خاص .. متداولين سامبا

[هامور متواضع]

بسم الله الرحمن الرحيم

أرسل لي دعوه خاصه من سامبا لحضور أجتماع مقام مساء الأثنين

الساعه 8:40 في فندق الفيصليه بقاعة الأمير سلطان


الغرض من الأجتماع التعرف عن قرب على قوة خدمة تداول مباشر على الجوال

مع تقديم هاتف جوال nokia E61I كهديه مزوده ببرنامج سامبا تداول- الجوال

مع شريحة جوال مجاناً


الزبده من الموضوع



كل هذه الترتيبات والهدايا وحفلات العشاء بالفنادق ليس هو الا كلام فاضي

وهي عمليلت تخدير لكبار العملاء حتى يبقوا في هذا البنك الفاشل!!

أين هم عن البنوك التي تعطي 75% تخفيض عموله وغيرها من المزايا


عموماً .. من لديه طلب أو أقتراح يتفضل بطرحه وسوف ننقل ذلك للأداره أثناء

الأجتماع ونناقش أي أقتراح نجد أنه واقعي ومفيد .

[دواس]

ماوصلني شي وانا اخوك ، الرسالة عن طريق الهاتف او عن طريق الحساب الاكتروني ؟
ياليت التأكيد لأني على وشك شراء هاتف جوال :d

[هامور متواضع]

ماوصلني شي وانا اخوك ، الرسالة عن طريق الهاتف او عن طريق الحساب الاكتروني ؟
ياليت التأكيد لأني على وشك شراء هاتف جوال :d


أهلاً بك

الرساله عباره عن بطاقة دعوه خاصه من أدارة البنك وأحضرها المندوب

[peaceful]

مباشر حقهم بدائي وبطيء

[ارابتك]

ليتك تقولهم على مشاكل مباشر سامبا له اكثر من اسبوع مخبط

قبل الخدمة الجديدة خلهم يصلحوا القديمة

[ابو صقر]

الدعوة للي ارصدتهم فووووووووووووق فوق

[المحترم]

كلمهم بأي حق اخذوا الف ريال وقبلها ال500

وهذا اهم نقطه وياليت نعرف الاسباب وياليت تاخذ صوره من موضوع سابق لاحد الاعضاء وشارك الجميع به

ولماذا لا يضعون عموله موحده مثل بنك الجزيرة

تحياتي

[سعد الشمراني]

يتم زيادة الخدمات البنكية الإسلامية للعملاء

[بصرااحه]

الدعوه لاصحاب البطاقات الذهبيه والبلاتينيه

[ام نايف]

قل لهم إا يبون الناس تبقى عندهم وماتترك البنك ويزيد عددهم :

يخلون مباشر حقهم متصل بمباشر برو برنامجهم سيء وبطيء
يزيدون تخفيض العمولة فيه بنوك تعطي للجميع اكثر من 50 % خصم

ويشوفون وش مشكلة امر مرفوض اللي اكثرت علينا هاليومين معظم الأومر للبيع نعتقد انها قبلت ونتفاجأبأنها غير موجودة بين الأوامر وعندما نبحث عنها على اعتقاد ان الأمر نفذ تكون المفاجأة الأمر مرفوض وبدون أي سبب

[دواس]

الدعوه لاصحاب البطاقات الذهبيه والبلاتينيه
غير صحيح ، لايوجد بطاقة بلاتينية انما الماسية .

[العدوي]

ماوصلني شي وانا اخوك

[حرقوص]

اهم شيء

لا تنسى العشاء الساعة 9.45

[أحمد عبدالله]

بسم الله الرحمن الرحيم

أرسل لي دعوه خاصه من سامبا لحضور أجتماع مقام مساء الأثنين

الساعه 8:40 في فندق الفيصليه بقاعة الأمير سلطان


الغرض من الأجتماع التعرف عن قرب على قوة خدمة تداول مباشر على الجوال

مع تقديم هاتف جوال nokia E61I كهديه مزوده ببرنامج سامبا تداول- الجوال

مع شريحة جوال مجاناً


الزبده من الموضوع



كل هذه الترتيبات والهدايا وحفلات العشاء بالفنادق ليس هو الا كلام فاضي

وهي عمليلت تخدير لكبار العملاء حتى يبقوا في هذا البنك الفاشل!!

