للترويشه ومعاد يتهور مهما حصل له من مغريات :)



:D
حلوووووووووووووووووووووووه
أنصح المتزوجين إياكم أحد ( يتهور)



اكبر واحد مستفيد من هذي الموجه الأخ / الأسود :D أعزوبي من 10/12/1428 :p

[اللافي]

على قولة ستلايت وبعض الاخوان
في الرياض البارح برد يصلخ وش ماتلبس تحس انك مالبست
والمشكلة انه الى الان
وموعودين بأكود منه بعد الله يستر

[alzaid]

من البارح جاينا في الرياض برد الله لايوريك
الظاهر درجة الحراره عندنا تحت صفر الصفر

مع اني كنت مجهز وضعي ومواعد رجال يخاويني للروحه يم حائل لحضور مناسبة
لكن قلت ياولد ابلع العافية وتعذر من راعي المناسبة
وارتح من المشاوير اللي مالها داعي في هالجو الصاقع
وعشّ خويك في الرياض كوده يرضى ومايركبك حقٍ دسم


واليوم اشوف الناس طلعو خلاقين الشتاء
وصار الواحد معاد يقدر يرفع يده ولا يلتفت من كثر الهدوم اللي ضاغطه عليه

والانفلونزا معاد تطلع من البيت إلا لين تسدح كل افراد العائله بالدور
لدرجة ان الواحد يحسب مليون حساب للترويشه ومعاد يتهور مهما حصل له من مغريات :)

حلووه يا ستلايت بس عساك تصمل
:D :D :D :D

[اللافي]

بيننا وبينكم ياراعي بقعاء درجتين
حايل 13\01c
الرياض 16\03c

http://www.pme.gov.sa/

[حبيب الاسهم]

مساء الخير جميعا

في احدى المحافظات شمال الرياض ب 300 كيلو
برد قارس من اربع ايام
ودرجه الحراره وصلت الى تحت الصفر عند الفجر
وكانت احواض الماء متجمده اليوم بتاعت الغنم في المزرعه

والان لابس ثلاث بجامات ومشغل الدفايه واتنافض :o :o
ام عبدالله تقول الظاهر انك شيبت :cool: :cool:
قلت يالله حسن الخاتمه

ولا للسباحه في هذا البرد
والشياب ما تهيجهم المغريات :) :)

[mortichlago]

فرصه للجميع باقي كم يوم اجازه ليه ماتزورونا بجده

وانا مستعد اخدمكم بعيوني والله الجو من فضل الله يستاهلكم

[omar's]

جده أم الرخا والشده
الجو فيه ممتااااااااز
تحياااااااااااااااااااتي
يادكتورناااااااااااااا.

[الغوازي]

سوف يكون هناك برد شديد على جميع مناطق المملكه
وقد يتحول مناخ البلاد الى مناخ اوربي بحث 0
بمعنى شتاء دائم 00
ويسمى القطب السعودي 0
شماليه 00والله انك قويه 0
برد المدينه 00مابعده برد 00
تلبس ماتلبس هو واحد 00
برد ارض ارض جو 0

[shgar]

حسبتك في شمال غرب كندا اوفي النرويج , برد ابها مقبول ويختلف
عن بردمنطقة نجد 0
خل عنك شمال كندا والنرويج وتعال اوديك
مكان وفي ابها تحس فيه انك في القطب الشمالي
بدون ثلج يعني اختلاف في ألألوان فقط من ألأبيض
الى ألوان الجبال الطبيعية

[بسام بن سليمان العبيد]

تصدق دكتورنا 0000قبل امس كنت بالبر مع الربع والصبح فنجال المويه
(الطاسه) صاير كسرت ثلج :o

لكن ماعليه مع الوناسه يجي الدفا :)
الموقع جنوب حايل وتحديدا سد السلف مع باقه من الارطاء والغضا يحبها قلبك
وبشكة شباب طيبين كطيبة بلدهم شرواك
تعجز تسكت من الضحك تسكت واحد يبدأ الثاني
وياليل مااقصرك

