رسالة إلى خادم الحرمين الشريفين

[المعتضد]

قولوا لعبدالله ترى حدنا الشيــــــــــن ******* ولولا النصيحة قبلكم ما حكينـــــــا
ياما شربنا الشين كاس(ن) وكاسيـن ******* شربة هنا، ولا عمرنالك شكينـــــا
جار الزمن وأستعمرونا القريبيــــــن ******* خانوا الأمانه وأعتدوا..ما أعتدينا
جزوا أيادي شعبكم بالسكاكيـــــــــــن ******* قلنا كفا..قالوا بعد ما أكتفينـــــــــا
وش عاد باقي من ردى الوقت بيبيـن ******* يالله سترك... أشهد إنا أبتليـــــــنا
قولوا لبو متعب غدى الهم هميــــــن ******* أحذر تصدق هرجة الكاذبينــــــــــا
اليوم جمعتهم تبي تسمع الزيـــــــــن ******* والشاهد الله منهم مكتوينــــــــــــا
باعوا وصفوا والمرابح بلاييــــــــــن ******* لجل (التجارة) شبوا النار فينــــــا
أفزع ترى شعبك بلاكم مساكيــــــــن ******* ولولا شموخك سيدي ما أنتخينـــا

محبكم
المعتضد

[ابوجهاد]

صح لسانك...

[Sky]

صح لسانك يالاجودي

عزالله انها ابيات جزله وماهي بغريبه عنك يالمعتضد

لك اسمى التحيات

[برق الحيا]

احسنت وصح لسانك

[جــــــاسي]

صح لسانك ب

[شت داون]

أفزع ترى شعبك بلاكم مساكيــــــــن ******* ولولا شموخك سيدي ما أنتخينـــا

لافض فوك

[كحيلان]

صح لسانك كالعاده إبداع وروعه .. ولي تحفظ على مغزا القصيده وليس على جزالتها
وروعتها ... فلتسمح لي بعدم البوح بالسبب ..

[ولد صالح]

صح اللسان اللي نطق كلمةن زين ... ومثلك يعرف االامر ماهو بيدينا
والله جعل ما بين عسرن بيسرين .... وملوكنا يالمعتضد منا وفينا
لكن طلع للشعب ناس ن مشرين .. يا يوقعون الشروالغل فينا
قولو لهم ياناس ما اناب سهلين ... وحب السعودوولفهم محتوينا

[المكيرش]

ميرسي

يسلم تمك

[القادم من بعيد]

ودى تقولها بحضره الملك ابو متعب يحب القصيد

[القادم من بعيد]

ااااااااااااااااااااااا

[القادم من بعيد]

اااااااااااااااا

[البهلال]

قولوا لعبدالله ترى حدنا الشيــــــــــن ******* ولولا النصيحة قبلكم ما حكينـــــــا
ياما شربنا الشين كاس(ن) وكاسيـن ******* شربة هنا، ولا عمرنالك شكينـــــا
جار الزمن وأستعمرونا القريبيــــــن ******* خانوا الأمانه وأعتدوا..ما أعتدينا
جزوا أيادي شعبكم بالسكاكيـــــــــــن ******* قلنا كفا..قالوا بعد ما أكتفينـــــــــا
وش عاد باقي من ردى الوقت بيبيـن ******* يالله سترك... أشهد إنا أبتليـــــــنا
قولوا لبو متعب غدى الهم هميــــــن ******* أحذر تصدق هرجة الكاذبينــــــــــا
اليوم جمعتهم تبي تسمع الزيـــــــــن ******* والشاهد الله منهم مكتوينــــــــــــا
باعوا وصفوا والمرابح بلاييــــــــــن ******* لجل (التجارة) شبوا النار فينــــــا
أفزع ترى شعبك بلاكم مساكيــــــــن ******* ولولا شموخك سيدي ما أنتخينـــا

محبكم
المعتضد



السلام عليكم ورحمة الله


ظلم القريييب يقسم القلب نصفين *****و اللي نشوفه كننا في كمينا
و اللي نشوفه كنها يوم صفين ***** قرييبنا نبغي و يبغي علينا
كلما رقعنا شق ينبان شقين ***** و كلما فتلناه انقطع في يدينا
واليا شكينا كف يمسح ابكفين ***** ياليتنا من حجنا سالمينا

=====================================
نرجي الفرج من ربنا يوم الاثنين ***** و الا ترانا يا رفيقي قضينا
=====================================
والله لو نقصد ابيوت او دواووين ***** لسان حال اربيعنا ما درينا

امشي وفوقي من غثا الوقت طنين ***** يالمعتضد ما عاد تفرق علينا

و السلام عليكم ورحمة الله

[الارهابى]

والله رائع

وانت يالبهلان سريع في الرد
شاعر كبير يالبهلان

[المشارك]

اكثر من رائع
صح لسانك

[محمد سعيد]

هناك برنامج مباشر فى اذاعة الرياض اليوم الاثنين الساعه10.30 ليلا يقال ان الملك يتابع هذا البرنامج واذا كان مشغول يتم تسجيل الحلقه له ويقوم بالاستماع بعد ان يفرغ من اعماله وهاتف البرنامج المجانى 8002442828
اتمنى ان اسمع قصيدتك يالمعتضد فى هذا البرنامج والا ترى يمكن اتلقف واقولها نيابة عنك والله يحفظك و تسلم لمغليك

[المعتضد]

الأخوة الكرام:

أبو جهاد
صح بدنك. جزاك الله كل خير وبركة.

