والله إن الربح صعب .. جينا بنطلع قيمة ذبيحه أخذوا قيمة ذبيحه وحاشي ..!!

[الانيس]

يقولون السوق فرصة في
النزول
وأقحش من الاسهم بيديك ورجليك
وفيه فرصه مكسب ريال او ريالين وانت تضحك ..!!
لكن كل سهم تشتريه ينزل اكثر واكثر ..

قلنا بنطلع قيمة غداء ( أم رقيبه )
يوم الخميس الجاي
اخذوا مني قيمة ذبيحة وحاشي في دقيقه :eek: ..!!

وفوق الخساره
الذبيحة لازالت غائبه
وقيمتها فيني فيني يوم الخميس :mad:

:

من عنده سهم يعوضني قيمة ( ذبيحتين ) وحاشي :D


ويبشر بالغداء وهبة الريح
يوم الخميس في أم رقيبه ..!!

[خشاشي]

انا كنت موجود فيها الاسبوع الماضي.....بصراحة متعة فوق الخيال....الخميس القادم هو الاسبوع الاخير...نصيحة لكل متعلق انه يعدل في أم رقيبة!!!!

[القادم من بعيد]

الحمدلله ما اخذوا قيمه الددسن اللى بينقل الحاشى

[روميو]

اي تقع ام رقيبة على شان نروح لها

[كــcashــاش]

يقولون السوق فرصة في
النزول
وأقحش من الاسهم بيديك ورجليك
وفيه فرصه مكسب ريال او ريالين وانت تضحك ..!!
لكن كل سهم تشتريه ينزل اكثر واكثر ..

قلنا بنطلع قيمة غداء ( أم رقيبه )
يوم الخميس الجاي
اخذوا مني قيمة ذبيحة وحاشي في دقيقه :eek: ..!!

وفوق الخساره
الذبيحة لازالت غائبه
وقيمتها فيني فيني يوم الخميس :mad:

:

من عنده سهم يعوضني قيمة ( ذبيحتين ) وحاشي :D


ويبشر بالغداء وهبة الريح
يوم الخميس في أم رقيبه ..!!



لاتتعدى بنات المذن......إن خذو قيمتها تقدر تسجل على الحساب

[شيخ الأسهم]

قيمة الذبيحه والحاشي أخذها منك واحد ثاني يكشت بها
وليش تزعل ؟ المسأله تدوير
هههههههههه

[AIMASMS]

الأنيس ،، المتطورة خفيفة في الطلوع وثقيلة في النزول ، اليوم سعرها حلو !! أستخر ربك وان شاءالله تبيض الوجه !!! وبإذن الله بتغدي ربعك زرافة ماهوب حااشي !!:d

[خشاشي]

C:\Documents and Settings\snaqeel\My Documents\Bluetooth\inbox\23112006.jpg

[الانيس]

اخوي خشاشي
المتعه في الابتعاد عن هالشاشه الحمراء
لو تجلس فوق حصاه في القديه فأنت بخير ..!!
والصوره تراها ماطلعت
ارفعها عن طريق مرفقات المنتدى

:

الاخ : القادم من بعيد
لو فكرت اشتري ددسن
كان اخذوا قيمه قلابي
لكن الحمد لله ان تفكيري كان بس على ذبيحة ..!!

:
الاخ : روميو
ام رقيبه مع مفرق المجمعة ثم الارطاويه
ثم تفتيش ام الجماجم ( للقنابل النوويه )
ثم تجاوز لوحه مشذوبه
ثم امسك راسك من الزحمة
وان كانك راعي قطوع فشق الطريق مع الصمان للحصبيات
ثم طب عليهم
بس انتبه تضيع ثم تطلع على طريق الشرقيه :eek: ...!!

[سليمان الطلق]

السوق مريض

[خشاشي]

???????????????

[نجل الرياض]

الله يوسع صدرك بالعافيه يا الانيس ، ممكن توصف لنا الوضع كيف كان في ام رقيبه وصحيح فيه ربيع
يقولون فيه بنات الله يصلحهن يبيعون هناك ودي اروح انصحهم واعود :)

[الانيس]

اخوي كاش
بنات المذن لو كنت ابروح لحالي
او على رصيف طريق المطار :D
لكن المشكله عازم ربعي
ومواعدهم بلباني في هالجو الزين ..!!

:

الاخ : شيخ الأسهم
المشكله فلوسي اللي راحت
ماعليها وسم او ماريه
لكن الله يبارك له إن كانه بيكشت ويوسع خاطره ..!!

:

الاخ : AIMASMS
المتطوره ماضيها معي حلو
لكن هاليومين مالها أمان
وآ خر مافكيتها امس بخساره :mad: ..!!
لأن ريالها صار للاسفل ..
وخلنا على الهرفي وماله داعي زرافه او فيل :eek: ..!!

:

اخوي : سليمان أبوسليمان
ليته مريض ونتأمل شفاؤه
لكن السوق ماكل هواء :mad: ..!!

:

الاخ : خشاشي
وش العلم ؟

:

الاخ : نجل الرياض
وصدرك يالغالي
واللي هناك عندهم بيع وبورصة رابحة
غنم - حطب - سمن - حوائج حريم ( نياق) وقلايد
ورزق يجيهم كل سنه بسبب هالمزاين ..!!
وان كانك بتروح عشان تنصحهم فلاتروح ان طعتني
الناس لاهيه
وماعندهم إلا الزين والعلوم الغانمه
والستر :p