المساعد الشخصي الرقمي

مشاهدة النسخة كاملة : سهران وفاضي ..


كحيلان
31-03-2007, Sat 12:48 AM
مساكم الله بالخير .. بصراحه سهران وجاي على بالي نشوف لنا موضوع نسولف فيه لين تحضر الإداره ويحذفون الموضوع ... خلونا نعتبرها ديوانيه وإستراحه للمحاربين في السوق ...

وش تقترحون موضوع ندردش فيه ..!

أنا عندي مواضيع واجد بس مواضيع جديه ويبيلها تصفيف كلام وانا لسا مابعد نقحتها لكنها تضرب من تحت الحزام ...
سهم الغد
31-03-2007, Sat 12:52 AM
صباح الخيروين رحت ويا ليت تعطينا رايك بصندوق اصائل وما توقعك له وهل تنصح بالخروج منه ام الا نتضار افضل حيث وصلت خسائره اكثر من 60%
برق الحيا
31-03-2007, Sat 12:54 AM
يمكن الأداره نايمين
وش رايك بالقذافي اجل؟؟؟؟؟؟؟؟
الخضر
31-03-2007, Sat 12:54 AM
اقترح ياكحيلان نقاش موضوع هل تمنح سابك
أبو جلنار
31-03-2007, Sat 12:55 AM
نناقش موضوع " سرقة البيوت " اللي منتشرة في الرياض ..
زهوان
31-03-2007, Sat 12:56 AM
وش تبغاه يابو محمد سياسي ولا اقتصادي ولا ديني ,,ترى كله حاضر ,,,تدلل بس :)
كحيلان
31-03-2007, Sat 12:58 AM
سهم الغد :
بجهز لك الرساله وبرسلها لك الليله إن شاء الله ...ولكن أعذرني على التأخير ...

برق الحيا :
قذر .. روأئيي من رأي والدي حفظه الله وأتم عليه الصحه والعافيه فيه ..

الخضر :
والله وأنا أخوك أنا ضد المنح لأنها تثقل كاهل الشركه ( وأقصد الشركات اللي لك عليها يعني كنها فزة عروس )ولكن للمستقبل البعيد غير مجديه .. ماعدا سابك تعد دوله مستقله ...
أ. العربي
31-03-2007, Sat 12:58 AM
ياهلا بالغالي ..

ان شاء الله تكون ايامك جميلة سعيده .. ونأنس باطلالاتك الخيرة ..

ما رأيك تمر على ما يحصل الآن بالسوق .. والذي يذكر بطريقتهم بعد انهيار فبراير .. تركيع للشركات الى النسب الدنيا ورفع للمؤشر بسامبا وجوقته .. ؟

وطاب يومك ..
دايم أخضر
31-03-2007, Sat 1:01 AM
هلا أبو محمد
مشتاقين .. من مده ما شفتك :cool:
أتمنى لوالدك دوام الصحه .
وبالمناسبه تراني دوم أبلغ فيصل سلامي.. عساه يوصل؟

وبالنسبه لموضوعك فأنا أتمنى نشوف وش قصة (وصلني من مصادري الخاصه)
واللي ماليه المنتديات هاليومين!!؟
تحس ان كل الناس واصلين :D
عمار
31-03-2007, Sat 1:04 AM
السلام عليكم ورحمه الله وبركاته
ابو محمد طاب يومك

وما رئيك تصحيح مؤشر 1000 نقطه وصول الشركات من قيعانها السابقه بفارق 4 الى 5 % وهي رابحه
نجعل تحتها خطين
ثابت
31-03-2007, Sat 1:05 AM
كحيلان تذكرني
عبدالله القحطاني
31-03-2007, Sat 1:06 AM
وش رأيك بتسجيل الاتصالات لو جديد
الدكتور أبو أحمد
31-03-2007, Sat 1:06 AM
صباح الخير

اهلا وسهلا بصديقنا القديم كحيلان

توقيعك لفت نظري

لانه يعبر عن واقعي وواقع الكثير للاسف : )

