█----█ فوت الربح ولا الخسارة قبل العيد █----█ [الأرشيف]

ابن بطوطة

11-10-2006, Wed 3:15 AM

يمكن تزعلون علي لكن من باب النصيحة وانا في السوق بنسبة 70% استثمار ..
لكن الله يسامح كل من بيخطئ عليّ ..
هذا ماقاله الخبير هوب عن الاسبوع القادم:

السلام عليكم ورحمه الله وبركاته

الاسبوع الماضي:
شهدنا أستغلال لخبر أعمار والهبوط بالسوق للتجميع في بعض الشركات والمتوقع لها اخبار ايجابيه مع نهايه الربع الثالث + بعض شركات المضاربه

الاسبوع الحالي:
تم تداول أعمار وبدأ السوق يمتص هذا التداول تدريجيا وبدأت الاخبار الايجابيه في التوالي وسهم الراجحي خير مثال على ذلك ولهذا اتوقع ان يستمر رفع السوق مع جني ارباح بين الحين والاخر لتصريف الاسهم اللتي تم جمعها بأسعار اعلى من متوسطات شراء الاسبوع المنصرم

الاسبوع القادم (بأذن الله) :
سنصل الى الاسعار المستهدفه للكثير من الشركات اللتي تم التجميع بها الاسبوع الماضي وسيتم التدوير لخروج السيوله الذكيه من السوق للاسباب الاتيه:

* أصحاب روؤس الاموال الكبيره لن يتركوها على شكل اسهم لمده 10 ايام (فتره اجازه عيد الفطر المبارك) فمن لديه المليارات سيحرص على نقلها الى مكان اخر (ذهب - نفط - اسهم عالميه - الخ الخ) لكي تستمر في ادخال ارباح له خلال هذه العشر أيام

* اصحاب روؤس الامول الكبيره لن تكون لديهم الجرأه على ابقاء ملياراتهم على شكل اسهم لمده عشر ايام لان رأس المال جبان وهم يريدون ان تكون عامله في تجاره ما ولكن في نفس الوقت تكون جاهزه للتسييل في اي لحظه بسبب أي ضرف سياسي عالمي سيء (لا سمح الله)

* أصحاب روؤس الاموال الصغيره ربما يحتاجون جزء من سيولتهم (صغار المساهمين) كمصاريف العيد وخلافه ولذلك ربما يسيلون بعض اسهمهم

* بعد العيد ان شاء الله سنبدأ فتره التداول الواحده وهي شيء جديد في السوق ومصدّر تخوف لدى الكثيرين من رده فعل السوق تجاه هذه التجربه

الخلاصه: اتوقع استمرار ارتفاع السوق مع جني ارباح بين الحين والاخر ومن ثم بدء خروج السيوله من السوق من يوم الاحد القادم 23/9/1427 ( + - يوم ) وبعدها سيبدأ السوق في الهبوط من جديد الى ان نبدأ في التداول بعد العيد ان شاء الله - وهناك لكل حادث حديث - ولهذا يجب ان نراقب كميات التنفيذ ونراقب قيمه هذه الكميات كل يوم فربما سنلحظ ارتفاع تدريجي لها وعندما نصل الى 26 مليار او اعلى (وتكرار ذلك ليومين او ثلاثه) فستكون اشاره للخروج من السوق بالنسبه للمضاربين

هذا رأيي ولكل رأيه

ملاحظه : لابراء الذمه ... انا 100% أسهم هذه اللحظه

تحيتي
هووووب
الاحد 16 رمضان 1427 بين الفترتين
http://www.thegulfbiz.com/showthread.php?t=227788

