المساعد الشخصي الرقمي

مشاهدة النسخة كاملة : الفخارية في اسبوع ويمكن المملكة في يوم .. قالوا نسكتهم بالتغليف


ستلايت
10-07-2007, Tue 7:51 PM
قامت هيئة سوق بإعلان الاكتتاب في شركة الفخارية
و طرحتها للتداول بين عشية وضحاها

والسبب اللي نعرفه وغير معلن
ان الشركة فيها واحد من الواصلين
والسبب المعلن هو إن الشركة قائمة


لذا قلنا معليش خير وبركه
لكن خلو عنكم الهلس ولعاد تتعودونها

ولأن حسن الظن مستبعد
او بمعنى اصح تم استبعاده عن جميع منسوبي هيئة سوق المال
وعن جميع اعلاناتهم
وسوء الظن ماجاء عبث لكنه جاء من كثر ماجانا وعانيناه منهم

لذا فقد استغل ابليس الرجيم هذه النقطة وجاني يوم كبرت في صلاة المغرب
وقال : تبي اقول لك شي
قلت : انقلع وخلني اصلي
قال : كلمتين بس عن الاسهم
قلت : توصيه :) !!!!
قال : لا عن التويجري وربعه
قلت : اخلص
قال : تدري ليش استعجل التويجري واعلن عن طرح الطباعة والتغليف
قلت :حتى هذي بتخترع لي فيها ، السبب انها شركة قائمة مثلها مثل الفخارية
قال : الله يشفيك بس
قلت : اجل وش السبب
قال : السبب انه ناوي يطرح شركة المملكة بأسرع من الفخارية
لكن خايف تشبون عليه وتقولون الوليد داهن سيره
عشان كذا قال اسكتهم بالتغليف وأمشي عليهم المملكة
وان قالوا شي عن سرعة طرح المملكة
قلنا والتغليف نفس الشي ومافيها احد نعرفه ولاقلتوا شي

قلت : والله جايز ، لكن بدجت ماجاك عنها علوم مع انها شركة قائمة
قال : وين بتصلي العشاء فيه
قلت : ماعليك مني وتراني ابتعوذ منك قبل اكبر
قال : اجل بدجت ماعنده ماعند جدتي ولاعنده واسطة
لكن بنسأل وإن سمعنا شي علمناك :cool:
الصبر علاج الاسهم
10-07-2007, Tue 9:23 PM
اخووي ستلاايت

ابيك بس تقوولي الاماام ايش قرااا في الركعتين

هههههههههههههههههههههههههههههه
مهندس
10-07-2007, Tue 9:35 PM
:D :D :D :D :D
بس تصدق اخوي ستلايت ان خويك :) بليس من جنبها !
مايدري ان راعي التغليف واسطته كبر راس راعي المملكه :D
الصبر علاج الاسهم
10-07-2007, Tue 9:53 PM
:D :D :D :D :D
بس تصدق اخوي ستلايت ان خويك :) بليس من جنبها !
مايدري ان راعي التغليف واسطته كبر راس راعي المملكه :D



شكل خوويه توووه جااي السعوديه ههههههههههههههههههه

للحين ما عرفهم زززين ههههههههههههه
أبو صاالح
10-07-2007, Tue 10:03 PM
هههههههههه

كلامك عين العقل

ويعطيك الف عافية .........
عـبـدالـرزاق
10-07-2007, Tue 10:05 PM
راعي المملكة المحترمه يمتلك 40% في الأبحاث والنشر والتي تمتلك بدورها 100% من اسهم التغليف
هلا عرفت السبب ياحبيبي !!!!!!!!!!
ستلايت
10-07-2007, Tue 10:22 PM
اخووي ستلاايت

ابيك بس تقوولي الاماام ايش قرااا في الركعتين

هههههههههههههههههههههههههههههه

ياحبك للإحراج
يعني انت ماقد نسيت او ضيعت حاجه
ولاعرفت مكانها إلا يوم كبرت
هذا ابليس يجيك في اللحظه الحاسمة




:D :D :D :D :D
بس تصدق اخوي ستلايت ان خويك :) بليس من جنبها !
مايدري ان راعي التغليف واسطته كبر راس راعي المملكه :D

من جاب طاري فيصل
انا ماقلت شي ولاجيت طاري امير او غيره
انتم اللي قلتوا
انا من البيت للمسجد
ولا اعرف فيصل بن سلمان ولا غيره



شكل خوويه توووه جااي السعوديه ههههههههههههههههههه

للحين ما عرفهم زززين ههههههههههههه

ومن قال لك اصلاً ان ابليس يجي من وراه خير او علم اكيد
هو جاي بس يخرب الصلاة :)
أبو مرتضى
10-07-2007, Tue 10:36 PM
الواسطة فوق القانون
بليونير
10-07-2007, Tue 10:47 PM
الطباعة والتغليف تتبع للابحاث والتي يديرها الامير فيصل بن سلمان بن عبدالعزيز ويملك الوليد 25% من اسهمها
عبدالله البشري
10-07-2007, Tue 10:49 PM
الله يرجك يا شيخ

والله ما قدرت امسك نفسي من الضحك بالذات على بدجت ووين بتصلي العشاء
برق الحيا
10-07-2007, Tue 11:06 PM
أترك عنـك هالسواليف ياستلايت بعطيك شركه ياتقول بيض الله وجه برق الحيا:o

ياتقول ؟؟؟؟؟؟؟؟؟؟؟؟ :D

شوووف الســهم قريب من ديار بلي والحويطات وراء ديار شمـر;) وقريب من ديار عنزه:D
قوة الإرادة
11-07-2007, Wed 12:14 AM
أترك عنـك هالسواليف ياستلايت بعطيك شركه ياتقول بيض الله وجه برق الحيا:o

ياتقول ؟؟؟؟؟؟؟؟؟؟؟؟ :D

شوووف الســهم قريب من ديار بلي والحويطات وراء ديار شمـر;) وقريب من ديار عنزه:D


شركة زراعية؟!
ستلايت
11-07-2007, Wed 3:52 AM
هههههههههه

كلامك عين العقل

ويعطيك الف عافية .........

