█----█ شنهو رائيكم .. معي بعض الفليسات اقطها بسوق الاسهم ولا اشتري جيب تويوتا..؟؟ [الأرشيف]

مشاهدة النسخة كاملة : █----█ شنهو رائيكم .. معي بعض الفليسات اقطها بسوق الاسهم ولا اشتري جيب تويوتا..؟؟

ابن بطوطة

09-01-2007, Tue 9:22 PM

شنهو رائيكم ..!!
معي بعض الفليسات ..
اقطها بسوق الاسهم ولا اشتري جيب تويوتا..؟؟
http://www.mekshat.com/pix/upload/images25/mk19849_wwww.gif

اابوفيصل

09-01-2007, Tue 9:27 PM

هلا بن بطوطة بصراحة مع هذا الثلج جيب اطيب لك

بدري عليك

09-01-2007, Tue 9:37 PM

sir

09-01-2007, Tue 9:38 PM

اول شئ ادفع حق الاعلان :)

شايع العتيبي

09-01-2007, Tue 9:44 PM

http://thegulfbiz.com/images/icons/icon1.gif ▄ █..انقهروا يا هوامير فلوسي لي ولعيالي .. █ ▄
نعم يا هوامير لن ولن اعطيكم ما تبقى من مالي .. سوف امتع نفسي وعيالي بما يرضي الله .. وسوف اتصدق على المحتاجين ..

طبلوا ولا ماتطبلون..وليخسا الخاسؤون وليخسأ المطبلون ..
لاياخذونها منك انتبه

ابن بطوطة

09-01-2007, Tue 9:55 PM

ااابوفيصل .. بيني وبينك صورة الجيب فتنة ..
بدري عليك .. والله دخنا جني ارباح ولا انهيار ما عاد ندري وش الطبخة ..
ابو يوسف .. اللي تامر به يا سكر ..
شايع العتيبي .. والله هايدا اللي مخوفني ..
هلا والله بكم جميعا ..

ابن بطوطة

09-01-2007, Tue 9:58 PM

مساهم عقاري .. تستاهل كل خير يا عسل ..

مساهم عقاري

09-01-2007, Tue 10:02 PM

وش رايك تعطيني قيمة الجيب بمكرر ارباح 45

دحمي الأسهم

09-01-2007, Tue 10:35 PM

ما لا يختلف عليه إثنان ولا يتناطح فيه عنزتان إن للنزول بقية....
فلا تدخل سيولة جديدة بالسوق حتى ينتهي الترند الهابط ويبدأ السوق بالعطاء بعد طي عملية التصحيح بشكل كامل...
موفق ياعسل

ابن بطوطة

09-01-2007, Tue 10:40 PM

دحمي الاسهم .. والله تحيرنا ..!!! نزول و انهيار ونزول وتصحيح وجني ارباح وتصريف وعلى هيك الحال ...الخ ..

ابن القريه

09-01-2007, Tue 10:48 PM

ياعسل عندي لك راي اشتر تايوتا كهنه على راي اخونا المصريين وكلنا اتقدم فيه الي وزراه التجاره وهيئه المال ونطرحه للاكتاب بعلاوه اصدار 110 ولي 75%والباقي لك

ابن بطوطة

09-01-2007, Tue 10:57 PM

ابن القرية .. اكو حساب وعقاب .. اشلون ندشش عيال الناس ونعلقهم مثل الحكير ..

ابوعبـــدالله

09-01-2007, Tue 11:26 PM

جيب جيب جيب جيب جيب جيب جيب وانت الربحان ومثلك ما يحتاج مشوره ؟؟؟

ابن بطوطة

09-01-2007, Tue 11:38 PM

ابو عبدالله .. على هونك يا سكر .. ممكن اكو مشروع تبيدله .. بس اخاف تكون بالريوس ..