أين هم عن البنوك التي تعطي 75% تخفيض عموله وغيرها من المزايا


عموماً .. من لديه طلب أو أقتراح يتفضل بطرحه وسوف ننقل ذلك للأداره أثناء

الأجتماع ونناقش أي أقتراح نجد أنه واقعي ومفيد .


انا كانوا يعطوني 75 % ايام 15 في الالف

والان بعد 12 في الالف يعطوني 63.75 %
وهي عباره عن 75 % بعد خصم 15% من 12 في الف الخاصه بتداول

خدماتهم سيئه جدا ومامصبرني عليهم الا قدم العلاقه معهم

اتصل علي احد موظفين خدمات العملاء وعزمني واعتذرت
وطلب مني السبب وقلت له لانكم بنك ربوي وعزيمتكم وماتقدمونه فيها من فلوس حرام

طاح وجه الموظف وماعرف وش يرد علي :) احسن يستاهل :)

[هامور متواضع]

ماوصلني شي وانا اخوك


أعتقد أنها فقط لأصاحب البطاقه الألماسيه

والذي أستفاد منهم البنك كعمولات كبيره عن طريق النت

[دواس]

أعتقد أنها فقط لأصاحب البطاقه الألماسيه

والذي أستفاد منهم البنك كعمولات كبيره عن طريق النت
اخوك لدية بطاقة الماسية ولم يصله شـــــــــــــــــــي !

[هامور متواضع]

اخوك لدية بطاقة الماسية ولم يصله شـــــــــــــــــــي !



ولا عليك أمر

أتصل بخدمات الألماسيه بفرعك وأستفسر ويعطونك العلم

[دواس]

ولا عليك أمر

أتصل بخدمات الألماسيه بفرعك وأستفسر ويعطونك العلم
طيب اخوي انت قلت انهم اتصلو فيك ( ليه يتصلون فيك ومايتصلون فيني ) :D
بعدين اتصل على الفرع والا على الرقم المجاني ؟

[هامور متواضع]

اهم شيء

لا تنسى العشاء الساعة 9.45


ما أدري عن شرعية العشاء

:D


مانبي وأنا أخوك لا عشاهم ولا جوالهم

مانريده فقط الخدمات المتميزه والمفيده لنا بأرض الواقع وليست الزبرقه

[دواس]

ما أدري عن شرعية العشاء

:D


مانبي وأنا أخوك لا عشاهم ولا جوالهم

مانريده فقط الخدمات المتميزه والمفيده لنا بأرض الواقع وليست الزبرقه
ابشرك اخوي هامور قبل قليل دقو علي والوعد صالة الامير سلطان إن شاء الله ، بالنسبة لشرعية العشاء والجوال ، انا بفتي نفسي وبدق بالخسه والجوال باخذه خلنا نعوض ولو قليل من العمولات والمثل يقول ( شعره من جلد الـ ..... بركه ) .

[هامور متواضع]

ابشرك اخوي هامور قبل قليل دقو علي والوعد صالة الامير سلطان إن شاء الله ، بالنسبة لشرعية العشاء والجوال ، انا بفتي نفسي وبدق بالخسه والجوال باخذه خلنا نعوض ولو قليل من العمولات والمثل يقول ( شعره من جلد الـ ..... بركه ) .



أجل حط لك ماريه ( علامه مميزه) عشان نشوفك ويحصل لنا الشرف

:)

[دواس]

أجل حط لك ماريه ( علامه مميزه) عشان نشوفك ويحصل لنا الشرف

:)



مارية مرسيدس ، وليه ماتحط انت الماريه ؟ ، على فكره الجوال الهدية رقمه E611 او E61 اذا كان الثاني فهو خطير بالحيل وقيمته بالسوق السعودي تقريبا 1900 ريال .

[انامين]

انا حضرت يوم الاحد الماضي في فندق الانتر بجده

اعطوني جوال حلو شكله بصراحة وشريحة جوال الجيل الثالث والتداول عن طريق الجوال مريح جدا ويفك الزنقات


الجوال نوعه E61i

[دواس]

انا حضرت يوم الاحد الماضي في فندق الانتر بجده

اعطوني جوال حلو شكله بصراحة وشريحة جوال الجيل الثالث والتداول عن طريق الجوال مريح جدا ويفك الزنقات


الجوال نوعه E61i
احسنت اخي انا مين ، ماعطوكم دراهم بعد ؟
http://www.mobile-review.com/uploads/A051012_JM_NOKIA_E61_PRESS_01_N.JPG لاتقول لي انه هذا !!!

