-█ .. ما هو علاج حكة اليد اللي ودتنا في 60 داهية .. █-

[ابن بطوطة]

ما هو علاج حكة اليد اللي ودتنا في 60 داهية ..؟؟
ماهي اعراض حكة اليد ..؟؟
س/ وش معنى يده تحكة ..
يعني ما يصبر على الشراء من السوق ..
الامر الذي عند الكثيرين يخسرهم يعني يوديهم في 60 داهية ..

العلاج سهل جدا وما يحتاجون تروحون يم العطارين ولا الدكاترة ولا النوخذة يكويكم ..

العلاج هوا :
تتابعون السوق من خلال الجرايد يعني بعد ما وضعت الحرب اوزارها ولا تجلسون جدام الشاشة وقت التداول ..
يعني يصير شغلك شبه استثمار ..
-----------
النوخذة .. طيب وش نسوي وقت الظهر يبن بطوطة ..؟؟
ابن بطوطة ..حالو تلهي نفسك وقت السوق اما بالنوم او تدش نادي كمال اجسام أو دورة كراتيه أو حفظ قرآن كريم أو تدرس جامعة أو ماجستير أو دكتوراه أو تتقهوى عند اميمتك وقراية جرايد (وهذا بيت القصيد)..
أو .. تجيب عيالك وقت الظهر من المدارس وعيال اختك وتلعب معهم كيرم لين اذان العصر ..
أو بس (اقول لايشوفون الحريم هايدا المقترح) وهو :
تطبخون الغداء وتقلطونه وتلقمون البزران وتغسلون المواعين لين وقت اذان العصر .. وبكذا تكون بعيد عن سوق الفلس ..
او اخرى تذكر من خلال مشاركاتكم يا حلوين ..
-----
طبعا اسلوبي يمكن ما يعجب البعض لكن الله يسامحكم مقدما .. واهم شئ ما طبلت وخسرت حدا هّلا .. ولا غلطت على حدا هّلا ..

[الوسط]

ما سمعت بشيء اسمه بناء محفظة استثمارية
ما سمعت بشيء اسمه مضاربة
عموما يابن بطوطة ترى اخوك يكره شيء اسمه استثمار .. لأني كلمة استثمار كبيرة على المحيفظة الا يصلحها ويكبرها.
ولا اخفي عليك الضبابية المعلوماتية (همّ ) سبب من اسباب كرهي للاستثمار.

[ابن بطوطة]

ما سمعت بشيء اسمه بناء محفظة استثمارية
ما سمعت بشيء اسمه مضاربة
عموما يابن بطوطة ترى اخوك يكره شيء اسمه استثمار .. لأني كلمة استثمار كبيرة على المحيفظة الا يصلحها ويكبرها.
ولا اخفي عليك الضبابية المعلوماتية (همّ ) سبب من اسباب كرهي للاستثمار.

اكو اسهم تصلح للاستثمار القصير يا هني ..
يعني مع نزول السوق ممكن نلقط في اسهم معينه ونصبر عليها 10 ايام أو اكثر أو اقل ونعين منها خير

يعني شغل شياب يصبغون شنباتهم

وتكون متابعة السوق عن طريق الجرايد بعد ان تضع الحرب اوزارها يا مووووووون ..

[moody]

الحل اشتري صابون ديتول بريح الليمون وقفل الشاشة وكل ما جات يدك على الشاشة اديها مسحة ديتول مرتين في اليوم مرة قبل الساعة 11 ومرة بعد الساعة 3.5 لمدة اسبوع وراجعني بعدها 0000

[البدراني]

دامك راعي حكاك واجد انصحك ونفسي بالاسهم الميته مثلا
الجماعي سجل 17 هاي رجع 14.25 تشتري فيه وتلبد انطلاقته من 13.75 ماهنا خسارة تسوى واللو حقه 13
مثله مثل الغير محترمه صافولا 37 الادنى وتحكك حول 40 تشتري بها ان كان لازم حضورك بالسوق وتلبد كالعادة تعرض بفرق 4% على الاكثر من سعر مشتراك خاصة مع بطبطة السوق والعرض لاسبوع هههههههه.
سبكيم برضه حول اللو تشتري بها وتعرض لمدة اسبوع كالعادة والبيع بفرق 10% من سعر المشترى.
طبعا نستثني الاسهم النقازية اسهم طش طاع طش فوق تحت ماتصلح لك.
ان زادت الحكه عندك كل ماتوفرت سيولة لك حولها للجاري وقل في نفسك للعيال او للهوامير من الاولى....
موفق ودائما وابدا مع السوق ضارب وضريب وربك يسترها

[ابن بطوطة]

مودي .. صعبه جدا مقابلة الشاشة بدون حكحكة ولو يكلبشونن ويحطون بتكس على يدي .. ماقدرت اصبر عن الشراء ..
البدراني ..توصيه موفقه عزيزي .. وتصدق شفت وحده سعودية بمطار القاهرة في العودة معها ثلاث شغالات تشخص بهم ..
ومعها عيالها ودخلوا صالة المغادرة للدمام اعتقد صاله رقم 11 ..
قلت في نفسي اكيد رواتب هالشغالات من فليساتي .. آه يالقهر ..