ابن بطوطة

11-10-2006, Wed 3:31 AM

اثقل موضوع لي .. لكن وش نسوي
فوت الربح ولا الخسارة

عنيد

11-10-2006, Wed 4:04 AM

اعتقد ان الخروج من الخشاش قبل الاجازة قرار صائب
وبعد العيد لنا عودة انشاء الله

مليون

11-10-2006, Wed 4:12 AM

ولاتنسى اخي الكريم تاريخ 23-10 وهو اخر مهله للشركات.والتاريخ يعيد نفسه باسلوب اخر واسماء اخرى.
قرار مجلس الهيئة بتمديد المهلة الممنوحة للشركات لتصحيح أوضاع استثماراتها 2006-06-24 19:02:58قرر مجلس إدارة هيئة السوق المالية اليوم السبت 24/06/2006م تمديد المهلة الممنوحة للشركات المساهمة المدرجة في السوق التي تستثمر في الأوراق المالية لمدة ثلاثة أشهر إضافية تنتهي بـتاريـخ2006/10/23م لتصحيح أوضاع استثماراتها في الأوراق المالية وفقاً لقرار مجلس الهيئة رقم 5-126-2006 .

MONARCH

11-10-2006, Wed 8:29 AM

جزاك الله خير يابن بطوطه على التذكير بما قاله أخونا الغالي هوووب ..
ووجهة نظره محل التقدير و الأخذ بعين الاعتبار ..

ابن بطوطة

11-10-2006, Wed 5:27 PM

لا مجال للعواطف في سوق الأسهم

محمد الفاتح

11-10-2006, Wed 5:31 PM

لا مجال للعواطف في سوق الأسهم
احلى حكيم:)

mhamd

11-10-2006, Wed 6:10 PM

طيب ما سالت نفسك شلون بيصرفون لازم يرفعون السوق السبت والاحد للتصريف
اذا خروج للمضارب يوم الاحد او مع افتتاح الاثنين

سليمان الطلق

11-10-2006, Wed 6:16 PM

لا تعليق ... !!!

على كلام جورج ساروس

برق الحيا

11-10-2006, Wed 6:16 PM

ذهب ،نفط
حلوه منك يابن بطوطه

ابن بطوطة

11-10-2006, Wed 6:19 PM

طيب ما سالت نفسك شلون بيصرفون لازم يرفعون السوق السبت والاحد للتصريف
اذا خروج للمضارب يوم الاحد او مع افتتاح الاثنين
ين الحلال وانت تحسب وقت الخروج يوم الاحد موعد الوقوف بعرفه ..؟؟
الحرب خدعة .. وصغار المساهمين الله يكون في عونهم إذا تعطل تداول البنوك طبعا اول واحد ابو رويجح طبيعي البستم(على قولت سكرتي البنك) عطلان ..
الهوامير إذا عُطلت البنوك لهم تنفيذ خاص عن طريق مؤسسة النقد ..
يعني كنه يتمشى في حديقة بينما العالم في حالة هستيرية وسب وشتم وكلن يبكي على ليلاه ..

ابن بطوطة

11-10-2006, Wed 6:22 PM

ذهب ،نفط
حلوه منك يابن بطوطه
وانت احلى يا نبض الحياة .. وش يقرب لك القلب ..؟؟

ابن بطوطة

11-10-2006, Wed 6:23 PM

لا تعليق ... !!!
على كلام جورج ساروس
منهو جورج يا بو سليمان ..

سليمان الطلق

11-10-2006, Wed 6:44 PM

ابن بطوطة سلم لي على مضارب بيشة

---------
وش رايك بالكميات اللي قحشها على -257-259 260-261

يستاهل ندخل معه مره ثانيه ولا لا

وهل تتوقع مضارب بيشة يسحب فلوسه ويروح يضارب في نفط وذهب وبطيخ ومشمش

والله يعلقونه مع كراعينه
لأن كل سوق مال له سياسه وسلوك معين
وإدارة الاموال في أسواق متعدده تفقدك التركيز وأسألو أصحاب المحافظ الكبيرة سواء في أسهم وعملات وذهب وغيره
حتى فيه محافظ بنوك تتعلق في مثل هالشغلات