[alfaez]

مبروك عليكم

بس لنتبهوا اذا عطوكم جوال خذو

e61i

لأنه الأفضل ومزود بكميره

[fahad_0500]

كلمهم بأي حق اخذوا الف ريال وقبلها ال500

وهذا اهم نقطه وياليت نعرف الاسباب وياليت تاخذ صوره من موضوع سابق لاحد الاعضاء وشارك الجميع به

ولماذا لا يضعون عموله موحده مثل بنك الجزيرة

تحياتي




انا اشوف البنك بيبقي على بعض عملائه من الفئه الالماسيه
(واللي يبي يستفسر 8001246000 من جوالك لعملاء الالماسيه)
ومدري عن عملاء الذهبيه 8001245000)
بس الزبده البنك خسر عملاء كثار والمسلسل مستمر بسبب عدم حرصه على عملائه
من جميع الفئات بالاضافه لمزاجيه قسم الاستثمار باخذ عمولات وفي الوقت اللي يبونه ياخذون رسوم2006 بعدسنه ويزيدون الرسوم الدبل لزيادة دخلهم
بالاضافه لقسم الائتمان اللي طايح بسياسه جديده وهي تغريق العملاء ببطاقات الماستركارد والفيزا والزعم بانها مجانيه ومن ثم اخذ رسوم بالحيله
لذلك انا ارى ان هالبنك بتدني مستمر وراح يتاثر كثيرا بسبب اهمال شكاوي العملاء
وتركهم
واشوفهم هاليومين زايدون من عروض وبرنامج راتبي لزيادة موجودات البنك واللعب على العملاء الجدد ممن يرغبون بتحويل راتبهم وايهامهم بأنه يقدم لهم خدمات مجانيه ونسوا موضوع الرسوم اللي لوحده يجعل الفائده5 %
لمجرد الحصول على بطاقة بسيطه
انا بصراحه قلت بعض مما لدي والباقي قريبا بطرحه واعلمكم فضايح بنوكنا

نسيت شي الموظفين لايبالون بخسارة العملاء ولا باحترامهم
بكل صراحه سامبا قريبا بيخسر الكثير من العملاء وبعدها بيقول التداول مجاني والعمولات 75 % مسترده بس متى لما يخسر اغلب عملائه للتذكير
البلاد75 % لعملائه وايضا العربي(ويعطونك لاب توب موب جوال )
انا مامدح احد ابد ولا ابي الا اعلم هالعالم عن البنوك باذنه تعالى قريبا ملف اسود
موثق مني بس يارب وقتي يساعدني
وايضا قسم القروض قسم استغلالي فالبنك يحسبها مسبقا الفايده

زبدة الهرج سامبا لم تصحى الا بعد فوات الاوان والعملاء وانا اولهم بنغير حساباتنا ومحافظنا بس ننتظر هالسنه بفارغ الصبر وللعلم مباشرهم والله ماعندك احد اصلا مانستخدمه ومتاخر ربع ساعه عني شخصيا استخدم مباشر برو
بس هم لجل يبررون سبب الزيادة 100 % برسوم الخدمه عبر النت
اتوقع سامبا ان لم يتجه للاسلاميه المطلقه فمصيره في مهب الريح

لا وازيدك من الشعر بيتا رسوم التحويل مابين البنوك الاعلى من ىسامبا مثلا لو بحول من سامبا لبنك الاهلي مبلغ ما فالبنك ياخذ 3 اضعاف مايخذه الاهلي
وايضا رسوم الحوالات الخارجيه
باذنه تعالى ارتب هالمعلومات وانزلها واضيف لها بعض المعلومات اللي بالذاكره

[رياض السنباط]

أتصل على مندوبهم وأعتقد أسمه مشعل القويعي وأخبرني بالإجتماع

وقال أن بطاقة الدعوة بفرع منطقتي .

وبصراحة متردد أروح أو لا !!!

