إلى مضارب تبوك الزراعية مع التحية

[تأبط اسهماً]

مساك الله بالخير
ياخوي عيب اللي قاعد تسويه بالسهم ضغط ضغط ...إلى متى يعني ؟
والله إني أشك إنك مضاربه الأجودي اللي ارفعه إلى ما فوق 120
.............
عموماً إذا تبيني اضمك للأسهم السلاحف (الكهرب , التعمير , الجماعي, المتقدمة)
ترى ماعندي مانع ... وترى إذا غيرت نظرتي فيك ماراح أضارب معك :) وانا عارف هذا اللي تبيه تطفيش بتطفيش
عموما سهمك الحين ب42 وياريت تشيل من قلبك الحسد وقل يارب ارزقني وارزق مني
........
اتمنى تكون وصلت الرسالة وفهمتها زين

[JASSAS_VB]

رميتها في وجهه الله لايوفقه جعله يغص فيها
حسبي الله عليه ونعم الوكيل

[تدوير]

أما المضارب هذا تحفه
رميت اسهمه بوجهه على دفعتين بخساره ويالله الخراج منه
مضارب اقل مايقال عنه انه غبي مع احترامي للقراء

[مزاج ®]

هههههههه

يالبا قلبك يا تأبط اسهماً ,, اثاري مهوب انا بس اللي مندبله تسبده :D

[سهم نامي]

مضارب السهم حاصل على زمالة التعمير في قتل السهم . والبورد الكهربائي في التطفيش :mad: :mad: :mad: ...........

[تأبط اسهماً]

ألا قبحه الله من مضارب حسود
بيعني ب42 وووز على 44 وعينك ماتشوف إلا النور
بس شرهتك عاد عاللي يضارب معه مرة ثانية
أقول يامضارب تبوك الله لا يهينك اطلع من السهم وشف لك سهم سلحفائي من ذوات الزواحف زيك بس الله يعين ملاكه من عقبك ....

[المفارق]

السهم يرزخ تحت التجميع , أفضل سعر للشراء 40 - 41.75
أمامه مقاومة عند 44.75 إختراقها يعني توجة السهم مباشرة
إلى 50.75 ريال .. لا أملك بالسهم وبالتوفيق لملاكه

[shahrayar]

رميناه بوجهه الاربعاء الماضي .... مهوب كفو ...

[سليمان الطلق]

العمل مع السهم مابين
44
37
ولا تنسى وقف الخسارة

[تأبط اسهماً]

اتضح لي بما لا يدع مجالاً للشك إنه أكبر جشع وحقود وحسود
ألا قبّحك الله وقبّح طريقة الا ستبزاز التي تنتهجها
ارفع السهم لا وفقك الله فيه ولا ربحت

[تأبط اسهماً]

((وما ظلمناهم ولكن كانوا أنفسهم يظلمون))
الأسهم متماسكة وضغطه على سهمه مستمر
لو أغلقت السهم اليوم تحت 42 لا تلوم إلا نفسك راح تكون مضموم للقائمة ولا تحاول فيني أشيلك منها