المساعد الشخصي الرقمي

مشاهدة النسخة كاملة : خوذو سالفة الناقة ومثمنها وحللوها على كيفكم.....!!!! ( ـ :


سقراطون
14-12-2007, Fri 8:39 PM
يقولون كان فيه واحد دايم يثمن بسوق البعارين.
كانت فيه ناقة مربوطة وكان تثمينها يدل على قيمة باقي النياق لأنها المؤشر
أسم المؤشر ناقتي على وزن تاسي.:eek:

كان قيمة الناقه بحدود 7000 ريال وتنتج صاعين حليب وكان المثمن يقول أن الناقة يمكن ينزل سعرها لـ3000.!
بعد حوالي 7 شهور رجع المحلل يقول الناقة يمكن تسوى 14000 ريال! :confused:
وش اللي تغير؟
يمكن الجو برد وتربع الأرض ويزيد أنتاج الناقة ربع صاع ولكن هذا الكلام كلن عارفه ماعقب البرد إلا الربيع..;)

وش رأيكم وش اللي تغير الناقة أو اللي يثمنها.؟ :D
عصاي
14-12-2007, Fri 9:21 PM
يقولون كان فيه واحد دايم يثمن بسوق البعارين.
كانت فيه ناقة مربوطة وكان تثمينها يدل على قيمة باقي النياق لأنها المؤشر
أسم المؤشر ناقتي على وزن تاسي.:eek:

كان قيمة الناقه بحدود 7000 ريال وتنتج صاعين حليب وكان المثمن يقول أن الناقة يمكن ينزل سعرها لـ3000.!
بعد حوالي 7 شهور رجع المحلل يقول الناقة يمكن تسوى 14000 ريال! :confused:
وش اللي تغير؟
يمكن الجو برد وتربع الأرض ويزيد أنتاج الناقة ربع صاع ولكن هذا الكلام كلن عارفه ماعقب البرد إلا الربيع..;)

وش رأيكم وش اللي تغير الناقة أو اللي يثمنها.؟ :D



- مقياس انتاج الحليب بالصاااااع ؟ او باللتر مثل البقر
- هل المحلل من المشهود لهم ببرائة الذمة ؟
- هل هو راعي صنف ونظر ورثها وراثة ولا مكتسبه واخذها بجدارة وعرف بعد تعلم هل هو من آل ثاني هل الجيش ولا من المرة اهل الابل ولا دخيل على الشغلة
- هل هو حيادي او له مصالح اخاف له مقاصد وفيه من موصيه يجمّع له ذود وضح وماامداه يجمعها ومن مصلحته يبث الرعب في سوق الابل لين يجمع رعيّته
- اخاف بعد ماجمعها تحوّل على قولتك 180 درجة وقال المال في الوضح عطايا الله واسعارها فوق ماتحت العشرة شي تبي اقل من عشرة دور مجاهيم واترك المغاتير

وتحياتي
@أمجد@
14-12-2007, Fri 9:21 PM
اللي تغير الحليب

.............................
الصفر الدولي
14-12-2007, Fri 9:41 PM
ما تغيرت الناقة ولا المثمن بس جاء المزاين وطير الاسعار

ولا ندري وين موجهين لكن شمس تطلع وخبر يبان
شيخ التجار
15-12-2007, Sat 12:00 AM
كأنك تشبه سوقنا بسوق النياق سامحك الله ماتدري ان سوق النياق هذي الايام افضل من سوقنا ومؤشرهم ماقد جاه يوم انهيار او انبهال كل ماله في ازدياد حتى صاحبهم رقوه ابشرك يعني ابشر في سوقم بيوصل مواصيل ما وصلها احد مو سوقنا سوق الورق والفلس
ابن الاشتر
15-12-2007, Sat 12:28 AM
شف طال عمرك
الناقه هذي بعد ماكانت تسوى عشرين الف تدعست في بطون اللي في السوق
كلهم اللي منهم مات واللي تشوه واللي تحمل الدعس واستمر في سوق البل
لان ماله غيره وبعدين خذ جلدة على الدعس...
ايام العشرين كان الناس يشترون المجاهيم في الليل وكان الشراء يتم على صوت
الدلالين !!!!عشرين الف خمسه وعشرين الف ثلاثين الف!!!
وبعد حادثة الناقة اوهم الدلالين من بقي في سوق البل ان بعير اجنبي دعس لهاة
الناقة ام عشرين وانفقعت وان هم مالهم ذنب!!!
وعلشان كذا انتبهو لايغركم ان الناقة اركدت عند 7000 تراها رايحة لل5000
وبعدها 3000!!!!
جمعوا مزايين البل وتركوا المشايين والحين يدللون عليها مره ثانية والله اعلم.!!
سقراطون
15-12-2007, Sat 2:08 AM
- مقياس انتاج الحليب بالصاااااع ؟ او باللتر مثل البقر
- هل المحلل من المشهود لهم ببرائة الذمة ؟
- هل هو راعي صنف ونظر ورثها وراثة ولا مكتسبه واخذها بجدارة وعرف بعد تعلم هل هو من آل ثاني هل الجيش ولا من المرة اهل الابل ولا دخيل على الشغلة
- هل هو حيادي او له مصالح اخاف له مقاصد وفيه من موصيه يجمّع له ذود وضح وماامداه يجمعها ومن مصلحته يبث الرعب في سوق الابل لين يجمع رعيّته
- اخاف بعد ماجمعها تحوّل على قولتك 180 درجة وقال المال في الوضح عطايا الله واسعارها فوق ماتحت العشرة شي تبي اقل من عشرة دور مجاهيم واترك المغاتير

