لا تضع فلوسك في صندوق أو مكاتب وساطة .. مالم يكن ألماني الأصل والمنشأ والولادة !

[النوخذة]

لم أكن صريحا في موضوع ..

مثل هذا الموضوع ..

ومادام الأمر يتعلق بعديل الروح ..

فلا أجد حرجا في توضيح بعض الأمور ..

انتبهوا ..

لا تضعوا شقاء عمركم في صناديق ..

أو مكاتب وساطة سعودية ..

أو خليجية ..

أو عربية ..

أو إمريكية ..

أو راجحية ..

أو عربية وطنية ..

أو فرنسية ..

أو أصايلية ..

أو هولندية ..

أو يابانية .. ( أنت بس طالع الكامري وتعرف التنك )

أو بخيتية ..

أو إفريقية المكان والعقل ..

وانظروا .. إلى الصناعات الألمانية .. من المايباخ .. إلين الزمزمية ..

انظروا للجودة .. الكفاءة ..

انظروا لحسن التعامل واحترام العقول ..

وانظروا للاهتمام بالسمعة .. والحرص عليها ..

شوفوا الصناعات والعلاجات .. والمصداقية ..

جربوا روحوا للجميح شوفوا وشلون يستقبلونكم عند شراء سيارة

وانظروا كيف يستقبلونكم عند صيانتها ..

قمة النذالة تقل بنك الرياض .. فرع السويدي ..

شخصيا .. لا أثق في مكتب وساطة مالم يكن ألمانيا ..

ولو أشوف فيه واحد يقول : يامية هلا .. أو أهلاين .. مرحبتاين ..

أو أشوف شماغ أو غترة تبربس في الاستقبال ..

لسألته وين أقرب مطعم بخاري طال عمرك ؟؟

[فهد الهملان]

أعجبتني طريقة تفكيرك .!

[انفو]

ولا تهون اجهزة المطابخ والامان العالي فيها

[الملثم]

شكرا لك يا نوخذه وحفك الله ورعاك

تساؤل :
هل هي دعاية لبرنامج أوامر ؟

[وجهة نظر]

جاك يامهنا ماتمنى
بنك دويتشه بـرج الفيصلية ، الدور 28 ،طـريق الملك فـهد الرياض ،الممـلكة العـربية السعـودية، هاتف 9746 – 2739745-1-966+ فاكس 2739740-1-966+ ، بريد إلكتروني: manal.al-sugair@db.com (manal.al-sugair@db.com) - nora.al-qadeeb@db.com (nora.al-qadeeb@db.com)

[النوخذة]

جاك يامهنا ماتمنى
بنك دويتشه بـرج الفيصلية ، الدور 28 ،طـريق الملك فـهد الرياض ،الممـلكة العـربية السعـودية، هاتف 9746 – 2739745-1-966+ فاكس 2739740-1-966+ ، بريد إلكتروني: manal.al-sugair@db.com (manal.al-sugair@db.com) -nora.al-qadeeb@db.com (nora.al-qadeeb@db.com)




بس أخاف فيه لباسين الشمغ ؟؟

[اللافي]

عســــــــــــــــــــــــــــــــــــــــــــــــ ـل
هههههههههههههههههههههههه

[ATM]

والله انك صادق يالنوخذة.

بس حتى ولو لبسوا شمغ او غتر صدقني سياستهم وحدة ولن يرضوا بتلطيخ سمعتهم.ولاحظ ترى مامعهم شركاء شغلهم الماني صااااااااااافي.

[MNEEB]

والحرامية خلوا عندنا دراهم الله يحييك .. ما بقى عندنا الا فلوس الفسحة للبزارين هالاسبوع . واما ارتفع السوق فسحتهم الاسبوع الجاي تميس مربص في شاهي . خليها على الله يالنوخذه بس ، سرقوا محافظنا وحتى عيالهم سرقوا اسطوانات الغاز وما باقي عندي لهم الا تكرمون نعال باتـــا في وجيه العدو

[OOQO]

انت اوكييييه يا الغالي

[مراقب البورصة]

بس يالنوخذة ماتدري ان المانيا تعاني من نسبة البطالة ،تصل الى تقريبا 10%...

الدنيا مفقعة وانا اخوك

[ابن بطوطة]

تصدق يبو مشاري .. ابوي الله يحفظه طبعا ماشاء الله رتش مان ..
يمدح في الالمان مدح .. طبعا كذا مره سافر لهم وغيرها من دول العالم ..