مو مضاربين عندهم سوق على كيف كيفهم لا هيئة مال ولا غيره
------------------
على كل حال المضاربين الكبار مجمعين بأسعار رخيصه بالخشاش والله لو تجيء حرب ما توصل أسعارهم إلا أن يشاء الله

والمحافظ الكبيره ما تفكر للتصريف في يوم ولا يومين ولا شهر يفكرون لسنه قدام خاصه اللي مستحوذين على كميات كبيره في أسهم الخشاش

لكن المضاربين الصغار الله يرحم حالهم يفكرون بيومهم

اللي مثلي ومثلك
وتقبل تحياتي وتحيات جورج ساروس

رحال

11-10-2006, Wed 7:00 PM

ابن بطوطه معقوله ما تعرف ابن ساروس تراه هامور معنا في المنتدى :d

mshari

11-10-2006, Wed 7:51 PM

يمكن تزعلون علي لكن من باب النصيحة وانا في السوق بنسبة 70% استثمار ..
لكن الله يسامح كل من بيخطئ عليّ ..
هذا ماقاله الخبير هوب عن الاسبوع القادم:

http://www.thegulfbiz.com/showthread.php?t=227788

اولا جزاك الله خير على النصيحة
ثانياً اسمحلي بعد اذنك طبعا ابي اكرر العبارة ... اولا 60 مره في هذا الموضوع الخاص بك كي استطيع ان اراسل بقية الأعضاء على الخاص .. تسمحلي .

akash

11-10-2006, Wed 8:01 PM

كلام سليم .
حلو الواحد يعيد وفلوسه معه واذا رجع السوق بعد العيد رجع

حبيب الاسهم

11-10-2006, Wed 8:08 PM

السوق غير مريح ابدا

والسيولة في تناقص

والحذر واجب

بارك الله بكم

الكافي

11-10-2006, Wed 8:18 PM

خلك عاقل السوق اليوم اكثرشركاته منسب لا تنسى اكثره منسب

و تبي تشوف بعينك هذا وان كان ذالك صحيح ابقولك من اللي قالي شخصيا

وهوشخص صدقيني اني ضاعفت راس مالي اكثر من 3 مرات بسبب مكالماته

لي لاتنسى اليوم19_9_1427قبل افتتاح الفترة المسائية ولنا لقاء فخلك

عاقل واترك فلوسك بالسوق

ابن بطوطة

12-10-2006, Thu 12:23 AM

ابن بطوطة سلم لي على مضارب بيشة

---------
وش رايك بالكميات اللي قحشها على -257-259 260-261

يستاهل ندخل معه مره ثانيه ولا لا

وهل تتوقع مضارب بيشة يسحب فلوسه ويروح يضارب في نفط وذهب وبطيخ ومشمش

والله يعلقونه مع كراعينه
لأن كل سوق مال له سياسه وسلوك معين
وإدارة الاموال في أسواق متعدده تفقدك التركيز وأسألو أصحاب المحافظ الكبيرة سواء في أسهم وعملات وذهب وغيره
حتى فيه محافظ بنوك تتعلق في مثل هالشغلات

مو مضاربين عندهم سوق على كيف كيفهم لا هيئة مال ولا غيره
------------------
على كل حال المضاربين الكبار مجمعين بأسعار رخيصه بالخشاش والله لو تجيء حرب ما توصل أسعارهم إلا أن يشاء الله

والمحافظ الكبيره ما تفكر للتصريف في يوم ولا يومين ولا شهر يفكرون لسنه قدام خاصه اللي مستحوذين على كميات كبيره في أسهم الخشاش

لكن المضاربين الصغار الله يرحم حالهم يفكرون بيومهم

اللي مثلي ومثلك
وتقبل تحياتي وتحيات جورج ساروس
كلامك على العين والراس .. وترى بيشة فوق السوق وحاجة ثانية .. يعني لو يصير سعرها سالب 50 ريال ترتد بأذن الله .. واللي يعرف سرها يكسب خيرها بأذن الله ..هذا شئ .. وإذا تبي خبرها عند خالد العمار ..