صفا لنا الماء

ولا تعللنا

وللاسف حاس سوق الطين صافيها

ولكن نقول الحمدلله والشكر على كل حال


لكن هذي والله ابرك الساعات اللي شفناك :)
كحيلان
31-03-2007, Sat 1:07 AM
أبو جلنار :
أي والله صدقت صارت ظاهره مزعجه لكن الأسباب هي الأهم لمعرفة مكافحة مثل هذه الظاهر الغريبه على مجتمعنا ... برأيك ماهي الأسباب ..! أنا أشوف البطاله أهم سبب لابد من الإستعجال من مكافحته ...

زهوان :
هلا وغلا بهالطله ... على فكره مواضيعك حساسه وأخاف نفتح بيبان مقفله ... خلنا إجتماعي وإقتصادي أحسن ... وجعلك تسلم وذاخرينك للكبيره يابعدي ..

أ العربي :
أهلا وسهلا .. والله يسعد أيامك بكل خير ومحبه ... حركة سامبا أثارتني بطريقه غريبه مما جعلني أبدأ بترتيب موضوع كامل ستتم إضافته قريباً كنوع من التحدي مع الهيئه وأتمنى أن أسمع وأرى رأيك فيه عند الإضافه ... أما عن الحركه وأبعادها فهي سيئه ومثيره وأعتقد أنها من الباب الشرعي لاتجوز والله أعلم ... وعلى كل حال السوق أستوعب النزول بطريقه جيده ولدي رساله أضفتها قبل النزول أتمنى أن تعود لها لما فيها من التذكير ببعض الأمور ...
>>> عنفوان <<<
31-03-2007, Sat 1:09 AM
هلا ابو محمد ...

ترى السوق للـ 6000 ... والسبت فيه خير ويمكن 3 نسب فوق ((مؤقتا))!!

موفق حبيبي
المرتاح
31-03-2007, Sat 1:09 AM
السلام عليكم ورحمه الله وبركاته
ابو محمد طاب يومك

وما رئيك تصحيح مؤشر 1000 نقطه وصول الشركات من قيعانها السابقه بفارق 4 الى 5 % وهي رابحه
نجعل تحتها خطين

الله العالم انها راح تسجل قيعان جديدة !!!

والله يستر
bofahd74
31-03-2007, Sat 1:10 AM
كحيلان شكلك قاعد في ستار بوكس صح
H-algadi
31-03-2007, Sat 1:25 AM
كحيلان
يسعد مســاء الروقان اللي أنت فيه بس ناقصه واحد مالكي يحبه قلبك شوفه علي يميني هههههههههههه
طقطق علي هذه شوي
7500 & 9800
9000 & 10700
9500 & 11500

يسلم عليك شوشو ويقولك شوف شغل اليهود منظم ومحترم وخلك أنت والشايب أبو محمد مسوين فيها وطنية

$ قول مـــــبروك تعلمت كيف ألون $
هههههههههههههههه
كحيلان
31-03-2007, Sat 1:27 AM
دايم أخضر :
هلا وغلا .. السلام يوصل من ناس واجد بس من أنت .! بعدين دامك مع فيصل وش بلاك مارحت تنام ماوراك إدخال طلبات من صباح الله خير ...

عمار :
أسعد الله مسائك بكل خير وصحه وعافيه .. 1000 لاتساوي عند الصناع ( شكة أبره ) عندما يرغبون في التركيع الإجباري لإسباب وإستراتيجيات تتغير يوماً بعد يوم فلكل منهم وجهة نظر بناء عليها يتم تحريك المحفظه والتجميع والتصريف .. فهم يضعون للأمور السياسه أهميه كبرى وهذا للعلم ... ولاأستبعد أكثر من ذلك منهم .. أتمنى أن تكون وصلك الجواب بناء على فهمي للسؤال ..

ثابت :
ياليت تذكرني فيك حبيب قلبي ...

عبدالله القحطاني :
سؤال عنه كمضاربه أو إستثمار أخوي عبدالله ...

