المساعد الشخصي الرقمي

مشاهدة النسخة كاملة : تصدقوني .. إذا قلت لكم أن الفرنسية .. ستفتح على النسبة وتستمر على هالحالة عدة أيام ؟


النوخذة
22-07-2007, Sun 8:25 PM
شيراكة

نسبة إلى زميلي شيراك

طبعا توقع ..

تراني مانيب أوصّي .. !

شفت نفسي زهقان بعد ماراحو الأهل منتزه سلام

قلت أبكتب موضوع جديد !

أتوقع النزول اللي صار اليوم .. علشان يضاربون بكرة

في ( شيراكة ) .. ومشان كذا .. بيحط لك المضارب

200 ألف سهم على النسبة فوق .. ( 110 )

وبيقعدون يقطرون عليه الشباب .. سهم سهمين ..

ثم عاد .. تهقونه بيرش .. ؟؟

ألا .. ياراشهم .. بيقعد بعد بكرة يحط له مثلها ..

وعلى هالحالة .. إلين تتغر محفظته من هالشيراكة ..

ثم عاد بيقعد يتمخمخ عليها سنة سنتين وهو يحلب فيها

.. إلى ما قبل مبيع المؤسسين

يالله حياة خير ..

طبعا .. لو ألقاها بربع ريال مارح أدخلها ..

بس مجرد توقع .. !

لحظة قبل ما أخلص كلامي .. لا تقاطعوني ..

لا يجيني أحد يقول تراها توصية على سهم محرم يا نواخيذو

مجرد توقع .. ليس إلا .. فأرجو أن لا تبنوا عليه قرارا

( قرارا .. مفعول به منصوب بالفتحة ) ..

والله تعالى أعلم ..

إن أصبت فمن الله وحده

وإن أخطأت .. فمن نفسي والشيطان
بدون سكر
22-07-2007, Sun 8:31 PM
قصدك يطلب المضارب 200 الف سهم ب 110

عموما بكرة نسبة التذبذب مفتوحة

يعني بنشوف مسرحية فرنسية بكرة
النوخذة
22-07-2007, Sun 8:34 PM
قصدك يطلب المضارب 200 الف سهم ب 110

عموما بكرة نسبة التذبذب مفتوحة

يعني بنشوف مسرحية فرنسية بكرة


المفتوحة وأنا خوك 110

وش تتوقع أجل ؟؟
مشعل المالكي
22-07-2007, Sun 8:35 PM
تهقى انه بياكلهم حبه حبه حبه
والا بسرعه هم هم هم:D

عمقوا السوق بهالشركات المحرمه الله لا يبلانا
بدون سكر
22-07-2007, Sun 8:56 PM
المفتوحة وأنا خوك 110

وش تتوقع أجل ؟؟


اعرف 1000%

اقصد صعود ونزول تذبذب عالي
النوخذة
22-07-2007, Sun 9:03 PM
اعرف 1000%

اقصد صعود ونزول تذبذب عالي


طيب .. والــ 1000 % كم تصير للعشرة أريل ؟؟

احسبها .. !
mss
22-07-2007, Sun 9:36 PM
بارك الله فيك
صديق الهوامير
22-07-2007, Sun 9:56 PM
انا اتوقع لين وصلت كل شركات التأمين حول 200 ريال غيرت وزارة التجاره انظمة
التأمين وصارت حلال .. عقبها نضارب معهم على ريالين وثلاثه وياخذون 110 ريال خساير ..
فكرت هالتفكير وانا في حديقة الفوطه ( بين الاشوام )
مدور رزق
22-07-2007, Sun 9:58 PM
أخوي النوخذة

توقعي أن السهم بيفتح على 80 ثم تكون الانطلاقة

حبيت بس أخالفك

وإلا العين ماتعلى على الحاجب
يافوق ياسجن
22-07-2007, Sun 10:02 PM
الكميه تساعد على شوفت 200 ريال

الكميه 3100000 ثلاثة مليون ومائة الف سهم فقط

على الخير والمحبه نلتقي
تحياتي لكم
suliman
22-07-2007, Sun 10:59 PM
انا اتوقع لين وصلت كل شركات التأمين حول 200 ريال غيرت وزارة التجاره انظمة
التأمين وصارت حلال .. عقبها نضارب معهم على ريالين وثلاثه وياخذون 110 ريال خساير ..
فكرت هالتفكير وانا في حديقة الفوطه ( بين الاشوام )

صدقت هذا الي بيصير ................