وتحياتي

ياعصاي لاتدقق ونا اخوك صاع ، لتر او بطل.!!! :D
بعض الناس ماأنتبه على قولتك للأنقلابه أم 180 درجة واللي تدخله لجنيس.!!!
abosamar
15-12-2007, Sat 2:12 AM
والعكس صحيح يمكن كان يثمنها 7000 يبى يشترى وهى تسوى 14000 الف واكثر
برق الحيا
15-12-2007, Sat 2:28 AM
إقرأ القصه ياسقراطون وعطنا رايك فيها؟
سرى سروق غنم على راعي غنم سرلنكي في البر. وحمل غنمه على الدتسن وانهزم. ( حلوه إنهزم):D

صحى الراعي الصبح ودور الغنم؟ وبدا يغني: ضاع الحب وضاعت خطيبتي السرلنكيه

معه. دقها رجل يدورها. لاحظ ان فيه جرة سياره وجرة الغنم حولها.عرف انه انسرق.

(المخرج يقول:وجع. غير الكمره.ملوا الناس. وانا اغيرها واحطها على السروق) الكمره

على السروق حاط رجله على المسفلت ويأشر له ذاك الواحد. (والمخطط الله اللي ما يخر

تخطيطه) وهو يسفط عنده كنه مغازلجي صافط عند ملكة جمال ويتفق هو وياه

على انهم يروحون لسوق الغنم ويساعده في البيع.قال له ابرك الساعات وياصلون

حراج الغنم.قال السروق لخويه:اسمع تراني ابحطك راعي الغنم.قال:ابشر. ويبدا البيع

على الغنم المسروقه.وكل ما سيم خروف التفت السروق على خويه اللي توه مركبه معه :)

وسأله: ابيع ياراعي الحلال. وهو يرد عليه:لأ. الخروف يسوى اكثر. (ويصفقني كف

المخرج. يقول:عمى طولتها.اخلص):D وينحسر السروق يبي (الحمّام) دورة المياه. ويلتفت

لخويه(راعي الحلال التقليد) قال له: احرص لين اجيك. قال:ازهله. ويروح يريح .

ويوم جاء. ولا ما فيه غنم ولا دتسون. ويسأل؟ قالوا: راعي الغنم باع الغنم وحط الفلوس

في جيبه ودق سلف وراح



:D :D :D
سقراطون
15-12-2007, Sat 3:02 AM
أحبتي عشّاق الناقة.:)

أمجد وشلون تغير الحليب صار لونه رمادي مثلاً ;)

الصفر الدولي ترانا معهم لكن مانبعد عن الباب لأن النحشة أي لحظة.

شيخ التجار سوق البعارين تراه التاسي مع شقعة البنوك ولاتقول يبي يزوجون ملاكها على هاالرفع.

ابن الاشتر 3000 إلا ذي يبن الاشتر العشرين غلط الثلاثة مثل مع انه واحد يقول 36000.:eek:

abosamar اللي شرى ب7000 تأكد انه راح يشوتها شوت قبل الـ14000.:D

برق الحيا الله يستر تهقى أنهم يبيّعوننا ثيابنا.:o http://thegulfbiz.com/showthread.php?t=275381
المستثمرالصغير
15-12-2007, Sat 9:43 AM
وما بعد الربيع الخريف

ولذلك خلينا في الربيع لين يتأكد لنا الخريف

وهكذا ! دواليك
الحبييييب
15-12-2007, Sat 9:45 AM
صارت الناقة له
اكيد انه من السويد!!!