المساعد الشخصي الرقمي

مشاهدة النسخة كاملة : إبراء الذمم .. شعار 2007 م


عزيززز
19-01-2007, Fri 12:07 AM
___________

وش معنى إبراء ذمه ؟

معناها بريء يبيه ..
معناها .. صدقوني ياجماعه ماسرقت ولا ريال واحد

__________

يعني لو أصير رئيس شركه في يوم من الايام .. وأنفض الخزنه باللي فيها .. وأوقع عقود وهميه .. مع شوية بهارات لزوم عدة الشغل ..
وأطلب إبراء ذمه .. مانبغى تعقيد ياأخوان ..
عطونا إبراء الذمه .. وخلونا نتوكل على الله .. :o
وإللي بيعطيني إبراء الذمه .. أو خلونا نسميه صك الإعسار الخاص بالشيوخ .. ترى له نصف الذبيحه
وكذا الشغل وإلا بلاشي ..

_____________

الحقيقه شيء مدهش ..

البنقلاديشي لو تعطيه عشرة خرفان وتقول له .. يبيعها بربح 20% تلقاها يبيعها بربح 30%
وشركة المواشي المكيرش أنعام .. ماقدرت تربح في بيع الخرفان على الشعب السعودي .. بالرغم من كوننا شعب أكيلة لحوم .. وعندنا رمضان وعيد أضحى وحجاج !!!! :rolleyes:

______________

أخيرا يجي عمنا الأمير ويرأس الشركه .. ويعطي المكيرش وربعه إبراء ذمه بمئات الملايين !!!

______________

الغريب وإللي نعرفه . إنه كل الأمراء يعرفون من اين تؤكل الكتف .. وعمرهم مايخسرون ..
وش يخلي حبيبنا هذا يطيح على راسه ؟؟
على قولة المصاريه .. أنا الفار بدأ يلعب في عبي .. :)
____________

المفروض أي شركه خسرانه .. يتم تسليمها لوزارة التجاره .. ومايفكون رئيس مجلس الإداره إلا بعد أن تتأكد الحكومه بشكل قاطع .. إن الخسائر ليست نتيجة تلاعب أو سرقات أو تفشي الفساد والرشوات ..
وإذا تم التأكد من سلامة توجه الرئيس السابق يتم نقل مجلس الإداره إلى الشخص الجديد ..
____________

ومن متى صارت فلوس الناس لعبه في أيدي الكبار ؟

_____________

كوسه :cool:
_______
ابن بطوطة
19-01-2007, Fri 12:24 AM
يا شيخ .. كبار دماغك يا عم ..
احنا هني في زمن .. الامعقول معقول ..
والحليم صار مهبول ..
والواحد ماياكل غير الفول ..
دحنا في زمن .. خلي لسانك معسول ..
وشماغك وثوبك مش مغسول ..
واعمل حالك مثل المشلول ..
تنكب عليك الفلوس بالمشئول ...
-----------

ما ادري وش معني مشئول ..!!
هلالي
19-01-2007, Fri 2:07 AM
الله يذكرك بالخير يا رئيس مجلس ادارة اينرون (Enron)!
175 سنه سجن فقط!

مشتاقين يا عزيززز
هلالي
19-01-2007, Fri 2:15 AM
الله يذكرك بالخير يا رئيس مجلس ادارة اينرون (Enron)!
175 سنه سجن فقط!

مشتاقين يا عزيززز
Dr.Chemical
19-01-2007, Fri 4:24 AM
هلا والله بعزيززز ...

وينك يا بو عبدالمحسن؟
من طول الغيبات جاب الغنايم، وأكيد جايب لنا سهم فيه تدبيله أو رالي صاعد بنسبة 50%

المهم أنك رجعت وعلشان كذا نبي شارت يحبه قلبك للسوق والأسهم القيادية.
نبي توجهها وتوقعاتك لحركاتها بالفتره المقبله، ومناطق الشراء.


تحياتي لشخصكم الكريم
أبوفهد العنزي
19-01-2007, Fri 4:56 AM
هلا وغلا ابو عبد المحسن

الان وقت هبرة ماهي بصاحية بالسوق, بعد تقلص اسهم المضاربة:

فكرفنياً بالاسهم خشاش خمس نجوم"الرابح"(المصافي, فيبكو, معدنية, صادرات,تهامة)

وياغناة الذيب يا فقره.