مادام شركات بنت اصولها من قروض ربويه وبناء على آخر ميزانيه يحللونها اذا قلبت قروضها الباقيه اسلاميه

ولا شركه تاخذ قرض ربوي وتعلن وهات بيع ولين جمعوا ورفعوا اعلنوا بتحويل القروض اسلاميه وتنتقل على بساط الريح من قائمه الحرام الى قائمة الحلال وهات شرااء من الربع واذا غصوا مالقوا شربة ماء
اللافي
23-07-2007, Mon 2:49 AM
فرقت معك يا نواخيذو ربع ريال
109.75
النوخذة
23-07-2007, Mon 9:11 AM
أخوي النوخذة

توقعي أن السهم بيفتح على 80 ثم تكون الانطلاقة

حبيت بس أخالفك

وإلا العين ماتعلى على الحاجب




نقول عسى ..

خل اللي بيدخل يكسب 30 ريال إلا ربع !
Sendbad
23-07-2007, Mon 10:14 AM
قريب اثنين مليون طلب على النسبة ؟ معقوووووولة
والعرض تحت مائة الف
Sendbad
23-07-2007, Mon 10:17 AM
اللي اشترى يبيع على نفسة هل يستطيع فتح النسبة
النوخذة
23-07-2007, Mon 10:18 AM
قريب اثنين مليون طلب على النسبة ؟ معقوووووولة
والعرض تحت مائة الف


لسى ..

ما شفت شي !
Saudi Expert
23-07-2007, Mon 10:19 AM
أثرك منت بهين يالشايب ؟!!! :eek:
أقول ..
بسرعة علمنا منهم الهوامير أخوياك؟!!:D
على فكرة تراي صديقك ;)
Sendbad
23-07-2007, Mon 10:20 AM
لسى ..

ما شفت شي !
والله انك نوخذة صحيح
مدور النسبه
23-07-2007, Mon 10:21 AM
النوخذه وش داربينك وبين شيراك خلال المحادثه التليفونيه البارحه !!!
النوخذة
23-07-2007, Mon 10:21 AM
إذا شفتوا التداول فوق المليونين .. اسحبوا طلباتكم !
mss
23-07-2007, Mon 10:35 AM
والله انك مصيبة يا النوخذة اشرايك في الغذائية اليوم
dolphen
23-07-2007, Mon 10:38 AM
شيراكة

نسبة إلى زميلي شيراك



طلع اسمها ألينز إس إف !
النوخذة
23-07-2007, Mon 10:41 AM
إذا شفتوا التداول فوق المليونين .. اسحبوا طلباتكم !



مو معناته أنها مهيب رايحة ..

وإنما لتتاح لكم الفرصة في أسهمكم اللي بعتوها

أمس .. علشان شيراكة !

وإلا التوقع انها بكرة أيضا ستولع !
النوخذة
23-07-2007, Mon 10:43 AM
والله انك مصيبة يا النوخذة اشرايك في الغذائية اليوم


أقول لا تصدق ياالحبيب

ترى الزهق هو اللي خلاني اتوقع ..
النوخذة
23-07-2007, Mon 10:50 AM
هناك طلبات سوف تنسحب للحاق على السوق

والأسهم الأخرى .. كونوا ذيابة !
الرويلي
23-07-2007, Mon 10:53 AM
ما شاء الله تبارك الله

أقشر يا النوخذة :)
النوخذة
23-07-2007, Mon 11:21 AM
ما شاء الله تبارك الله

أقشر يا النوخذة :)