شيخ الاسهم

09-01-2007, Tue 11:58 PM

يا ابن بطوطة
خلك من الجيب ومن الاسهم
وتزوج بشرط

اذا انت مو متزوج فتزوج
اما اذا انت متزوج

فتزوج الثانية

ابن القريه

10-01-2007, Wed 12:03 AM

ياعسل عيال الناس يلقون من يشري منهم ماتخاف اذا بيشه كان سعرها 2500

مدرعم في الاسهم

10-01-2007, Wed 1:06 AM

أأأأأأأأأأأأأأأأأه يابو بطوطه والله انك جدت الجروح القديمات

قبل انهيار فبراير بيووومين فقط كنت ناوي اطلع من السوق

واشتري القصر والبوناراماااااااااا

لكن الحمد لله على كل شي

تقبل ودي اخووووووووووووووووك

AL_ZAMIL

10-01-2007, Wed 1:56 AM

اشتر وطرب عمرك نعنبو هالدراهم اللي ماتسر راعيها
والسوق لاحق عليه وغثاه .. لي كم سنه بهالسوق والله اني حارم نفسي اشياء
ما تتوقعها ارباح ما تتخيلها راحت ادراج الرياح
تدري وش كسبت بهالثلاث سنوات ههه كسبت شي واحد اني اكتسبت
لياقة باصابع يدي ======= من كثر الاوامر الله يخلف
والله لو ادخل مرثون لسبقهم بصيبعاتي
ايه نسيت واشترك بمباشر من فوس المضاربه =====} واقول وين يروح رويتبي الله يخلف كلش على هالراتب وهالمحفظه مايطلع منها شي
طبعا سابقا هالكلام لكن من اسبوع وانا اي ربح ابطلعه
لو اربح ريال ابطلعه لو اشتريبه صامولي ولا يجي من باتسر وياخذونه

الملا نعيم

10-01-2007, Wed 2:05 AM

:d :d
اشتر جيب
تويتا شيك
والاسهم تجيب الشيب

واذا زاد معك شي
شوفلك لبنانيه
على السنه المحمديه

fahad_0500

10-01-2007, Wed 2:21 AM

والله مدري وش قصدك بس ضارب بها ولا حطها كم يوم بشركه سعرها معقول زي
التعمير تحت 20 والله يوفق

سهم صاعد

10-01-2007, Wed 2:31 AM

الجيب

ازين واستمتع فيه انت والصبيان والاهل

واجعلها رحلة ابن بطوطه في الربيع

المقرود

10-01-2007, Wed 5:05 AM

والله نفس حكايتي وكل يوم في وكالة وأشوف (الفورتشينر) مكرر أرباحه زوين مع سعره وتويوتا بس صناعة تايلند،،،،،،،، أما اللاندكروزر فاسعاره مبالغة جدا

ابن بطوطة

12-01-2007, Fri 12:46 AM

شيخ الاسهم .. انا متجوز ومخلف والحمد لله ومش عاوز ست سانيه ..
ابن القرية .. تقصد بالاسهم أن العرض اكثر من الطلب ..!!
مدرعم في الاسهم .. لست وحدك لكن الطمع افسد ماجمع والحمد لله ..
الزامل .. عاد ابشرك أني مستفيد من السوق كل يوم تقريبا اشتر خبز صامولي ومفرود من مخابز المملكة ..
الملا نعيم .. كان تبغاني اخاويك لطرابلس بشمال لبنان تراي اعرف لبناني مهندس وممكن ندبر لك وحدة تنسيك نفسك .. ربي يخلي لياك ..
فهد .. يبن الحلال كلما نحط فلوسنا بسهم صار تصريف .. مدري وش علاقتهم بمصلحة المياه والصرف الصحي ..!!

