المساعد الشخصي الرقمي

مشاهدة النسخة كاملة : الارزاق بيد الله


ابن حلال
15-05-2003, Thu 11:47 AM
يا شباب انا مؤمن بان الارزاق بيد الله

بس ابسال كلكم مثلي والا لا ؟

اذا شريت بشركه نزلت

واذا بعت طلعت بالعلالي مع اني موب دايم استعجل

تقل السهم يحترين ابيع عشان يطلع

فنصيحه خلوكم على اتصال بي دايم اذا بعت سهم اشتروه على طوووول

مين يشاركني بهذه الخصال


الحمد لله على كل حال
النوخذة
15-05-2003, Thu 11:51 AM
أخوي هذا يدخل في باب ( اللي مايكتب عسر )
ابن حلال
15-05-2003, Thu 11:54 AM
صح لساك اخوي لكن

وعشان كذا انا قاعد اراقب عسير غديها تيسر
jnpr
15-05-2003, Thu 12:08 PM
حبيبي مثلك امثال
من الصبح وانا اطارد من بنك الى ينك لان فلوسي مثل عيال القطوة كل اشوي في بنك
المهم رحت بنك الرياض على شان ارفع الجبس و ما لحقت قلت ياولد اشتر العقارية على شان تعوض0
شريت العقارية بسعر 129.25 ونزلت بعد ما شريت مباشرة0128
رحت الهولندي على شان ارفع الجبس اللي عندهم0 الكوميوتر رفض الامر وعمل تعليق ولا استفدت شئ0
الطامة الكبرى رحت الراجحي وبعت الاتصالات بخسارة على شان اشتري الدوائية يمكن اعوض بعض القهر 0
عملت امر شراء سعر سوق
الراجحي ما عندهم امر سوق0
دخل اسعر 162.75 واثناء تدخيل الامر ارتفع العر الى 163.75 ثم الى 169 خلال اقل من 10 دقائق0
انا وصلت معاي وطلبت من الموظف يحول الرصيد الى حساب جاري والعصر بسحب فلوسي منهم0
يعني غير رزقك ماتحوش لو جريت جري al-jnpr
ابوسلطان
15-05-2003, Thu 11:38 PM
واذا عجزت تعالج هذه المشكلة
ابسط حل بعد شرائك اعرض بفرق بسيط وتجنب متابعة هذا السهم لانني متاكد انك ما اشتريت الا من خلال متابعة لحركة السهم حاول تتجاهل البيع بخسارة اذا كنت اشتريت من خلال متابعة دقيقة خاصة اذا كان من اسهم العوائد
يعني وسع صدرك شوي
ملاحظة مهمة تساعدك في الدخول والخروج
(لا يوجد ارتفاع مستمر لابد للسهم من التوقف وجني الارباح وفي المقابل لا يوجد نزول مستمر لا بد من ارتفاع لدخول طلبات )
واسال الله ان يعوضك خيرا منها
shift worker
16-05-2003, Fri 4:57 AM
اجل بنهدد الهوامير فيك ...:D


عليك بالصدقه ....
البنك
16-05-2003, Fri 5:41 AM
انا مع اللي يشري السهم وما يفكة الا بمكسب

وش اللي معجلنا في البيع حتى لو تأخر ارتفاع السعر شوي

وتأكد ( اي سهم وصل لسعر ونزل لآي سبب من الآسباب مردة يرجع نفس السعر او زود )

بس يبيلها تأني وصبر . هذه فلوس تبيها تجيك بدون تعب وتفكير وضغط وسكر ما يصير يا شباب
الراااايق
16-05-2003, Fri 5:51 AM
اخي الغالي ابن حلال وجمع الاخوه

صلاة الاستخاره

علاج هذه المشكله البسيط

جربوها وستجدون مايسركم ان شاء الله


والرزق حقاً كله بيد الرزاق الكريم على شان كذا انا اصلي صلاة الاستخاره ادعو الله عز وجل ان يدلني ويلهمني رشدي لانه هو وحدع علام الغيب وهو الرزاق الكريم

فما احد طلبه عز وجل وتخلى عنه بل يدعو عباد عز وجل وهو القادر عليهم ويتودد الى عباده وهو الغني عنه ادعوني استجب لكم فاكثروا من الدعاء والصلاة في وقتها جماعه مع المسلمين وبر الوالدين والصدقات

وبعدها ستجدون النتيجه طيبه باذن الله



مغليكم
الراااايق
khlm88
16-05-2003, Fri 9:36 AM
القناعه كنز لايفنى

اخي الكريم ( ابن الحلال )

