الجار الله الآن ليس بسوق السعودي ولله الحمد

[علاوة إصدار]

الجار الله ممكن يغرمونه 300 مليون وترى هذا شي في صالحنا يااخذون منه فلوس الضعوف اللي كانو بتهامه والباحه وغيرها وبعدين الحمدلله الجار الله الحين مو بسوقنا يعني ماله تأثير وللحين ماصار شي بعد لسى فيه محاكم وخرابيط يعني ماراح يقولون شي الحين وهذا اللي سمعته :)

[مـاجـد]

ممكن يغرمونه 300 مليون
وين بيروحن هالريالات أكيد لخزانة الهيئة ...
يعني تيتي تيتي مثل مارحتي جيتي
شكل الهيئة بعد التغريمات بتصير هي اعلى دائرة حكومية بالدولة ...

ياكثر الإشاعات بالإقافات متى مابدى السوق يرتد تم بث الإشاعات وقُتل ماتبقى من لم يُقتل

[علاوة إصدار]

لاتخاف سوقنا بالقاع ماجد والله انا كل فلوسي بسوق ولا راح اطلع وبعدين هذا خبر تغريم مضارب مو توقيف شركه او غيرها وبعدين هو مو بسوقنا حاليا يعني شي حلو يسحبون منه وغير كذا تذكر القحطاني يوم غرموه السوق فوووق كان وغير كذا لسى الجار الله فيها سين وجيم توهم يعني

[علاوة إصدار]

صدقوني سوقنا ماصابه الا الحسد ترى لو انت بحفره ورزقك مكتوب لك بيجيك يعني في خشاشي ولا قيادي بيجيك رزق واتركو عنكم الحسد ارازق بسماء

[moj]

اخوي وش دراك انه مهوب في السوق.
بعدين هذه اشاعه اطلقها احد مشرفي منتدى وقال انها من وكالة يقولون.


يا حبكم للاشاعات.

[علاوة إصدار]

صادق يقولون بس الاكيد انه مو في السوق السعودي واللي متأكده منه ان سلطان بن محمد ومعاه اكثر من شخص رفعو عليه قضيه وهو من زمان بعد ماوهق البشريه من زمان في الباحه رمى عليهم وراح لدبي مايقدر يجلس بسوق السعودي بيتوهق كل احد جالس له وبعد ماراح على طول سلطان بن محمد رفع عليه قضيه هو من المتضررين منه وكان بينهم عقود

[سهم نامي]

حتى لو غرموه وين الفلوس بتروح من يد حرامي ليد نصاب

[for ever]

لا تصدق كل ما تشوف ولا نصف ما تسمع


ويا كثر ما سمعنا عن السوق ولا شفنا شي

[علاوة إصدار]

مصدر مسؤول بالهيئة ينفي شائعة تغريم مضارب مليار ريال

حزام العتيبي (الرياض)
نفى مصدر مسؤول بهيئة سوق المال السعودية الشائعة التي ترددت يوم أمس عن تغريم مضارب كبير مبلغ مليار ريال لتلاعبه في سوق الأسهم.وأكد على أن مثل هذه الاخبار تعلن مباشرة من قبل الهيئة لحرصها على مبدأ الشفافية الذي تتبعه مع المتعاملين في السوق سواء الشركات او الافراد.وأهاب المصدر بالمتداولين البعد عن مثل هذه الشائعات التي تضر بالسوق والحرص على متابعة الشركات وقوائمها المالية قبل الشروع بالاستثمار او المضاربة فيها.
__________________

[علاوة إصدار]

اقووووووووووووووووووووول ترى الجار الله ماله ولا ريال بسوق السعودي من شهور غرموه ولا ماغرموه مالنا دخل وكلها بتروح بجيب الهيئه :)

[مميز]

الجارالله موجود في السوق


وعليه غرامه


خذ العلم

[علاوة إصدار]

مميز خذ العلم مني مو بسوق السعودي من زمان من ايام الباحه هج لللامارات

هو وفلوسه ترى جابوه بالانتربول واول شكوى قدمت من سلطان بن محمد سعود الكبير وغرامه انا كتبتها فوق من ثلاث ايام اعتقد طالع التاريخ فوق

وترى فيه ثنين الجار الله اللي بيغمونه اللي كان بالباحه وتهامه قبل ومن شهور مادخل بسوقنا كثير مترصدين له والجارالله الثاني بسوقنا ويدير محافظ ولا عليه شي اللي هو الجار الله ((القحطاني ))

[أبو جلنار]

الرجال رجع من دبي وهو شغال على اسمنت اليمامة والجنوب " المحرم " ..

[علاوة إصدار]

اللي بسوقنا يسمونه الجار الله قحطاني وفيه الجار الله اللي راح الامارات

[سهم صاعد]

مميز خذ العلم مني مو بسوق السعودي من زمان من ايام الباحه هج لللامارات

هو وفلوسه ترى جابوه بالانتربول واول شكوى قدمت من سلطان بن محمد سعود الكبير وغرامه انا كتبتها فوق من ثلاث ايام اعتقد طالع التاريخ فوق

وترى فيه ثنين الجار الله اللي اللي بيغرمونه واحد بسوقنا

اموت بمن يملك قوة معلومات مثلك اخي علاوة اصدار

انت 100%:D :D :D

[علاوة إصدار]

المشاركة الأصلية بواسطة علاوة إصدار
مميز خذ العلم مني مو بسوق السعودي من زمان من ايام الباحه هج لللامارات

هو وفلوسه ترى جابوه بالانتربول واول شكوى قدمت من سلطان بن محمد سعود الكبير وغرامه انا كتبتها فوق من ثلاث ايام اعتقد طالع التاريخ فوق

وترى فيه ثنين الجار الله واللي هج لللامارت هو اللي بيغرمونه يعني الحين مو بسوقنا واللي بسوقنا الجارالله ((القحطاني ))

وترى يالمصدر جيت اصحح ولا اعرف وين طار كلامي اللي عملت له كوبي وكتبته مره ثاني وصححت الكلام الاخير :)

[سهم صاعد]

وان غدا لنظره للقريب

[صـياد الأسهم]

جا رالله القحطاني
ماسلم من شره احد

حاس وداس في شركات السوق ولا حسيب ولارقيب

[بريماكس]

علاوة اصدار

كلامه صحيح