الدكتور أبو أحمد :
هلا وغلا بالغايب الحاضر ... وين الناس مدري من اللي غايب أنا والا أنت ... والتوقيع والمعرف وصاحب المعرف فدوه للغالين حبيبي ... والتوقيع قاله خالد الفيصل من أكثر 25 سنه ( أن لسا ماأنولدت بوقتها فأنت تذكرها أنا ماأذكرها ) وهذا يدل على الحكمه لديه وإن كان المقصد ببطن الشاعر الا ان الكثير يعبر عنهم هذا البيت البيت والقصيده كامله رووعه ... والله يبارك فأيامك وأسعد اللحظات اللي نشوفك فيها يادكتور ... بعدين إذا واقعك عاطفي أسأل العاطفيين .. إذا كان عن السوق فكل المتعاملين يرددون هذا البيت ...

>>> عنفوان <<< :
هلا وغلا ومرحبا بأبو مشاري .. وشلونك ووشلون الأخوان ..! بعدين أفا ياذا العلم 6000 مره قل غيرها يارجل .. طيب زدها لو 500 نقطه .. قل تم .. وبعدين وين الوجهه إن شاء الله ..!

المرتاح :
هذا الخوف يامرتاح جعلك دوم مرتاح ولايكدر خاطرك شي ...

bofahd74 :
مالك لوا أنا في البيت ... وبعدين وش اللي يحدني أروح لذا المحلات تالي الليول ..!
ثابت
31-03-2007, Sat 1:31 AM
كحيلان والله كثرت فلوسك
الا على فكره كم صار رصيدك ولا تقول رصيدي حب الناس كنك اصاله
حيص بيص
31-03-2007, Sat 1:36 AM
الا وش رايك برئيس جزر القمر
البنفسج
31-03-2007, Sat 1:36 AM
أبومحمد ...صباحك أخضر,,,,,,,,

ماهو السبب الحقيقي في قلة برادات البيوت واختفائها

بعد التطور العمراني ؟!! :)
الشيخ سعد
31-03-2007, Sat 1:38 AM
ما دام فهد (المشرف) نايم

يقولون رايس مستدعية عادل الجبير احتجاجا على قولة الملك عبدالله في القمة
ان احتلال امريكا للعراق غير مشروع
تتوقع وشلون بيصرف الموضوع الجبير

تصبح على خير
جلنار
31-03-2007, Sat 1:38 AM
هلا والله بكحيلان
الحاضر الغايب
وشرايك في الحراميه حسبي الله عليهم سراق الماحفظ نتفونا تنتيف الله يسلط عليهم واحد(ن) اقوى منهم ينتفهم نتفه نتفه
قل امين
amalgulf
31-03-2007, Sat 1:42 AM
[quote=كحيلان]
سهم الغد :
بجهز لك الرساله وبرسلها لك الليله إن شاء الله ...ولكن أعذرني على التأخير ..


أفا ياأستاذ كحيلان أولها تبينا ندردش مع بعض وهالحين تبي ترسل على الخاص , أجل حنا رحنا بالطوشه .

:D
كشاف
31-03-2007, Sat 1:46 AM
هلا ومسهلا بكحيلان

المواضيع كثيرة ولكن من كثرها نصبح في حيره !! ماذا نطرح ؟؟

أنا أرى بأن طرح مشكلة الفساد الإداري هي المشكلة الفتاكه التي يعاني منها الوطن والمواطن .

نتوسع في الموضوع .. ولا بتشوفون غيره ؟؟
الشيخ سعد
31-03-2007, Sat 1:49 AM
الا وش رايك برئيس جزر القمر


شخصية مثقفة ومتحدث رائع .. والظاهر انه تبليغي
bofahd74
31-03-2007, Sat 1:52 AM
[quote=amalgulf][quote=كحيلان]
سهم الغد :
بجهز لك الرساله وبرسلها لك الليله إن شاء الله ...ولكن أعذرني على التأخير ..


أفا ياأستاذ كحيلان أولها تبينا ندردش مع بعض وهالحين تبي ترسل على الخاص , أجل حنا رحنا بالطوشه .

