والطيب نهرٍ لو دفن صاحبه حي

[محمد بن صالح]

يازيد خذ شطرٍ حفظته وهو لـي






الرجل ماهو شي من دون ربعـه






لا صار ماهو صخرةٍ من جبل طي






خله ولو زين مع النـاس طبعـه






لا بد من يومٍ يحاسب على شـي






وتجوعه دنياه من عقـب شبعـه






احدٍ يقاوم جسمه الفصد والكـي






واحدٍ ردي لو يزبع الصبر زبعـه






والطيب نهرٍ لو دفن صاحبه حي






ماتجحد ضفافه مع الوقت نبعـه






طال الكلام وعلة الوقت هي هـي






ومن راح مقفي جعله اقفاي ضبعه



محمد مريبد العازمي

[الرويلي]

كلام جميل...!

لكن سعد بن جذلان الأكلبي له رأي آخر الأ وهو

ودنا بالطيب لكن الزمن جحاد طيب.

[محمد بن صالح]

كلام جميل...!

لكن سعد بن جذلان الأكلبي له رأي آخر الأ وهو

ودنا بالطيب لكن الزمن جحاد طيب.

وجهات نظر وكل قول له تخريج ومادامك ذكرت ابيات ابن جذلان فاليك طرف منها

ودنا بالطيب بس الدهر جحاد طيب * كل ما تخلص مـع النـاس كنـك تغشهـا
يدك لامدت وفاء لاتحرى وش تجيب * كان جاتك سالمـه حـب يـدك وخشهـا
كـل ماشبيـت نـار المحبـه مـع حبيـب * قـام يسحـل فـي مشاهيبهـا ويرشهـا
وكل ما واجهت لك فالزمن وجه غريب * مثل ماقال المثل دام تمشي مشها
وذمةٍ ماهيب تندار للحق المصيـب * جعـل قشـاش الحطـب لاسـرح يقتشهـا

[محمد بن صالح]

شبيت من راس الفتيل القناديل
وذبحت في ميلاد شعري تميمه

شاعر وامثل لابتي خير تمثيل
شعرن جديده يفتخر في قديمه

ابقى على حلم الليال المقابيل
تدفعني النخوه وقو العزيمه

ما اقول انا نجيب والا احمد زويل
اهل العقول الراجحه والحكيمه

لكن نحاول نرتقي جيل عن جيل
واكبر فخر إنا من امه عظيمه

ايامنا ذل وهوان وغرابيل
تهدم قيم والجهل مسرح جريمه

واعلامنا غزو عقائد وتظليل
قناة تمثيل وصحافه عقيمه

والشعر فصل حال الايام تفصيل
وجسد معاناة الشعوب الأليمه

واصدق لساني حلل الوضع تحليل
احساس شاعر نابع(ن) من صميمه

وانا ليا تغربت من غير تأويل
ارضي طموحي وافهمي يا فهيمه

انا ادري انه غرك القال والقيل
وكثرت عليك علوم راع النميمه

لكن ترى ماعاد لي للصبر حيل
ولا عدت اطيق المهزله والظليمه

صحيح اجابه صدمة الوقت وآشيل
والصبر مفتاح الفرج والغنيمه

واحاول ادور للأعذار تعليل
واقول ما ينسى نديمي نديمه

لك بين ريضان الحنايا مداهيل
ولك بالحشى حشمه وشيمه وقيمه

خوذي كلام اللي ليا قال ما يميل
وخلي كلام اهل العقول السقيمه

يا وردت(ن) مالت على ضفة النيل
يهبها ريح العبير ونسيمه

انا احتدملك وانثني واسرج الخيل
واعنلك واكرب شداد ريمه

ثلثين ليل وثلث باقي من الليل
بعد القطيف وقبل مفرق رحيمه

ترسل وانا مانيب يم المراسيل
الوضع سيء والنوايا مقيمه

رسايلك توحي بقطع المواصيل
الله يبيح اللي رعاك ويديمه

ماهو كذا تقفي وذودي مباهيل
وتهل دمعك مثل دمع اليتيمه

جرحتني توك وانا جرحي محيل
وهزمتني وانا ماعرف الهزيمه

وانا من احفاد الرجال المشاكل
بني عطا أهل الصفات الكريمه

إليا حدرنا وادي(ن) ضاربه سيل
وإليا تسندنا جبال(ن) مريمه

والمرجله لوهي ورا الجدي وسهيل
نسعالها سعي الغريم لغريمه

فهمتني والا تبي ندبل الكيل
نصيحتي خل العلاقه حميمه

لا تحسبن دمعي يبل المناديل
لا واللذي منعم عليك بنعيمه

إن رحت عني جعل دربك تساهيل
وإن جيتني غالي وقدر وحشيمه

طبعي كذا ماركض خلاف الاقاويل
وحسيبنا محيي العظام الرميمه


محمد مريبد العازمي

[محمد بن صالح]

قصيدة الشاعر السواط بعد خروجه من مسابقة المليون












يا لاهب الجمرة على الغليون





ماعاد عيني تقبل الدخان,





خل الوجع وسط الحشا مكنون





واسوق فنجاله من الرسلان,





ويميل من نخل الحسا عرجون





يطعم حلا تمره نظيف لسان,





يميّز اهل ( التين والزيتون... )





التين والزيتون والرمان,





ولا الحسودي يعصر الليمون





على حشاه ويعزم الشيطان,





والوقت لا صاحي ولا مجنون.





والتجربه تثبت لك البرهان,





والناس لو يدرون مايدرون





.والبحر فيه القرش والمرجان,





والله يخلّي (شاعر المليون)





ورّاني الاصحاب والعدوان,





صارت عيوني عن ثمان عيون





واحقّ ما يخفى ورى الجدران,





عن البضاعه قيمة العربون





وعن الكتاب يكفّي العنوان,





واثر اختلاف الشكل والمضمون





مثل اختلاف الطعم فالريحان,





كم من جبل شامخ طلع كرتون





.وكم من رجل فارغ طلع مليان,





ما فرّق الأمين.. والمأمون





مع انهم يااهل العقول أخوان,





الا لظا الغيره ...وحرب الهون.





وراسٍ رماه الزود فالنقصان,





عزاي وقفة سيفي المسنون





اهل الحميّا ربعي العتبان,





واليا بدا فالماقف الدندون.





وش حاجتي في طقّة الورعان,





شاعر ولي بين السحاب لحون





يسجع بها القمري وهو طربان,





مااقول مثل الشيخ ابن لعبون





ولاْ احسن امن الرمز ابن جدلان,





لكنّ كلٍ في ...جماه سنون.





وكلٍ على... بحر الفكر ربّان,





ما(ضرّ )ابن حمديس ابن زيدون





ولاْ الغى ولد سينا.... ولد حيّان,





يكفي شهاده من صليب الشون





مستور ابن تركي رفيع الشان,





لحيه تفرّق... بين لون ولون





ماهيب....... لحية صاحبي غسّان,





والحمد لله.... رب هذا الكون





والشاهد الله.... ماني بخسران,





فرشت فالقمرا سُفر وصحون





على شرف حلم .....وطموحٍ كان,





مارحت ادوّر كيس ابن طحنون





ولاّ علاقه......... معْ بنْ نهيّان,





والآدمي.. دون الكرامه دون





مايرفعه ...حاكم ...ولا سلطان,





وش قيمة الإنسان يوم يهون





ووش قيمة.. الشاعر بدون انسان,





هاذي حكاية شاعر المليون





من جمرة الغليون ........للدخان,