[lami]

لاهنتوا قولوا لهم بإن معظم المتداولين حاليا ينتظرون نهاية العام فقط ومن ثم سينتقلون لتداول آخر غير تداول سامبا الحرامي
وإذا يبون يحافظون على زبائنهم فعليهم إعادة ماتم سرقته بجعل السنه القادمه التداول فيها مجاني



وننتظر منكم نتائج المسخره قصدي الاجتماع

[الساهر]

ياليت نقابل الاخوان الي بيحضرون من منتدى اعمال الخليج بس كيف نعرفهم

[Majed.Net]

وصلتني الدعوة ايضا

وننتظر من الاخوان ان نجتمع ونذهب سوياً

[دواس]

وصلتني الدعوة ايضا

وننتظر من الاخوان ان نجتمع ونذهب سوياً
مافي مشكله ( قدام ) اذا ماعليك كلافه تمرني ونروح سوا ( موبايلي ) ، الموظف الي اتصل علي قالي ياليتك تحضر قلت له والله يخوي انها مشكله في الزحمه الي عند البوابه ولمواقف ، قالي انت عط السكرتيه كرت الدعوه وهم يأخذون السياره منك ويودونها المواقف :D :D ( فـــلـه ) .
الاخوان الي ماجتهم بطاقة الدعوه ويفكرون يغيرون سامبا ، اقول لهم روحو للعربي بيعطيكم ( لاب طب ) .

[METASTOK]

يا جماعه انا حظرت الاجتماع وماقصرت سامبا بس جاتني رساله من الاتصالات 73 ريال وانا ما استخدمت التداول الا نصف ساعه فقط وموظفين 902 ماهم عارفين ايش الهرجه فالاخيرحولوني على رقم فالداخليه ثم حولوني على قسم الداتا والداتا يقلي شف 902 المهم قفلت الشريحه وابطلب شريحه موبايلي 2 قيقا 200 ريال ودمتم

[هامور متواضع]

ياليت نقابل الاخوان الي بيحضرون من منتدى اعمال الخليج بس كيف نعرفهم





بسيطه ندق لطم ونلبس نظارات سود


:D

[هامور متواضع]

مارية مرسيدس ، وليه ماتحط انت الماريه ؟ ، على فكره الجوال الهدية رقمه E611 او E61 اذا كان الثاني فهو خطير بالحيل وقيمته بالسوق السعودي تقريبا 1900 ريال .




ولا يهمك ياعم

الماريه..المناقشه على سالفة ال 1000 الي سحبوها من العميل والمفروض 500

بس لا أوصيك نحتاج منك ومن الأخوان الي بيحضرون الدعم والتأييد.

كذلك التطرق لنسبة عمولات التداول وتفوق معظم البوك الأخرى في هذا الجانب.

وغيرها من النقاط التي نحتاج طرحها هنا قبل الأجتماع

[قبرص]

أولاً : نصيحة للجميع بمقاطعة هذا البنك الربوي .
ثانياً : ذكّرهم بالله في تعاملهم بالربا الذي هو محاربة لله ورسوله وباللعن الوارد على آكل الربا وموكله وكاتبه وشاهديه .
اللهم اغننا بحلالك عن حرامك

[مي ad]

تصدقون ازعجوني بالاتصالات حتى استخرج بطاقات أئتمانيه فيزا وماستركارد
قلتلهم معي وذهبيه بعد
قالو نصدرها لك بدون اي رسوم
قلت يالله ماني خسران
ما امدهم يصدرونها الا وهم خاصمين قيمه الاصدار ولي شهر وزود شيل وحط ليه تقولون بدون رسوم وهالحين تخصمون ولا لقيت لي قبيل
وش اسوي مع ان حسابي ذهبي عقبال الماسي هههههههه والله من قلها

[عبدالمحسن العقيلي]

وصلتني بطاقة الدعوة ( عميل ماسي )

وياليت نقدر نقابل الاخوان المدعوين من اعضاء المنتدى .

كاتب الموضوع مكلف باختيار مارية مناسبة ..:)

مثلاً ( ثوب ازرق وغترة بيضاء وبشت اسود ) , او شمغ برتقالية .. ههههههه

[دواس]

ولا يهمك ياعم

الماريه..المناقشه على سالفة ال 1000 الي سحبوها من العميل والمفروض 500

بس لا أوصيك نحتاج منك ومن الأخوان الي بيحضرون الدعم والتأييد.