قصدك .. بطل ؟؟ :D
صديق الهوامير
23-07-2007, Mon 11:24 AM
قصدك .. بطل ؟؟ :D
بتفح الباء ولاّ تسكينها :cool:
العثمان
23-07-2007, Mon 11:30 AM
اتوقع ان تفك النسبة ويبدأ تداول السهم بصورة جنونية يعني ينزل 10 ويطلع 10
ابو سامي وسارة
23-07-2007, Mon 11:32 AM
تحليل بمحله يالنوخذه
بس لا تنسانا من الاسهم النقية
بارك الله فيك
هامور صغير
23-07-2007, Mon 11:34 AM
ما راااااااااااااااااااااااح تفتح

من زين هالاسم بعد
النوخذة
23-07-2007, Mon 12:42 PM
ما راااااااااااااااااااااااح تفتح

من زين هالاسم بعد


ما عليك من الأسم ..

ركّز على النسبة .. :D
الحراثه
23-07-2007, Mon 12:50 PM
الله يغنينا بحلاله عن حرامه

( ترى الدال على الخير كفاعله )
وائل محمد
23-07-2007, Mon 1:29 PM
ماشكلها بتفك يالنوخدة
الجماعة صاملين ومعندين وقافلين عليها
al_saudi
23-07-2007, Mon 2:33 PM
جبتها بالثمانيات يالنوخذه

وش تتوقع تواصل ولا تريح
النوخذة
23-07-2007, Mon 2:36 PM
جبتها بالثمانيات يالنوخذه

وش تتوقع تواصل ولا تريح


بكرة أيضا نسبة والله تعالى أعلم

بعد بكرة .. نشوف ساب تكافل !
اللافي
23-07-2007, Mon 3:44 PM
خ
ط
ي
ر

ي
ا
ب
و

النواخذ
خشاشي
23-07-2007, Mon 3:49 PM
خطيييييييييييييير...
تكفى شف لنا راعي الشقق المفروشة؟؟؟ماكنها زودها حبتين!!والموسم بيروح علينا.
abu_rayan
23-07-2007, Mon 5:50 PM
الف شكر لشيخنا النوخذة
suliman
23-07-2007, Mon 6:21 PM
أثرك منت بهين يالشايب ؟!!! :eek:
أقول ..
بسرعة علمنا منهم الهوامير أخوياك؟!!:D
على فكرة تراي صديقك ;)

صدقني الهامور الاول هم احنا والمطبل ساب تكافل .....................نشوف وين بتودينا الكونكورد
نعمين
23-07-2007, Mon 7:45 PM
في الثمانيات
Saudi Expert
24-07-2007, Tue 2:22 AM
صدقني الهامور الاول هم احنا والمطبل ساب تكافل .....................نشوف وين بتودينا الكونكورد
ولا تودينا ولا يحزنون
عني أنا عندي 55 سهم بـ 10 ريال حطيب لها أمر بيع أول واحد في السوق السعودي بمكسب 1000% والله يبارك للشاري :D
النوخذة
24-07-2007, Tue 8:34 AM
ولا تودينا ولا يحزنون
عني أنا عندي 55 سهم بـ 10 ريال حطيب لها أمر بيع أول واحد في السوق السعودي بمكسب 1000% والله يبارك للشاري :D


فات عليك 40 % عاد مدري .. هو مكسب وإلا خسارة !
آل علوان
24-07-2007, Tue 9:16 AM
الله يعطيك العافيه
http://www.upload2world.com/pic6/upload2world_868d3.gif (http://www.upload2world.com/)
اللافي
24-07-2007, Tue 1:09 PM
وهذا اول الايام
وقراءة موفقة يا ابو مشاري
ودائما قراءاتك الغريبة بمنتهى الصراحة تسبق الجميع
النوخذة
24-07-2007, Tue 7:27 PM
وهذا اول الايام
وقراءة موفقة يا ابو مشاري
ودائما قراءاتك الغريبة بمنتهى الصراحة تسبق الجميع


ترى ما شفت شيء ..

أنا من يوم إني في الإبتدائي ..

