aburakan
16-11-2006, Thu 2:25 AM
أيها المستثمر الصغير
تذكر قبل سنتين إلى سنتين ونصف يوم انك ماتعرف السوق ولا حتى الاكتتاب
تذكر اكتتاب الاتصالات واكتتاب الصحراء يوم موظفي البنك شوي والا يحبون راسك بس تجي تكتتب قبل لا تصير مهازل مثل ما صار في بعض الاكتتابات .
تذكر يوم انك تروح الدوام وترجع تقيل وتقوم العصر وتروح تسير والا تلعب كورة والا تروح لمحلك اللي بالسوق والا تروح المعارض والا الاستراحة حتى يجي موعد النوم وترجع البيت وتحط راسك مرتاح حتى صلاة الفجر ( إذا أردنا النصر فلنصل الفجر ) وتقوم تصلي وتعين خير وتفطر مع العيال وتوديهم المدرسة والظهر تجيبهم .
تذكر زين يوم انك مرتاح و أمورك ماشية بالبركة وأحيانًا الراتب ما يكفي تروح تدور لك ألف ريال سلف على الراتب .
تذكر يوم انك تتابع نشرة الأخبار على القناة الأولى ويضيق صدرك إذا جاءت النشرة الجوية عفوًا النشرة الاقتصادية .
تذكر يوم انك الظهرية وانت جاي من الدوام تمر أقرب سوبر ماركت وتاخذ لك جريدة وتقرأ بتأني وإذا مريت الصفحة الاقتصادية شلتها من أساسها ، وأحيانًا تخليها سفرة .
تذكر يوم جوالك ما فيه إلا رسائل حب وعتاب وغزليات ونكت ومسوي حافظات لكل قسم قبل لا يكون جوالك محط لرسائل القروبات والتوصيات وجريدة الاقتصادية والعربية يضيقون صدرك كل شوي وانت بالعمل المؤشر يفتتح على انخفاض وأحيانًا على ارتفاع .
تذكر يوم الجلسة بالاستراحة كلها عن الكرة وعن الهلال والنصر والا فلان قال وفلان فعل
والا مسوين محللين سياسيين فاهمين وهذا طبيعنا دايم نحب نرز أرواحنا .
تذكر يوم الخميس يوم الطلعات والزيارات والكشتات قبل لا تبتلش وتقول لا فرصة ؛ ما أقدر أتابع السوق الصبح إلا يوم الخميس وباقي الأيام بالدوام .
تذكر يوم انك ما تعرف التاريخ الميلادي لأنك ما انت بحاجته أما الآن فتعرفه عشان جمعيات الشركات ونتائجها ، ونتائج الربع الأول ونتائج الربع الرابع وانت ماشي .
تذكر يوم المؤشر لا يعني لك شيئًا سواء أغلق إيجابًا أم سلبًا .
تذكر يوم انك تداوم مرتاح ولا تفكر بالطلعة إلا عشان تقيل لأنك ما نمت زين .
تذكر وتذكر و تذكر كلها ذكريات جميلة والمهم نفسية هادئة وقلب غير مشغول و فكر صافي .
تذكر أول يوم سولت لك نفسك بدخول السوق .
تذكر أول واحد تكلم لك عن السوق وعن الأرباح الخيالية اللي حصلها .
تذكر يوم تفكر بالقرض عشان تدخل السوق .
تذكر يوم تفكر تبيع سيارتك وبيتك عشان تدخل السوق .
تذكر أول اكتتاب اكتتبت فيه وخلاك تقتنع بالسوق وانه فعلاً مربح .
تذكر يوم انك تتصل على فلان وفلان عشان تسألهم وشلون التسجيل في موقع الراجحي .
تذكر أول عملية شراء وأول عملية بيع .
تذكر أول منتدى اقتصادي دخلته وقرأت فيه عن السوق .
تذكر أول توصية وصلتك .
تذكر أول مرة سمعت عن الاستثمار والمضاربة ومتى فرقت بينهما .
تذكر أول سنة مرت عليك يوم انتهى اشتراكك وشلون تجدد الاشتراك .