كذلك التطرق لنسبة عمولات التداول وتفوق معظم البوك الأخرى في هذا الجانب.

وغيرها من النقاط التي نحتاج طرحها هنا قبل الأجتماع


معليش اسمحلي انا بحضر وباخذ حقي وبتعشى وبمشي ، عمولات وغيره الي له حق يطالب فيه ، العموله الي ياخذونها مني 0.0006 وين بنلقاها هذي .
الاخوان الي يشتكون من البنك الله لايهينهم يركبون سياراتهم ويدقون سلف ويراجعون البنك ( الحين عسانا نلحق على عيالنا ) .
بالنسبة للماريه انا راح يكون معي ( مسواك ) .

[دواس]

أولاً : نصيحة للجميع بمقاطعة هذا البنك الربوي .
ثانياً : ذكّرهم بالله في تعاملهم بالربا الذي هو محاربة لله ورسوله وباللعن الوارد على آكل الربا وموكله وكاتبه وشاهديه .
اللهم اغننا بحلالك عن حرامك


وين تبينا نروح (( الراجحي )) المتخلف ؟ كل بنك فيه حقه .

[Majed.Net]

الله يرجك يادواس

شكلك ماتعلقت ايام قبل الانهيار فبرارير

لما تحط امر ماتقدر تغيره او ماتقدر تفتح سامبا

الله يذكر ذيك الايام بالخير


الا والله وعرفت تختار المارية (مسواكك)

اما انا شوف اصغر واحد في القاعة وقوله ماجد نت بقولك ايه انا

ههههههههههه

[دواس]

الله يرجك يادواس

شكلك ماتعلقت ايام قبل الانهيار فبرارير

لما تحط امر ماتقدر تغيره او ماتقدر تفتح سامبا

الله يذكر ذيك الايام بالخير


الا والله وعرفت تختار المارية (مسواكك)

اما انا شوف اصغر واحد في القاعة وقوله ماجد نت بقولك ايه انا

ههههههههههه
اخوك لحد الان متعلق ، بالنسبة لتعليق الاوامر اذا علق الامر معك بالتيليفون فك التعليق ( اجل عميل الماسي ) ببلاش ، اي شي تبيه وانا اخوك دق عليهم وذلهم .

[stock market]

اذا سمعتو احد من الموجودين يتشكى من التكييف سواء بارد او حار تراه انا

[الساهر]

بالنسبه لي بتعرفوني اذا لقيتوا واحد نايم في القاعة تراه انا
لاني ما انوم في الليل

[abobander]

قل لهم على لساني ليه مباشر الزفت حقهم الى الحين لما اغير من قائمة لاخرى يطل لي احداق يوم السبت الماضي او ماادري بالضبط اي يوم لما نزل المؤشر 150 نقطهلازال معلق معي كل مااغير من قائمة لاخرى يجلس سوي يوريني ال 150 نقطه حمراء وبعد دقيقه او ثنتين يطلع لي المؤشر الحاليبالله هذا بنك اخ يالقهر المشكله اني لسا معه لكن بحول الله اني طالع

[abu_rayan]

المشكلة انى مرتبط معة عشان القرض الله يخلصنا منهم

[Majed.Net]

للاسف لم نستفد من العرض المقدم من المحاضر
بسبب عدم المعرفة باستخدام الجوال E61i
عند ادخال اسم المستخدم وكلمة المرور
توجد مشكلة وهي ان الحروف الكتابة عربية وتحويلها للانجليزية سبب لنا عقدة وتأخير
اما المحاضر كمل الموضوع ومادريت الا وهو يقول تفضلوا للعشاء

[Majed.Net]

وصف مختصر لما حدث في قاعة الامير سلطان
كان الترتيب في استقبال العملاء ممتاز
عند دخولك عند المدخل يسئلك الموظف حسابك في اي فرع
بعد ذلك يقوم الموظف بترحيبك الى كاونتر ويأخذ منك كرت الدعوة ويعطيك الهدية
عبارة عن جوال نوكيا E61i بالاضافة الى شريحة جوال (توجد بها 200 ميجا) لايستقبل ولايرسل مكالمات وتنتهي بمدة شهرين

ويسئلك الموظف هل قمت بتسجيل خدمة تداول الجوال
اذا اجبت بنعم يقولك تفضل للقاعة
واذا لأ يقولك يوجد دعم فني في الجهة المقابلة ادخل وسجل تداول الجوال