وزملائي في المدرسة يعيروني

يا بوقراءات سبّاقة .. عاد أنا أقوم أزعل ! :mad:
Waleed9
24-07-2007, Tue 8:02 PM
عاد أنا أقوم أزعل ! :mad:

ليه الزعل ؟؟؟؟؟؟؟؟:confused:
تواضع :o ؟
تراني شلت شيله معك اليوم وياويلك ان صكني نسبه تحت بكرا لادعي على عنز جارتكم ماتجيب عيال :D
ابن بطوطة
24-07-2007, Tue 8:47 PM
السلام عليكم ..
حبيت اسلم عليك يا هني .. وتذكرة متنزه سلام علي ..
أبورانيا
24-07-2007, Tue 9:41 PM
هلا عمي

بس شركة تأمين !
بدون سكر
24-07-2007, Tue 10:40 PM
ماشاء الله عليك يالنوخذة قراءة سابقة صحيحة
( فاتورة كهرب )
:)


تحياتي
الشرقاوى
25-07-2007, Wed 12:02 AM
حبيت اسلم عليك
وقرائه موفقه
جبتها1000%
وهذا عمق السوق ولا بلاش
أبو جـود
25-07-2007, Wed 1:45 AM
صدقني أنك رجال سنافي تجيبها وهي طايرة
بارك الله لنا فيك ولك

تحياتي وتقديري
ابن عبود
25-07-2007, Wed 2:48 AM
الحديث عن اسهم التأمين قد يطول خلال السنتين القادمة أن لم تغير هيئة الأوراق النظام المتبع للأوراق المطروحة حديثا و لماذا خلال سنتين لأن المؤسسين لا يحق لهم البيع إلا بعد سنتين من تأسيس الشركة حسب نظام وزارة التجارة والله اعلم حسب معلوماتي أن لم تكن خاطئة وبهذا تكون هدف للقروبات وقد تصل للارقام فلكية قد تصل 300 ريال و هذا غير مبالغ فيه في سوقنا العجيب لأن عدد الاسهم المطروحة الآن في أغلب الشركات أقل من 8 مليون ونحن شاهدنا العجب من قبل في الباحة و تهامة مع العلم الباحة 15 مليون يعني ضعف الموجود الآن ووصلت 251 وكذلك الاسماك 430 وهي 20 مليون وبحكم حصة الدولة على ما اذكر 8 مليون والمتبقي 12 مليون استطعت القروبات رفعها للرقم السابع ولا ننسى المصافي و عدد اسهمها كان 4 مليون فقط ووصلت خلينا نقول قبل الانهيار في حدود 1600 فلا استبعد حدوث ذلك ابدا وخلينا نقول كحد ادنى للتأمينات قبل بيع المؤسسين 150
وهذا ليس معناه أنها تنتطلق مرة واحدة ولكن لابد ان تمر بجني ارباح
والاهم أنها ليست توصية فقط قراءة تاريخية وأسهم شركات التأمين هي محرمة ولكن وجهة نظر احببت ان انقلها
يزيد22
25-07-2007, Wed 3:39 AM
يالنوخذة يالغالي خل أهلك يروح منتزوة سلام وقم انت وانت زهقان حط لنا سهم بس يكون غير الــتأمين المحرم مع أني عارف انك مادخلت فيها ولاوصيت لكن قراءة واحد زهقان عارف وش نية الهوامير يبون يقهرونا زود ويبنون يزعزعون الأيمان ويخلونا نتساهل في الحرام
نبي سهم من الاسهم الاخرى بشرط تكون زهقان
وفقك ربي لك خير
ميم نون ال جيم
25-07-2007, Wed 7:26 AM
ما شاء الله عليك يا النوخذه
بالله انت يومك تكتب هالموضوع كنت بكامل قواك الذهنيه ولا كنت مغورب على مقولة الشيبان ؟!!! لان توقعك كان مُصيب 100% وشيراكه 100% الله يرزق ملاكها
تحياتي واحترامي
اللافي
25-07-2007, Wed 11:10 AM
وهذا اليوم الثالث يا
نوااااخيذو
مي ad
25-07-2007, Wed 11:42 AM
ماشاء الله عليك يالنوخذه يامعلم
لا عدمناك
النوخذة
25-07-2007, Wed 11:59 AM
وهذا اليوم الثالث يا
نوااااخيذو




شغلها اليوم .. يخليني اتوقع تفتح النسبة يوم السبت

بس عاد ساب تكافل .. شكل اليوم .. بيصير عليها شغل ..

