المساعد الشخصي الرقمي

مشاهدة النسخة كاملة : رامي سهم العتيبي وابوناصر ومن لديه خبرة باجهزة الكمبيوتر



alharbi
08-10-2001, Mon 1:36 AM
اخواني انا اريد ان اغير جهازي القديم المتهالك الي يهنق عند تنفيذ الاوامر ويقفل اذا ارتفع السوق والماوس يعلق عندما اريد ان ابيع بربح وياسرعه يوم تكون البيعه مخسره

سئلت ابوناصر قبل والاخ العتيبي( رامي سهم سابقا) في غرفة المضاربه ووضحولي الامور جزاهم الله خير
ولكن في الغرفه لم اتمكن من اخذ مواصفات بعض الاشياء الي داخل الكمبيوتر مثل الهاردديسك والذاكره ومواصفات الشاشه وكيف اشغل شاشتين على الجهاز
وايضا من اين اجمعه وماهي الاشياء التي يجب ان اركز عليها بان تكون اصليه وماهي الذاكره الي احتاجها

واشياء اخرى لااعرفها لكي اسئل عنها

ارجوا منكم النصيحه قبل ان اقع في جهاز لايفيدني
مع شكري لكم مقدما

عزيززز
08-10-2001, Mon 5:31 AM
مساء الخير

اذا نويت تشتري قول لي

انا ممكن ارسلك على شخص اثق فيه موزع جمله لقطع الكمبيوتر وتاخذ من عنده الجهاز اللي تبغاه واخليه يراعيك في السعر

انا اشتريت من عنده قبل شهرين جهازي الحالي بونتيوم 4
والسرعه 1700
40 قيقا
وكل المواصفات اللي ممكن تخطر ببالك
لكن حكاية شاشتين هذي ما اعرفها واذا عرفتها قولي عليها

باي

عزيززز
08-10-2001, Mon 5:34 AM
السوق افضل مافيه يقولون

ال جي

او

فيليبس

بالنسبه لي شخصيا انصحك تاخذ فليبس مسطحه 19 انش
عليها ضمان 3 سنوات والوكيل قوي وممتاز

وسعرها معقول بالنسبه لحجمها ونقاء الصوره

باي

alharbi
08-10-2001, Mon 7:09 AM
غدار اشكرك والله على الفزعه

وبالنسبه للجهاز اعرف البانتيوم 4
والباقي ماعرف شيء فيه

وماقلتلي الاسعار لكل قطعه اذا اردت تجميعه

اما الشاشه فانا ايضا كثير يمدحون ال جي
اما التوكيل انسى لان الاجهزه ماتخرب الى بعد انتهاء الضمان

والشاشه الي اريدها مثل هذه
http://store6.yimg.com/I/mamicro_1657_28500
لاكن الحجم كبير شوي
ماعندك خبر عن اسعارها

موضوع الشاشتين كلمني عليه قبل كذا ابوناصر وقاللي ممكن تشغيل شاشتين على نفس الجهاز الظاهر ان كرت الشاشه بمنفذين او شيء من هذا القبيل
انا على العموم مافهمت الموضوع تمام من رامي وابوناصر

العتيبي
08-10-2001, Mon 3:25 PM
اخيراً يالحربي ما ني مصدق

خبر حلو الحربي بيغير الجهاز

شوف حبيبي شوف حبيبي ماراح اقولك الا اذا قلتلي كيف تجيك الديوكه والدجاج في مقالاتك ههههههههههه ترى امزح

شوف كل مازادت فلوسك كل ما كانت المواصفات افضل بس انتبه من النصب لا ينصبون عليك خلك ذيب مثل منت بالاسهم

انا اقترح عليك بنتيوم 4 فوق 1500

الرام يجب ان تكون سبيكتروم امريكي اقل شي 256 سعرها قبل شهر ب 170 ريال اكيد نزلت واذا تحط 512 يا سلام يا حلاوة لان الرام هي المسئولة كم برنامج تشغل في نفس الوقت على الجهاز