[الهادي]

هذي ضريبة محافظ النت .. لو فيه اشتراك متابعة فقط والبيع والشراء عن طريق وسيط البنك كان ارحم شوي ...
اتذكر ايام الصالات كانت شاشة وحدة ومعدل الشراء والبيع في الصالة تقريبا مرة بالاسبوع .. وكان خير وبركة ...
الان بيع وشراء بالدقيقة .. ولو حسبتها نظريا قلت الالف ريال تصير مليون في يومين .. والنتيجة الالف في سنتين عجز يصير الف ...

[ابن بطوطة]

الهادي ..الطمع يفسد ما جمع .. وهذه مشكلتنا ..

[فلوط]

انا اقول يابن بطوطه

اشبك الكيبورد على كهرب خط 220

[عـبـدالـرزاق]

إدمان يبعد حيي
والله قبل النت من الساعه 9.30إلى 12في صالة البنك ومن الساعة 4إلى 6.30
شوف كيف يعني قبل التداول نصف ساعه وكذلك بعد ه
وفي عام 2003قدم الراجحي خدمت التداول عن طريق النت واشتركنا معه والله انها بداية الخساير يعلم الله رغم انها سنين طفره وتدبيلات لكن الحكه وماغيرها هي الي خسرتنا

[أبو جلنار]

مالك الا تروح صوب البحر وتدش في الغوص وتلف " لاتفهمني غلط " وزار وتغني يا مال واقعد لك أبو شهر بلا اسهم بلا خرابيط ..

[الولد البار]

تعال عندى فى النادى وسو لك تمارين ووسع الصدر قهوة وشاهى
وأن بغيت نجيب كبسه أبشر بعزك وأذا أذن العصر قل أكرمك الله ورح خذ غفوه
وهكذا
أحتريك باجر يعنى أنطرك

[الحراثه]

الكوي ... عز الله انه دواه

[الموسوعة]

صح أفضل علاج الكوي
ضع عندك جمره بجانب الجهاز واذا كنت مدخن اكوي نفسك اذا اردت الشراء

[الاصمخ]

يدل على ان رزك احترق ^_^

[$الشمالي$]

ههههههههههههه

يعطيك الغ=عافية أخوي ابو بطوطة

[ابن بطوطة]

فلوط ..احسن من هيك ابيع الجهاز وارتاح .. ولا بغيت ابيع او اشتري اروح يمن مقهى نت ..
عبدالرزاق ..فعلا الجلوس بالصالة ومعك ربع تشاورهم يمكن ارحم من جلستك بمكتبك ولا بيتكم وتتخذ قرارات خاطئه ..
ابو جلنار ..اجل اركب مركب النوخذة واشيل موالات .. يامال ...
الولد البار .. الله مير يسلمك يالهلالي بس اخاف بزبوز يزعل علي ..
الحراثه .. يا عيني عليك يا حلو ..
الموسوعة .. الحمد لله في حياتي ما شفطت تتنه .. لا ابو بس ولا كنت ..
الاصمخ .. يحترق الرز ولا يحترق المال بسوق الفلس ..
الشمالي .. الله مير محييك يا بعدي وعلى فكره تراي شايفك عند ابو حسام .. مو انت اللي مسكر رقبتك وشاد عليها يا هني ..

[ابو سنــــــــــد]

الكي



الكي



الكي

[بزبوز]

رح للمالديف وانطل الجهاز عند العيال خلهم مع بارني وغيره والجوال ماله الاالمويه وراجعني بعد العيد وبتعين خير ان شاء الله

[تميم]

والله ياخوان كانت عندي طريقه ممتازه يوم كنت مشغول مره عن الاسهم ايام التداول فترتين.
كنت كل يوم الساعه ثمان ودقيقه احط طلباتي على احد الاسهم اللي قررت الدخول بها واروح للدوام واذا جيت الساعه وحده بريك الغداء القاني محصل بعضها منفذ, وعلى طول اعرضها بربح زين وارجع للدوام واذا جيت من المكتب افتح المحفظه واحصل خير كثير بحمد الله.
الحين صرت اتابع من المكتب اذا ماصار عندي شي اسويه وعينك ماتشوف الا النور تكفيخ في تكفيخ.
نصيحه اختر اي سهم ماعليه تطبيل وشوف الادنى والاعلى لآخر ست ايام واطلب واعرض على هالاساس بزيادة ربع عن معدل الادنى ونقص ربع عن معدل الاعلى وشوف النتيجه
جربها في اي سهم بس على شرط لاتسنتر امام الشاشه
مثلا شوف تبوك الزراعيه وطبق اللي قلت لك عليه وراح تدعي لي

[ابن بطوطة]

ابو سند .. اشلون يا هني نكوي يدينا ..؟؟
بزبوز .. افهم من كلامك ان السوق بيطلع اب إن شاء الله ... وبعدين المالديف جزر و سواحل ولبس غير لائق من السواح على البحر وخاصة اصحاب البشرة الحمراء.. يا هني ..
تميم .. الله يبارك لك .. فكرة زينه واهم شئ انتق سهمك بعنايه ..

[بزبوز]

ريالك نسبه تحت مع دولار بوش يفترض وبالمنطق عقارك وسهمك نسبه فوق