:D



كحيلان اسعد الله ايامك انا انتظرررر هههههه






[/quote
alrajel
31-03-2007, Sat 1:55 AM
ضعنا يابومحمد وتعبنا نفسيا وذهنيا,هم يلعبون معنا باعصاب بارده وحنا اعصابنا
مشدوده من تحمل ضغطهم وسلبهم لمحافظنا بدم بارد وادمنا على السوق يعنى
الى مايصدونه هالمره يصيدونه دبل المره الجايه حسبى الله ونعم الوكيل
دايم أخضر
31-03-2007, Sat 1:56 AM
دايم أخضر :
هلا وغلا .. السلام يوصل من ناس واجد بس من أنت .! بعدين دامك مع فيصل وش بلاك مارحت تنام ماوراك إدخال طلبات من صباح الله خير ...



مالي شغل بالطلبات..!! أنا بيّاع وأخوك الكبير سميي ;)
(شكلي راح أرسل صورتي mms علشان تعرفني زين :p) << فاضي وما فيني نوم!!

عموما" ما عطيتني رأيك في بعض أصحاب المصادر الخاصه اللي وحده تصيب وميه تخيب.؟
محمد سعيد
31-03-2007, Sat 1:58 AM
ما دام فهد (المشرف) نايم

يقولون رايس مستدعية عادل الجبير احتجاجا على قولة الملك عبدالله في القمة
ان احتلال امريكا للعراق غير مشروع
تتوقع وشلون بيصرف الموضوع الجبير

تصبح على خير
تطمن يا شيخ سعد الامريكان انفسهم اول من اعترف ان غزوهم للعراق غير مشروع وانه تم تضليلهم من قبل المعارضه العراقية التى ثبت بالبرهان القاطع للامريكان وغيرهم انهم لامعارضه عراقيه ولايحزنون وانهم مجرد حثاله وخونه وعملاء لايران خططوا للانتقام من العراق وحكومته وشعبه باستغلال الغباء الامريكي المتمثل في الحزب الجمهوري بقيادة بوش .... والان الاكثرية الديمقراطيه في مجلس الشيوخ وكذلك مجلس النواب تطالب من حكومة بوش تصحيح خطاءها باعلان خطة الانسحاب الكامل من العراق
كحيلان
31-03-2007, Sat 1:58 AM
H-algadi :
يسعدلي صباحك ياأبو عبدالله .. طيب أرسلي بياله على الخاص وعلى كل حال بالعافيه ... وأنا أقول وين أنت غايب لاحس ولاخبر أثاريك تدور لك أحد يعلمك الألوان ههههه .. ولو سمحت راجع الأرقام شوي .. وبعدين الوطنيه مهيب بالأسهم وأنت خابر وش أقصد ...

ثابت :
ماجاوبتني على سؤالي .!

حيص بيص :
وشي جزر القمر .. لاتقول لي عصير ...

البنفسج :
صباح الورد لمضاربين سابك الصغرى .. بشر وش الوجهه .عقب الإجتماع اليوم .! بعدين البردات لو تلاحظ إختفائها واكب نزول السوق وهذا دليل أن الخير بالناس ولله الحمد مازال موجود .. لأن كل واحد يكسب يحط براده من الأرباح بس الحين منين يجيب أرباح .. !

الشيخ سعد :
أنا عني محد دق علي ولاقالوا لي شي ... بعدين خلنا في حدود الوطن ... لكن الجبير ولدهم وخابر دواهم لاتخاف من هالناحيه ... تمنياتي لك نوماً هانئاً وأحلاماً سعيده ..