256 تمام تشغلك ستريمر وبال توك وماسنجر وتقدر تحمل اكثر من 7 صفحات انترنت

512 أكثر من رائع

الهارديسك حيث يتم تخزين المعلومات والشغل والنظام اقترح عليك 40 جيجا او اكثر ترى رخيصة

كرت الشاشة اقترح عليك فوق 32 اذا 64 زين

كرت الصوت 128 زين

سي دي روم 52 أو اكثر انا ما اشوف الزيادة مهمة

فاكس مودم اقترح عليك u s robotics خارجي extrnal لان الداخلي بطيء وصراحة من يوم ما استخدمت انا الخارجي كل ما شفت اي مودم داخلي تلوع كبدي واندم على الايام اللي كنت شغال عليه قيمته قبل 4 أشهر 230 ريال اكيد انه نزل وفيه نوع على مخرج u s b اغلى شوي وازين واسرع .وانتبه لا يغرونك يقولون فيه ازين ترى ما في ازين منه .

المذربورد فيه نوعين منها :
النوع الاول مذربورد يجي عليها كرت الصوت والكروت الاخرى مدمجة وهذا نوع جديد بس انا ما احبه لانه لو اخترب كرت صوت والا شي لازم تغير المذربورد
خذ النوع الثاني اللي هو انا مجربه وزين اللي يكون فيه الكروت لوحدها

لوحة المفاتيح : خذ نوع ممتاز وجربه فيه انواع ممتازة مثل لوحة مفاتيح كومباك صراحة شي ممتاز , ترى الرخيص رخيص يوجع اصابعك
بالنسبة للمخارج اهم شي يكون فيه مخرج usb لان معظم الاجهزة الجديدة مثل المودم ما تشتغل الا على هالمخرج . (المخارج فيه تسلسلي مثل حق الماوس والطابعة ) .

بالنسبة للبروسسر:
خذ بنتيوم 1500 ومافوق ترى مكتوب عليه intel inside وانتبه لا يغشونك ويعطونك انتل سيليريون intel celereon تراه خويش وما يصلح حده شهرين وتسمع السيور حقته تطقطق . وبعد amd حده سنة ويسويلك اغاني جواد اذا شغلت الجهاز .

بالنسبة للشاشة خذ 17 ومافوق ترى ارخص نوع في الشاشات lg فيه سوني افضل شي بس غالبه .

بالنسبة لموضوع الشاشتين انا ما حبذه لك قول ليه ليه :

انت عندك جهازك القديم صح واذا شريت جهاز جديد خذ لك كرتين شبكة وركبها
خل الجهاز الجديد يعمل كسيرفر (هو المرتبط بالانترنت) والجهاز الثاني تقدر تستخدمه في نفس الوقت وعلى نفس اتصال الانترنت . قيمة كرت الشبكة الواحد اكيد رخيصة عندكم بجدة لكن افضل شي فيها 3coms . انتبه لا يعجبك كرت الشبكة وتروح تشري اسهم في شركته ترى اوضاعها تعبانة هالايام.

ملاحظة اخيرة ويجب ان تنتبهلها زين بعد شراء الجهاز خل راع المحل ولا عليه امر يقسم لك الهارديسك اقل شي 5 اقسام يعني يكون عندك c: d: e: f: g: ترى ازين يعني يكون النظام (الويندوز) على السي وشغلك وملفاتك على الاجزاء الثانية . يعني لو يضرب الويندوز شغلك يكون بامان.