ابن بطوطة

12-01-2007, Fri 12:51 AM

المصدر الخطير.. والله يا زين الرحلة العائلية ولك اجر من الله من ادخال السرور على اولادك .. وتربيهم صح 100%
المقرود .. ماعليك من صناعة تايلندية ولا غيرها كلها شركة وحده .. ولعلمك المرسيدس يصنع بدول خارج المانيا ..
الفورتشنر سعر في حدود 90 ألف والاندكروزر GXR قير اوتامتيك في حدود 166 ألف ريال

بدري عليك

12-01-2007, Fri 3:18 PM

هلا والله ابن بطوطة ،،أعتقد الوقت غير مناسب بعد هذه النسب ،،،،
تبي العلم اصبر وبعد جني الأرباح دش السوق وإن شاء الله تطلع بدل الجيب جيبين لكن حلوووة صورة الجيب بتاعك :D
لكن بشرط تدخل بسهم على شاكلة محبوبتك بشبوشة ،،،:eek:
هلا والله ابن بطوطة صار جني الأرباح يالله عاد استعد وجهز كاش الجيب ،،،
وترى يوم الاحد بتكون الطبخة استوت على الآخر وجاهزة للأكل وخاصة في الأسهم المحترمة ،،،
وإن كنت خايف نسويها على الورق ومانت خسران شي ،، وانشوف النتيجة والمغامرة هل تنجح أم لا وللمعلومية اخترت سهم محترم ونصف محترم لان الخشاش سيعاني لمدة يومين بسبب حبيبة قلبك بشبوشة والحملة عليها :D
الى أن يبتهي إجبار صغار المستثمرين بالبيع عند القاع بكل سهم خشاشي
والسهم هو / سهم حبيبنا الغالي العضو ( فينيسيا ) ،،،
الدوائية سعر الشراء 43.50 ------ 44.50 والبيع ؟؟؟؟؟؟؟ بعدين ،،،،
والسهم الثاني ،،،،
الأحساء سعر الشراء 29.50 ----- 30.50 والبيع ؟؟؟؟؟؟؟ بعدين ،،،،،
والله كان ودي أختار لك سهم مضاربة لكن الأحوال الجوية لاتساعد في هذا الوقت ،،
تحياتي ،، بدري عليك ،،،

بشار

12-01-2007, Fri 6:39 PM

شنهو رائيكم ..!!
معي بعض الفليسات ..
اقطها بسوق الاسهم ولا اشتري جيب تويوتا..؟؟
http://www.mekshat.com/pix/upload/images25/mk19849_wwww.gif

انا اوصيك بقوة تشتري جيب. واقترح ان تشتري جيبي زي اللي في الصوره وتراه مدرب على الطعوس مو على ثلج
سم باسهم.

متابع التداول

12-01-2007, Fri 6:52 PM

وهني يالي من الطلعه شبع
.........وراح للمقناص مع قرم العيال
فوق جيب اخر موديلات الربع
.........فيه خفة دم وفيه خفة ظلال
خطه بجنبه تقل ممخش سبع ولا توقيع الوليد بن طلال
.........لاتمقلته تقل ضارب ضبع
وان نطحته تقل برق في ليال
.........تقلب الهويات يقبع به قبع
شوتة الدعيع يوم المونديال
.........يسبع الطلعات بعيونه سبع
لاعطاه اثنين سواقه خيال
.........هو نعده نادر وغيره تبع
طير شرق جاذبه من راس عال
.........للمواتر يانتله يطق صبع
مايرده لاجبال ولارمال
.........طابعين العز في خشمه طبع
قوم فوجي لعن ابو هاك الخوال
.........قيمته بالكاش سبعين وسبع
الف بالدرهم ولا بالريال
.........يجبع المايع الي ياوصله جبع
الصلابه بمركبه ماهي خمام
.........ميزة آخذ من الفزه طبع
نمر مرنقط ويلحقله غزال
.........سايقه ماحط على راسه قبع
ولارمى طاقيته هي والعقال
.........ولا مطالعهم بعكاش وضبع
ولا اطلعوا نقبين
.........ولاراحو شمال بالعلا يشوون من رمي الصبع
اربع مطنخ زحازيح رجال
.........ظابطين الشاي من مي النبع
مع مهاديب الذهب حقب الدلال
.........هاه قولوا رايكم ياها الربع
اسمعوا بالله ابي اسالكم سؤال
.........هو بو احسن جيب من جيب الربع
جربوا والتجربه خير مثال.