كل عام وانت بالف خير

[د.البقعاوي]

تصدق دكتورنا 0000قبل امس كنت بالبر مع الربع والصبح فنجال المويه
(الطاسه) صاير كسرت ثلج :o

لكن ماعليه مع الوناسه يجي الدفا :)
الموقع جنوب حايل وتحديدا سد السلف مع باقه من الارطاء والغضا يحبها قلبك
وبشكة شباب طيبين كطيبة بلدهم شرواك
تعجز تسكت من الضحك تسكت واحد يبدأ الثاني
وياليل مااقصرك

كل عام وانت بالف خير
دامك قريب سير علينا تكفى!

[د.البقعاوي]

بيننا وبينكم ياراعي بقعاء درجتين
حايل 13\01c
الرياض 16\03c

http://www.pme.gov.sa/
إذا هذا الرياض!!!!!!!!!!!!!!
الله يعين الشمال(رفحاء،عرعر، طريف، القريات، تبوك)

[د.البقعاوي]

سوف يكون هناك برد شديد على جميع مناطق المملكه
وقد يتحول مناخ البلاد الى مناخ اوربي بحث 0
بمعنى شتاء دائم 00
ويسمى القطب السعودي 0
شماليه 00والله انك قويه 0
برد المدينه 00مابعده برد 00
تلبس ماتلبس هو واحد 00
برد ارض ارض جو 0

الله يجيب المطر...
ما تدفى الأرض إلا بالمطر!

[د.البقعاوي]

اكبر واحد مستفيد من هذي الموجه الأخ / الأسود :D أعزوبي من 10/12/1428 :p
ماتدري لو هو يدور العرس؟؟

[د.البقعاوي]

حلووه يا ستلايت بس عساك تصمل
:D :D :D :D
اللي يبي يصمل...يحاول يسيطر على عيونه ويديه...يلبس نظارات شمسية ودسوس!

[د.البقعاوي]

مساء الخير جميعا
ولا للسباحه في هذا البرد
والشياب ما تهيجهم المغريات :) :)
الشياب ودهم...والله لو تبيه يسبح بالفريزر ما قال :لا...
بس ما لقوا مغريات
:D

[اللحيدان]

والله ياناس بيجامة وفروة ودفاية ووزن 120 كيلو وسمن ومراصيع وعجزت ادفا بحفر الباطن

[الولد البار]

هلا بالدكتور وش نوحك يابعدى وين الشبه الليله فيه والله ياهو برد فى الديره تبعد عن الرياض 200 ك بس الحمدلله مع السمر مافيش كلام

الله يجيب المطر يارب وتربع الأرض ويزين البر

تحياتى لك ولآهل حائل

[د.البقعاوي]

هلا بالدكتور وش نوحك يابعدى وين الشبه الليله فيه والله ياهو برد فى الديره تبعد عن الرياض 200 ك بس الحمدلله مع السمر مافيش كلام

الله يجيب المطر يارب وتربع الأرض ويزين البر

تحياتى لك ولآهل حائل
http://www.3tt3.net/up/izxgfiles/AkZ35667.jpg (http://www.3tt3.net)

[majedd]

هههههههههه

أثرك شايب يالبقعاوي ....... اللي هذي يدك ......... ولا من البرد ههههههههه

[اللافي]

الشياب ودهم...والله لو تبيه يسبح بالفريزر ما قال :لا...
بس ما لقوا مغريات
:D


أأوووففففففففف

هذي قوية وماتجي الا من واحد عنده خبرة ;)

[الملا نعيم]

فعلا البرد اشتد هااليومين
والدكاتره
لاينصحون باالسباحه
ايام الشتاء
والا ايه يادكتور
:D

[د.البقعاوي]

فعلا البرد اشتد هااليومين
والدكاتره
لاينصحون باالسباحه
ايام الشتاء
والا ايه يادكتور
:D



