وش قصة مكائن الصرافات حاطينها في شبك ؟

[ستلايت]

اليوم لاحظت اكثر مكائن الصراف في الرياض مشبوكه

هل فيه احد ناوي يمتلك مساحة الارض اللي تحتها :cool:

او خايفين تنسرق او وش القصه بالضبط ؟

بصراحه ماوقفت عندهن

لأن عندي عقده من الشبوك

من يوم اصبحت ابغى اروح لمكان قريب امشي فيه عيالي بعد هالامطار

و مالقيت مكان مناسب ماعليه شبك إلا وراء الطايف وتونا واصلين .

لكن لاحظت الشي هذا في اكثر من مكينه مشبوكه بشبك اخضر .

[B_H_R]

يقولووووووون مادفعوووووووووووووو

الايجاررررررررررررررر

ههههههههههههههههههههه

المصدر جريدة عكاظ

[ستلايت]

يقولووووووون مادفعوووووووووووووو

الايجاررررررررررررررر

ههههههههههههههههههههه

المصدر جريدة عكاظ

هههههههههههههه

معقوله

البنوك اللي ارباحها بالمليارات ماتدفع

ومن زين الطبايع تعلن عن ارباحها وتمنح

اجل معاد علينا شرهه اذا تأخرنا في دفع الاجارات

بصراحه قهر نبيع اسهم بقيمه 40 ألف عشان ندفع 25 الف

[مرتاح البال]

مهب السالفه انهم ما دفعو الايجار
السالفه ان عندك صراف الي عند مركز الحبيب الطبي تبع بنك الاستثمار كان كل هالسنين يندفع ايجاره للحبيب الحين جات الامانه وتقول ان هذي لنا :D
وقس هالكلام على جميع الصرافات الي بالشارع مثل سامبا الي عند العثيم ب إنكاس وغيرها

والعهده على الراوي :D

[ستلايت]

بالفعل اكثر ما شاهدت هي مكائن بنك الاستثمار

[MNEEB]

لانهم حرامية ما سددوا للبلديه

[الرقم]

الحكاية ان بعض اجهزة الصراف الالي تقع على ارض
تخص الامانه وتؤجر من قبل صاحب الموقع الملاصق


مثل محطات البنزين الصراف على الرصيف حق الشارع
والاجار للمحطه0

والامانه تقول ادفعو الغرامه او غيرو الموقع

[الحصان]

هل هذا ينطبق على المواطن يعني لو ماسددنا يحق لصاحب العقار ان يحط شبك علينا اخاف انه يصدق ويحقق مقولة قطيع اللي ركبها علينا سوق الاشئم اسف قصدي الاسهم ؟ههههههههههههههههه

[ستلايت]

طيب هل هذا حاصل في الرياض فقط او في باقي مدن المملكة

[Stop Loss]

يمكن يخافون تطبق عليها منحة!

[سامــــر]

اكثرها لبنك الرياض

[الوسط]

والله مادري ايش قصة هالشبوك , لكن الوكاد ان البلدية اذية , والله يطلع املاكنا من تحت يديها هي ووزارة التربة والتعليم , نشتري بحر مالنا وبخطة قلم تحت براد المكيف يروح شقا العمر.

[ام وليد]

:) وما لقوا الا هالوقت وقت نزول الرواتب :(

[Swing Trader]

الخبر من مسؤول تركيب الأجهزه فى بنك الرياض ( المنطقه الوسطى )
بأن الأخ دافع الأيجار لكن فسح من البلديه ما عمل !! والسبب كان له Target فى خلال 6 شهور 1500 مكينه لا بد من تركيبها .

الى طلع عليه فسح والى ما طلع عليه فسح ( ركب والسلام )

الموظف تم الأستغناء عنه فى القسم ولا أعلم الجديد عنه .