ويعافيك ويحفظك



راعي المملكة المحترمه يمتلك 40% في الأبحاث والنشر والتي تمتلك بدورها 100% من اسهم التغليف
هلا عرفت السبب ياحبيبي !!!!!!!!!!

عرفنا ابو جده بعد
والمفروض على هالكلام يدرجونها ليلة طرحها للاكتتاب


الواسطة فوق القانون

1000000 %


الطباعة والتغليف تتبع للابحاث والتي يديرها الامير فيصل بن سلمان بن عبدالعزيز ويملك الوليد 25% من اسهمها

لا اسمع لا اتكلم لا ارى
لكن مايمنع نقول صح ;)


الله يرجك يا شيخ

والله ما قدرت امسك نفسي من الضحك بالذات على بدجت ووين بتصلي العشاء

جعلها ضحكةٍ ماتتعكر ولاتغيب عن وجهك السمح الطيب
تحياتي



أترك عنـك هالسواليف ياستلايت بعطيك شركه ياتقول بيض الله وجه برق الحيا:o

ياتقول ؟؟؟؟؟؟؟؟؟؟؟؟ :D

شوووف الســهم قريب من ديار بلي والحويطات وراء ديار شمـر;) وقريب من ديار عنزه:D



الجوف الزراعية



شركة زراعية؟!

تهقى صح علي اللي فوق

شغلت القارمن
ولقيت المنطقة المقصودة مافيها إلا شركه زراعية
ولقيت حولها شركه اسمنتيه
والاسمنت لو يقطعني ماشريت فيها
لذا مافيها إلا الجوف
اللافي
11-07-2007, Wed 11:31 PM
والله يا استلايت ودي اقول كل ماصليت افتح موضوع خاصة هاللي تاخذ فيها وتعطي مع ابليس
طيب وراك عاد ماعلمته وين بتصلي العشاء ؟
خشاشي
12-07-2007, Thu 10:49 AM
راعي التغليف هو أقوى واحد في الشلة!!
بس مالاحظت إنه بإمكانهم يحطونها السبت ولكن أجلوها للأحد!! وش السبب ياترى؟؟
الولد البار
12-07-2007, Thu 12:59 PM
الفخاريه عليها كلام الاسبوع القادم وخذ كلامى ياستلايت
ستلايت
12-07-2007, Thu 2:24 PM
والله يا استلايت ودي اقول كل ماصليت افتح موضوع خاصة هاللي تاخذ فيها وتعطي مع ابليس
طيب وراك عاد ماعلمته وين بتصلي العشاء ؟

لا والله إلا فكني منه
هذا مايجي من وراه خير :)



راعي التغليف هو أقوى واحد في الشلة!!
بس مالاحظت إنه بإمكانهم يحطونها السبت ولكن أجلوها للأحد!! وش السبب ياترى؟؟

والله كلنا مثلك مستغربين التوقيت
لكن يمكن احد من الطيبين مسافر ورحلة العوده صباح الاحد

عموما بسلامته وبسلامتهم
مانعرفه أحد ولاودنا نقول شي
ولا نحط في ذمتنا شي
ترانا من سكان الرياض وبنجنب الصفاة
وبضغطة زر تلقاني رايح على رجولي كعابي للصفاة :D


الفخاريه عليها كلام الاسبوع القادم وخذ كلامى ياستلايت

الفخارية امرضني الاسبوع اللي طاف
يشيل واذا شلت معه دق ريوس وقام يرش
واذا عطيته
رجع يشيل تقول تسونامي في عمان يشيل اللي قدامه
من 129 ماشفت إلا غبرته عند 134

واعتقد ان اعلانهم الاخير وزيادتهم للاعضاء وانتخابهم
بيجيب لهم طقي عصي
ولمن تكون الغلبه
ستلايت
25-07-2007, Wed 4:50 PM
أهب يابليس

اثره صادق يوم جاني في الصلاة واشغلني ذاك اليوم

هذي هي المملكة نزلت بسرعة البرق

كما قال ووسوس لي شوشو :D
AL_ZAMIL
25-07-2007, Wed 6:00 PM
قلنالكم ان خنيفر رازينه رز تسكيت ..
marketvoice
25-07-2007, Wed 6:31 PM
اخوي ستلايت اضحك الله سنك فوالله اني انفس الكثير بمواضيعك الهادفه وباسلوب شيق

اخي الكريم

اسرع تاسيس شركه بالتاريخ ورفع راس وتصريح من صاحبها غصبا عن المشرع ليس بالمملكه بل بالعالم كله
تاسست ورفع راس مالها الضخم بيوم واحد وبعدها باسبوع تطرح للاكتتاب مع تطنيش 13 شركه ماسكه سرا وبعدها باسبوع اخر يعلن تداولها مع العلم وجود 6 ست شركات اكتتب وانتهت ولها اكثر من 4 اشهر مكتتب بها
لن ابالغ واقول اكبر فساد بالتاريخ
يالله عموما من حصل شي يستاهله