نسبة ؟؟ ... ما أستبعد .. بس ما أبغى أستبق الأحداث !
اللافي
25-07-2007, Wed 12:07 PM
على قولة الشباب
نبي سهم حلال يا ابو مشاري
علّك في لحظة تجلّي تلقى شي هنا او هناك
قلب الجزيرة
25-07-2007, Wed 12:15 PM
شغلها اليوم .. يخليني اتوقع تفتح النسبة يوم السبت

بس عاد ساب تكافل .. شكل اليوم .. بيصير عليها شغل ..

نسبة ؟؟ ... ما أستبعد .. بس ما أبغى أستبق الأحداث !





صباح الخير يبو مشارى
بس يوم السبت ؟
النوخذة
26-07-2007, Thu 12:15 AM
صباح الخير يبو مشارى
بس يوم السبت ؟




هلا وغلا بخوي قلب الجزيرة ..

كل ارتفاع للفرنسية من صالح ساب وسلامة
مدور رزق
26-07-2007, Thu 12:27 AM
شغلها اليوم .. يخليني اتوقع تفتح النسبة يوم السبت

بس عاد ساب تكافل .. شكل اليوم .. بيصير عليها شغل ..

نسبة ؟؟ ... ما أستبعد .. بس ما أبغى أستبق الأحداث !





ما أظن يا خوي النوخذة

تداول اليوم على الفرنسية 117.534 فقط

أما ساب تكافل توقعي له انطلاقة قريبه جدا
النوخذة
26-07-2007, Thu 12:16 PM
ما أظن يا خوي النوخذة

تداول اليوم على الفرنسية 117.534 فقط

أما ساب تكافل توقعي له انطلاقة قريبه جدا




الضغط الذي حدث يوم الأربعاء على ساب وسلامة .. كان الغرض منه

الضغط النفسي على طلبات الفرنسية لسحب طلباتهم ولإجبار الذين اشتروا

بسرعة البيع .. خوفا من أن تفتح النسبة ..

لذا أتوقع ياأبا معاذ .. إذا تكررت هذه الحركة يوم

السبت مرة ثانية قد تنجح وبالتالي لكي يفتح اللعب .. بدلا من الدفاع المستمر .
النوخذة
28-07-2007, Sat 12:25 AM
على قولة الشباب
نبي سهم حلال يا ابو مشاري
علّك في لحظة تجلّي تلقى شي هنا او هناك


ماني أوصي .. فقط مجرد قراءة !
KingOFchart
28-07-2007, Sat 12:37 AM
ماني أوصي .. فقط مجرد قراءة !
بما انك تقرأ ...
ودي تقرأ عيون المحترم يوم الأحد
هو ناوي يفلس في الناس مثل ما قال او بس حتسي .. !!
النوخذة
28-07-2007, Sat 10:33 AM
أتوقع انها ستفتح اليوم ..

بشرط عدم اتجاه ساب تكافل إلى النسبة العليا اليوم !
kareeem
28-07-2007, Sat 10:40 AM
لا ا عتقد ......... وان فتحت حتصك على طول ............................
النوخذة
28-07-2007, Sat 10:46 AM
لا ا عتقد ......... وان فتحت حتصك على طول ............................


هي إذا فتحت .. أخاف تروح تحت ..

مجرد هقوة !
KingOFchart
28-07-2007, Sat 10:47 AM
نعمه 40% من 109

سأخرج من السهم

ووضع السوق غير مطمئن
آل علوان
28-07-2007, Sat 11:33 AM
سيعاون التحليق مرة اخرى وسننظر الى نهاية الاسبوع كيف تسير الامور
lami
28-07-2007, Sat 11:45 AM
طيرناه والحمد لله على كل حال

المؤشرات تقول ان وراه ارتفاع ولكن القناعه كنز لايفنى فالسوق قد علمنا الكثير من النكبات التي لا أساس لها
وكل واحد يقرر بنفسه حسب المعطيات

