عزني في سوقنا و اقبل عزاك ***** راضي(ن) باللي كتب رب(ن) حكيم

[البهلال]

السلام عليكم ورحمة الله
باغلاق اليوم يكون سوقنا تجاوز الكثير من قيود النزول النفسية و الفنية
و اصبحت بعض القيم الفنية في مناطق تشبع بيع
مثلا لدينا القيم التاليه لمؤشر السوق tasi
rsi(15)=27.62
cci(14)=-179
و المحير ان مؤشر السيوله بازدياد (mfi )
يوجد صور لاكن لا اعرف ارفعها للمنتدى
(محلل فني على غفله) http://www.thegulfbiz.com/images/icons/icon10.gif

ودوكم هذي مع التحليلhttp://www.thegulfbiz.com/images/icons/icon12.gif


عزني في سوقنا و اقبل عزاك ***** راضي(ن) باللي كتب رب(ن) حكيم
منتدانا اسعد المولى مساك *** و الخدود مرطبه و الجو غيم
ما تغزلنا بها غصن الاراك **** و لا تمنينا الجواري و الحريم
================================
سوقنا كله شباك(ن) في شباك ***** ما سلم منه عليم و لا غشيم
يا سهم منهو يبيعك من شراك **** ما عرفنا لك طريق(ن) مستقيم
الحمر يا سوقنا كله كساك *** و المصايب بدها صاير عميم
قبلتين(ن) من شفاهه في شفاك *** قبلت(ن) للموت و الله الرحيم
=================================
يذبحون ابلا سلاح و الا عراك **** منهو اللي طالع(ن) منهم سليم
من شقاي و من شقاه او من شقاك *** يا خذونه من جديد او من قديم
يا هوامير الفلس ما من فكاك **** الوعد في يوم و المشهد عظيم
==================================
الولاده يسبقه دايم حراك **** و الطفل لا طاح ما ينزل فطيم
الخلايق تنصرع مامن حراك **** و العطب لا حل يثر بالسليم

آه يا مسئول وشبك وش دهاك *** ما تشوف اللي نشوفه ياسليم
كل ما يحصل و لا كنه عناك **** كلنا في ذمتك و انت الخصيم
=================================
=================================
للولي ما ياخذه و اللي عطاك **** كلنا في دبرة الرب الرحيم
رحمتك يا رب فيمن هو رجاك **** ياكريم و يا كريم و يا كريم
وعزني في سوقنا و اقبل عزاك ***** راضي(ن) باللي كتب رب(ن) حكيم
و السلام عليكم

اخوكم البهلال
ابو ابراهيم

[ابن بطوطة]

يقول الرسول صلى الله عليه وسلم في الحديث الصحيح:
(( من أصبح آمناً في سربه ،
مــعـــافـــىً فـــي جــســده ،
عــنــده قــــوت يـــومــــــه ،
فكأنما حيزت له الدنيا بحذافيرها ))

رواه الترمذي وابن ماجه والبخاري في الأدب المفرد

[كحيلان]

الله الله يالبهلال وصح لسانك .. سواء بالقصيده أو التحليل ...
ماشاء الله عليك على هالروح الطيبه ... ولاتحرمنا من هالإبداع اللي ينسينا هم السوق ولو بإستراحة المنتدى ...