هذا اللي يبونه منك صناع السوق أيها المستثمر الصغير .
يبونك ترتاح وتريح يبون مايشوفون رقعة وجهك بالصالة ولا تدخل النت عشان تفتح تداول الراجحي ( الغالبية بالراجحي عشانه بنك الغلابا واللي نواياهم طيبة يبون بنك بعيد عن الربا )
يبي الصناع منك انك ترجع لحالتك الأولى وذكرياتك .
يبون منك أن تطوي صفحة من صفحات حياتك وتنساها بما فيها من مآسي وآلام .
يبون منك أن تترك السوق إلى غير رجعة .
يبون منك أن تنسى أرقامك السرية واسم المستخدم لتداولك عن طريق النت .
يبون منك أن ترجع للاستراحة وسوالف الكورة والسياسة .
يبون منك أن تعيش على ذكريات التداول .
يبون منك أن تنسى و أن تتناسى ما عرفت من مؤشرات ورسوم بيانية وشارتات .
يبون أن يبقى السوق للنخب الخاصة والمحترمة كما هو الحال مع الشركات المحترمة .
يبون السوق لهم بس بالعربي .
يبونك تفهم أن هذا ليس من حقك فهو لهم أما أنت فدخيل عليهم .
يبون يطردونك من السوق بأي طريقة وأية وسيلة ولو وصل الأمر بهم أن يوصلوا المؤشر ألف نقطة بالسالب .
هل فهمت أيها المستثمر الصغير ما يريدون ؟!!!
هل استوعبت فحوى القرارات التي يصدرون ؟
ولكن يبقى السؤال هل ستستسلم في النهاية وتترك لهم سوقهم أم أنك ستبقى غصة في حلوقهم .
كتبه ابو راكان بلهجته العامية ليكون موضوعًا شعبيًا يستطيع الكل فهمه
كتبه ليل الخميس الموافق 24/10/1427هـ
الساعة الثانية فجرًا بتوقيت بيتنا ( مقتبسة من العبدان الكاتب المعروف في المساهم )
تذكر قبل سنتين إلى سنتين ونصف يوم انك ماتعرف السوق ولا حتى الاكتتاب
تذكر اكتتاب الاتصالات واكتتاب الصحراء يوم موظفي البنك شوي والا يحبون راسك بس تجي تكتتب قبل لا تصير مهازل مثل ما صار في بعض الاكتتابات .
تذكر يوم انك تروح الدوام وترجع تقيل وتقوم العصر وتروح تسير والا تلعب كورة والا تروح لمحلك اللي بالسوق والا تروح المعارض والا الاستراحة حتى يجي موعد النوم وترجع البيت وتحط راسك مرتاح حتى صلاة الفجر ( إذا أردنا النصر فلنصل الفجر ) وتقوم تصلي وتعين خير وتفطر مع العيال وتوديهم المدرسة والظهر تجيبهم .
تذكر زين يوم انك مرتاح و أمورك ماشية بالبركة وأحيانًا الراتب ما يكفي تروح تدور لك ألف ريال سلف على الراتب .
تذكر يوم انك تتابع نشرة الأخبار على القناة الأولى ويضيق صدرك إذا جاءت النشرة الجوية عفوًا النشرة الاقتصادية .
تذكر يوم انك الظهرية وانت جاي من الدوام تمر أقرب سوبر ماركت وتاخذ لك جريدة وتقرأ بتأني وإذا مريت الصفحة الاقتصادية شلتها من أساسها ، وأحيانًا تخليها سفرة .
تذكر يوم جوالك ما فيه إلا رسائل حب وعتاب وغزليات ونكت ومسوي حافظات لكل قسم قبل لا يكون جوالك محط لرسائل القروبات والتوصيات وجريدة الاقتصادية والعربية يضيقون صدرك كل شوي وانت بالعمل المؤشر يفتتح على انخفاض وأحيانًا على ارتفاع .