[تميم]

انتبه يالنوخذه تراك تمدح الكفار ياللي ماتستحي

تبي اصرف لك واحد علماني على الطاااااااااااااير!!!!!!!!!!!!!!!!!!

ههههههههههههههههههههههههه
مارحت بعيد Bmw وبس

[المعلم الفيلسوف]

أنا معاك مائة بالمائة .

لكن
اخاف إن صاروا عندنا يعلمونهم ربعنا و بعدين يصير سعيد أخو مبارك ،
خابر إنت ربعنا ..

بالتوفيق يا الغالي .

[المعلم الفيلسوف]

انتبه يالنوخذه تراك تمدح الكفار ياللي ماتستحي

تبي اصرف لك واحد علماني على الطاااااااااااااير!!!!!!!!!!!!!!!!!!

ههههههههههههههههههههههههه
مارحت بعيد Bmw وبس

هههههههههههه

للعلم حنا نتكلم عن جودة العمل فقط ،
و إلا هم و العلوج و الطراطير زي بعض .

و بعدين أنت تمدح Bmw ترى إبن بطوطة يزعل عليك لأن شعاره (البانوراما و بس)، لا إبن لادن و أودي و لا غيره.
و حنا مع حبيبنا إبن بطوطه

[ابن بطوطة]

هههههههههههه

للعلم حنا نتكلم عن جودة العمل فقط ،
و إلا هم و العلوج و الطراطير زي بعض .

و بعدين أنت تمدح Bmw ترى إبن بطوطة يزعل عليك لأن شعاره (البانوراما و بس)، لا إبن لادن و أودي و لا غيره.
و حنا مع حبيبنا إبن بطوطه
تراك تحرجن بالحيل يا هني ..

[ابوعبدالاله]

هههههه ياخي أنت وش نوع علكك المفضّل ؟:)

قدرتك على إجادة اللغة الساخرة
تخليني أشك إن محفظتك مثل المنخل من كثر الخساير
لا تسألني وش الرابط بينهم .. لأني ما أدري
بس شكلك كذا

هيه سقى الله أيام الإقلاع والساخر .. كانت وش حنطها
ما كنا نعرف للأسهم ولا وش هي من لحية ..

من عقب الأسهم صار الواحد أحياناً
يطلع من بيتهم وفي مخابيه بردقان :(

[طالع نازل]

والله اني ما آمن على قروشي حتى لو كانت في الحساب الجاري
في اي بنك

لو تشوف الاتفاقية اللي بينك وبين البنك كلها لهم (صارت بلوت)
للبنك الحق في...
المصرف مخول ان...
وغيرها

[(ابو وسن)]

ولا تهون اجهزة المطابخ والامان العالي فيها

هههههههههههههههههههههههههههههههههههههههههههههههههه هههههههههههههههههههههههههههههههههه
والله اعجبتني

[محمد سعد]

لم أكن صريحا في موضوع ..

مثل هذا الموضوع ..

ومادام الأمر يتعلق بعديل الروح ..

فلا أجد حرجا في توضيح بعض الأمور ..

انتبهوا ..

لا تضعوا شقاء عمركم في صناديق ..

أو مكاتب وساطة سعودية ..

أو خليجية ..

أو عربية ..

أو إمريكية ..

أو راجحية ..

أو عربية وطنية ..

أو فرنسية ..

أو أصايلية ..

أو هولندية ..

أو يابانية .. ( أنت بس طالع الكامري وتعرف التنك )

أو بخيتية ..

أو إفريقية المكان والعقل ..

وانظروا .. إلى الصناعات الألمانية .. من المايباخ .. إلين الزمزمية ..

انظروا للجودة .. الكفاءة ..

انظروا لحسن التعامل واحترام العقول ..

وانظروا للاهتمام بالسمعة .. والحرص عليها ..

شوفوا الصناعات والعلاجات .. والمصداقية ..

جربوا روحوا للجميح شوفوا وشلون يستقبلونكم عند شراء سيارة

وانظروا كيف يستقبلونكم عند صيانتها ..

قمة النذالة تقل بنك الرياض .. فرع السويدي ..

شخصيا .. لا أثق في مكتب وساطة مالم يكن ألمانيا ..