[اللافي]

المسألة فعلا ايجار
واعتقد البلدية من حقها تسوي اكثر من كذا
فانت تمتلك ارض على الشارع العام مثلا عليك استخراج تصريح لاي نشاط عليها واذا طرا لك اضافة نشاط اضافي ايضا عليك استخراج التصريح الخاص به هو الاخر
هم يقولون تعالوا خذوا تصاريح وحطوا اللي تبون المهم الله لايهينكم ادفعوا حق حق التصاريح واللي هي طبعا غير ايجار المساحة هذاك شي وهذا شي ثاني

[خبرعاجل]

http://xs210.xs.to/xs210/06510/GGGGGGG.jpg

[خبرعاجل]

http://xs510.xs.to/xs510/06510/23122006.jpg

[ابو سديم]

الخبر من مسؤول تركيب الأجهزه فى بنك الرياض ( المنطقه الوسطى )
بأن الأخ دافع الأيجار لكن فسح من البلديه ما عمل !! والسبب كان له Target فى خلال 6 شهور 1500 مكينه لا بد من تركيبها .

الى طلع عليه فسح والى ما طلع عليه فسح ( ركب والسلام )

الموظف تم الأستغناء عنه فى القسم ولا أعلم الجديد عنه .


السلام عليكم ورحمة الله وبركاته ...

اذا سمحت لي اخي بان اضيف تساؤل وتعقيب على كلامك

كيف للبنك اين يركب كامل ملحقات الجهاز بدون اخذ فسوحات من البلدية

جهاز الصرف الالي يحتاج تركيبه الى ترخيص او فسح من البلدية لتركيب خط الكهرباء + خط الهاتف ( مع الاستغناء عن خط الهاتف باتصاله عن طريق الاقمار اذا لم يخدمة وجود مقسم قريب ).

اجهزة الصرف الالي مستاجرة بايجار سنوي من الامانة او البلدية والدفع سنوي
قد يكون وهو الارجح انتهاء فترة التجديد ولم يتم دفع المستحق للسنة الحالية فتقوم الامانة بوضع هذا الحاجز حتى يتم دفع المستحق من البنك .

للاسف ما زال يوجد تلاعب في البنوك من قبل المسؤولين والاختلاسات عامة للاستفادة من المبالغ المخصصة لهذه الامور ثم يتم استعادتها بعد الاستفادة منها .

تحياتي
ابو سديم

[McKinsey]

تلقى حقين الامانه خسرانين بالاسهم وحطو حرتهم بالصرافات

[عميد التحدي]

منظر غير حضاري
والطريقه الافضل تسوية هذه الامور الماليه عن طريق مؤسسة النقد بالاستقطاع من مستحقات البنوك لدى مؤسسة النقد
لكن بهذا الشكل والله قلة وعي وسؤء تصرف في حق المواطن

[HamzaH]

منظر غير حضاري اعتقد هناك طرق افضل اما سياسة الشبك فشيء عجيب

[ابوخليل]

البنوك ما دفعت الايجار فلست
والبلديات تصك عليها

[alrajel]

يمكن يحطون سكويرتى مع الشبك,بعد اعلان كيان الكاش عزيز ولايوجد الا فى
هاالمكائن

[Swing Trader]

السلام عليكم ورحمة الله وبركاته ...

اذا سمحت لي اخي بان اضيف تساؤل وتعقيب على كلامك

كيف للبنك اين يركب كامل ملحقات الجهاز بدون اخذ فسوحات من البلدية

جهاز الصرف الالي يحتاج تركيبه الى ترخيص او فسح من البلدية لتركيب خط الكهرباء + خط الهاتف ( مع الاستغناء عن خط الهاتف باتصاله عن طريق الاقمار اذا لم يخدمة وجود مقسم قريب ).

اجهزة الصرف الالي مستاجرة بايجار سنوي من الامانة او البلدية والدفع سنوي
قد يكون وهو الارجح انتهاء فترة التجديد ولم يتم دفع المستحق للسنة الحالية فتقوم الامانة بوضع هذا الحاجز حتى يتم دفع المستحق من البنك .

للاسف ما زال يوجد تلاعب في البنوك من قبل المسؤولين والاختلاسات عامة للاستفادة من المبالغ المخصصة لهذه الامور ثم يتم استعادتها بعد الاستفادة منها .

تحياتي
ابو سديم

عزيزي

80% او اكثر المواقع لأشخاص وليست للبلديه

ما قلته صحيح 100% دون زياده

تحيتى