عبدالعزيز الثابتي
صح بدنك.. الله يحييك ويبقيك.

برق الحيا
صح بدنك. جزاك الله كل خير وبركة.

جاس
صح بدنك. جزاك الله كل خير وبركة.

شت داون
صح بدنك. جزاك الله كل خير وبركة.

[ماكـرو]

صح لسانك يا شاعر المنتدى

[بروكر]

صح لسانك ياشيخ

بروكر

[الرويلي]

صح لسانك يا شاعر المنتدى

[عمار]

صح لسانك ياشاعر

[المعتضد]

الأخوة الكرام:

كحيلان

جزاك الله كل خير وبركة. " لكل شيء إذا ما تم نقصان " وما أكثر النقص فيما أكتب، ولعلي أجد منكم جميعا العذر. بارك الله فيك وأحسن لك دنيا وآخرة.

ولد صالح
جزاك الله كل خير وبركة. مبدع كالعادة.

المكيرش
جزاك الله كل خير وبركة.

القادم من بعيد.

والله لو تحصل ما أتردد أبد. فالنية صادقة، والهدف ، ولا أزكي نفسي على الله "إن النفس لأمارة بالسوء إلا من رحم ربي"، وقلب أبو متعب يتسع للجميع فهو الملك الإنسان القريب من المظلومين. حفظه الله من كل شر ورزقه كل خير.
جزاك الله كل خير وبركة وأحسن لك دنيا وآخرة.

[القارئ]

تـرى القـصيده جـمعت الـيوم همين **** قـلـب كـســيــر وهـــم بــه ابــتـلـينا
قـلب سـلـبه صـاحـبي كـامـل الـزين **** شـفـته بـذاك الـصــبـح بـربـاع لـينا
قلبه عطوف ويسرقك سرق بالـعين **** يـامـا بـصـحبــته ضـحـكـنـا وسـلـينا
والـيوم هـمي زايـدن حـمله ثـقـلـين **** بأسباب سوق(ن) سالب(ن) مالقينا
سـوق أخــذ صـافـي الـربـح والـدين **** يـامــا زرعــنـا ولا يــوم(ن) جـنينا
قــالـوا نـصحـح حـيل هـم مـتـمـنـين **** لـدروب (الجات) قـالـوا حـنا سرينا
تـبي الـنـصـيحه اتـرك الـهـم ألـحين **** واربـح ونـاسـه عـنـد عالي الجبينا

[ولد نجد2006]

بيض الله وجهك يالمتعضد

وقصيدة جزله من رجل جزل

[أبورانيا]

صح لسانك طال عمرك وهذي هديه

http://www.gokingdom.com/king.jpg

[كلاسيكي]

لا حياة لمن تنادي

[ghenaim]

--------------------------------------------------------------------------------

وقولوا لابو متعب ترى الشعب طفران=== والحاشية حولك تراهم كلوهم
فى السوق يضرب وجه مفلس وخسران=== ويرفى لمن يتغر حسابه دراهم
غرقان بالبحرى ولانيب هانى وفرحان ===تكفىيا ابو متعب فتش وراهم

[steve smith]