ــــــــــــــــــــــــــــــــــــــــــــــــــ ــــــــــــــــــ

أبوحنين

12-01-2007, Fri 7:16 PM

متع عمرك يابطبط

قبل الفاس يطيح بالراس وتخسر الباقي والقاك عند البقاله تقول راحت القريشات الجيب اقل شي شيك في الجيب لو تبيعه متى مابعته قيمته فيه

مستشار نت

12-01-2007, Fri 8:23 PM

يقولوا الجيوب الندكروزر متضخمه ويمكن يجيها تصحيح مثل الجمسات وغيرها

انتظرها عندها قاب على 97يمكن تسكره القطها وتكفى لاترشنا

اقول تمتع بفلوسك الله لايبارك للى سرقونا بوضح النهار واحنا فاغرين نتفرج بحلالنا كل يوم ينقص

Saudi Expert

12-01-2007, Fri 8:37 PM

إلا اشتر جيب لكزس بعد عشان ما يبقى معك شي تفكر تدخل فيه للمحرقة !!

ابن الجزيرة

12-01-2007, Fri 8:54 PM

تكفى يابن بطوطة

اشتره وكد عليه بالمنتدى الدورة بـ5 ريال

وانا اول واحد احجز عندك

سنايدي

12-01-2007, Fri 9:10 PM

حطها بالسوق ومن الارباح اشتر الجيب ويمدحون ابو شنب راعي الصفير

سراب سهم

12-01-2007, Fri 10:08 PM

تعال يا ابن بطوطة بقول شي :

كل مرة ودي أسألك لك وأنسى

من وين تجيب هالصور الحلوة

عطني الموقع تكفى
كل مواضيعك أدخلها عشان أشوف وش الصورة اللي حاطها

ابن بطوطة

12-01-2007, Fri 11:00 PM

بدري عليك.. شكلك ماشاء الله ولد نعمه من جد .. ومشكور على التوصيات يا عسل ...
بشار.. الله يبارك لك في جيبك اللي بثوبك واللي تقوده .. وغير الجديد لا تدور يا سكر ..
متابع تداول .. الف الف شكر على القصيدة وصح لسانك وأنت بمكانك ..
ابو حنين .. فعلا الدنيا ماتسوى .. ويازين اللي يمتع نفسه ..
مستشار نت ..عسى يجي تويوتا تصحيح وتنزل ..بعدين الجموس متضخمه ..
سعودي اكسبرت ..بس اكو مصاريف بهايدا الدنيا ..وكل شئ يقول هات هات ..
ابن الجزيرة ..تستاهل كل خير يا سكر ..
سنايدي .. اكو فليسات بالسوق ومتعلقين باسعار عاليه والله يعوض علينا ..
سراب سهم..براسلك على الخاص يا عسل ..
.....................................
ما تلاحظون اكثر المعرفات اللي رديت عليها تبدأ بحرف السين ..؟؟

أبو جلنار

13-01-2007, Sat 1:20 AM

استخر وانصحك تحطها في السوق بعد ما يتم الاعلان عن بنك الانماء وجبل عمر ..

قلب الجزيرة

13-01-2007, Sat 1:26 AM

إذا شفت الناجل وصل ل80 توكل ..بعدها أشتر الجيب

مشاااري

13-01-2007, Sat 10:24 AM

يابن بطوطة ..
والله اللي أنت تفكر فيه مسوينها بشهر 6 ايام الصيفية والمؤشر كان بـــ13000 الا بعد بعنا أخوه وشريناه جديد(الله يطعمنا خيره ويكفينا شره)..توكل على الله بس .. وبعدين (أعتقد) أن السوق (حولك حواليك)يعني مهب رايح للي أنت خايف يروحله .

تحياااتي ،،