والشئ الاخر .. معظم اللي يتابعون موضوعي ويردون مساهمين حالهم مستورة .. وكلامي موجه لهم بالدرجه الاولي .. والكبار والهوامير ماكو خوف عليهم ..

والشئ الاخير انت يبو سليمان نعمه على المنتدى الله يبارك فيك ..

ابن بطوطة

12-10-2006, Thu 12:25 AM

ابن بطوطه معقوله ما تعرف ابن ساروس تراه هامور معنا في المنتدى :d
لو تكرمت يا عسل عطني اسمه على الخاص .. بليز

ابن بطوطة

12-10-2006, Thu 12:29 AM

اولا جزاك الله خير على النصيحة
ثانياً اسمحلي بعد اذنك طبعا ابي اكرر العبارة ... اولا 60 مره في هذا الموضوع الخاص بك كي استطيع ان اراسل بقية الأعضاء على الخاص .. تسمحلي .
الله يحييك يا حلو .. مافهمت الملون بالاحمر ..

ابن بطوطة

12-10-2006, Thu 12:36 AM

كلام سليم .
حلو الواحد يعيد وفلوسه معه واذا رجع السوق بعد العيد رجع
وخاصة من المساهمين الصغار ..
شف اليوم الاربعاء 18 /9/1427هـ .. الله يكون في عون من تعلقو .. والمشكلة عالم توصي ..!!!

ابن بطوطة

12-10-2006, Thu 12:43 AM

السوق غير مريح ابدا والسيولة في تناقص والحذر واجب بارك الله بكم
الله يكون في عون من أخذ التوصيات وطمع ..
ريال ريالين نعمه .. واطلع ..وهكذا دواليك ..

ابن بطوطة

12-10-2006, Thu 12:49 AM

خلك عاقل السوق اليوم اكثرشركاته منسب لا تنسى اكثره منسب
و تبي تشوف بعينك هذا وان كان ذالك صحيح ابقولك من اللي قالي شخصيا
وهوشخص صدقيني اني ضاعفت راس مالي اكثر من 3 مرات بسبب مكالماته
لي لاتنسى اليوم19_9_1427قبل افتتاح الفترة المسائية ولنا لقاء فخلك
عاقل واترك فلوسك بالسوق
الخبر ما ترى لا ما تسمع ..

ابن بطوطة

15-10-2006, Sun 11:18 AM

الله يكون في عون من تعلقو ..

سليمان الطلق

15-10-2006, Sun 11:40 AM

ابن بطوطه ,,,
وين كلامك عن اللي يكتبون مثل كذا
وإذا جاء هبوط رفع موضوعه وقال قايل لكم
هذي كلمتك وإلا انا غلطان لا تزعل مني

ابن بطوطة

15-10-2006, Sun 11:46 AM

ابو سليمان ..جزاك الله خير ..
انا حذرت الاسبوع الماضي من اجل مصلحة احبابي ..
وكلامك صحيح المفروض ما ارفع موضوعي لكي لا ازيد الطين بله ..
ووالله اني 70 % في السوق مستثمر وخسران وما ني طالع ..
واعذروني احبابي ..

ابن بطوطة

15-10-2006, Sun 1:52 PM

معليش شباب فيه ناس الله يسامحهم تتهمني بأني ما عندي سالفة ومواضيعي كلها سراب وكلام فاضي ..
طيب وش رائيكم بموضوعي هيدا ..؟؟

توصيه_خير

15-10-2006, Sun 2:08 PM

ابو سليمان ..جزاك الله خير ..
انا حذرت الاسبوع الماضي من اجل مصلحة احبابي ..
وكلامك صحيح المفروض ما ارفع موضوعي لكي لا ازيد الطين بله ..
ووالله اني 70 % في السوق مستثمر وخسران وما ني طالع ..
واعذروني احبابي ..

هذا الكلااااااااااااااااااام
اللي يجمد على الشارب
منت طالع بخساره
ولاحنا طالعين بخساره

لك تحياتي