السلام عليكم ورحمة الله وبركاته , ان القناعه كنز لا يفنى , فنصيحتي لك هو ان لا تبيع بالخساره

وان حصل لك رزق ولو بسيط في السهم فاقتنع بما رزقك الله :)

والنصيحه الثانيه , هي ان لا تبيع كل الكميه الموجوده عندك , بع نصف الكميه بسعر معقول

فان نزل السهم فتستطيع الشراء بسعر نزوله , وان طلع سعره فتستطيع البيع بسعر مناسب :D

السوق هنا يحتاج الى الصبر;)
abu_ali
16-05-2003, Fri 2:47 PM
شف هالطريقة طال عمرك ... يا " ابن الحلال " ...

إذا شريت السهم ... وبغيت تقرر البيع بخسارة أو برأس المال ( وأنت واثق أنه بيرتفع بعد ذلك ) ارفع السماعة وكانك بتتصل على الوسيط ( البنك ) وأنت في الحقيقة لم تطلب الرقم ( تمويـــه ... لمن ؟ ... ما أدري !) ... وتكلم وكأنك قاعد تعرض السهم للبيع وبشكل جاد ( لا يكون حولك أحد ... عشان ما يضحك عليك ) ... وفي النهاية قل : شكراً لتعاونكم معنا .

وشف وش راح يصير للسهم بعد هالاتصال الوهمي ... اكيد بيرتفع السهم ، وعلى طول بعه بمكسب وربح :D
هاه ... وش رأيك بهالحل ؟

أنا جربتها ( حالي حالك عند الشراء والبيع ) ... ونجحت معي ، وراحت عني هالحالة والحمد لله :p

وش دعوة ... ليه ما تحاول تستفيد من طريقة الدعم والمقاومة يا " بن الحلال " ؟
عبدالله الكثيري
16-05-2003, Fri 2:54 PM
الكاتب الأصلي للرسالة jnpr
حبيبي مثلك امثال
من الصبح وانا اطارد من بنك الى ينك لان فلوسي مثل عيال القطوة كل اشوي في بنك
المهم رحت بنك الرياض على شان ارفع الجبس و ما لحقت قلت ياولد اشتر العقارية على شان تعوض0
شريت العقارية بسعر 129.25 ونزلت بعد ما شريت مباشرة0128
رحت الهولندي على شان ارفع الجبس اللي عندهم0 الكوميوتر رفض الامر وعمل تعليق ولا استفدت شئ0
الطامة الكبرى رحت الراجحي وبعت الاتصالات بخسارة على شان اشتري الدوائية يمكن اعوض بعض القهر 0
عملت امر شراء سعر سوق
الراجحي ما عندهم امر سوق0
دخل اسعر 162.75 واثناء تدخيل الامر ارتفع العر الى 163.75 ثم الى 169 خلال اقل من 10 دقائق0
انا وصلت معاي وطلبت من الموظف يحول الرصيد الى حساب جاري والعصر بسحب فلوسي منهم0
يعني غير رزقك ماتحوش لو جريت جري al-jnpr



لا تحزن هذه المشكلة تتكرر دائمآ وفي كل بنك0ومع كل عميل صغير أو كبير أحببت أن أطمنك فقط 0
فلا تزعل على أحد لأن الرزق بيد خالقه0
jnpr
16-05-2003, Fri 7:44 PM
اخي الكثيري جبرت خاطري وفرحتني الله يفرحك بالرزق الحلال
عبدالله الكثيري
16-05-2003, Fri 8:02 PM
الكاتب الأصلي للرسالة jnpr
اخي الكثيري جبرت خاطري وفرحتني الله يفرحك بالرزق الحلال
آآآآمـــين0
واياك والقارئين
حاميها
16-05-2003, Fri 8:03 PM
الذنوب يا اخوان قد تمنع الرزق احيانا وانا شخصيا لاحظت هذا الامر اكثر من مرة وفيه حديث للرسول عليه الصلاة والسلام بما معناه : ان العبد ليحرم الرزق بالذنب يذنبه أو كما قال عليه الصلاة والسلام.
وكما قال الله تعالى على لسان نوح عليه الصلاة والسلام " فقلت استغفروا ربكم انه كان غفارا. ب\يرسل السماء عليكم مدرارا. ويمددكم باموال وبنين ويجعل لكم جنات ويجعل لكم أنهارا"