ولو أشوف فيه واحد يقول : يامية هلا .. أو أهلاين .. مرحبتاين ..

أو أشوف شماغ أو غترة تبربس في الاستقبال ..

لسألته وين أقرب مطعم بخاري طال عمرك ؟؟






:D

باقي شيء يالغالي

ومهم

لازم يكون يهودي


ولا احد يقول يكرهوننا مدري وش هو غز فكري


هم أهل المال


ومتربعين على أعلى القمم الماليه في الأسواق المحترمه والبنوك المحترمه

والا وش رايك ياغالي

اليهودي مو هدفه يظرك في مالك بالعكس

كيف ينقل لك الصورة الطيبه عن دينهم وتعاملهم

وانت وش عليك دبل محافظك عنده وكل ما تقابله خدادي

واذا طلعت من عنده

استلمه محشات

:D

[الرويلي]

دائماً يا النوخذة تحط النقط فوق الحروف...!

والله دويتش بنك لازم يكرمك تكريم خاص.

[ابوخليل]

تصدق ان تفكيرك عميق
حتى لو كان ذلك باسلوب المزاح
ولكن هذه الحقيقة

شركات النصب والاحتيال الشركات العربية
شوف دائما المساهمات تنتهي بماذا لدينا

الان قولو ا لي من عند الشجاعة على قبول شيك من شخص ما
لكن ذلك بالدول الاروبية شى طبيعي
لان الشيك عندهم ورقة نقدية
ولكن عندنا تروح محكمة يقول لك القاضي بله واشرب ميتها

[النوخذة]

تصدق يبو مشاري .. ابوي الله يحفظه طبعا ماشاء الله رتش مان ..
يمدح في الالمان مدح .. طبعا كذا مره سافر لهم وغيرها من دول العالم ..


صفقني إن كان أبوك تعدى منفوحة .. !

علينا يا أبن بطوطة ؟؟

[المساهم السعودي]

ابو مشاري صبحك الله بالخير ..

اكيد انك هلحين تعد قريشاتك وتستعد للسوق بعد 10 دقايق ... :)

حبيب اسلم عليك واعطيك هالسالفه الظريفه عن الشيبان الله يحفظهم لنا ..

"أربع شياب يلعبون بلوت واحد منهم قال مية ونزل ثلاثة شياب وإنسدح جنبهم .." :p :p

[النوخذة]

ابو مشاري صبحك الله بالخير ..

اكيد انك هلحين تعد قريشاتك وتستعد للسوق بعد 10 دقايق ... :)

حبيب اسلم عليك واعطيك هالسالفه الظريفه عن الشيبان الله يحفظهم لنا ..

"أربع شياب يلعبون بلوت واحد منهم قال مية ونزل ثلاثة شياب وإنسدح جنبهم .." :p :p




أنا خابرها خال يلعب مع عيال اخته ..

قال أربعمية ونزّل ثلاث إكك ..

بس مدري يمكن كل بلد لها نكتها !

[تلقائي]

والزواج من المانيه هل هو مجدي

وهذي عينه من مكاتب الوساطه الجديده


http://thegulfbiz.com/showthread.php?t=251394

[المساهم السعودي]

أنا خابرها خال يلعب مع عيال اخته ..

قال أربعمية ونزّل ثلاث إكك ..

بس مدري يمكن كل بلد لها نكتها !


--------

افا يابو مشاري حتى في النكت صرت الماني وتنكرت لربعك :D :p

[المرن]

اخي النوخذة
اخالفك الراي ضع مالك لمن يتصف بالامانة دون النظر على جنسيتة
ومن دمر سوقنا الكريم الا من هم اهل الجنسية ومن دلس وغش وخدع وكذب وطبل لهامور الا من اهل الجنسية
اخوك
المرن

[النوخذة]

انتبه يالنوخذه تراك تمدح الكفار ياللي ماتستحي

تبي اصرف لك واحد علماني على الطاااااااااااااير!!!!!!!!!!!!!!!!!!

ههههههههههههههههههههههههه
مارحت بعيد Bmw وبس


فيه ألمان مسلمين !

[النوخذة]

بس يالنوخذة ماتدري ان المانيا تعاني من نسبة البطالة ،تصل الى تقريبا 10%...

الدنيا مفقعة وانا اخوك


طيب وش العلاقة ؟؟