الله يعينك على الدوران بشارع خالد بن الوليد وشكرا لك

alharbi
08-10-2001, Mon 4:02 PM
والله والنعم يالعتيبي
ماشالله عليك شرحت الجهاز تشريح تمام التمام
اليوم ان شاء باتصل على واحد في شارع خالد بن الوليد وباخذ منه اسعار حسب الي ذكرت لي انت لنفس الاشياء هذه وبنفس المواصفات وبقلك عليها
لاجل تشوف السعر اذا كانوا ضاحكين علي ترى اخوك غشيم ومايستغني عنك

وعلى قولتك شاشه وحده تكفي خاصة مع السوق التعبان هذا
وايضا ودي اعرف هل ممكن اشغل جهازين على خط تلفون واحد وكيف يكون هذا

اما الديوكه
ترى وانت تكتب رسالتك على يمينك الوجوه التعبيريه 10 وتحتها لنك صغير لرؤية المزيد اضغط عليها اذا الموجود مايكفي وتلقى نافذه جديده تفتح وفيها المزيد ماعليك الى تختار الشيء الي تبيه وراح ينزل في رسالتك
وسلامتك:folla:

العتيبي
08-10-2001, Mon 4:19 PM
:dancer:
تمام

اكيد تقدر تشغل مو جهازين تقدر تشغل 50 جهاز على خط واحد

وهذي بسيطة يبيلك كرتين شبكة بس واترك الباقي عليه

مستثمر مستجد
09-10-2001, Tue 3:20 AM
اخي الحربي................مانصحك تشتري P4.............لانة زيادة خساير على الفاضي.......بتقول لي ليش.......عندي 3 اصدقاء فاتحين محلات .............. واحد منهم في الصالحية سوينا معة اختبار للاجهزة بمعالجات 1700-1500-1000 كلها Intel في الحقيقة ماكان هناك فرق في السرعة.....
--------------------------
تقدر تقول Intel انتجت P4 على شان تسكر على منافسينها (AMD وطقتهم)..........وعلى كلام Intel المعالج المنتظر هو P5 الذي يلي P3 وليس يلي P4!!!????
اشياء لا يعلم عنها إلا الله.........:
1- المعالج حرارة زايدة
2- في الحقيقة تكلفة جهاز P4 بالمواصفات الخاصة بة غالي جدا...........طبعا المحلات الي هنا الله يهديهم يعطونك P4 بمواصفات P3 ............وبتالي ينغش الواحد بسعرة الرخيص وسرعة..............
-------------------------
المواصفات التي انصحك بشرائها:
-P3 1000MHz
- Ram 256 MB
-HD 20 or 30 GB
-Monitor 17 or 19 بدون فلاترون (لان الهدف من الفلاترون تخفيف الإشعاع واعلا نسبة لتخفيف الإشعاع هي تقريبا 20 % ......... يعني 80 % فيك فيك :))
انصحك بإشتراء مايكرو فلات يوضع الى الشاشة يبعد الإشعاع بنسبة 99% تقريبا
اما الشاشة الي انت طرحت صورتها (الشاشة المسطحة) تبدا اسعارها من 3500 ريال تقريبا (15 بوصة) ......تخيل هذا سعر شاشة بس!!!؟؟؟..........طبعا بتقنية LCD كريستال ...لا إشعاع ولا شيء... يعني لو تقلط انت واللي حولك في الشاشة ما صار لك اي شيء ........
-ماانصحك تقسم الهاردسك اكثر من 3 اجزاء........لان كثرة التجزيء يبطئ الجهاز و ينققس من مساحة الهاردسك
-وإذا ماتبغى الجهاز يهنق ولا في الاحلام ........انصحك بوندوز2000.......مو ملينيوم
بس اذا تبغى المواصفات حرفيا انا مستعد اسئل لك اصدقائي واعطيك الزين
-----
تقدر تشبك اكثرمن شاشة على جهاز واحد بس ما اذكر طريقتها بالضبط
---
اما من ناحية تشبكة جهازين .........تقدر.....مثل ما قال العتيبي.........بس انواع البطء لانك شغال على اشتراك دايل اب .....مو ليزد لاين.......