جلنار :
المهلي مايولي بعد قلبي .. ورايي فيهم أقول عسى الله يهديهم وبس ... لكن من المتسبب بالنزول هو من يستحق الدعاء عليه بنيته ... فالكثير من المضاربين يحاول توفير سيوله بسرعه فيضظر للبيع سريعاً ليمكن من الدعم فيما بعد .. وبذلك تنفى تهمة الإتفاق بينهم ...

amalgulf :
هههه هلا وغلا .. الرساله اللي وعدت أخينا سهم الغد عن سؤال سألني أياه في أحد مواضيعي السابقه ووعدته بالإجابه الوافيه على الخاص لخصوصية سؤاله ... هذي كل السالفه ..
أبو ليان
31-03-2007, Sat 2:02 AM
عني انا شخصياً معجبني توقيعك

من وين جبته !!!!!!!!!!!!!!!!!!!
!!!!!!!!!!!!!!!!
كحيلان
31-03-2007, Sat 2:15 AM
دايم أخضر :
والله وأنا أخوك ماعرفتك للحين ( أرسلي رساله على الخاص ) وأنا متأكد أن الأرقام اللي معاك غير صحيحه ... وأصحاب المصادر مثل ( مندوب المبيعات ) ممكن يقنعك بالشراء وممكن لا ولكن ونظراً لإننا شعب طيب وحبوب ونصدق كل شي وخصوصاً في مثل هذه الأوقات الحساسه التي يبحث الجميع عن التعويض بسرعه فتأكد أنهم ناجحين لحد ما ... ولكن طالما أنك قلت يصدق مره وتخيب 100 مره إذاً أبتعد أفضل ..

alrajel :
سلامتك من التعب والضيق يابعدي .. وقسماً بالله ضيقت صدري عليك وأنا رجال عزيز علي وماشفنا منك الا كل خير ... لكن كبار متعاملين السوق فهموا موضوع أن التجاره شطاره خطأ .. وبدأوا يتخذون أقذر الوسائل للحصول على الربح مما قد يصل بهم الأمر للكذب والخداع وهذا جزء لايتجزأ من ضعف الوازع الديني مقابل المال ... لكن تأكد أن الله هو من رزقنا وهو من كتب لنا كل شي فاللهم لاإعتراض .. ولي موضوع بحاول أعطيك الرابط بأسم " صناع بمواصفات جن " ... وإذا انت خابر اني أخدمك بشي أبشر من عيوني وتامر أمر ..

محمد سعيد :
أشكرك على المشاركه والإطلاع الرائع لما يدور حول السياسه الخارجيه ... وإضافه رائعه بارك الله فيك أخي محمد ..

goodspead :
أفا يعني أنا ماعجبتك ههه .. التوقيع هذا من قصيده لخالد الفيصل ...
ديتلف ميلس
31-03-2007, Sat 2:30 AM
ان كان ياكحيلان ساهر وفاضي // انا معك فاضي وساهر وزعلان
قالو يمامه قلت انا الكل راضي // قالو رياض وقلت ياناس غلطان
قالو تعرف الموت جا له حياضي // قلت البلا عشنا بذل(ن) وحقران
قالو تقاضي قلت مافيه قاضي // قالو عدل قلت اكبر الظلم ميزان



كحيلان اذا تبيني اكمل كملت تراني زهقان وقاعد اسمع اغنية محمد عبده

ارفض المسافه
والسور
والباب
والحارس

ارفض
اني اموت ولا درى بموتي احد
فارس السعودية
31-03-2007, Sat 2:42 AM
موضوع عن الاسهم ولا اي شي ثاني

انا عندي موضوع بس مو في الاسهم عن رقاصه
كحيلان
31-03-2007, Sat 2:53 AM
ديتلف ميليس :
صباح الورد والروقان ياسيدي .. وصح لسانك وأنت بمكانك ... بصراحه أبيات رووعه لكن ماقت لنا وش السهم اللي وصلك لهذي المرحله ..!

فارس السعوديه :
أي موضوع راقي ... ولو أني متضايق من ردك شوي لكن خلنا بالجوف ووش رايك فيها بكرا ..للحين مضايقك مضاربها ..!
ابراهيم
31-03-2007, Sat 3:05 AM
ابو محمد

شفت اسمك حبيت اصبح عليك
G O Z A L
31-03-2007, Sat 3:15 AM
نناقش موضوع " سرقة البيوت " اللي منتشرة في الرياض ..