تذكر يوم الجلسة بالاستراحة كلها عن الكرة وعن الهلال والنصر والا فلان قال وفلان فعل
والا مسوين محللين سياسيين فاهمين وهذا طبيعنا دايم نحب نرز أرواحنا .
تذكر يوم الخميس يوم الطلعات والزيارات والكشتات قبل لا تبتلش وتقول لا فرصة ؛ ما أقدر أتابع السوق الصبح إلا يوم الخميس وباقي الأيام بالدوام .
تذكر يوم انك ما تعرف التاريخ الميلادي لأنك ما انت بحاجته أما الآن فتعرفه عشان جمعيات الشركات ونتائجها ، ونتائج الربع الأول ونتائج الربع الرابع وانت ماشي .
تذكر يوم المؤشر لا يعني لك شيئًا سواء أغلق إيجابًا أم سلبًا .
تذكر يوم انك تداوم مرتاح ولا تفكر بالطلعة إلا عشان تقيل لأنك ما نمت زين .
تذكر وتذكر و تذكر كلها ذكريات جميلة والمهم نفسية هادئة وقلب غير مشغول و فكر صافي .
تذكر أول يوم سولت لك نفسك بدخول السوق .
تذكر أول واحد تكلم لك عن السوق وعن الأرباح الخيالية اللي حصلها .
تذكر يوم تفكر بالقرض عشان تدخل السوق .
تذكر يوم تفكر تبيع سيارتك وبيتك عشان تدخل السوق .
تذكر أول اكتتاب اكتتبت فيه وخلاك تقتنع بالسوق وانه فعلاً مربح .
تذكر يوم انك تتصل على فلان وفلان عشان تسألهم وشلون التسجيل في موقع الراجحي .
تذكر أول عملية شراء وأول عملية بيع .
تذكر أول منتدى اقتصادي دخلته وقرأت فيه عن السوق .
تذكر أول توصية وصلتك .
تذكر أول مرة سمعت عن الاستثمار والمضاربة ومتى فرقت بينهما .
تذكر أول سنة مرت عليك يوم انتهى اشتراكك وشلون تجدد الاشتراك .
هذا اللي يبونه منك صناع السوق أيها المستثمر الصغير .
يبونك ترتاح وتريح يبون مايشوفون رقعة وجهك بالصالة ولا تدخل النت عشان تفتح تداول الراجحي ( الغالبية بالراجحي عشانه بنك الغلابا واللي نواياهم طيبة يبون بنك بعيد عن الربا )
يبي الصناع منك انك ترجع لحالتك الأولى وذكرياتك .
يبون منك أن تطوي صفحة من صفحات حياتك وتنساها بما فيها من مآسي وآلام .
يبون منك أن تترك السوق إلى غير رجعة .
يبون منك أن تنسى أرقامك السرية واسم المستخدم لتداولك عن طريق النت .
يبون منك أن ترجع للاستراحة وسوالف الكورة والسياسة .
يبون منك أن تعيش على ذكريات التداول .
يبون منك أن تنسى و أن تتناسى ما عرفت من مؤشرات ورسوم بيانية وشارتات .
يبون أن يبقى السوق للنخب الخاصة والمحترمة كما هو الحال مع الشركات المحترمة .
يبون السوق لهم بس بالعربي .
يبونك تفهم أن هذا ليس من حقك فهو لهم أما أنت فدخيل عليهم .
يبون يطردونك من السوق بأي طريقة وأية وسيلة ولو وصل الأمر بهم أن يوصلوا المؤشر ألف نقطة بالسالب .
هل فهمت أيها المستثمر الصغير ما يريدون ؟!!!
هل استوعبت فحوى القرارات التي يصدرون ؟
ولكن يبقى السؤال هل ستستسلم في النهاية وتترك لهم سوقهم أم أنك ستبقى غصة في حلوقهم .
كتبه ابو راكان بلهجته العامية ليكون موضوعًا شعبيًا يستطيع الكل فهمه
كتبه ليل الخميس الموافق 24/10/1427هـ
الساعة الثانية فجرًا بتوقيت بيتنا ( مقتبسة من العبدان الكاتب المعروف في المساهم )