صحيح...خاصة مع عدم توفر مغريات(جديدة)
:D

[د.البقعاوي]

أأوووففففففففف
هذي قوية وماتجي الا من واحد عنده خبرة ;)
أول سنتين ـ من الزواج ـ قمة الاخلاص في تناول المغريات...
بعدين بدأ الحماس يخف شوي شوي...
بعد عشر سنوات كبرت عقولنا ـ أو كبرت روسنا ـ فأصبحنا نطيل التفكير في المغريات...لقينا الدعوى ما تستاهل كل هالحماس...لا وأحياناً نتحسف ونتندم على الاخلاص القديم:D
أخيراً ومع موجة هالبرد...يامغريات تسوى(زواج جديد) والا بلاها...

[د.البقعاوي]

هههههههههه

أثرك شايب يالبقعاوي ....... اللي هذي يدك ......... ولا من البرد ههههههههه
شكلي ابنفخها سيلكون لازالة التجاعيد:cool:

[د.البقعاوي]

والله ياناس بيجامة وفروة ودفاية ووزن 120 كيلو وسمن ومراصيع وعجزت ادفا بحفر الباطن
الله يعطيك الصحة والعافية...ما انت خايف ينحتونك...وتصير تمثال؟!
تبارك الله 120ك ومراصيع:D

[سهم الغد]

يقال ان البرد في بلجرشي بمنطقة الباحة حوالي 5 الى 2 درجه وانه برد شديد والله يعينهم والثقل قدام سيصل تحت الصفر0 اما جدة غير فالحمد لله جو معتدل جدا والله يسعدنا وسكانها واهل جده يقولو برد والمكيفات البارده شغاله والحمد لله على كل حال والله يعين اهالي الشمال والشرقيه والوسطى والجنوب

[ابوعثمان]

الله يجيب المطر للجميع ان شاء الله

اللهم اغثنا, اللهم اعثنا ,اللهم اعثنا ,

[اللحيدان]

الله يجيب المطر للجميع ان شاء الله

اللهم اغثنا, اللهم اعثنا ,اللهم اعثنا ,
اللهم آآآآآآآآآآآآآآآميننننننننننننننننن

[اللحيدان]

الله يعطيك الصحة والعافية...ما انت خايف ينحتونك...وتصير تمثال؟!
تبارك الله 120ك ومراصيع:D
الله يستر يادكتور

[مي ad]

والله ياجماعه الله يعين اهل الشمال كلهم انا بالرياض وتحت بطانيه وارجف من البرد شي غيرررررر الله يجيب المطررررر ندفا شوي

[بسام بن سليمان العبيد]

دامك قريب سير علينا تكفى!


تستاهل اللي يعنى لك لو على رجليه دكتورنا ..... عاد تخبر هالايام

منشغلين وباقرب فرصه سنسعد بلقاءك بس خل البرد يركد عندكم شوي

الله واعلم مامثل الفنادق هاليومين ادفى :p
وفقك الله

[د.البقعاوي]

تستاهل اللي يعنى لك لو على رجليه دكتورنا .....
الله واعلم مامثل الفنادق هاليومين ادفى :p
وفقك الله
حنا نقلل المساجد...ونقلل الفنادق حتى مايبقى للضيف عذر...
تدري حايل مافيها الافندق واحد...وراح يعلن افلاسه بحول الله:D

[د.البقعاوي]

والله ياجماعه الله يعين اهل الشمال كلهم انا بالرياض وتحت بطانيه وارجف من البرد شي غيرررررر الله يجيب المطررررر ندفا شوي
وصلتنا أخبار ماتسر ...والله!
كثير من المواشي لحقها الضر...جوع وبرد!
وخاصة في الشمال...الله يغيثنا بالمطر..

