اطالب بتدخل الشيخ صالح الراجحي لانقاذ السوق(سجل مطلبتك هنا)

[المجهول]

اريده ان يقوم برفع سهمه الى 100 ريال فقط

[ATM]

اي صالح الراجحي الله يرحم الحال الرجال لايدرك وحالته الصحية متردية جدا.

[المجتهد]

ادعو له بالشفاء وحسن الخاتمة

[AL - FAHAD]

قصدك سليمان الراجحي...فهو رئيس مجلس إدارة (مصرف الراجحي)

والله يرفع صالح الراجحي بالعافية


تحياتي

[لهيب الشوق]

اقول لايكثر الراجحي لو يجي له اخذ ثيابك من فوق اظهرك


خل الراجحي يهجد احسن له لايشلون دراهمه الرجاجيل


ودقي يامزيكا

الله يرحم الحال قدكم تطالبون الراجحي يرفع لكم السوق

هل سمعتو اغنيه خالد عبدالرحمن ( يقولون الما ظالم وانا بلسانهم مظلوم )


واغنيه حبيبي الي

[ولد صالح]

الله يحسن لنا ووالدينا و له الختام
الي ما سك المصرف فعليا عبدالله بن سليمان الراجحي

[ستلايت]

إلا ماودك نسجل مطالبتنا بأنه يعتقنا لوجه الله :)
غلطه وغلطناها في لحظه طيش
ومافيه احد معصوم من الخطأ :D
واوقع له على ورقه بيضاء اني اتوب معاد اطالع فوق


الشيخ الراجحي اعتقد أن الدنيا الان معاد تساوي عنده شي
تعب في شبابه
والله يجعل ماقام به في اعمال الخير شاهداً له لا عليه .

:



الله يشفيك يالراجحي ويعافيك ويقومك بالسلامه
ويرحم والدك ويبارك لك في مالك وعيالك واحفادك

صوره للشيخ الراجحي
صوره لأي واحد من عياله ( بشرط يكون مطنوخ وبار بأبوه ) يدري ان فيه واحد يدعي لأبوه
صوره لمدير مصرف الراجحي فرع المعذر

ابنك المخلص
ستلايت ... سجل مدني رقم :
حساب جاري رقم .......... قرض ( توه في الحمد ) رقم

[Absent mOOn]

بيرفعونه لسواد عيونك
هذا أهم ما عليهم إنهم يكسبون
وأبدى ماعليهم مصلحة أنفسهم والله ما دروا عنك ولا عن الجميع

[السوبر]

وانت تعرف صالح ؟

ادع له بالشفاء وغير بدل صالح وخذ سليمان اخوه

[المساهم السعودي]

إلا ماودك نسجل مطالبتنا بأنه يعتقنا لوجه الله :)
غلطه وغلطناها في لحظه طيش
ومافيه احد معصوم من الخطأ :D
واوقع له على ورقه بيضاء اني اتوب معاد اطالع فوق


الشيخ الراجحي اعتقد أن الدنيا الان معاد تساوي عنده شي
تعب في شبابه
والله يجعل ماقام به في اعمال الخير شاهداً له لا عليه .

:




الله يشفيك يالراجحي ويعافيك ويقومك بالسلامه
ويرحم والدك ويبارك لك في مالك وعيالك واحفادك

صوره للشيخ الراجحي
صوره لأي واحد من عياله ( بشرط يكون مطنوخ وبار بأبوه ) يدري ان فيه واحد يدعي لأبوه
صوره لمدير مصرف الراجحي فرع المعذر

ابنك المخلص
ستلايت ... سجل مدني رقم :
حساب جاري رقم .......... قرض ( توه في الحمد ) رقم


------------

ههههههههههههه

منتب صاحي يا ستلايت ...

والله لو الامر عندي اعفيك من القرض بشرط ....... :rolleyes: :confused: انك تشتغل عندي وتوسع صدري بسواليفك الحلوه ..

بصراحه انت والنوخذه فاكهة المنتدى بعد اعتزال النجم الخلوق abu ali :o :p

[ابوشهد]

وليه ما تطلب رب صالح الراجحي وربك ورب العالمين سبحانه وتعالى...

[المعلم الفيلسوف]

وليه ما تطلب رب صالح الراجحي وربك ورب العالمين سبحانه وتعالى...

صدقت بارك الله فيك ..

و هل تريد أن يرفع السوق حتى يقوم الهوامير و الحيتان بالتصريف عليه ،
و على الضعوف في الأسهم الأخرى ..

عسى الله يشفي الشيخ صالح الراجحي و يبارك له ، و ما نقول إلا أجر و عافية إن شاء الله ..

[Ksahelp]

هذا مثل اللي قال الله يرزق فلان عشان يعطينا

[سهم الغد]

تبي الصراحه الاسهم طلعت ونزلت وربح من ربح وخسر من خسر والراجحي له مدة طويله لا استطيع تحديدها ممكن من بعد المنحة تقريبا مكانك سر حول 80 ريال شكل الرواجح يجمعون بالسهم ومطفشين الناس عشان يرجع لهم سهمهم باقل سعر0
اذا هيئة سوق المال لم تتخذ اجراء حتى الان لاصلاح السوق ورفعه ولمدة اكثر من عام ونصف تبي شخص واحديصلح ما افسده الهوامير واصحاب القروبات ومن لا يخاف الله
ولكن نسال الله ان يعدل الاحوال ويعوض على كل خاسر وان ياخذ بثارنا ممن ظلمنا وخسرنا

[فارس السعودية]

اطلبها من الله وانا اخوك

بلا راجحي بلا ماجحي

[برق الحيا]

اطلبها من الله وانا اخوك

بلا راجحي بلا ماجحي


جزاك الله خير

[المجهول]

والله انكم صادقين مالنا غير الله

[وجيـــه]

كالمستجير من النار برمضاء !!!

[البيك]

اناااااااااااااااا اطالب بدخول لعيبة الاتحاد السوق ........ بعد المبالغ الخياليه اللتي حصلوا عليها بعد الفوز بلكأس ...........

[أبو جـود]

السلام عليكم

الله على ايام وايام كان للراجحي فيها طابع خاص و مع بعض التحفظات البسيطة :)

[دانة نجد]

الشيخ صالح الراجحي مريض ولم يقصر أبدا في حق دينه ووطنه
اللهم أجزه عن صالح أعماله خير الجزاء...وليتنا نتحرى مانكتب:rolleyes:

[الاقشر]

افاااااا
هذى اخرتها صرت طرار
:)
وبعدين ما لقيت الا الراجحى
؟

[ابوعبـــدالله]

الله يعينك يالمجهول ... الشباب من حرتهم ما عاد فيهم رحمه ...

[خيرالله]

الله يصلحك بس
الاخ متاثر بالمنتخب ومطالبتهم بتغير المدربين او ضم لاعبين

[ابوبـدر]

اللهم أجزه عن صالح أعماله خير الجزاء...