قولوا لبو متعب ترى الشعب مقهـور ** ياخـادم البيتيـن امسـك عصـاهـا

ضاعت فلوس الناس مع كـل هامـور ** ومثلك يعرف البير ويعـرف غطاهـا
من سي لاسوأ وبين عاثـر ومعثـور ** وسهمك 0وهو سهمك رموه بخلاهـا!
كيف اشكي العله علـى كـل دكتـور ** والطب عندك وانـت تعـرف دواهـا
ماخافـو الله خالـق النـار والـنـور ** حتـى الأرامـل شاركوهـا بعشـاهـا
ياقلبـي اللـي فيـه نيـران وحـرور ** ضاقت علي دنيـاي وسكـر فضاهـا
سوقك بلون الـدم باسبـاب مغـرور ** يضغط علـى سابـك وكسـر يداهـا
في عشر اواخر نرجي الذنب مغفـور ** قامـوا علينـا قومـة ٍ مـا وراهــا
واعمار صارت دمهـا اليـوم منثـور ** وخاب الرجاء باعمار واللـي رجاهـا
ياما بنينـا فوقهـا ابـراج وقصـور ** وراحت سدى والسوق دحـدر معاهـا
كم شاب قال ابغى اتزوج مـن الحـور ** وافلس وبيره جف مـا شـاف ماهـا
وكم راعي أسره أصبح الصبح مفقور ** العيـد بكـره واسرتـه مـا كساهـا
وقمت اتفكر وادرس الـراي والشـور ** قلت ازبن لصقر العروبـه .. ذراهـا
بكلمه تجي من عنده اليـوم مسـرور ** والسوق يرجع عشب يـروي ظماهـا
يادرعنا لا صـار بالكـون عاصـور ** كم صرخـة ٍ للنـاس تسمـع صداهـا
يالحر 00 يابن الحر 00 والحر مخبور ** قاد الحـرار الشامخـه فـي سماهـا
ما يلحقك يا سيـدي شـك وقصـور ** لكـن رسالـه ياصـلـك محتـواهـا
انـك ابونـا والرجـا فيـك موفـور ** عدلـك شمـل كـل الديـار وغشاهـا
جوني يعزوني على السـوق ماجـور ** قلـت البقـا بالشيـخ يطفـي لظاهـا
ويرد لون السوق عشبـي ويخضـور ** مثـل علـم دار السعـود وصفـاهـا
خيرك عميم وشاكر النـاس مشكـور ** ومـزن الحيـا عـم البـلاد وسقاهـا
انت الرجا بعد الولـي تدفـع الجـور ** واسلم عساك تـدوم وتحمـي حماهـا
منقول لا أعرف قائلها

[Bluetooth]

صح لسانك -------------------

[المعتضد]

الأخوة الكرام

البهلال
رائع كعادتك دائما. جزاك الله كل خير وبركة.

الإرهابي
جزاك الله كل خير وبركة

المشارك
جزاك الله كل خير وبركة

محمد سعيد
ليتني أستطيع فعل ذلك. على العموم أتمنى أن تكون قد وصلتها من خلال البرنامج وإلا عليك أن تحاول في الأسبوع القادم بإذن الله. جزاك الله كل خير وبركة.

الجبسة
جزاك الله كل خير وبركة

بروكر
جزاك الله كل خير وبركة

الرويلي
جزاك الله كل خير وبركة

[مدرعم في الاسهم]

ياكثر ما في دارنا من صهايين ===== صهيوننا ياخوي منا وفينا
يخسون ماهم ياصديقي مسلمن ===== حنا نعرف اخواننا المسلمينا
اما هذولي كلبوهم ملاااااعين ==== المجرمين لدينهم خاينيناااااا
ياكل حلالك وانته تشوف بالعين ==== تقول مسلم قال لك وش علينا
ياربنا تنصر ضعوف(ن) مساكين ==== جداهم الدمعه وفرك اليدينا


اخوووووووووك مدرعم في لاسهم

[ولد صالح]

واليوم زادونا على الصاع صاعين .... ضرب ن على الهامه بعدها بكينا
ياشيخ قوم ن فاتحين الدواوين ......... اضرب على الكايد ترانا قضينا
معرف راع الشر وغرابه البين ..... اللي نقض عهدك ولا هو امينا
يستاهل التحقيق والحق له عين .... ارسلهم زيزوم مخلص ذهينا
واللي بلي ذا اليوم الله له معين .... يحرص على السنه ويكتم ونينا

[ولد صالح]

ياكثر ما في دارنا من صهايين ===== صهيوننا ياخوي منا وفينا
يخسون ماهم ياصديقي مسلمن ===== حنا نعرف اخواننا المسلمينا
اما هذولي كلبوهم ملاااااعين ==== المجرمين لدينهم خاينيناااااا
ياكل حلالك وانته تشوف بالعين ==== تقول مسلم قال لك وش علينا
ياربنا تنصر ضعوف(ن) مساكين ==== جداهم الدمعه وفرك اليدينا


اخوووووووووك مدرعم في لاسهم
ابنصحك يا صاح والله لنا معين .... أحذر من التكفير وخلك فطينا

[ولد صالح]

البارحه مريت في حارة الزين .... جرتني الذكرى وشوق وحنينا
بين العماير شامخ بيتنا الطين ... بالسطح نركض به ولا فيه شينا
نشري الا جا الصبح خبزبقرشين .. وناكل الطََراف ونقول زينا
نوب ن غدانا رز ونوبن كراعين ..... وقبل العشاء فول وبعده سرينا
الراس فاضي ما حمل ثقلة الدين ... والبال مرتاح ولا به ضغينا
واللي شرا له سيكل اربع وعشرين .. عزا الله انه ما لك ن له ثمينا
واليوم شوفة عينكم يالملايين .... كثرة مشاكلنا وقمنا وهوينا

وسامحونا

[صدى طويق]

صح لسان الجميع

[ولد صالح]

صدى طويق خابرك شاعر