[القادم من بعيد]

حنا نقلل المساجد...ونقلل الفنادق حتى مايبقى للضيف عذر...
تدري حايل مافيها الافندق واحد...وراح يعلن افلاسه بحول الله:D
على ضمانتك يادكتور ابجى حايل

[د.البقعاوي]

على ضمانتك يادكتور ابجى حايل
خايف أهون:p
قضبنا راسك...وأبشر بالحلاق:D
الله يحييك مقدماً ...عين فراش وعين غطا

[مدور النسبه]

وش رايك إني مشغل المكيف البارد الأن:d

[صقر أبو خالد]

أمس في البر 180 كيلو شمال الرياض ..
يااااااااااااهو برد طعشرالف تحت الصفر :eek: ..
أشووووفك هاليومين تلمح للعرس يعني منتب دافي ألا بالعرس :p ..

[مي ad]

وصلتنا أخبار ماتسر ...والله!
كثير من المواشي لحقها الضر...جوع وبرد!
وخاصة في الشمال...الله يغيثنا بالمطر..

يالله ياربي تستر العيال بدو يصخنون الله يشفيهم والله ما تحملو

[د.البقعاوي]

أمس في البر 180 كيلو شمال الرياض ..
يااااااااااااهو برد طعشرالف تحت الصفر :eek: ..
أشووووفك هاليومين تلمح للعرس يعني منتب دافي ألا بالعرس :p ..




القدر مايركب إلا على(؟؟؟)
بعدين أنا قلت ماني متهور إلا على (جديد);)

[د.البقعاوي]

يالله ياربي تستر العيال بدو يصخنون الله يشفيهم والله ما تحملو
الله يلطف بالجميع..لكن
حسب علمي إن بيوت الشعرأدفى من المباني الاسمنتية!!

[د.البقعاوي]

وش رايك إني مشغل المكيف البارد الأن:d
أجل نسبة(تحت)
وين ديرتك...جيزان أو الساحل الغربي جنوب جدة؟؟

[alzaid]

اللي يبي يصمل...يحاول يسيطر على عيونه ويديه...يلبس نظارات شمسية ودسوس!

ويتلطمون بعد تخبر بعض الناااس
من الشم بعد يجيون على وجيهم محيفره
:D :D :D :D :D

[د.البقعاوي]

ويتلطمون بعد تخبر بعض الناااس
من الشم بعد يجيون على وجيهم محيفره
:D :D :D :D :D
اللي يبي يضمن ...يقطع راسه قبل لاينام...
والظاهر بعضنا هو اللي يجني على أهله والا هم غافلين..

[ساري وجود]

يمدحوووووووووون الدفاااااااااء يبعدي

[ms_mm_ss]

اختر المدينه واعرف درجات الحراره للايام القادمه والتي تنذر بموجة برد شديده





http://www.hamweather.net/local/sa.html (http://www.hamweather.net/local/sa.html)

[طويس]

.
.
.

حنا الله يسلمك ياجا الظهر دفوووووة تجدع خلاقينك ..

وياجا العصر هه ثم المغرب يا ساتر ثم العشا تقول ستستتترررك يايايايا رببب ..

أما الفجر حتى الأشارة ماتقدر..!!

أنا حولكم حواليكم ورا هاكالديرة ودون ذيك ..

بس صدز صدز درجة البرودة شي غير غير أدور بالشماغ سبع لفات والبرد يقول هين هين ..!!

بس الوكاد اني أحب سهم عسير جعله يطير ..

[د.البقعاوي]

.
.
.

حنا الله يسلمك ياجا الظهر دفوووووة تجدع خلاقينك ..

وياجا العصر هه ثم المغرب يا ساتر ثم العشا تقول ستستتترررك يايايايا رببب ..

أما الفجر حتى الأشارة ماتقدر..!!

أنا حولكم حواليكم ورا هاكالديرة ودون ذيك ..

بس صدز صدز درجة البرودة شي غير غير أدور بالشماغ سبع لفات والبرد يقول هين هين ..!!

بس الوكاد اني أحب سهم عسير جعله يطير ..

جماهو برد:rolleyes: