ديتلف ميلس
03-12-2006, Sun 11:55 PM
نعم والحمدلله هذا بفضل قروباتكم ودسائس بعظكم وطمع مسئولينا الله يحفظهم كل ما قلنا رفع زيادة راس مال ما يمدينا ننشر الاشاعه الا والموافقه قد صدرت وهات يافلوس (بسنا فلوس ياحسين ) المهم اشتغلنا بالاشاعات واشتغلنا في رفع السوق حتى اللي مادخل السوق يدخل حتى عامل البنشر دخل المهم صار السوق حديث الناس طمعنا بصراحه وش نسوي سيوله بالهبل مع هالناس ومدكنينها وش السواة ارفع السوق والطمع بيجيب هالمحرومين اللي عندهم ملايين ولا حتى يزكونها وفعلا صار الاقبال واوهمناهم بخدعه جهنميه وهي رفع قيمة اسهم الاكتتابات الاوليه الى اسعار خياليه وهات اللي عنده عايله من 8 افراد اخر الشهر يصفي له 25 الف ريال المهم (العمليه كبرت أوي) واشتغلنا على الموظفين بعضهم ترك شغله واستقال واكثرهم يفرك من العمل ويجي يمنا المهم مالكم بطول السالفه بس وقعنا في مشكله كبيره وخفنا بصراحه وهي دخلت اغلب البنوك اللعبه واتفقنا مع الكبار الكبار في هالبنوك في دفع السوق الى اعلى والبنوك راح تستفيد من رفع السوق ومثلكم عارفين عمولة 48 مليار كم؟ والتسهيلات( على ودنو) وهات يانسب نسب نسب اني اغرق اغرق في النسب وحنا يالهوامير على اعصابنا لين حانت ساعة الصفر ولا فيه احلى من الخميس وفعلا اتفقنا نرش ونلبي طلبات هالطماعين الصغار اللي قايمين صبح الخميس على ابو يشترون ويضاربون واعطينا الاشاره وبدأ القصف الجوي الشفره معروفه (تعطل النظام ) ما قصرو البنوك المهم بدا النزول من يوم السبت وهات يانسب نسب نسب اني اغرق اموت نسب في نسب ونزول وهات يانزول طبعا الوليد بن طلال عرف اللعبه مانقدر نخبي عليه غصب عنا عرف وقال اجيبها من الملك ونشوف من يكسب طبعا من حقه احترام له وللملك ما قدرنا وبعد اللعبه ما انتهت نبي نصرف الباقي مثل الوليد وارتفع السوق مثل ما انتم عارفين ونزل بعدها وابتدا المشوار ابتدا ابتدا ابتدا ابتدا الانهيار آه ياخوفي من آخر المشوار
ومن أيامها نشتغل مضاربه في الاسهم اللي نزلت نزول حاد اسماك باحه كابلات مواشي واستفدنا الناس الله يجزاهم خير يخدموننا ويشترون ياحليلهم يبون يعوضون مشت الامور الى بداية رمضان
والحمدلله قدرت اسيطر على اعصابي الى آخر رمضان ولا اعلم بالسر الخطير ولا راح اعلم واللي قلته كلكم شفتوه وياما حتشوفو وبصراحه ماعندي استعداد اخسر ريال واحد من ارباحي بعد هذا العناء وهذه الرحله القاسيه والمثيره وجزاكم الله الف خير ولا قصرتو وتعيشون وتاكلون غيرها يا احسن شعب شعب مؤدب مسالم حبيب ويدوم العز ياصغار المضاربين مضاربين قال هههههههههه
ومن أيامها نشتغل مضاربه في الاسهم اللي نزلت نزول حاد اسماك باحه كابلات مواشي واستفدنا الناس الله يجزاهم خير يخدموننا ويشترون ياحليلهم يبون يعوضون مشت الامور الى بداية رمضان
والحمدلله قدرت اسيطر على اعصابي الى آخر رمضان ولا اعلم بالسر الخطير ولا راح اعلم واللي قلته كلكم شفتوه وياما حتشوفو وبصراحه ماعندي استعداد اخسر ريال واحد من ارباحي بعد هذا العناء وهذه الرحله القاسيه والمثيره وجزاكم الله الف خير ولا قصرتو وتعيشون وتاكلون غيرها يا احسن شعب شعب مؤدب مسالم حبيب ويدوم العز ياصغار المضاربين مضاربين قال هههههههههه