حسبي الله على القابضه فهي السبب في فك نسبة الفرنسيه
اللافي
28-07-2007, Sat 3:49 PM
اليوم الرابع على التوالي وقراءة موفقة يا ابو مشاري
مع موناليزا السوق السعودي
قلب الجزيرة
28-07-2007, Sat 5:20 PM
ودى نسميها موناليزا النوخذة
ويستاهل... عقبال الأليزيه يبو مشارى :o
ستلايت
28-07-2007, Sat 7:37 PM
إذا هذي سميتوها موناليزا السوق السعودي
وقامت المحافظ تتهاوش عليها

اجل الشركة الهندية سموها( آشوريا ) الهندية

على الاقل اسمها له حنة ورنة
وقد نصبوها ملكة جمال

والرجال بكبره ينسدح عندها إذا جاء طاريها
وشلون عاد المحفظة إذا شافتها
المغوار
28-07-2007, Sat 8:41 PM
النوخذة / تحليلات خطيرة قلت انها ستقفل نسبة من اول يوم وقفلت وقلت انها ستستمرلعدة ايام ثم اخبرت انها ستفتح النسبة ليوم السبت وفتحت
ومــــــــــــــــــــــاذا بعد يانوخــــــــــــــــــــــــــــــــــــــــذة
المغوار
29-07-2007, Sun 9:25 PM
ما رديت على يا نوخذة
اللافي
29-07-2007, Sun 9:31 PM
اليوم الخامس على التوالي يا نواخيذو
اوكسترا السوق السعودي
MazaTadawul
29-07-2007, Sun 11:48 PM
قررت ابيع السهم غدا.. وعندي قناعه تامه بالسعر الذي وصل اليه
النوخذة
30-07-2007, Mon 9:38 AM
قررت ابيع السهم غدا.. وعندي قناعه تامه بالسعر الذي وصل اليه





ما شاء الله عليك .. قنوع !
النوخذة
30-07-2007, Mon 9:40 AM
اليوم الخامس على التوالي يا نواخيذو
اوكسترا السوق السعودي





أنا خابر الأوكسترا هو اللي يقود الفرقة

إن كاني مانيب واهم ..

بس هاذي تقود نفسها بنفسها .. فــ وش رأيك

نغير أسمها ؟؟
اللافي
30-07-2007, Mon 9:46 AM
أنا خابر الأوكسترا هو اللي يقود الفرقة

إن كاني مانيب واهم ..

بس هاذي تقود نفسها بنفسها .. فــ وش رأيك

نغير أسمها ؟؟




طبعا اوكسترا هو معاليكم
وهذا اللقب اطلقه لكم سعادتنا :)
اما هي فاعتقد موناليزا اسم قريب منها ولكن
شورك وهداية الله
وش تقترح؟
Saads
30-07-2007, Mon 9:50 AM
بصراح ياكسلانس بديت اشك فيك
طيب ايش رايك تشوفلى سهم حلال بيدبل 10 مرات ولك عموله السعى

يعنى عندى ستين الف ابغاها تصير ستمئه الف ولك منى عموله الف ريال

هاه قول تم
النوخذة
30-07-2007, Mon 9:54 AM
طبعا اوكسترا هو معاليكم
وهذا اللقب اطلقه لكم سعادتنا :)
اما هي فاعتقد موناليزا اسم قريب منها ولكن
شورك وهداية الله
وش تقترح؟


بالفعل ..

الموناليزا

فهي أروع اسم يمكن أن يطلق عليها

لغلاء ثمنها .. ولندرتها !

شكرا لذوقك !
النوخذة
30-07-2007, Mon 9:57 AM
بصراح ياكسلانس بديت اشك فيك
طيب ايش رايك تشوفلى سهم حلال بيدبل 10 مرات ولك عموله السعى

يعنى عندى ستين الف ابغاها تصير ستمئه الف ولك منى عموله الف ريال

هاه قول تم


ابشر ..

بس اصبر علي شوي

خلني أشوف لك شركة يقال انها ستطرح

للتداول .. وهي شرعية

وستحصل منها خير ..

والعمولة .. اللي أبغاها ..

هي الدعاء .. ولا شيء غير الدعاء !