تقصد الامن الداخلي بح .. وانا اقولها صادق مافي امن داخلي

السرقات صارت عيني عينك في وضح النهار ...




والله اني ناوي اكلم احد كتاب الصحافة عن هذا الموضوع ...

وسترونها قريباً ..

رساله الى الوالي ,,,,,,,

الخلاصه .. تجاوز السرعه السموحه يتم ايقاف الشخص 24 ساعه وتغريمه

وحتى لو كان على طريق سريع مسافر بين مدينتين ....

ورب البيت اني انفجعت من منظر مارأيت ,,

باص مرور على طريق سريع مليان مخالفين بالسرعه

يتم ايقاف كل من تجاوز السرعه السموح بها 120 وترك سيارته على الخط السريع ليذهب به الباص للحجز للمدة 24 ساعه ...

مابال من هو قادم الى اهله ولديه اجازه يوم الخميس والجمعه هل يقضيها في ضيافة المرور ...

هل ارواحنا مهمه لدى المرور ليجبرنا على الحفاظ عليها ,,, ام عائد المخالفات هو الذي يجعله حريص ...

..اطلب من المسؤلين ,,

النظر الى حال السرقات بالرياض وكل مدن المملكه

سياره تسرق من امام الباب ..

وجوالات تسرق من يد صاحبها بشارع عام ..

مواشي تسرق من المزارع وكيابل كهرباء ومولدات كهرباء من المصانع

محلات تكسر زجاجها وتنهب في وضح النهار ....

نريد ردع هولاء أهم من تحصيل المخالفات

وتعذيب خلق الله في التوقيف ,,

ودمتم سالمين ,,
فارس السعودية
31-03-2007, Sat 3:21 AM
فارس السعوديه :
أي موضوع راقي ... ولو أني متضايق من ردك شوي لكن خلنا بالجوف ووش رايك فيها بكرا ..للحين مضايقك مضاربها ..!




والله ما اقصد لكن بالفعل موضوعي هادف وهو يتكلم عن الحجاب

حيث راقصه قالت كلام رائع عن الحجاب

وفي المقابل دكتورة جامعه كويتيه قالت كلام !!!!!! عن الحجاب

عموما اعتذر اخي كحيلان والجوف طلقتها بعد ذاك اليوم لان مضاربها غثني الله يغثه

سوري
فارس السعودية
31-03-2007, Sat 3:23 AM
تقصد الامن الداخلي بح .. وانا اقولها صادق مافي امن داخلي

السرقات صارت عيني عينك في وضح النهار ...





والله اني ناوي اكلم احد كتاب الصحافة عن هذا الموضوع ...

وسترونها قريباً ..

رساله الى الوالي ,,,,,,,

الخلاصه .. تجاوز السرعه السموحه يتم ايقاف الشخص 24 ساعه وتغريمه

وحتى لو كان على طريق سريع مسافر بين مدينتين ....

ورب البيت اني انفجعت من منظر مارأيت ,,

باص مرور على طريق سريع مليان مخالفين بالسرعه

يتم ايقاف كل من تجاوز السرعه السموح بها 120 وترك سيارته على الخط السريع ليذهب به الباص للحجز للمدة 24 ساعه ...

مابال من هو قادم الى اهله ولديه اجازه يوم الخميس والجمعه هل يقضيها في ضيافة المرور ...

هل ارواحنا مهمه لدى المرور ليجبرنا على الحفاظ عليها ,,, ام عائد المخالفات هو الذي يجعله حريص ...

..اطلب من المسؤلين ,,

النظر الى حال السرقات بالرياض وكل مدن المملكه

سياره تسرق من امام الباب ..

وجوالات تسرق من يد صاحبها بشارع عام ..

مواشي تسرق من المزارع وكيابل كهرباء ومولدات كهرباء من المصانع

محلات تكسر زجاجها وتنهب في وضح النهار ....