بالاضافة كان يوجد كونتر لشركة الاتصالات الجوال
وعندهم الجهاز الكونكت للجيل الثالث معروض بخصم 50% = 500 ريال فقط
لمدة يومين فقط

في الساعة التاسعة والنصف بداء العرض
بمقدمة من مدير العام لفروع سامبا لمدة عشر دقائق

بعد ذلك بداء العرض كيفية استخدام جوال تداول واعتقد ان الشرح كان سيء

في الساعة العاشرة كان العشاء ومن ثم الانصراف

وللاسف ماشفت المارية (المسواك)

دوااااااااااااااس

[دواس]

وصف مختصر لما حدث في قاعة الامير سلطان
كان الترتيب في استقبال العملاء ممتاز
عند دخولك عند المدخل يسئلك الموظف حسابك في اي فرع
بعد ذلك يقوم الموظف بترحيبك الى كاونتر ويأخذ منك كرت الدعوة ويعطيك الهدية
عبارة عن جوال نوكيا E61i بالاضافة الى شريحة جوال (توجد بها 200 ميجا) لايستقبل ولايرسل مكالمات وتنتهي بمدة شهرين

ويسئلك الموظف هل قمت بتسجيل خدمة تداول الجوال
اذا اجبت بنعم يقولك تفضل للقاعة
واذا لأ يقولك يوجد دعم فني في الجهة المقابلة ادخل وسجل تداول الجوال

بالاضافة كان يوجد كونتر لشركة الاتصالات الجوال
وعندهم الجهاز الكونكت للجيل الثالث معروض بخصم 50% = 500 ريال فقط
لمدة يومين فقط

في الساعة التاسعة والنصف بداء العرض
بمقدمة من مدير العام لفروع سامبا لمدة عشر دقائق

بعد ذلك بداء العرض كيفية استخدام جوال تداول واعتقد ان الشرح كان سيء

في الساعة العاشرة كان العشاء ومن ثم الانصراف

وللاسف ماشفت المارية (المسواك)

دوااااااااااااااس
هههههههههه للاسف المسواك طاح على طريق الملك فهد من الزحمة ، بعدين الي في الصالة 90% منهم انفسهم في خشومهم ، بعدين دورتك على كلامك لقيد واحد عمره 10 سنوات جاي مع ابوه لايكون انت ؟ ( بس تقدر تحدد مكانك في اي طاولة جالس ) ؟

[محمد بن صالح]

حنا دورنا بكره هل من توصياااااااااااات
؟؟؟؟؟؟؟؟؟

[Majed.Net]

ايه شفته اللي لابس شماغ

الله يخيله لاهله

انا كنت جالس تقريبا اول ماتدخل تمشي على طول لايمين ولايسار

ترتيب الصف الثالث تقريبا في الوسط على اليمين

[الساهر]

الجوال للبيع هو والشريحة وبرنامجهم

[دواس]

الا ياشباب كيف ( السلمن ) ؟ انا بصراحه اعجبني العشب الي مع السلمن .

[دواس]

ايه شفته اللي لابس شماغ

الله يخيله لاهله

انا كنت جالس تقريبا اول ماتدخل تمشي على طول لايمين ولايسار

ترتيب الصف الثالث تقريبا في الوسط على اليمين
ماش وصفك لك عليه انا شفت واحد صغير في السن ، تقريبا 24 سنه مشخص شخصية طلال مداح الله يرحمه وماعط الشنب ، لايكون انت ؟

[دواس]

حنا دورنا بكره هل من توصياااااااااااات
؟؟؟؟؟؟؟؟؟
التوصيات : انك تطلع بدري شوي وتصلي العشاء في الفيصلية وعليك بالعصير الاخضر وخلهم يكثرون الخبز على الطاولة وفيه ( عشب ) يحطونه مع سمك السلمن تراه ممتاز ( والكبه والسنبوسه ) غير جيده , وبعد مايخلص العشاء بيجيبون شوربه ممتازه بالحيل .
ولا تنسى تمر كونتر الانصالات عندهم تخفيض 50% على الكرت يعني خل معك خمس مائة ريال في جيبك عشان ماتروح تدور صراف مثلي .

هــاه كيف الخطه ممتازه ؟