سهم للمتابعة - تحليل فني - سدافكو

[محب الكل]

كما في الشارت السهم ارتد من ترند صاعد ويحاول الان الصعود لمنطقة 46 ومحاولة الاقفال فوقها .... ارتداد السهم تزمان مع ارباح ربعية رائعة جعلت من مكرر ارباحه المتوقعه 9.3 ... مع العلم ان الارباح تشغيلية وهذا يدل على ان السهم يتداول بقيمة اقل من سعره العادل

السهم يعتبر مضاربي بدرجة الاولى و الان اصبح استثماري

كما قلنا الهدف هو كسر 46 .... في حال بلوغنا 46 والاقفال فوقها سوف يكون لنا تحليل اخر باذن الله

نقاط جني الارباح ( المقاومة ) :

38.5
40
41
42.25
43.75
46

وقف الخسارة

الاقفال تحت مستوى 35

بالتوفيق

[صيد الخاطر]

كنت أفكر فيه بالأمس استثمار وما دام الكاتب حبيب الكل توكلت على الله

[هاي كلاس]

غلاك زاد السهم غلا

تسلم يا محب الكل

ويجب ان نعرف ان الشركة تجاوزت الأزمة وبقوة

واتوقع لها عطاء بإذن الله

[محب الكل]

يا هلا وغلا بالغالين

صيد الخاطر

و

هاي كلاس

نقول الله يسعد ملاكها اللي صبروا الكثير وربي يعوضهم

[المحترم]

ابوباسل والله اني شاري اليوم 37.75 لعيونك انت


لا عدمناك يالغالي

[مشعل سهم]

بارك الله فيك

[محب الكل]

المحترم

اسال الله ان يجعل دخولك مباركا ومربحا لعيون الوالده الله يحفظها لنا ويديم عليها الصحه ... و دعواتنا الخالصه لها بالشفاء الدائم يا رب

مشعل سهم

هلا وغلا مشعل ... الله يبارك بالسهم وملاكه

[kareeem]

بارك الله فيك

[al madi]

بارك الله فيك واتمنى تحقيق الهدف

[سهم النسبه]

أبو باسل .....

حطينا طلب على 38.5

وإن شاء الله بيعطينا .....

ولا تنسى الحق على المحترم ..... :) :D

[محب الكل]

kareeem
al madi

مشكورين وان شاء الله يتحقق الهدف بتوفيق الله ... ولو انه يضغط على السهم لكن الله يعين

سهم النسبه

كله من المحترم ... لو انه يفكنا من الضغط على السهم كان مقفل نسبه ... بس ما يبطل حركات هههههه ... يا ليت عندي 200 مليون كان انزع السهم من حباب عينيه وابيعه فوق 200 ... ليت تخيل :D

[anasmh]

انا اخذت على (( 39 )) وتعلقت السعر الان (( 38.75 )) وش السوات

[محب الكل]

anasmh

هذي تسميها تعليقه ههههههههه ... المهم خل السهم معك اما يحقق لك الهدف او حسب ما تراه وحطيت نقاط جني ارباح

دامه ما قفل السهم تحت مستوى 35 ان شاء الله ما فيه خوف منه ... وعلى فكره السهم على المدى البعيد له مشوار ارتفاع رائع بس يتحسن السوق ويكون السهم رائع

[anasmh]

anasmh

هذي تسميها تعليقه ههههههههه ... المهم خل السهم معك اما يحقق لك الهدف او حسب ما تراه وحطيت نقاط جني ارباح

دامه ما قفل السهم تحت مستوى 35 ان شاء الله ما فيه خوف منه ... وعلى فكره السهم على المدى البعيد له مشوار ارتفاع رائع بس يتحسن السوق ويكون السهم رائع جبيت اتغشمر معاك ياحبيب الكل

[محب الكل]

جبيت اتغشمر معاك ياحبيب الكل

يا حبنيلك و غشمرتك :p

[سهم النسبه]

سهم النسبه

كله من المحترم ... لو انه يفكنا من الضغط على السهم كان مقفل نسبه ... بس ما يبطل حركات هههههه ... يا ليت عندي 200 مليون كان انزع السهم من حباب عينيه وابيعه فوق 200 ... ليت تخيل :D



رفعنا الطلب ربع وعطانا يا أبو باسل

بارك الله فيك .... وبيض الله وجهك ......