معليش طولت عليك بالثرثرة بس وش السواة............إذا ما فدناك ولا فدنا اعضاء المنتدى ... اجل من نفيد:)

alharbi
09-10-2001, Tue 4:02 AM
والله والنعم فيكم جميع وجزاكم الله خير

انا الحين بجيب الاسعار كلها وبنزلها ان شاء الله

اثر الشغله ماهي سهله

بس ترى بالنسبه للمعالج
انا كمبيوتري هذا بنتيوم 2 اخذته اول مانزل تقريبا
وشغال تمام بس الايام هذه كثر التهنيق فيه الظاهر من المده لانه شغال عندي له تقريبا حول الثلاث سنين ممكن
لكن قبل كم يوم جربت جهاز عند صديق لي بصراحه السرعه اعجبتني فيه ماشالله عليه
والى ماجرب مايعرف طبعا والظاهر قاللي بانتيوم 4 وشفته مكتوب عليه intel inside مثل ماقال العتيبي

يعني الان نقدر نقول
بانتيوم 3 انتيل انسايد وهل يجي 1500 والى بانتيوم 3 1000 فقط انا ماعرف فيه ترى هذا
والثانيه الشاشه اذا كانت ب 3500 مابشتريها والله
بشوف شاشه من ابو 1000
الرام 256 متفق عليه معك ومع العتيبي اوكي هذا تمام واذا لقينا 512 سعره مناسب بناخذه
الهارد ديسك بناخذ الاربعين كلما زاد احسن
وكرت الشاشة 64
كرت الصوت 128
سي دي روم 52

:computari

خالد
09-10-2001, Tue 4:50 PM
السلام عليكم ..

الشباب مشالله ما قصروا .. بس البنتيوم 3 اعلى شي فيه 1000 ..

اما الرام اللي اشوفها حلوة SDRAM سعرها معقول واداءها حلوو .. وانا اللي اشوفه لا تاخذ اقل من 256 ..

اما كرت الشاشة افضل شي موجود جي فورس .. بس سعره اغلى من غيره ... يعني حطه في اعتباراتك ..

بالنسبة لتشغيل شاشتين على جهاز واحد فيه جهاز اسمه (Body) يكون على شكل كرت تركبه في الجهاز ويطلع منه سلك موصل بجهاز صغير فيه ثلاث مداخل (شاشة وكيبورد وماوس) .. هذا بالاضافة للشاشة والكيبور والماوس المتصلة مبسقا بالجهاز ... وتقدر تشغل الجهازين بشكل منفصل ...

وعلى فكرة اذا قررت تسوي هالشي اقصد تستخدم (BODY) فكل ما كان جهازك افضل واسرع كان اريح لك .. لانك بتشغل جهازين على جهاز واحد ....

alharbi
09-10-2001, Tue 8:53 PM
اشكر الاخوان جميع على معلوماتكم القيمه
ولفيت ولقيت المواصفات التاليه وبالاسعار هذه وارجوا ان تعطوني رايكم اشتري والا افاصل شوي معهم

اولا
بانتيوم 4 1700 mhz
انتيل انسايد
الرام 256
الشاشه ال جي 17
الهارد ديسك 40 gb
الفاكس مودم خارجي يو اس روبوتوس
كرت الشاشة 64
كرت الصوت 128
سي دي روم 52

وهذه المواصفات تقريبا 4000 ريال
---------------------------------------------------
نفس هذه المواصفات لكن بانتيوم 3 1000 mhz لقيتها ب 3000 تقريبا

وا ش رايكم

اتوكل على الله واشري
بانتيوم 4 والا بانتيوم 3 :confused:

مستثمر مستجد
10-10-2001, Wed 1:51 AM
خذ هذا التعديل......
بنتيوم3 1000
السيدي روم لاترضى بغير ( تياك) لانه هو الوحيد الي يقرى كل السيديات حتى لو كان السيدي فية مخوش........على ما اظن اعلا سرعة لتياك 40

بدل الشاشة بـسامسونج (الجي تعبانة ........وبسبب الضجة الإعلانية حاطينها افضل شاشة ...حتى لها إعلانات في MBC-FM :))