نريد ردع هولاء أهم من تحصيل المخالفات

وتعذيب خلق الله في التوقيف ,,

ودمتم سالمين ,,





والله خفت امس احلم ان سيارتي انسرقت الله يستر
كحيلان
31-03-2007, Sat 3:36 AM
ابراهيم :
ياجعل ربي يسعدك ويوفقك ويجعل صباحاتك كلها خير وسعاده ...

G O Z A L :
أشكرك على المشاركه وأختيار موضوع هام يمس الجميع .. فلقد ذكر لي أحد الأصدقاء وهو ضابط بالشرطه أن لديه بلاغ عن سرقة مكيفات ومكبر الصوت لمسجد في الحي الذي يعمل صاحبنا في شرطته ... أنظر إلى مستوى وصلت الوقاحه والدنائه بهم ... وأما عن الأمن الداخلي فلقد لوحظ للجميع تدني المستوى الأمني لإسباب لن أذكرها لحساسيتها .. والسرعه بصراحه ودك يخلونها إيقاف شهر , لأني شفت حالات لاحول ولاقوة الا بالله منها بسبب السرعه ( ولو أنني أسرع في بعض الأحيان لكن الله يستر ) ... القصص كثيره ولاأرغب في أن أشغل القارئ في آخر الليل في قصص مزعجه كالسرقه والقتل .. ولكني أشد من أزرك في إلقاء الضوء على مثل هذه المواضيع الهامه .. الله يقويك ..

فارس السعوديه :
أنا اللي آسف أني فهمت الموضوع خطأ ولكن الان ودي تعطينا رأي كل واحده منهن على حده ... وشكراً لك بارك الله فيك وأبشر بالحق وأنا أخوك ... والجوف تحت الأربعين أرجع لها ولو نزلها عانده وخذ المنحه وبتصير عليك بسعر ممتاز ... وأقبلها هديه وعربون أسف وندم على إستعجالي بالحكم على ردك الأول ...
السرحاني
31-03-2007, Sat 3:46 AM
أشكرك على المشاركه وأختيار موضوع هام يمس الجميع .. فلقد ذكر لي أحد الأصدقاء وهو ضابط بالشرطه أن لديه بلاغ عن سرقة مكيفات ومكبر الصوت لمسجد في الحي الذي يعمل صاحبنا في شرطته ... أنظر إلى مستوى وصلت الوقاحه









هذه ياكحيلان اللي مافيها علاج إلا الأملح!!!



يقال الصوره أبلغ من ألف عباره ولكن سؤ فهم المقاصد من البعض يقف حاجزاً دون عرضها.



بارك الله فيك أخي الفاضل.
alrajel
31-03-2007, Sat 9:04 AM
alrajel :
سلامتك من التعب والضيق يابعدي .. وقسماً بالله ضيقت صدري عليك وأنا رجال عزيز علي وماشفنا منك الا كل خير ... لكن كبار متعاملين السوق فهموا موضوع أن التجاره شطاره خطأ .. وبدأوا يتخذون أقذر الوسائل للحصول على الربح مما قد يصل بهم الأمر للكذب والخداع وهذا جزء لايتجزأ من ضعف الوازع الديني مقابل المال ... لكن تأكد أن الله هو من رزقنا وهو من كتب لنا كل شي فاللهم لاإعتراض .. ولي موضوع بحاول أعطيك الرابط بأسم " صناع بمواصفات جن " ... وإذا انت خابر اني أخدمك بشي أبشر من عيوني وتامر أمر ..
صدقنى يابومحمد ردك اعاد الثقه لى ومسح كل هموم السوق,عندى الصادرات فقط
ولازلت احتفظ بكاش ولله الحمد وسوف اعدل قدر استطاعتى البيع من فوق واحتريه
من تحت لشراء والحمدلله استطاعت تقليص كلفة الشراء من 88الى 81 يوم الاربعاء واليوم باذن الله سوف اقترب من سعر الاغلاق لهذا اليوم,وفقك الله وجزاك
الله كل خير,بصراحه اتفائل بالسوق كلما رايت موضوع لك وهذه حقيقه