وأبو سلطان ماخذين منه الحق ماخذينه .... ولا يعوضنا بكم سهيم من اللي عنده ... :D :D

[anasmh]

يا حبنيلك و غشمرتك :p

مبرووووووووك ملامسه النسبه والله يبارك فيك

[محب الكل]

وأبو سلطان ماخذين منه الحق ماخذينه .... ولا يعوضنا بكم سهيم من اللي عنده ... :D :D


اسهم من اللي تحت المخده خاشها ... الله لا يهينه يطلعها وبلاش بخل

[سهم النسبه]

اسهم من اللي تحت المخده خاشها ... الله لا يهينه يطلعها وبلاش بخل



مبرووووووووك النسبه .....

40

بطل يا أبو باسل .....

:) :) :)

[محب الكل]

الف مبروك لملاكها السهم وان شاء الله طريق الصعود طريقهم ... السهم استثماريا ومضاربيا رائع ... ليه اهل الباحه والاسماك وغيرها من اسهم العفن ما يشترون بسدافكو ويريحون روسهم

[الربان]

الف مبروك لملاكها السهم وان شاء الله طريق الصعود طريقهم ... السهم استثماريا ومضاربيا رائع ... ليه اهل الباحه والاسماك وغيرها من اسهم العفن ما يشترون بسدافكو ويريحون روسهم






رهيب والله رهيب

[المحترم]

الف الف الف مبروووووووك النسبه يابوباسل وصدقني مالي اي ذنب في السهم ;)

بس تدري ليه قفل نسبه لان سهم النسبه باع اسهمه قبل النسبه :eek:


وابونايف تخبره شراره حسن شراره ههههههههههههههه:D

[الربان]

الف الف الف مبروووووووك النسبه يابوباسل وصدقني مالي اي ذنب في السهم ;)

بس تدري ليه قفل نسبه لان سهم النسبه باع اسهمه قبل النسبه :eek:


وابونايف تخبره شراره حسن شراره ههههههههههههههه:D


ان شاء الله يعطى النسبه الثانيه اليوم فى حال استقرار السوق

[مضااارب]

سدافكو افضل فرصه بالسوق....

لاتنسون اكتتابه بــــ 270 قبل التقسيم

ووزع 11.75 قبل التقسيم ايضا واحسبها على كيفك

[سهم النسبه]

الف الف الف مبروووووووك النسبه يابوباسل وصدقني مالي اي ذنب في السهم ;)



بس تدري ليه قفل نسبه لان سهم النسبه باع اسهمه قبل النسبه :eek:


وابونايف تخبره شراره حسن شراره ههههههههههههههه:D




أنا بعت سهم واحد بس يا ابو سلطان .... :) :D

لعبت على المضارب ..... :D :D

ولا تتهرب من الحق .... ترا أنا و أبو باسل ... ننتظر منك الإشارة حتى هذه اللحظة ....
ما يهم حتى لو يكون في الفور سيزن ... برضه موافقين .. :D

[محب الكل]

الربان
مضااارب

اشكركم بارك الله فيكم

المحترم

ابو نايف مسكين وش عنده ان باع كلها كم سهم , قلنا لك طلع اللي تحت المخدة وعلمنا وش عندك

ابو نايف

عندك الرجال حده على الفورسيزن واحنا زاهبين مع اول اتصال

[محب الكل]

المعذرة يا اخوان هنالك خطئ في حساب مكرر ربح السهم ... حيث ان السهم تنتهي سنته المالية في 31 مارس من كل عام وبالتالي يكون مكرر الارباح الصحيح للسهم هو 36 وليس 9

بنسبه للتحليل الفني ما زال قائم و وقف الخسارة هو 35

[المحترم]

مبدع وليس بغريب عليك


وصل السهم هذا اليوم الى 46 يابطل


نبي تحليل السهم لا عدمناااااك

[محب الكل]

ابو سلطان

السهم في حال اقفال فوق مستوى 46 سوف يكون هدفه 53 وفي حال اقفال فوق مستوى 53 سوف يكون الهدف الذي يليه 78.5

[قناص بغداد]

وصل السهم هذا اليوم الى 46 يابطل


نبي تحليل السهم لا عدمناااااك


اليوم الاربعاء2_5_2007
سدافكو
اعلى 45.75
ادنى43
اغلاق43.25
ماوصل 46 اليوم يابو سلطان!!

[Dr. Chemical]

أبو باسل....

السهم قفل 48.25 ريال، وش اللي تشوفه؟
هل نراقب 53 كم ذكرت ؟